Sunday, December 8, 2013

අවජාතකයා සහ කුමරිය The Beauty and the Bastard

“කපාගත් සුදුලූනු,අවුමිරිස්,රම්පෙ කරපිංචා ටික පැත්තකින් තියලා අපි මාගරින් ටිකක් බාජනේට දමා ගනිමු“. කියලා දැන් පබිලිස් සිල්වා ගෑස් එක ඔන් කරලා ඒක උඩ බාජනයක් තියලා ඒකට මාගරින් දානවා ඒ මාගරින් තලිය, බඳුන රත්වෙනකොට බොහොම ලක්ෂණට දිය වෙලා යනවා. 

ආදරය හමුවේ සමහර මිනිස්සු වෙනස් වෙන්නෙත් ආන්න ඒ මාගරින් තලිය රත්වෙච්චි තාච්චියට දැම්මා වගේ. දැඩි තීරණ ගන්න හැඩි දැඩි මිනිස්සු සහ ගෑනු ආලය හමුවේ ළඳ බොළඳ සුකුමාර පුද්ගලයින් බවට පත්වෙනවා. යමෙක්ට ආදරය කරද්දි කිසිම දෙයක් වෙනස් කරගන්න වෙන්නෙ නැත්තං එතන සැබෑවටම ආදරයක් නැහැ.ඒක බොහෝවිට ගනුදෙනුවක් වෙන්න පුලුවනි. ආදරය කියන්නෙ කැපවීම් ගොඩකට කියලා මම ඉගනගත්තෙ සුසිල් නානායක්කාර සර්ගෙන්.  ඇල්ටන් ජෝන් ගේ සැක්‍රිෆයිස් කියන සිංදුව අපිට පංතියෙ කියලා දෙනකොට සුසිල් සර්ට ඕනි වුනා සැක්‍රිෆයිස් කියන ඉංගිරිසි වචනෙ සිංහල තේරුම කියලා දෙන්න. එතකොට එයා ආදරය ගැනත් පොඩ්ඩක් කතා කලා. 

සාලිය අසෝකමාලා වගේ ලොකු ලොකු කතා වගේම ගංතුලානෙ තියෙන පොඩි පොඩි ලවුස් ටෝරි බැලුවත් ආදරය හරහා මිනිස්සු වෙනස් වෙනවා. බඳින කල් කුරුල්ලො වගේ හිතුන අතේ රවුං ගහපු අය ගෙයි හාමිලා වෙනවා. සමාරු බඳින්නකලිං ගෙදට්ට වෙලා ඉඳලා බැන්දම ගෙදර කන්දොස්කිරියාව ඉවසගන්න බැරිව තැන් තැන්වල ඇවිදින්න යනවා. කොහොම වුනත් ආදරණීය බැඳීමකින් මනුස්සයො වෙනස් වෙනවා කියන එක ලෝක සත්‍යයක්. 

මේ චිත්‍රපටියෙ කතාව ආදර කතාවක්. සුඛාන්තයක් විදියට සාධාරනව ඉවර වෙනවා. ටිකක් රළු විදියට හැදුන රස්තියාදුකාරයකුට ආදරය නිසා වෙන බලපෑම මේ සිනමාපටිය හරහා කතා කරනවා. ඊට අමතරව ශිෂ්‍ය හෝ රස්තියාදු ජීවිතයේ ඉඳලා පවුල් ජීවිතයකට මාරු වෙනකොට අපේ ප්‍රතිපත්ති වෙනස් කරන්න වෙන බව සහ අපි විකුනන්න හිතපු නැති දේවල් විකුනන්න වෙන සිද්දියත් මේකෙ ලාවට පෙන්වනවා.

 ලංකාවෙදි ඩී ජේ කරන්නෙ කලාවක් විදියට නෙමෙයි බොහෝමයක් අය. ඒක නිකම්ම ෆැෂන් එකක් විතරයි. නමුත් ඩී ජේ වටා ගෙතුන අමුතු ජාතියේ දේශපාලනයකුත් වෙන රටෝල තියෙනවා.

මේ චිත්‍රපටිය ෆින්ලන්ත චිත්රපටියක්. නමුත් කතාව ඇදෙන විදිය සාමාන්‍ය ආදර කතාවක් ආකාරයමයි. ආදර කතා කොච්චර කියෙව්වත් බැලුවත් එපා වෙන්නෙ නම් නැහැ. මේකත් අලුත්ම දෙයක් නැතත් වෙනස් විදියට හදල තියෙන ෆිල්ම් එකක්. 

ෆිල්ම් එක යන්නෙ මියුසික් වලට ආස කරන දෙන්නෙක්ගේ බැඳීමක් ගැන. ඒ නිසා සංගීතමය අතිනුත් මේ චිත්රපටිය සවිමත් වෙලා තියෙනවා. ආදර කතාවක් බලන්න ආස අයට පස්ටම අත්දැකීමක් මේ හරහා ලබාගන්න හැකි වේවි. මේක අයි ඇම් ඩී බී රෑන්ක් වල හය හත අතර තියෙන්නෙ. ඒ වුනාට මම නම් මේකට නවයක් විතර දෙනවා.

http://www.imdb.com/title/tt0471957/

4 comments:

  1. හරි! to-do list එකට දා ගත්තා...

    ReplyDelete
  2. රයිට් අපි බලමු .....

    ReplyDelete
  3. 'අවජාතකයා සහ කුමරිය' පොතකට ලස්සන නමක්...බලන ගොඩට දාගත්තා...

    ලස්සනම කොටස තමයි අමිල ආදරේ හමුවේ මිනිස්සු වෙනස් වෙන හැටි විස්තරකරලා තියෙන විදිය.:)

    ReplyDelete

නූතන පටාචාරාවත

විසිතුරු බඩුව ඇය කිසිවිට නැහැ සැලුනේ.. බියකරු වනය බිය නැහැ ඇය වෙත දැනුනේ.. සිය සැමි නැතිය එන මග දරු අහිමි වුනේ.. නැති විය සිහිය ...