Thursday, May 5, 2016

ඉන්දියාවේ ජනප්‍රිය Smatrphone

ඉන්දියාවෙත් සැම්සුන් HTC Sony වගේ ෆෝන් සාමාන්‍ය වෙළදපොලේ ජනප්‍රියයි. ඒ වගේම ඇපල් සමාගමේ අයි පෝන් එකත් ඉංදියාවේ ජනප්‍රියයි. මීට අමතරව ඉන්දියාවේ තියනවා ඔන්ලයින් විකුනන පෝන් ජාති..ඒවා ජාති විදියට මිල අඩුයි.. ඉන්දියන් රුපියල් 9000-12000 අතර සීමාවෙද් මේ වාගේ ෆෝන් එකක් මිලදී ගන්නට හැකියාව තිබෙනවා..අපි දැන් එ් වගේ පෝන් කීපයක් ගැන සලකා බලමු. 

xiaomi redmi note 3
Screen : 5.5" Full HD
Battary : 4000mAh
Processor : Snapdragon 650
Internal Memory : 16/32 Gb
RAM : 2/3 Gb
Camera : 16 Mp / 5Mp 
Price : 10000-12000 INR 
මේ ෆෝන් එකේ ඉහත කී දේවල් වලට අමතරව ෆින්ගර් ප්‍රින්ට් ඉස්කෑනර් එකක් මගින් අන්ලොක් කිරීමේ පහසුවත් තියෙනවා. මේ ෆෝන් එක මි සමාගමේ බජට් ලෙවල් එකට රිලිස් කරපු ෆෝන් එක. මේකම මීඨ මාස තුන හතරකට කලිං ආවා මීඩි‍යාටෙක් ප්‍රොසෙසර් එකත් එක්ක. නමුත් රත්වීම සහ බැටරි බැසීම වැඩිවීම හේතුකොටගෙන මි සමාගම තීරණය කලා එයාලට හුරුපුරුදු Snapdragon ප්‍රොසසරයට මාරුවෙන්න. මේ ෆෝන් එකේ තියෙන වාසිය තමයි මිල. මේ මට්ටමේ ස්ක්‍රින් එකක් තියෙන සැම්සුන් ‍J7 කියන ෆෝන් එක ඉන්දියාවෙ වගේම ලංකාවෙදිත් මීට වඩා මිල අධිකයි..නමුත් ඒකෙ තියෙන හාඩ්වෙයාර් පහසුකම් එක්ක ගත්තාම මේක ඊට වඩා ගොඩාරියක් ඉස්සරහින් ඉන්නවා.. 

 Snapdragon 650 කියන්නෙ බලගතු ප්‍රොසසර එකක්. ඒකෙන් දැනට තියෙන මොබයිල් ගේම්ස් විශාල සංඛ්‍යාවක් කිසිදු අවහිරයකින් තොරව ගහන්නට හැකියාව ලැබෙනවා..මේ ෆෝන් එකේ 4000ක බලයක් තියෙන බැටරි කෑල්ලක් තිබුනාට ඒ‍ක තියෙන්නෙ ඇතුලෙ..ගලවන්න බෑ.. නමුත් බැටරිය වැඩිවුනා කියලා ෆෝන් එකේ බර නම් වැඩිවෙලා නෑ.. 

මේ ෆෝන් එකේ ස්ක්‍රින් එකට යම්කිසි ආරක්ෂාවක් තිබෙනවා..නමුත් ඒ කිමෙක්ද කියාල පැහැදිලිව සදහන් වෙලා නෑ.. මෙටලික් පෙනුම තිබුනාට ෆෝන් එක සම්පූර්ණයෙන්ම මෙටලික් නෙමෙයි.. ඒත් පෙනුම නම් යසට තියෙන වගක් තමයි වීඩියො ආදිය බැලුවාම පෙනුනෙ. 

