Saturday, October 31, 2015

Global Lifestyle Lanka සැප

මම වැඩකරන කන්තෝරුවෙ කැන්ටිමක් තිබෙනවා. මීට වසර කිහිපයටක පෙර එවකට තිබුන කැන්ටිමේ වැඩකලා  ඕලෙවල් අවසාන කරපු වයසේ ගෑනු ලමයි දෙන්නෙක්. එයින් එක්කෙනක් බොහොම හැඩයි. අනික් කෙනත් සාමාන්‍ය පෙනුමක් තිබෙනවා. 

මේ දෙන්නා නිතර කැන්ටිමට බඩ ගාන මගේ යාලුවො බවට පත් වුනා. මම සාමාන්‍යයෙන් ඔය වගේ ගෑනු ලමෝ එක්ක සම්බන්ධ වෙන්න යම් කිසි හැකියාවක් තිබෙන අයෙක්. ඉතිං මේ දෙන්නගෙන් වැඩිය හැඩනැති ගෑනු ලමයට මම මගේ විසිටිං කාඩ් එක දුන්නා. එයාගේ නම නදී. (අන්වර්ථ එකකි)

නදී නම්බර් එක ගත්ත දවස්වලම මට කතා කලත් පස්සෙ එයාට කතා කරන්න වෙලාවක් නැති නිසා කතා කලේ නෑ. නදී මට දැන් අවුරුදු කිහිපයකට කලිං තිබුන මතකයක් ලෙස මතක නැතිවෙන්නත් ගිහින් තිබුනා. නමුත් මේ ලගදි නදී මට කෝල් කලා. 

එයා කෝල් කරලා ආගිය විස්තර අහලා මට තැනකට එන්න පුලුවන්ද කියලා ඇහුවා. මගේ හිතේ විවිධ වර්ණ වල වල දේවල් ඇති වුනා. ඉන් පස්සෙ එයා මට අයිඩන්ටි කාඩ් එකයි රුපියල් දාහකුයිත් අරං එන්න කියලා කිව්වා. අයිඩන්ටි එක, රුපියල් දාහ සහ ගැනු ලමයෙක් මට කතා කරනවා. ඔය දෙක තුන එකට තිව්වම සාමාන්‍යයෙන් මම වගේ තනිකඩ කොල්ලෙකුගේ හිත ඇදෙනවා බොහොම ඈතට. මට මුලින් හිතුනෙ මේකි මාව ඇදන් රූම් එකකට සැප දෙන්න එක්කරං යනවාදෝ කියලා. 

ඊලග දවසෙ එයා මාව ෆේස්බුක් එකේ ඇඩ් කරගත්තා. ඒ වගේම එයා ගේ විස්තර ටිකකුත් කතා කලා. එයා යනවා කිව්වා නාට්‍ය හා රංග කලාව ඉගෙනගන්න තැනකට. ඒ වගේ නාට්ටියක් බලන්න එන්න කියනවාද දන්නෙත් නෑ කියලත් මට හිතුනා. 

නමුත් මහ පොලවට බැහැල බැලුවම එහෙම දෙයක් වෙන්න බෑ..කියල ඕනි සුප්පු බබෙක්ට තේරෙනවා. බඩු එක්ක නැලවෙන්න මිසක් උන්ව රූම් ගෙනියන කලාව මම වැඩිය දන්නෙ නෑ.. වැඩිය දන්නෙ නෑ නෙමෙයි මට එහෙම අත්දැකීමක් ඇත්තෙම නෑ.. 

මේ ලමයා වැඩිය වයසක ලමයෙක් නෙමෙයි. මසාජ් එකකට තුන් හතර වතාවක් ගිහින් තියෙන මනුස්සයෙක් විදියට මම දන්නවා මසාජ් වල සමහර වෙලාවට බොහොම ඈත පලාත්වල පොඩි වයස්වල ගෑනු ලමයිතු්ත ඇවිත් ඉන්නවා. එහෙම එකක්වත්ද කියලත් මට හිතුනා. 

