Thursday, October 21, 2010

වෙළඳ සිරි.....

මා එකල පාරේ වැඩ බිමක අධීක්ශක වරයෙක් විය..දිවා ආහාරය ගෙන විවේකය ගත කිරීමට ස්ථානයක් නොවූ හෙයින් වැඩට යොදාගන්නා බූම් ට්‍රක් රියම මගේ විවේක ස්ථානය විය..එම අවස්ථාවේ පාරේ විවිධ බඩු රැගෙන වෙළඳාමේ යෙදෙන සෙල්ස් මන් වරු කිහිපයක් හමු විය..ඔවුන් ලඟ තිබූ විදුලි පන්දමක් සහ පිහියක් මට සහ අපේ කොන්ත්‍රාක් සමාගමේ රියදුරුට දුන් නමුත් ඔහු විසින් සහ මවිසින් ඒ පිළ්බඳ උනන්දුවක් නොදක්වන ලදී..ඔවුන් ස්මඟ ගැහැනු ළමුන් කීප දෙනෙකුත් සිටි මුත් මා හට පිහියා විකිනීමට ආවේ පිරිමි ළමයෙකි..
ගෑනු ළමයි වෙලත් ගෙදරට වෙලා ඉන්න බැරි හැටි..මම කීවෙමි
රියදුරු: මහත්තය ඔය කෙල්ලො ගොඩක් ඉගනගතපු අය සමහරු උසස් පෙල පවා හොඳට පාස්වෙලා ඉන්නෙ..සමහර විට ගෙවල්වල අය හිතන් ඉන්නෙ ලස්සනට ඇඳන් ආවම හොඳ තැනක කියල..
මා: ඔව් ඉතින් අද ජොබක් හොයාගැනීම මනුස්ස ආත්මයක් ලැබීමටත් වඩා දුර්ලභ වෙලා නෙ...
රියදුරු: ඒත් මහත්තය ඔය කෙල්ලො තමා අමාරු කාරියො..ඕකුන් යන්නෙම නැහැනෙ..
පහුගිය දවසක මම කඩවත වැඩ කරද්දි කෙල්ලෙක් හමු උනා..මේ වගේම පිහියක් අරගෙනඉතින් හදපු රට කැපෙන කැපීම ගොඩක් දේවල් කන පිරෙන්නම කිව්ව..ඒක කිචන් ක්නයිෆ් එකක්ලු..ඒ පාර මම කිව්ව ඉතින් මට මොකටද කිචන් ක්නයිෆ් කියල..එහෙනම් මේක මහත්තයගෙ නෝනට ගිහින් දෙන්න කියල මේ කෙල්ල කියපි...මම කිව්ව මම බැඳලත් නෑ කියල..ඒ ගමන මේකි කියනව බැන්දත් නැතත් මේ වාගෙ එකක් බොහොම වටිනවනෙ අනික මේ වගේ ප්‍රයිස් එකකට...
රියදුරු: හා!!! එහෙනම් පිහියට දෙකක් ගන්නම් නංගි මාව බඳිනවද???
ඉන්පසු කෙල්ල ගියේ කොහේදැයි සොයාගත නොහැකි වූ බව ඩ්‍රය්වර විසින් පවසන ලදී...

