Sunday, February 21, 2016

පීඩිත පෙම්වතියට නිදහස තේරෙනවද

මා ගෑනු ලමයින්ගේ පස්සෙන් යන්න පටන් අරං දැන් බොහෝම කාලයක් වෙනවා. ඒ අතර තිබෙන කතා ගාන ටිකක් වැඩියි. අතිසය සාතිසය බහුතරය කිසිම අවුට්පුට් එකක් නැති කතාන්දර.. 

මා විසින් පටන් ගන්නට යෙදුන එවැනි ගෑනු ලමයෙකු හඹායෑමක් පසුගිය දවසක හදිසියේම නවත්වා දමන්නට මා තීරනය කලා. වසර තුනක් තිස්සේ අවස්ථා විස්සක් තිහක් ඇය මා හමු වී තිබුනා.. දුරකථනයෙන් කතා කල වතාවන් ගාන දෙසීයකට වඩා වැඩියි.. නමුත් අප අතර මුල් දිනවල තිබුන දුරස් බව අවසාන දිනයේදී සහ අනෙක් සෑම දිනකදීම ඒ විදියටම තිබුනා. කිසිම ආකාරයක සමීප සම්බන්ධයක් බවට ඒක පත් වුනේ නෑ.. 

බොහෝවිට සුනඛයෙකුට වුවත් වරක් දෙකක් කෑම දමනවිට උෟ අපිට යම්කිසි නැඹුරුවක් දක්වනවා එක්කෝ දැඩිව අපෙන් ඈත් වෙනවා. ඒත් කිසිම වෙනසක් නැතුව වෙනදා විදියටම නොදන්නා අයෙකුට වගේ දුරස් කමක් තියේනං ඒක හරි අසාමාන්‍යයයි. 

මෙහෙම වෙන්නෙ කොහොමද කියලා මම දහ අතේ කල්පනා කලා.. මීට කලින් ගෑල්ලමයි කිහිප දෙනක් පෙම්වතියන් විදියට යාන්තමින් ඇසුරු කරලා තිබෙනවා..එ ්වගේම මිතුරියන් විදියට බොහෝ ගානක් ගෑල්ලමයි එක්ක කතා බහ කරලා තිබෙනවා.. නමුත් ඇයගෙන් තරම් දුරස් බවක් මට කිසිම යුනිට් එකකින් ලැබිලා නෑ.. ඇය ඒ දුරස්ථ බව දිගටම තබාගන්න බොහෝ වැරවෑයම් කල ආකාරයක්ද ඒ කතාවේ ඉතිහාසයේ සෑම සිද්ධියකදීම මට හොදට පැහැදිලි වුනා.. 

මට මෙ ලගදි ඇතුවුන කතාබහකදි යාලුවෙකු කියපු අදහසකින් තමයි මේකට හේතුව  කියල දෙයක් නිමානය කරගන්නහැකි වුනේ.. බාගෙදා හේතුව ඒක නොවෙන්නත් ඉඩ තිබෙනවා. නමුත් බොහෝවි ට හේතුව එය වෙන්න පුලුවන්.. 

ඇය මා හා කතාබහ කර යම් ආකාරයක සම්බන්ධතාවය්ක පටන් ගන්නට පෙරාතුව ඇයට වෙනත් බෝයිපේන එක්කෙනෙක් ඉදාල තිබුනා.. ඔහු ඉතාම තද අයෙක්.. ඇගේ සියලුම දේවල් ඔහු විසින් සොයාබලන අයෙක්..ඒ වගේම ඇය විසින් කල මනා නොකලමනා යායුතු නොයායුතු ආදී බොහෝ දේ තිරණය කරන්නෙ ඔහු.. කොටින්ම අර හමුදාවට ගියාම විනය රකිනවා වගේ නීති මාලාවක් ඔස්සේ තමා මෙ ්ගෑල්ලමයා ව මෙහෙයවලා තියෙන්නෙ.. 

ඉන් පසුව පසුකාලීනව ඔහුට මුදල් හදල් තිබෙන තැනකින් හොද ගැහැනු ලමයෙක් හමුවීම ිනසා මැයට බුට් එක වදිනවා.. ඉතිං මම සාපේක්ෂව තව කෙනෙකුගේ පුද්ගලික ජීවිතයට වැඩිමනක් ඇගිලි දාන්න කැමති කෙනෙක් නෙමෙයි.. හැමදේම පාලනය කරන්නෙත් නෑ.. ඒ වගේම සෑම රාත්‍රියකදීම ඇගේ දවසේ කාලසටහන අහන එකත් මට පුරුදු නෑ.. නමුත් ඇයට යම් කිසි කාරණායකදී මට මැදිහත් වී යමක් කල හැකි සෑම අවස්ථාවකම මම උදව් කලා..ඒත් මගේ රූල්ස් රෙගියුලේෂන් අනුව ඇය ජීවත් විය යුතු යැයි මා කිසිවිටක සිතුවේ නෑ.. එහෙම ලොකු නීති රීති දාන්න හෝ මට අවශ්‍ය විදියට පෝමැට් කරගන්න මම හිතුවෙ නෑ.. 

සයිකොලොජි වල හොයාගන තියේලු එක්තරා කාලයක් දැඩි පාලනයක් සහිත සහකරුවෙකු එක්ක සිටිය ගැහැනු ලමකෙුට හෝ ගෑනියෙකුට ඉන් පසු නෝමල් චරිතයක් එක්ක සහ වඩා සැහැල්ලු බුවෙක් එක්ක ජීවත් වෙන්න ආමරුයිලු.. 

සමහර විට මගේ නිගමනය අසාර්ථක වෙන්නට පුලුවන්.. ඒ්ත අවසානේ කුමක් හෝ නිගමනයක් මට සාධාරනව ගැලපුනා.. එයින් මට සැනසෙන්නට හැකියාව තිබෙනවා.. වසර තුනක් ගිහිනුත් අනික් කිසිම අවස්ථාවක නොතිබුන විශාල චීන මහා ප්‍රාකාරයක් අප අතර තිබෙන්නට හේතු වන්නට ඇත්තේ ඇගේ පෙර පෙම්වතාගේ ප්‍රේම භූමිකාවෙන් මිදෙන්නට ඇයට අමාරු නිසා වෙන්නට ඇති.. ඇතැම් විට මාද පෙර අය පරිදි ඇය පාලනය කරන්නට යටත් කරගන්නට ගියානම් මට ද සම්බන්ධතාවයක් ගොඩනාගන්නට හැකියාව තියෙන්නට ඇති.. 

2 comments:

  1. ඇත්තටම කණගාටුදායක තත්වයක්.
    දෙදෙනා ගැනම!

    ReplyDelete

නූතන පටාචාරාවත

විසිතුරු බඩුව ඇය කිසිවිට නැහැ සැලුනේ.. බියකරු වනය බිය නැහැ ඇය වෙත දැනුනේ.. සිය සැමි නැතිය එන මග දරු අහිමි වුනේ.. නැති විය සිහිය ...