කොහොම හරි ඔය වල් හීනය පිටම මම එයාව හමුවෙන්න අද උදේ කඩුවෙලට ආවා. කඩුවෙලට ඇවිත් මාතර බත් කඩෙන් කාල එහෙම වටපිට බලනකොට එයාත් ඇවිත් හිටියා තව යාලුවෙක් එක්ක. කලිං වගේම එයා කෙට්ටුයි. ඒ ගෑනු ලමයා දැක්කම ඇත්තටම මට දුක හිතුනා..ඉස්සර වගේම හීන්දෑරියි. දැනට රනාල පැත්තෙ බිස්කට් සමාගමක වැඩකරනවා කියලයි මට කියල තිබුනෙ. 

මං මගේ හිතේ ඇදිල තිබුන වල් අදහස් ටික පැත්තකින් තිව්වා. දැන් හිතුනෙ මෙයා මේ මෙයාලගේ නාට්ටියක් පෙන්වන්න තමයි එක්කරං යන්නෙ කියලා. 

කඩුවෙලින් කිරිබත්ගොඩ බස්සෙකකට නැගලා මාකොල හන්දියේ සනාරා උත්සව ශාලාව කියන ශාලාවට තමයි මතක විදියට අපි ඇතුලත් කලේ. ගියාම අලුතින් ආපු අයව පෝලිං කලා. පෝලිං කරලා එයාල අලුත් අයගෙන් සල්ලි ගත්තා රුපියල්  දාහක්. මාත් දාහ දීළ ඇතුලට ගියා. 

ගියාම එතන මෝටිවේශන් ලෙක්චර් වගයක් තිබුනා. ඉන් පස්සෙ එක එක වාරෙට එක එක්කෙනා බැගින් ඇවිත් එයාලට මේ ආයතනය මේ වැඩසටහන වැදගත් වුන හැටි වැදෑරුවා. ඇත්තටම මේ ගැන ඇත්ත විස්තර දැනගන්න ඕනි නම් ග්ලෝබල් ලයිෆ් කියන වචන දෙක ගූගල් සර්ච් කරලා බලන්න සිංහලෙන්. මේ ප්‍රෝඩාව වංචාව ගැන විස්තර බොහොමයක් තියෙනවා සිංහලෙන් සර්ච් කලාම. 

සමහර අය කාර් අරගෙන තියනවා කිව්වා ලක්ෂ පනහෙ හැටේ. තවත් එය ලොකු ඉඩ කඩං අරං තියෙනවා කිව්වා ලක්ෂ ගන්න වල. බොහෝ ලෙක්චර කරපු අය පිටරටත් යනවා කිව්ව නිතරම. 

මැද හරියෙදි එයාල අපිට කරන්න තියෙන දේ කිව්වා. සූර්ය පැනලයක්, බැටරියක්, සහ බල්බ හතරක කට්ටලයක් අපි මිලදී ගන්න ඕනි රුපියල් 85000/= ක මිලකට.. ඉන් පසු ඒක විකුනන්න ඕනි තවත් තුන් දෙනෙකුට..තව තුන්දෙනකුට අපි විකුන්නාම අපිට ලකුනු තුනක් ලැබෙනවා. එසේ ලකුනු තුනක් ගත්තාම අපිට රුපියල් 13000ක කොමිශන් මුදලක් ලැබෙනවා. 

ඉන් පසුව අපෙන් බඩු ගන්නා අය වෙනත් අයට විකිනුවාමත් අපිට ලකුනු එකතු වෙලා අපේ ලකුනු වැඩිවෙලා අපිට බෝනස් ලැබෙනවා. රුපියල් 85000ට විකුනන කට්ටලයේ පිටකොටුවේ වටිනාකම ඇත්තටම රුපියල් 15000ක් වත් වෙන්නෙ නැහැ. එතකොට හිතාගන්න පුලුවනි ඔබට කොයි තරං ලාබයක් මේවා කරන අය ගන්නවාද කියලා. මේ කට්ටලේ ගන්න අයට නුවර එළියේ තියෙන හොටෙල් ක්වන්ටාරා කියන හෝටලයේ දින දෙකක නිවාඩු පැකේජයකුත් දෙනවා කියලා එයාල කිව්වා. 