මම: ඉතින් ඔය මිනිස්සු කන චාටරේක හැටි උදේ ඉඳන් හවස් වෙනකල් හරියට කෑමක්වත් නැතිව...ටෝච්,,බැටරි,,පිහි,,ඉලෙක්ට්‍රික්බඩු,,ඉතින් ඔව්වයෙන් කොහොම් ජීවත් වෙනවද මන්ද මේ අපිට නිකනුත් 1000ක් 2000ක් ගත්තත් දවසට බදි කොට....අනික මම පත්තරවල දැකල තියෙනව සමහරුන්ට 40000ක්50000ක් පඩි දෙනව කියල...මොන බොරුද ඕවයින් කොහෙද ඒ තරන් ලාබ...
රියදුරු: නැහැ ඔව්වයින් තියෙනව අපි හීනෙන්වත් හිතන් නැති ලාභ...ඔය කෑල්ලක් වැටෙන්නෙ බොහොම අඩු ගානට මුන් ඔව්ව පිටරට ඉඳල ගෙන්නන්නෙ හරිම අඩු ගානට...අනික මේ ගොඩක් එව්වයෙ නම හොඳ එකක් තිබුනට ඒව බොරු....
මම: ඔව් මමත් අහල තියෙනව පිටකොටුවෙ රුපියල් 12ට තියෙන සීඩී 1ක් ලංකාවට ගෙන්නන්න යන්නෙ රුපියල් 2ක් වගෙ ගානක්ලු නේද...
රියදුරු: මම ඒකනම් දන්නෙ නෑ..මහත්තය දන්නවද ඔය සින්ගර් එකේ තියෙන මැශින් ඉදිකටුවක් කීයක් වෙනවද කියල....
මම:හරියට දන්නෙ නෑ රුපියල් 30-40ක් වෙයි...සමහරවිට
රියදුරු: ඕකම ඔය විදිහටම ගත හැකි රුපියලක්වත් යන්නෙ නැතිව සත හැත්තපහකට විතර,,,නම ලාංඡන සයිස් එක ඔක්කොම එක්ක...
මම:නෑ..වෙන්න බෑ....බැරිනෑ බොස් ඒව තමා මොලෙන් දෙන වැඩ....
රියදුරු: සමහරවිට අහල ඇති කඩෙන් ගන්න සමහර බ්ලේඩ්,,රේසර් කැපෙන්නෙ නෑ කියල....
මම:ඔව්..අපේ තාත්තත් සමහර දවසට අලුත් බ්ලේඩ් අරගෙන කැපෙන්නෙ නෑ කියල බනිනව පලු යන්න....
රියදුරු: සාමාන්‍යයෙන් ගිලට්,බික් වගේ එකක් රේසරේ රුපියල් 25ක් විතර වෙනවනම් මුදලාලිට 22ට ඒජන්ට්ල දමනවනම් වෙන අය ඉන්නව රුපියල් 15ට දමන අය..ඉතින් ඒ වගේම ලේබල පාට මාක් කවර ඔක්කොම හරි නිසා මුදලාලියත් මේ අලුත් ඒජන්ට් කෙනාගෙන් බඩු ගන්න ව...සමහර මුදලාලිල දන්නව හොර ඒව කියල ඒත් ලොකු කුට්ටියක් වැටෙන නිසා ගන්නව...
මම මේ නිකම් කියනව නෙමෙයි..මෙහෙට එන්න කලින් මගේ මස්සිනයි මමයි තව දෙන්නෙකුයි එකතුවෙලා කරේ ඒ වගේ වැඩ තමයි...සමහර වෙලාවට මෝඩ මුදලාලිල රුපියල් 5ට දමන බ්ලේඩ් රුපියල් 2ට විතර දැම්මම ගන්නව පොරි හැලෙන්න ..උන් හිතන්නෙ අල ලූනු ගානට මිනිස්සු රේසර් ගන්නව කියල...අපේ මස්සිනා කියනව සමහර වෙලාවට මුන්ගෙ රැවුල් බලන් ඉද්දි ඇදෙන්වද කොහෙද කියල...ඔය වගෙ මහ ගොඩක් ගන්න අයට අපි තෑගිත් දෙනව...
මහත්තය දන්නව ඇති අර ටිකක් දිගසයිස් අගින් කාචයක් වගේ තියෙන කෑලි ටෝච් වලට දමන බල්බ්...

මම: ඔව් අර අලුතින් එන ඒවනෙ...(සැබැවින්ම මම ටෝච් බල්බ් මිස එවැනි හැඩ බල්බ දැක තිබුනේ නැත..)
රියදුරු: ඕක හොඳ බල්බ් එක නිකන් ඒවට වඩා කල් තියෙනව..එලියත් කොලටි..
අපි දවසක් හොඳ වාසියක් ලැබිල බොනව..බාර් එකෙ...
මායි මස්සිනයි තව දෙන්නෙකුයි...මස්සිනා කාරයට පිටකොටුවෙ තම්බියෙක් සෙට් වෙලා...මිනිහ බිස්නස් කාරයලු...අපි කලින් කරේ ඇන්කර් කියෙන බල්බ් එක හොරාට ගෙන්නපු කෙනෙක්ගෙ ඩීලර්ල විදිහට...ඉතින් ඔය ඇන්කර් බල්බ් එකක් එන්නෙ රුපියල් 2ට අපිට දෙන්නෙ 8ට අපි මුදලාලියලට දෙන්නෙ 12ට..ඉතින් අලුතින් හම්බ උන තම්බියෙක් කියල මස්සිනාට බල්බ් මීට වඩා අඩුවෙන් ගන්න පුලුවන් කියල....
මේ අපි බොන බාර් එකෙ තිබුන පින්තූරයක් කෙල්ලෙක් දිය ඇල්ලක් ලඟ ඉඳගෙන කකුල් දෙක උඩට නමාගෙන ගලක් උඩ වාඩිවෙලාඅත් දෙකත් කකුල් උඩ තියන් ඔලුවත් බිමට නමාගෙන අත් දෙක අස්සෙ දමාගෙන...සමහරවිට මහත්තය දැකල ඇති...හරි ලස්සන පින්තූරෙ..(ඇත්තෙන්ම මටනම් එවැනි පින්තූරයක් මතකයේ ඇත ..කලකට ඉහතදී බොහෝ තැන්වල තිබූ ජනප්‍රිය පින්තූරයකි..)
ඉතින් ඔය පින්තූරෙන් තමා අපිට අයිඩියා එක ආවෙ...