මේ ෆෝන් එකේ දුවන්නෙ නම් ඇන්ඩ්‍රොයිඩ් 5.1 මූලික කරගත්ත මි යූ අයි 7 කියන මොබයිල් ඕ ඇස් එක. ඒක භාවිතා කරන්නාට පහසුවෙන ආකාරයට තනා තිබෙනවාය කියලා තමයි කියන්නෙ. ඇන්ඩ්‍රොයිඩ් 5.1 මදක් පරණ වුනාට පරණ වීම නිසාම බොහෝවිට ස්ථායීබව අතින් ඉහලයි. 

Screen : 5 Full HD AMOLED
Battary : 2525mAh
Processor : Snapdragon 801
Internal Memory : 16Gb
RAM : 3 Gb
Camera : 13 Mp / 8Mp 
Price : 14500 INR 
පසුගිය වසරක කාලසීමාවත තුල මැද පන්තියේ ස්මාට්ෆෝන් පාවිච්චි කරන්නන් අතර ලොවපුරාම ජනප්‍රිය වුන ෆෝන් එකක් තමයි වන්ප්ලස් එක්ස්. වන්ප්ලස් එක්ස් වල තියෙන ලොකු කෑල්ලක් තමයි පොසසර ඒඑක. පොසසසරය සැලකිය යුතු බලයක් ඇති එකක්. ඒ වගේම ස්ක්‍රීන් එකත් ඉහල මට්ටමේ ස්මාට්ෆෝන් වලට එන ඇමලෙඩ් වර්ගයේ ඉස්ක්‍රින් එකක්. මේ ෆෝන් එකේ බැටරි බලය නම් තරමක් අඩුයි. නමුත් කල්පැවත්ම නිමාව සහ වියදම් කරන්න වෙන මුදලත් එක්ක බැලුවාම වන්ප්ලස් එක්ස් මැද පන්තියේ ජනප්‍රිය ෆෝ්න් එකක් බවට පත්‍වෙලා තියෙනවා. මේ දිනවල මැද පෙලේ ෆෝන් වලදි මගාපිස්සල් 13 කියන්නෙ නම් ලොකු කේස් එකක් නෙමෙයි.. කෙසේ වෙතත් ෆෝන් එකේ නිමාව සහ ඇන්ඩ්‍රොයිඩ් 5.1 හිම ලක්ෂන අතුරුමුහුනතක් හා වැඩිදියුනු කිරීමක් වෙන සයිනෙජන් මොඩ් එක තමයි මේ ෆෝන් එකේ මූලික මෙහෙයුම් පද්ධතිය. 
මේ ෆෝන් එක අන්තර්ජාතික වෙළඳපොලේ නම් ඇමරිකන් ඩොලර් 250ක්. ඒත් ඉන්දියාවෙ රුපියල් 14500කට මිලදී ගන්න පුලුවනි ඉන්දියානු ඇමසන් එකෙන්. හැබැයි එකම මොඩල් එක වෙළද නම වුනත් ඉන්දියානු ලාබ වර්ශන් එකේ තත්වයේ  අඩුපාඩු තියෙන්නට පුලුවන්ය කියලා තමයි බොහෝදෙනාගේ පිලිගත් මතය. 
මේ ෆෝන් එක සියාමි මැද පන්තියේ ෆෝන් එකත් එක්ක බැලුවාම තියෙන තා වාසියක් තමයි ස්ක්‍රින් එකට තියෙන ගොරිල්ල ග්ලාස් 3න් ලැබෙන ආරක්ෂාව. 