මේක අමු වංචාවක්. මේ හැම ලෙක්චර් එකක් කරද්දිම කලුපාට ටීෂර්ට් එකක් සහ කලිසමක් අැදගත්ත කිහිප දෙනක් අපි වටකරගෙන හිටියා. ඒ වගේම ඒ අපි හිටිය ආධුනික පිරිස අතරෙම තවත් අය හිටියා වෙන්න පුලුවන් ඉත්තො විදියට දාලා. 

රුපියල් දාහට හරියන්න කෑම බීමවත් දුන්නෙ නැහැ..බීම දෙකක් දුන්නා..එද්දි අයිස් කෝපි එකක් දුන්නා. 
මේ දේශනා කල සම්පූර්ණ පිරිස 10ක් විතර. ඒ හැම කෙනෙක්ම මේ ආයතනයෙන් ජීළුිතය සාර්ථක කරගත්ත හැටි සුරංගනා කතා විදියට කිව්වා. 

ඒකෙ හිටපු ගෑනු නං හරි මහතයි. සමහර විට කොම්පැනිය ග්ලෝබල් නිසා ගෑනුත් ග්ලෝබල් මට්ටමට තියෙන්න ඕනි ඇති. අවසානෙ රුපියල් දෙතුන් සීයක කෑම බීම වලට රුපියල් 1000ක් මට ගෙවන්න උනා ... 

කොහොම උනත් මට තේරුන විදියට එතන හිටපු අලුත් කට්ටියගෙන් අඩුතරමෙ දහ පාලොස් දෙනෙක් වත් අර රුපියල් 85000ක් දීල මේ බිස්නස් එකට බහින්න ඇති. අනේ පවු ඒ මිනිස්සුන්ගේ සල්ලි.  සමහර දේශකයො කිව්වා එයාල මේ ව්‍යාපාරයට ආවෙ ඉඩම උගස් තියලා කියලා. සමහර කිව්වා එයාලට සල්ලි හොයාගන්න ණය වෙන්නත් උනා කියලා. කොහොම උනත් දුප්පත් පෝසත් අපි හැමෝම සල්ලි වලට කෑදරයි. ආසයි.. ඒ ආසාව නරුම විදියට පාවිච්චි කරනවා මේ වගේ තැන්වලදි. 

මට කතා කරපු ගෑනු ලමය රනාල පැත්තෙ බිස්කට් කොම්පැනියක වැඩ කරන්නෙ. ඒ චූටි කෙල්ලත් මේකට අහුවෙලා. ඒකිට මාසෙකටම රුපිය්ල දහ දාහක්වත් ඒ රස්සාවෙන් ඉතුරුවක් නැතුව ඇති. ඉතිං ඒ කෙල්ල රුපියල් අසූදාහක් හොයන්න අවුරුද්දක් වත් මහන්සි වෙන්න ඕනි. 

වැඩසටහන නමය හමාර විතර වෙච්චි පටන් අරං හවස 5 විතර වෙනකල් තියෙනවා. ඉතිං මේ වැඩසටහනට මම ගියේ කාම ආසාව නිසා. අයිඩන්ටි එකයි රුපියල් දාහකුයි අරං චූටි ගෑනු ලමයෙක් මට එන්න කිව්වම නොගිහිං ඉන්න බැරි කමක් හිතට ආවා. මෙතන වංචාවක් ඇති කියල හිතුනත් ඒකට වඩා කාමය උඩට ආවා. 

මේක ගැන තව විස්තර බලන්න ග්ලෝබල් ලයිෆ් ගැන දැනගන්න. ඒ වගේම ඔබට මේ වගේ අනපේක්ශිත රුපියල් දාහක ආරාධනාවක් ආවොත් දවස විනාසකරගන්නෙ නැතුව ඉන්නත් සැලකිලිමත් වෙනව නම් හොදයි. 