අපි මේඩ් ඉන් ජැපෑන් කියල බල්බ් එකේම ගහන්න කිව්ව...බඳේ...එයිට අමතරව හිතාචි කියලත් ගහන්න කිව්ව...ඉතින් ඔහොම කියලා අපි අර මුස්ලිම් මහත්තය මාර්ගෙන් චීනෙන් බල්බ් 50,000ක් ඕඩර් කලා පලවෙනි පාර...කියපු විදිහට බඩු ආව....
ඔය දවසවල අපේ ගෙදර එක කම්හලයි...බල්බ් පෙට්ටි ගහන එක...කේක් පෙට්ටි ප්‍රින්ට් කරන තැනකින් අරමම කලින් කිව්වෙ බාර් එකේ තිබුන පින්තූරෙ කවරෙට දමල ලස්සන පෙට්ටියක් ගහ ගත්ත...ඒ වගේම ඇතුලටත් කවර සෙට් කරගත්ත...
බල්බ් එකක් අපිට මෙහෙට ගේන්න ගියේ රුපියලයි සත හැටයි..ඉතින් ඔය කවර පැකින් ගාස්තු ඔක්කොම එක්ක රුපියල් 2ක් වෙයි බල්බ් එකක්...එතකොට බල්බ් වැඩිපුර විකුනුනේ එවරෙඩි..ඒක කඩේට දමන්නෙ රුපියල් 13.50ට අපි දමන්න ගත්තෙ රුපියල් 9.50ට බල්බ් 60පෙට්ටියක්ම ගත්තොත් 9.00යි පෙට්ටි 10ක් නම් 8.75යි..ඔය විදිහට තමයි....ඉතින් ඔය බල්බ් පෙට්ටි 10ක් ගත්තොත් අපි හිතාචි ටෝච් එකක් දුන්න කොම්පැනියෙන් කියල...බල්බ් පෙට්ටි 10ක බල්බ්=600යි ටෝච් එක හොඳම රුපියල් 600ක එකක් උවත් අපිය ලාභය=600*(9.00-2.00)=600*7=රු4200යි ඉතින් ටෝච් එකට දෙකක් උනත් අපිට දෙන්න පුලුවනි...අපි දුන්නෙ පිටකොටුවෙන් තෝරගතපු හිටාචි නම තියෙන ටෝච්...එකකට රුපියල් 200ක් වැටෙන්න ඇති ටෝච් වලට...

බල්බ් පෙට්ටි 50ට බයිසිකලයක් දුන්න...තව බල්බ් පෙට්ටි 100ක් ගත්තොත් ටීවී 1කුත් දුන්න...අපි ටී වී 10ක් විතර දුන්න....වැඩියත්ම බල්බ් එක ගත්තෙ බල්බ් එකේම ගහල තියෙනව නෙ මේඩ් ඉන් ජැපෑන් හිතාචි කියල...ඉතින් සැක තුන් හිතකවත් නෑ...අනික බල්බ් එකත් හොඳයි ලු....

ඉතින් ඔයකාලෙ එවරෙඩි කොම්පැනියෙ ඩීලර්ලට කිසිම බිස්නස් එකක් තිබ්බෙ නෑලු බල්බ් වලින්....රාජාන්ගනේ වැලිකන්ද වගේ අනුරාධපුර පොලොන්නරුව පැත්තෙ ගම්වල තාම තියෙනවලු කඩවල ඔය බල්බ්...ඇයි ඉතින් ඔව්ව වෙන දේකට ගන්නෙයි..ටෝච් එකටම විතර නේ....
ටිකක් ලොකු මුදලාලිල විසාල තොග ගත්තෙ ලාභ නිසා....ඒත් උන් දැනං හිටියෙ නෑ අපි පොඩි කඩවලටත් බඩු දමනව කියල...
මහත්ත්යො චීනෙ ඉන්දියාව කියන්නෙ හරි දියුනු මොලේ තියෙන මිනිස්සු ඉන්න රටවල්...ඔය ලන්කාවෙ තියෙන්නෙ දහජරාව ගොඩක් හොඳයි කියල ගත්තට සමහර වෙලාවට ලොකු ඒජන්තයොත් කරන්නෙ රටින් නම ගහගෙන ගෙන්නන එක....
මම:හප්පෝ මමනම් තවත් හොඳයි කියල බලනව මිස ලේබලේනම් ලොවෙත් බලන්නෙ නෑ...

මෙය සත්‍යම සිද්ධියක් වන අතර සමහරවිට දුර පලාත්වල මෙවැනි ටෝච් බල්බ් තවම තිබිය හැක...