Screen : 5 HD Ready
Battary : 2470mAh
Processor : Snapdragon 410
Internal Memory : 16Gb
RAM : 2 Gb
Camera : 13 Mp / 8Mp 
Price : 9900 INR 
නෙක්සස් ෆෝන් වල නෙක්සස් 6 හැදුවෙ මෝටරෝලා. නමුත් මෝටරෝලා කියන කොම්පැනියේ ස්මාට්ෆෝන් එකක් විදියට ජනප්‍රියම සහ වේගයෙන්ම අලවි වන ෆෝන් එක තමයි මොටෝ ජී කියන්නෙ. ඒකෙ තුන්වැනි දිගහැරුම තමයි මෝටෝ ජී තර්ඩ් ජෙන් කියන්නෙ. මේ ෆෝන් එකේ තියෙන තිරයනම් ඒ තරම්ම හොදක් නෑ කියලයි කට්ටිය කියන්නෙ. නමුත් මේ ෆෝන් එකේ තියෙන වාසිම දේ තමයි ජලයට, ගැස්සීම් වලට ඔරොත්තු දීම. ජලය, දූවිලි, ගැස්සීම් සීරිම් ආදියට ඔරොත්තු දෙන විදියට තමයි මේ ෆෝන් එක නිපදවාල තියෙන්නෙ. මේ ෆෝන් ඕ ඇස් විදියට එන්නෙ ඔරිම ජිනල් ඇන්ඩොයිඩ් 5.1 ලු. ඒක නම් 6ට අප්ඩේට් කරන්නත් දෙනවාලු. කොහොම වුනත් ෆෝන් එක බාහිර අපල උපද්‍රව වලින් ආරක්ෂා කරගන්න අමාරු රලු භාවිතයට කෙනෙක් ෆෝන් තෝරනවා නම් මේ කාලෙදි මොටෝ ජී කියන්නෙ සාක්කුවට වැඩිමනක් රිදෙන්නෙ නැති තේරීමක්. 

ෆෝන් එකේ බැටරිය එතරම්ම බලගතු විදියක් පෙන්නුම නොකලත් 720රෙෂලූසන් තිරය සහ සාපේක්ෂව අඩු බලයක් සහිත ප්‍රොසසරය නිසා බැටරි මට්ටම ප්‍රමාණවත් වෙනවා ඇති. මේ ප්‍රොසසරය ඔබේ එදිනෙදා කටයුතු වලට නම් වැඩිත් එක්ක. නමුත් ගේම් ගහන්න සහ දරුනු ග්‍රැෆික් වැඩ කිඩ ආදියෙදි මේ ප්‍රොසසරය මදක් මදි ගතියක් පෙන්නුම්  කරනවා ඇති. නමුත් කලකදී ස්මාට්ෆෝන් වල මැද පන්තියේ බොහෝ ෆෝන් වල තිබුන ප්‍රොසසර එකක් තමයි මේ Snapdragon 410.

lenovo k3note, Asus Zenfone max, meizu m3 note වගේ ෆෝනුත් මේ මට්ටමේම තිබෙනවා.. ෆෝන් එකක් කියන්නෙ ලංකාවෙදි නම් තාමත් සාමාන්‍ය එදිනෙදා මැද තලේ රක්ෂාවක් කරන කෙනෙක්ට ආභරනයක් වගේ වටින කියන පරිස්සම් කරගන්න ඕනි දෙයක්.. ඒ නිසාමද මන්දා ගොඩක් අය ෆෝන් වලට ලොකු ආරක්ෂාවක් දීගෙන කවර දාගෙන මැණිකක් වගේ ආරක්ෂා කරන ගතියක් තිබෙනවා. 

ඇමසන් ඉන්දියා, ෆ්ලිප්කාට්, වගේ ඉන්දියානු ඉස්ටෝරු වලින් ලංකාවටත් බඩු එවන ක්‍රමයක් තිබුනා නම් අපිට ලංකාවෙ තියෙන ආඩම්බර මිල වැඩි ෆෝන් දිහා බල බල හූල්ලන්න ඕනි නෑ..ලංකා රුපියල් 25000ක් විතර දෙද්දි සුපිරිම ෆෝන් එකක් අතගාන්න වාසනාව ලැබෙන්න තිබුනා ලංකාවට ඉන්දියන් ස්ටොර් වලින් බඩු ඩිලිවර් කරානම්. මම දැකපු විදියට අසල්වැසි නේපාලය, බංගලිදේශයට එහෙම ඉන්දියාවේ ඔන්ලයින් ස්ටොරු වලින් බඩු යවනවා.. 