Thursday, October 8, 2015

සමරුව

දෙකක් දාගෙන තිබුන නිසා සද්දෙට කෑගහන්න සමරෙට කටට පණ ඇවිත් තිබුනා.. දූවිලි පිරුන පාර දවස් කීපෙන තියෙන වැස්සට තෙමිල තෙත බරියං වෙලා..යාන්තංපෝර උර දෙක තුනක් එලාගන්න ඇහැක් මට්ටමේ ඉඩකඩක් සමරෙට ලැබුන..

ලා...බා...යි...ලා බායි... හැමදාම නෑ,. අවුරුද්දට සැරයයි..දාහට පන්සී්‍යට තියෙනේවා..සීයට දෙසීයට..

සමරෙ තමන්ගේ ආදර සිහිවටන වකිනීම පටන් ගත්තා.. වැලන්ටයින් දවස කිට්ටු නිසා සමරෙට බොහොම ඉක්මනින් බඩු විකුනගන්න උනන්දුව තිබුනා..උණ බට කෑල්ලකට රවුමක් අටවල ඒකෙ අයි ලව් යූකියල ගහල තියෙනවා..තා එකක ලී පතුරු කෑලි දෙකක් නවල සෙට් කරල තියෙනවා..මොන මොනවා හරි සිහිවටන නේ..විඩක් ඒවයි කුරුල්ලො..තා ඒවයි හාට්...මොක වුනත් අනිවාර්යෙන් හැම එකකම වගේ අයි ලව්යූ එකනං හැලිල නෑ..

ක්ලාස් යන කොල්ලො කෙල්ලොන්ට වගේම කන්තෝරු යන කට්ටියටත් පාරයිනෙ පේමන්ට් එකේ තියං විකුනන මේ ආදර සිහිවටන වලට ඇහැගියෙ ්නිකම්මයි.. ක්ලාස් යන උන් නම් සතියක දෙකක ඉදලා පන්සියක් විතර මේ වැලන්ටයින් සමරු ගන්නම වෙන් කරගනයි තිබුනෙ. නමුත් එක කෑල්ලක් සීයට දෙසීයට තියනවා කියන්නෙ ලොවෙත් හොයන්න බැරි ගානක්..නෙ

හොදට ඒ සී කරපු ලස්සන කෙල්ලො කතාබහ කරන කඩේකට රිංගුවොත් මේ ජාතියෙම ලව් සැමරුමක් වෙනවා දාහක් වත්.. හප්පා ඒවයි ගනන්..කියල බඩු වල ගනන් දන්න අයම සමරෙ ලගින් ඇවිල්ල කැරෙකෙන්න ගත්තා..

එක අතකින් කොල්ලො සරලයි..දෙක තුනක් බැලුවා ගත්තා..ඒකට ගනු සහ ගෑනු ලමයි.. ගෑනුන්ගේ ජාතියෙ හැටිනෙ සයිස් එක  පුංචි වුනා කියල නැහැ වාතෙ නම් අඩුවක් නෑ.. අංකල් මේ හාට් එක උඩින් කැරකිලා කුරුල්ලො දෙන්නක් ඉන්න මොඩල් එක නැද්ද? ඒම තිබුන නම් ලස්සනයි..මේකෙ නිකංම නේ තියෙන්නෙ.. සමහර අය නැති දේවල්ම හොයලා සිහිවටන වල අගේ අඩුකරල තව රුපියල් විස්සක් හරි අඩුකරගන්නයි හදන්නෙ..

හොදට බිස්නස් තියෙන නිසා ආයි අඩු කර කර දගලන්න දෙයක් නෑ.. මේක කෝම තිබුනත් හවස ක්ලාස් අරින ජාමෙට කන්තොරු ඇරෙන වෙලාවට බාගයක් විතර ඉවර වේවි..මේ මද්දහනෙත් දැන් හත අටක්ම විකුනන නෙව. සමරෙ හිතුවා..