මා මෙය ලිවූයේ ඉතා පැහැදිලිව අසුස් යැයි මුද්‍රනය කොට ඇති එසේම සූක්ශම ලෙස අසුස් ලේබල ගසා ඇති...වොරන්ටි කැටලොග්,,,සීඩී සියල්ල ඇති..අලංකාර පෙට්ටියකින් මා අසුස් එල් සී ඩී මොනිටරයක් මිලදී ගතිමි... විඩෝස්වලදී හඳුනාගත හැක්කේ අසුස් ලෙස පමණි...එහෙත් උබන්ටු ලිනක්ස් වලින් බූට් වී තිරයේ රෙසලූශන් සැකසීමට ගියවිට උබන්ටු ලිනක්ස් වෙතින් මොනිටරය හඳුනාගෙන තිබුනේ අශික් වැනි චීන නමකිනි....මාද හසු වී තිබේ,,එහෙත් අවුරුදු 3ක වොරන්ටිය ඇත...

Sunday, October 17, 2010

peppermint ලිනක්ස්

peppermint ලිනක්ස්
මොකක්ද මේ...
පෙපර්මින්ට් ලිනක්ස් කියන්නෙ බොහොම අඩු ධාරිතාවක් සහිත තත්වයන් යටතේ භාවිතා කලහැකි වින්ඩෝස් තරම්ම ලස්සන අතුරුමුහුනතක් තියෙන ඔපරේටින් සිස්ටම් එකක්...ඒ වාගෙම මොකුත්ම නොදන්න වින්ඩෝස් යූසර් කෙනෙකුට උනත් කිසි ගේමක් නැතිව අලුත් විදිහට තමන්ගෙ පරණ කොම්පියුටරය පනගන්වගන්න පුලුවනි...

අනික්වත් එක්ක තියෙන විශේෂත්වය...
සාමාන්‍යයෙන් ගොඩක් අය කියන්නෙ පරණ පරිඝනකවලට දැනට භාවිත වන ලිනක්ස් හෝ වෙනත් මෙහෙයුම් පද්ධතියක පැරණි සංස්කරණයක් යොදා ගන්න කියල...ඒත් එහෙම කලත් අපිට අද තත්වෙට හරියන විදිහට භාවිතා කිරීම් කරන්න අමාරුයි මොකද??අද අපිට ඕනි වර්ඩ්,එක්සෙල් වාගෙ ඒව වගේම ගොඩක් වලාකුල් භාවිත (cloud Application Eg:google docs,online application)හා සමාජ ජාල භාවිතවලට (social Networking Eg:Skype,twitter,facebook)සහයෝගය පැරණි මෙහෙයුම් පද්ධති තුලින් නොලැබීම....

තව දෙයක් තමා උබන්ටු වලින් අඩු ධාරිතා මෙහෙයුම් පද්ධති විදිහට හඳුව්න්වල දීපු xඋබන්ටු(Xubuntu) ලුබන්ටු (Lubuntu)සහ ෆෙඩෝර අය ස්පින්(fedora spins) විදිහට හඳුන්වල දීපු xෆේස් (xfce)සහ එල් එක්x ඩී ඊ (LXDE)ලිනක්ස් වලට වඩා හොඳට පෙපර්මින්ට් වැඩ කරනව කියල මට හිතෙන්නෙ..මට තියෙන එච් පී වෙක්ට්‍(833Mhz Processor,384Mb RAM,10Gb HDD)පරිඝනකය කලින් සඳහන් කල අඩු බර (light weight linux)උබන්ටු හා ෆෙඩෝරා එක්ක දුවනවට වඩා වේගෙකින් පෙපර්මින්ට් එක්ක දුවනව..ඒ වාගෙම අන්තර්ජාල පරිහරණය කිරීමේදී සාමාන්‍යෙන් ටිකක් ස්පීඩ් එකකුත් එනව..තවදෙයක් මම ඉන්ටර්නෙට් යන්නෙ හුවාවි(Huawei)ඩොන්ගල් එකකින්.ඒකත් හොඳට සපෝට් පෙපර්මින්ට් එක්ක..

සාමාන්‍ය්යෙන් පෙන්ඩ්‍රයිව් ලිනක්ස්,පපී ලිනක්ස්,වෙක්ටර් ලිනක්ස්,ක්නොපික්ස් වාගෙ එව්ව තිබුනට මට හමු උන ගොඩක් මේ වාගෙ එව්ව හාඩ් ඩිස්ක් එකට ඉන්ස්ටෝල් කරන්න අමාරුයි..ඒ වාගෙම ක්නොපික්ස් වාගෙ ඒවයෙ තියෙන අතුරුමුහුනත් වලට වඩා පෙපර්මින්ට් ලස්සනයි.කියල මට හිතුනෙ...