ඉන්දියාව කිව්වම බොහෝ අය තාමත් හිතන්නෙ පාරෙ රෙන හිගන්නො හැමතැනම ඉන්න රට කියන පහත් මානසිකත්වයෙන්..නමුත් විශාල ජනගහනයක් ඉන්න ඉන්දියාව වගේ රටකට ලෝකයේ බොහේ ප්‍රකට සමාගම් තමුන්ගේ නිශ්පාදන ඇතුල් කරන්න ලොකු උත්සාහයක් ගන්නවා. ඉන්දියාවේ තිබෙන මට්ටම අනුව ඔවුන් බොහෝවිට මිල අන්තර්ජාතික වෙළදපොලට වඩා ඉන්දියාවේ මිල අඩුවෙන් පවත්වාගන්නත් උත්සාහ ගන්නවා.. 

ඉන්දියානු ගිවිසුම් ගැන ලොකු අවබෝධයක් මට නෑ..ඒත් ඉන්දියන් ඔන්ලයින් ඉස්ටෝරු වලින් ලංකාවට බඩු ඩිලිවර් කරගන්න පුලුවන් නම්..ගෙදර දොර බඩු, ඉලෙක්ට්‍රිකල් ටොනික් බඩු, ඇදුම් පැලදුම්, පරිගණක, මොබයිල් ෆෝන්.විසිතුරු බඩු වගේ බොහෝ බඩු භාන්ඩ තොගයක් සිරිලංකා වැසියන්ට බොහෝම ලාබෙට මිලදීගන්න ලැබෙනවා.. ලංකාවෙ වුනත් ඔය මහ ලොකු ඉලෙක්ටිකල්,රෙදි පෙරදි, පරිඝනක මොබයිල් විකුනලා මහ විසාල ලාබාංශ ගන්නෙ පුංචි පහේ මිනිස්සු නෙවෙයි නෙව.. ඉතිං උන්දැලට පොඩ්ඩක් රිදුනත් බහුරතයක් වන දුක්පත් සහ මැද පන්තියේ මිනිස්සුන්ට ලාබෙට බඩු ගන්න අවස්ථාවක් ලැබෙනෝ නම් වටිනවා කියලා මට හිතෙනවා.. 

6 comments:

  1. අපිට මේ ජීවිතේ ගැටගහගන්න බැරුව ඉන්නවා තමුසෙලා ෆෝන් ගැන කතාකරනවා

    ReplyDelete
  2. මේ හැම එකම ලංකාවෙ ගන්න තියෙයි
    නමුත් ගාණ නං විස්ස පැනල තමයි

    ReplyDelete
  3. චෙන්නයි එක්ස්ප්‍රස් එකේ තියෙන නොකිය ඇඩ් එක මතක් වුණා...
    මං හිතන් හිටියෙ ඉන්දියාවේ නොකියා ටෝනාඩෝ එකක් ඇති කියල

    ReplyDelete
  4. ඔහෙත් ඉන්දියානු ව්‍යාප්ති වාදය පතුරවන්න හදනවැය් ?
    බලාගෙන ජෙප්පොයි පෙරෙට්ටෝයි පොද්දෝයි ඔක්කොම ඔහේගේ පස්ස කන්න බලාගෙන එයි.

    ReplyDelete
  5. කාලෙන්කින් ආවේ අමිල. ඉන්දියන් ටී.වී. කනෙක්ෂන් එකක් බලන නිසා මේවා නිතර දකිනවා.

    ReplyDelete
  6. නොදන්න කාරණා බොහොමයක් දැනගත්තා.

    ReplyDelete

නූතන පටාචාරාවත

විසිතුරු බඩුව ඇය කිසිවිට නැහැ සැලුනේ.. බියකරු වනය බිය නැහැ ඇය වෙත දැනුනේ.. සිය සැමි නැතිය එන මග දරු අහිමි වුනේ.. නැති විය සිහිය ...