එක කෙල්ලෙක් ඉන්නව දැන් විනාඩි පාලවක විතර ඉදලා.. ඇවිත් තෝරනව තෝරනවා..මේකි ගැනනං ඇහැ ගහං ඉන්න ඕනි.. හදිසියෙවත් ඕකි මේ සමරුවක් අර නාග මල්ලෙ දාගත්තොතින්.. කෙල්ලො පුංචි වුනාට උන්ගේ මල්ල ලොකුයි.. සුවර නෑ බඩු .. ඒ නිසා සමරෙ ඇහැ ගහගෙනම පුුරුදු සද්දෙ දාන්න ගත්තා.. වැලා..න්ටයින්... වැලා....න්ටයින්.. ලාබයි ලාබයි..

පොඩි මිස් දැන් ගොඩක් වෙල නේද? මොකද්ද ගන්නෙ.. සමරෙ ඇහුවා..

නෑ ..නෑ මම ගන් නෑ..මම මේ බැලුවා.. ඇය උත්තර දුන්නා.. ඒ වචන පේලිවලට සමරෙට තරහ ආවත් ඒත් එක්කම කෙල්ලගේ මුහුනෙ ඇදී යන්නට යෙදුන..  දුක්බර රේඛාව දැක්කම. ඇත්තටම සමරෙටත් දුක හිතුනා..

කෙල්ලටත් ඕනි වුනා මාතෘකාව වෙනස් කරන්න..
ගිය අවුරුද්දෙ අංකල් මේව විකුන්නෙ අර ඈත ගහගාව නේද? දැන් එතන මඩ වෙල වැස්සට නේ.. ?

ඇත්ත වශයෙන්ම ඔහු පසුගිය වසරේ සිටයේ ගහ යටය.මෙවර වැස්සට ගහ යට මඩ වී ඇත.  ඇය ගිය වසරේද සමරුඵලකයක් ගත් කෙල්ලක බව සමරේට වැටහුනි..

ආහ් මැඩම්ට මාව මතකයිද?කට්ටියට ඉතිං මතක් වෙන්න ගත්තට අපි මතක නැතිවෙනව නේ.. කමන් නෑ මැඩම් එහෙනං මේ පාරත් ගන්න මගෙන්ම..කෝමත් මේව අපි සුලු ගානක් තියාන නෙ දෙන්නෙ..

සමරෙ කියවාගෙන යයි.

නෑ අංකල් මට දැන් මේව ඕනි නෑ.. ඇය නැවතත් නැමී සැමරුම් අත ගා බලයි..

ඉන් පසු නැවතත් සමරෙ දෙසට හැරී.. ඉතිං අංකලුත් මෙයින් එකක් ගිහින් දෙනවද ආන්ටිට.. යුවතිය ඇසුවාය..
සමරේ කිසිවිටක ඇගෙන් එවැනි පන්ඩිත කමක් බලාපොරොත්තු නොවීය..

සමරේටඅවසානයේ අහිංසක හීනාවකට ඒ සංවාදය රැගෙන යන්නට හැකි විය..අපිට කොයින්ද පොඩි මිස් වැලන්ටයින්.. අපි ඉතිං මේ ගන්න ගානෙන් තමයි ජීවත් වෙන්නෙ..මේවත් ඉතිං සුලු ලාබ තියෙන වැඩ නේ..

ඒකෙත් හැටි නේ අංකල්..
 කියන්ට ආ දෙයින් කොටසක් සගවාගෙන ඇය පිලිතුරු දුන්නාය...

අංකල්ගේ බිස්නස් එකට කරදරයක් මම මෙතන ඉන්න එක.. මං ගොඩක් වෙල මේව අතගගා හිටිය ත් නේ..ආ මෙන්න මේ රුපියල් පනහ තියාගන්න..මට දැන් ඔය ඒව වැඩක් නෑ අංකල්..