තියෙන්නෙ මොනාද?
ඔෆිස් පැකේජය විදිහට තියෙන්නෙ ගූගල් ඩොක්ස්....ඒ වාගෙම මීඩියා ප්ලේයර් වාගෙ ඒවටත් ඔන්ලයින් වලින් තියෙන මෘදුකාංග තියෙනව,,අපිට අවශ්‍යනම් උබන්ටු ලිනක්ස් වලට දමන්න පුලුවන් ඕනිම මෘදුකාගයක්((application software) මේ පෙපර්මින්ට් ලිනක්ස් වලට භාවිතා කරන්න පුලුවනි..උදාහරණ විදිහට උබන්ටු වලට වී එල් සී ප්ලේයර් එක දමන විදිහටම මේ පෙපර්මින්ට් වලටත් දමන්න පුලුවනි...අපේ මූනුපොතට(facebook) ආසකරන මිතුරන්ට ඒ සඳහාම වෙන් වූ භාවිතයක් විදිහට එය භාවිතා කරන්න පුලුවනි...සාමාන්‍ය්යෙන් හොඳ වේගයකින් මූනුපොත වැඩකරනව මේ විශේෂ බ්‍රව්සර කොටස තුල...තව U ටියුබ් වීඩියෝත් වෙනමම බලන්න පුලුවන් විදිහට තියෙනව අතුරුජාල භාවිතාවක් විදිහට...
පරන ලැප්ටොප් වාගෙ එව්වට වාගෙම අලුත් කොම්පියුටර වලටත් හොඳ ස්ප්ප්ඩ් එකක් ගන්න පුලුවනි දෙයක් විදිහට තමා මම පෙපර්මින්ට් දකින්නෙ...මම භාවිත කලේ පෙපර්මින්ට් අයිස් කියන අලුත්ම වර්ශන් එකක්..අලුත් උනා කියල මේව බරෙන් නම් වැඩි නෑ...

ලින්ක්ස් වෙනමම දෙන්න ඕනි නෑ..සර්ච් එන්ජින් එකේ peppermint linux ගැහුවම උඩින්ම එයි..තව තියෙන විස්තරත් කියවල ඔයාලට හොඳ නම් අත්හදා බලාගන්න පුලුවනි..

Thursday, October 14, 2010

හරකා mute වීම...

හරක අපේ යාලුවෙක් වෙලත් එයාට කතා කරන්න බැරි මොකද???ගිරව සැලලිහිනිය වගේ සත්තු වගේම බල්ලො වාගෙ අයත් ටිකක් ලෙන්ගතු තාලෙට සද්දයක් හරි දමාගන්න පුලුවන් උනාට හරකට තියෙන්නෙ එකම වොයිස් එකක්....

ඉතින් මේ හරකට කතා කරන්න පුලුවන් වෙලා තිබුන බෝම ඉස්සර කාලෙ...ඒත් මාර සීන් එකක් නිසා හරකට කතාව බැරි උනා....

හරක බොහොම ලෙන්ගතුවිදිහට ගම ගෙදරක වාසය කලා...ගම ගෙදර තම ස්වාමිය වෙච්ච ගමරාලට බොහොම හිත්වත්ව මේ හරක ඉන්නව....බොහොම කාලයක් දෙන්න සාමෙන් සහයෝගෙන් හිටිය...හරක හරි මොල කාරය සාමාන්‍යයෙන් මිනිස්සුන්ට නැති සමහර සෙන්සර්(සංවේදක ) හරකට පිහිටල තියනව...ඒකිව්වෙ නිකම්ම නිකම් ඔය ඇහෙන පේන දැනෙන එව්වම නෙමෙයි...අනාගතේ වෙන දේවල් දකින්න පුලුවන් හැකියාවත් මේ බුද්ධිමත් සතාට පිහිටල තිබුන....

දවසක් අපේ මේ බුද්ධිමත් හරකට පේනව තමන්ගෙ බොස් වෙන ගමාරලව හමු වෙන්න හෙට මාරය එනව කියල..හෙට කිව්වට හෙට රෑට එනව කියල අපේ හරක මීටර් කරගන්නව...ඉතින් මේ අදහස ගමයට කිව්වම ගමය ටිකක් නෙමෙයි අම්බානකට බය වෙනව....

බය වෙන්නෙ ඔය මාරය එන්නෙ ගමය එක්ක සෙල්ලම කරන්න නෙමෙයි නේ..එන්නෙ ගමයගෙ ප්‍රාණය කියන එක අරගෙන යන්න..ඉතින් ගමය දහ අතේ කල්පනා කරනව...අනේ මම මොකක්ද මේකට කරන්නෙ...මට කියල මේ වාගෙ වෙලාවක කවුරු නම් පිහිට වෙයිද???ඇරත් මොන ජගතද මාරය එක්ක හැප්පෙන්නෙ....