සමරේට වැඩිමනක් රිදුම් ආවේ ඇය බඩු නොගැනීම ගැනවත් ඇය මෙතැනසිටීම් ගැනවත් නොවේ..ඔහුගේන ඇසු වැලන්ටයින් එකට සමරේ බඩු ගන්නේ  නැත්දැයි යන ප්‍රශ්ණයටය.

අනේ නෝන.. ගන්නවනං නෝන එකක් අරං යන්න..මට ගොඩක් බිස්නස් තිබුන නිස තව විස්සක් දීල ඕනි නම් සියෙ එකක් අරං යන්න..ඒත් නිකං නං සල්ලි එපා නෝන.. මේ දවස්වල හොදට බිස්නසුත් තියෙනවා නේ.. සමරෙ කියන්න ටවිය..

මං මේ ව අතගගා ආසාවෙන් බැලුවෙ අංකල් මට තියෙන පොඩි පහේ පිස්සුවකට වගේ කියල අංකල් හිතයි... අනේ මන්ද.. ගිය අවුරුද්දෙ මට එයා මෙතනින් එකක් අරං දුන්නා.. පස්සෙ බලද්දි මමත් එයාට දෙන්න එකක් කලිං මෙතනින්ම අරගෙන තිබුනා..මෙතන කිව්වෙ අංකල් කලිං මේව විකුනාපු ගහ ලගදි..

ඒව ඉතිං වැඩක් නෑ..එක දවසක් බලද්දි ෆේස්බුක් එකේ තිබුන එයාගේ එන්ගේජ්මන්ට් එකේ පොටෝ... සමහර විට මම ගොඩක් දුප්පත් නිසා එයාට මං එක්ක ඉන්න බෑ කියල හිතෙන්න ඇති..ඒත් එයාට තිබුනා නිකං වත් මට කියල යන්න..මම ඇදල ගහල බැනල නවත්වන්නෙ නෑනෙ..
ඇයගේ ඇසේ උනන එක් කදුලු කැටයක් ගුලි වී ඇවිත් පොලිතින් කවර වල එතූ සමරුවක් මතට වැටෙන්නටද හදයි..
ඇය ලේන්සුව ඇස් මට්ටමට ගෙන ..
මං යන්නං යන සංඥාවක් සමරේ වෙතට නිකුත් කරන්න ටවිය..

ඕව ඔහොම තමයි මැඩම්.. සමහරු එකම අවුරුද්දෙ කීප දෙනාට දෙක තුන අරං යනවා.. ලොකෙ හැටි ඒමයි..අපි ඔය ආදරේට කැමති වුනාට අපිට ආදරේ ලැබෙන්න නෑනෙ..ඒකටත් ලැබීම තියෙන් ඕනිලු නේ.. ඒක නේ බුදු බණ වලත් කියල තියෙන්නෙ...

හරි මැඩම් සල්ලි නං ඕන නෑ.. ආයිත් මේවා අලුත් ඩිසයින් ටිකක් හෙට අනිද්ද එනවා.. මේ පැත්තෙ නිකං ඇවිත් අලුත් ඒවා බලල යන්න.. එන්න.. මං ගැන වැරදිය ටහිතන් එපා නෝන..ඒත් මේව බැලුවම හරි ටිකක් නෝනයි හිත සැනෙසෙනවා නං ඒකම ඇති නේ..එ ්කයි කිව්වෙ.. එම අවස්ථාවට උචිත වන අභිනයන් කුමක්දැයි සිතාගන්නට බැරිව සමරේ ඇය දෙස නොබලාම වගේ කියාගෙන ගියේය..

හරි හරි අංකල්..එහෙනම් මම යනවා..අංකල් සල්ලි ගන්නෙත් නෑ.නෙ..මගෙන් කරදරයක් වුනානං සමාවෙන්න..
 ඇය යන්නට ගියාය..

සිරි..නා.. සිරි.. නා... සිරිනා මේ අවේලාවේ අදිමින් කතා කරන්නේ සමරෙ බව හොදින්ම දනී.. මොකො.. අදත් කලාව ඔලුවට ගැහුවයි..තාලෙටකෑ ගහනනෙ.. හුම්..වන වන ඇද ඇද ඉන්නැතුව එනව ඇතුලට.. සිරිනා විධානයකින් මෙන් සමරෙට කියන්නට විය..