ඉතින් මෙහෙම ඉන්නකොට අපේ හරකයි ටිකිරි මොලේට ප්ලැටිනම් අදහසක් එනව...සාමාන්‍යයෙන් මාරය කියන්නෙත් මනුස්සයම වගේ කෙනෙක් නෙව...අපේ මනුස්ස ගතිත් මේ මාරයට තියෙනව...ඉතින් ඒ අනුව සාමාන්‍යයෙන් මාරය උනත් අපි ආහාරයට ගන්න බත් වලට උඩින් යන්නෙවත් පාගන්නෙවත් නෑ..කොහොමින් කොහොම හරි හරකයි අයිඩියා එක වෙන්නෙ මේ මාරය බත් නොපෑගීම කියන පොයින්ට් එක..ඉතින් මාරය එන දවසෙ ගෙදර මහා විසාල මුට්ටි වලට මහා බත් දන්සලකට වාගෙ බත් උයල ..අපේ ගමරාලය ගේ මැදින් තියල වටේම බත් කඳු ගහල තිබ්බ මාරය එනකල්...ඔන්න ඉතින් අර 9/11 ප්‍රහාරයට යානාව එන්න වගේ අහස පොලොව එහෙම පොඩ්ඩක් හොල්ලල කාරිය මාරය ගම ගේ දිහාට ආව...

මාරය පිටදි කොයි තරම් ගුවන් කරනම් දැම්මත් ගේ ඇතුලෙ ඒව කරන්න ටිකක් අමාරුයි....ටිකක් හිතන්න අපිට පොඩි සයිස් හෙලිකොප්ටර එන්ජිමක් ලැබුනත් ගේ ඇතුලෙ ඕව ටෙස්ට් කර්න්න බෑ නෙ...යන වේගෙට කොන්ට්‍රෝල් නැති උනොත්..ඉතින් කෑලිත් නෑනෙ...ඉතින් ඒක නිසා මාරය ගේ ළඟටම ගුවනින් ඇවිත් අදෘශමාන වේශයෙන්ම පයින්ම ඇතුලට යන්න තමා ට්‍රයි කලේ... ආව ඇතුලට තිව්ව ගේ ඇතුලට අඩිය මහ බත් තල්ලියක් ඇලුන මාර කකුලෙ...බැලුව මොකක්ද උනේ කියල...එතකොට තමා තේරුනේ ගමය ගෙ සහ අපේ බුලට් එකේ උපාය...කලබලේ ගැන තමන්ටම දොස් කියාගත්ත මාරය බැලුව වටපිට..ඔන්න එතකොට එනව හිකිස් සද්දයක් .එතකොට ඔය සීන් එක බලාගෙන නිකම් බැල්කනි ටිකට් මිස්ට බීන් වගේ ෂෝ එක බල බල ෆට්ට ආතල් එකෙ හිනා වෙ වී ඉන්න හරකව මාට්ටු වෙනව මාරයට...හිනාවෙන්ම මාරයට මීටර් වෙනව මේක හරකගෙ ප්ලෑනක් කියල...මාරයට නැඟපු නැඟිල්ල කියන්න දෙයක් නෑනෙ...වෙන කෙනෙකුට කියන්නෙවත්,පවරන්නෙවත් නැතිව මාරයම ආපු මිශන් එක ෆේල් උනා මේ හරක නිසා...

කෝමද දැන් යමලෝකෙ තියා දිවියලෝකෙවත් පාරෙ බැහැල රෙද්දක් ඇඳන් යන්නෙ මේ ගොන් හරකට පරාද වෙලා....ඉතින් බොහොම සැරට තද උනු තද වීම කකුලට එකතුකරාල උඩපැනල වීරිය අරගෙන අර ගෝඨයිම්බරය මහ සෝනට ගහනව වාගෙ දරුණු කික් එකක් නැත්නම් මුශ්ඨි පහරක් දෙනව හර්කගෙ කටට මාරයගෙ කකුලෙන්....කිසි සූදානමක් නැතිව අසරන හරකට වැදුන පහර නිසා එතෙක් කල් බොහොම ලස්සනට තිබ්බ හරක් දත් සෙට් එකත් කැත විදිහටම ඇතුලට යනව...

ඉතින් ඒ ගහපු පාරට හරකගෙ කතාකරන්න තියෙන ඔක්කොම හාඩ්,සොෆ්ට් වෙයාර් ඔක්කොම ආයෙම ගොඩ දාගන්න බැරි විදිහට ක්‍රෑශ් වෙනව...එදා ඉඳන් තමා හරකට ඔය දැන් තියෙන කැත කට සහ උම්බෑ නොයිස් එක විතර ක් ඇවිල්ල තියෙන්නෙ....

Wednesday, October 13, 2010

දුරකතන ප්‍රේම වෘත්තාන්තයක්

මා කොටුව බස්නැවතුමෙන් කකතරගම බස් රියට ගොඩ උනෙමි..වේලාව සවස 3 පමණ වන්නට ඇත.අසුන්වල සෙනඟ එකා දෙන්නා ඉන්නට විය...සිරිත් පරිදිම කොනේ ජනේලය ළඟ ආසනවලට හිමිකරුවෝ වූහ...කෙමෙන් ඉදිරිපස දොර අසලටම ගිය මා හට හාමුදුරු සීට් එකට පසුපස ආසනයේ සිටි තරුණයා සිටින්නේ ජනේලය අසල කොනට නොව අනෙක් කොනට බරවී බව මට පෙනුනි..3දෙනෙකුට ගමන් කල හැකිව තිබූ එම අසුනේ අනෙක් දෙදෙනා අදෘෂමානව හෝ සිටිය හැකි නිසා මා තව අය ඉන්නවාදැයි අසුනේ අනික් පුද්ගලයාගෙන් ඇසීමි..නැහැ නැහැ යැයි ඔහුගෙන් පිලිතුරු ලැබිනි..ලැබූ අවසරයෙන් මා හනික ගොස් ජනේලය අසලින්ම වාඩි උනෙමි..බස් රිය මත අනෙකුත් අසුන් කෙමෙන් කෙමෙන් පිරී ගියත් අපේ 3 දෙනෙකු සිටිය යුතු අසුනට අවාසනාවන්තයෙක් හෝ වන්තියක් බස්‍රිය පනගැන්වෙන තුරුම ආවේ නැත ...
බස්‍රිය පනගැන්වී කොටුව දුම්‍රිය ස්තානය අසලට ආවිට උසස් පෙළ පන්ති යන මට්ටමේ සිහින් ගැහැනු පරාණයක් අසුනේ අප දෙදෙනා අතරට පහත් විය..සීට් එකට පැන්න විගස රිය කුරුවා පැමිණ ප්‍රවේශපත් දීමට සැරසුන විට එම x නම් වූ මා අසල වූ ගැහැනු ළමයා ටිකට් ගත්තේය..ඇය සිහින්වූයේ ඇගේ වාසනවටත් වඩා අපේ වාසනාවකටය..සීට් එක කොනේ සිටි තරුණ පිරිමියා මහත කෙනෙක් වීමත්..කොනේ ජනේලය අසල සිටි මා කෙට්ටු වීමත් නිසා බැරිවෙලාවත් ඇය තව අඟල් 4ක් වත් මහත වූවා නම් ඇය තැලීමට ලක් වනවා ඇත...ඔය අතර වැරදිලාවත් මගේ හෝ අනික් පිරිමි එකේ අතපය හිරි ඇරගැනීමටවත් පොඩ්ඩක් එහා මෙහා උනොත් තදින් තෙරපීම නිසා ලිංගික අතවර සිදු වූවායි පැමිණිලි කල හැකිය...ඇය සුද්දන්ට සහ මුදල් ඇත්තන්ට පමණක් නම්‍යශීලී රාජ්‍ය නොවන සංවිධානයක කාන්තා කෙනකු උනානම් අපිට කූඩුවෙ ලගින්නටද සිදුවිය හැක...බස්‍රිය වල යද්දී සිය කැමැත්තෙන්ම අතවරවලට ලක්වීමට කැමති ගැහැනුන් මා උසස් පෙළ පන්ති යන කාලයේ විය...එවිට මට මතක් වෙන්නේ සුනාපරත්නවාසී පුණ්න තෙරණුවන්ගේ කතා වස්තුවයි....එහි එන දෙබසක් මෙසේය...

බුදුන්වහන්සේ:පුණ්න ඔබ ඒ ජනපදයේ කෙනෙකු විසින් පොලු,දඬු,මුගුරු,තියුණු ආයුද වලින් ගසා මරා දැමුවොත්..
පුණ්න තෙරුන්:සමහරෙක් මේ ජීවිතයේ ඇති නිසරු බව ගැන කලකිරී මියයාමට කැමැත්තෙන් සිටියත් එවැනි අවස්තාවක් නොලැබීම ගැන බොහෝ දුක් වෙති "කෙනෙකු විසින් පොලු,දඬු,මුගුරු,තියුණු ආයුද වලින් ගසා මරා දැමුවොත්.." යැයි සිතමින් අවස්තාවක් නොලැබීම ගැන දුක්වෙති..ඔබවහන්සේ සඳහන් කරන පරිදි සිදු වුවහොත්..මා පෙරකී පරිදි සිතා එම වැසියන්ට වෛර නොකරමි...

ඉතින් අපි හැමදාම පන්ති යන බස් රියේ එවැනි අතවරවලට ආසා ගැහැනු කෙරෙහි මගේ මෙත් සිත යොමු වෙයි..පසුව අවස්තාව බලා ඔවුන් අසලට ගොස් සහාය දීමට මා මෙන්ම මාගේ මිතුරන් රැලද පසුබට නොවෙති ...ඉන්පසු සිදුවන සියලු දේ විස්තර කිරීම අනවශ්‍ය යැයි මට සිතේ....

ඉතින් අපි යලිත් මා අසල වාඩි වී සිටින අංගනාව වෙත යොමු වෙමු...ඇයගේ ෆයිල් එක කී පරිදි ඇය කොළඹ විශ්වවිද්‍යාලයීය දේශනයකට ගොස් පැමිණෙන හැඩකි...ටිකට් ගෙන හමාර වූ ඇය සිරිත් පරිදි ජංගම දුරකතනය වෙත යොමු විය...ඇය දේශනය හමාර වීමට කලින් පැනගත් ආකාරය..දේශනයේ ඇති බෝරින් ප්‍රමාණය ආදී දේ මෙන්ම ඔවුන්ගේ පුද්ගලික තොරතුරුද කොටුවේ සිට මොරටුව දක්වා කතාකරන ලදී(පැයක් පමණ )..ඉන්පසු ඇයගේ බැටරිය බහින බවත් එය අනෙක් අමතර බැටරියට මාරු කරගන්නා තෙක් විනාඩියක් සිටින ලෙසත් ඉල්ලීය..
බැටරිය මාරු විය දෙවෙනි කතාව පෙර පරිදිම සිදුවූ අතර වාද්දුවේදී එහි බැටරි බහින බවත් ඉන්පසු ෆෝන් එක ඕෆ් කරගෙන රාත්‍රී තමාව රැගෙන යෑමට පියාට කතාකරගැනීමට බැටරි ඉතිරි කරගත් යුතු බවත් කියවිනි....ඔවුන්ගේ ප්‍රේම කතාව ගැන බොහෝදේ මට ඇසෙන්නට ඇත...මගේ වම් කනට නිදහස ලැබේ යැයි මා සිතීමි..එහෙත් අවාසනාවක මහත..ගාල්ල කිට්ටුවත්ම ඇයගේ ජංගම දුරකතනයේ සිම් පත මාරු විය...ඉන්පසු ඉතා සිහින් හඬින් කරන කතාවක් පමණි මට ඇසුනේ...
යනව යන්න...කිව්වොත් ඔහොම දෙයක් තමයි..එව්වට වෙන කෙනෙක් හොයාගන්න වෙයි ආදී වචන ගැහැනු පාර්ශවයෙන් යොමු විය..කොළඹ සන්වාදයේ මෙවැනි දෙබස් නොවූ අතර ඉතා විනීත විය...එහෙත් දෙවැනි සන්වාදය රාගය මුසු කුනු කසල ගොඩක්ම විය...මෙහි අනෙක් පස සිටින්නේ පලමු කෙනා නොවන බවත් මෙම සම්බන්ධ ස්තිර එකක් නොවන බවත් එහෙත්..නොසිදු වූ කිසිවක් ඔවුන් අතර නොමැති බවත් විනාඩි 30ක් පමණ වූ කාලය තුල මට වැටහුනි..ආයෙත් එහෙටම යන්න බෑ අනේ,,,ඔයා නම් හදන්න බෑ..
මේ අවස්තාවේ කලින් පෙම්වතා සිතා සිටින්නේ...ඇයගේ ෆෝන් එකේ බැටරි බැස ඇත..එනිසා එය ඕෆ් කර ඇත..එය චාජ් කල පසු යලි කතා කරනු ඇත...

Tuesday, October 12, 2010

ප්‍රේමය සහ ලන්කාව....

ලංකාවේ පෙම්වතෙක් වතියක් වීමට අවැසි යටිතල පහසුකම්=ෆෝන් එකක්,බැටරි දෙකක්,ෆේස්බුක් එකවුන්ට් එකක්,ඉන්ටර්නෙට්,ඔබ වැරදිලාවත් උයන්,මඟතොට,වෙනත් ස්තානවල සහ අඩුමිල කාමර ප්‍රේමය සඳහා තෝරා නොගන්න,,...තරු හෝටල් කාමරනම් වරදක් නැත...මන්ද .තරු හෝටල් වලට පොලිස්සියේ සදාචාරය වලංගු නොවන බැවිනි....
මෙන්න ඔබට උදාහරණ....
*ගාලු කොටුවේ පෙම්වතුන් ඊයේ දින අල්ලාගෙන පොලිස්සිය අවවාද ලබා දී ඇත....
*කුරුනෑගල ලැගුම්හල් වල සිටි ජෝඩු 45ක් පොලිසිය විසින් අල්ලාගෙන ඇත(පසුගිය සතියේ)...
*මින්පෙර කුරුනෑගලම ප්‍රේම කරමින් උයන්වල සිටි ජෝඩු අත් අඩන්ගුවට ගෙන ඇත...

නූතන පටාචාරාවත

විසිතුරු බඩුව ඇය කිසිවිට නැහැ සැලුනේ.. බියකරු වනය බිය නැහැ ඇය වෙත දැනුනේ.. සිය සැමි නැතිය එන මග දරු අහිමි වුනේ.. නැති විය සිහිය ...