නෑ නෑ සිරින..මම පොඩි තෑග්ගක් ගෙනාව ඔයාට.. ඔයාට ඉතිං හැමෝම දෙන්නෙ ඇක්සයිස් කොරල දෙන මෝල් තෑග්ග විතරයි නේ..මං අද පොඩි බඩුවක් ගෙනාව මේන්..

හාැ මොකද්ද බං පෙට්ටිය..මී කතුරක් වත්ද? සිරිනා එය සැනෙන් විවෘත කලාය..
ඈ..මේ මොකද් බං මේ.. අර වැලන්ටයින් සුකුරුත්තමක් නේද? මේ හුත්තවල් මොකටද බං මට.. අනිකඕව මෙතන තියාගන්න ඉඩකුත් නෑ,.ඊලගට මෙතන්ට රිංගන  පකිරෙන්තුවො මින් පස්සෙ ඔය ලබ්බ ගැනම අහවි..ඔන්න ඕක විසික් කරල දාපං අර කානුවට..
සිරිනා සමරේට ගොරවන්නට විය..

හා..ඉතිං උඹ අකමැති නම් කමක් නෑ..එත් ඉතිං ආදරේට ඕව දෙන්න ඕනි..එතකොට තමයිලු ආදරේ පේන්නෙ.. කොහෙද ඉතිං බොට ඕනි පන්සීයය් තව දෙතුන් සීයකුයි විතරයි නේ..උඹට තේරෙනවයි සියුං දේවල්.. සමරේ සිරිනාට යමක් තේරුම් කරන්නට හැදුවේය.

ආ....හ් අප්පඩා... ආ බං සමරෙ..දැන් උඹ මට ආදරේද ඒ පාර... හා හා ආදරේනං මැදෑ.. ඔන්න ඕක එහෙනං අර උඩින් තියල වරෙං විගහට..බිස්නස් තියන වෙලාවෙ ලවු කෑලි උස්සන් එනව නාකි විසේ..

සිරිනා ..උඹට මං තෝරලමයි ගෙනාවෙ බං..සත්තයි.. උඹ ඒක දිහ ටිකක් හරි අාදරෙන් බලහං කො බං..මට කියල වෙන ගෑනු මයිලක් වත් තියෙන එකක්යැ..නෑනෙ.. උඹ නෙව ඉන්න සතියට දෙතුන් වතාවක් වත් බලන්න එන්න..සමරෙ ඇය සමග කරන රාජකාරිය අතරද මේ කතාව මතක් කලේය..

හුම්..එහෙනං සමරේ උඹ ගේ ලවු කෑල්ල මං තියාගන්නං.. ඔන්න උඹ ඕක කියෝ කියෝ තැන් තැන්වල ගිනි තියනව නෙමෙ හරි... සිරිනාට මේ කෑල්ල හෝ ලව් හො ගොඩක් දේවල් තේරුම් ගියේ නැතිමුත් එය වටිනා දෙයක් ලෙස තබාගැනීම සමරේට වැදගත් යැයි පේන නිසාද සමරේ යනු සිරිනා වැහැරී ගියද සිය සිරුර බාල්දු නොකරන තාලේ ගති ඇති කූල් පොරක් නිසාද සිරිනා සමරේ ගෙනා ලව් කෑල්ල බුදු පහන තියෙන තැනට සුට්ටක් පහලින් රාක්කයේ තැබුවාය.. 

Wednesday, October 7, 2015

අපේ ෆෝන් එකට එබෙන්න පොලිසියට පුළුවන්ද

බලන්න අමාරු අකමැති අයට 
අහන්න මෙතන ඔබන්න
 රූපවාහිනිය ගුවන්විදුලිය වගේ උපකරණ තනියෙන් අපිට බලන්නත් පුලුවන් වුනාට ඒවා පොදු භාවිතයටත් ඒ වගේම යොදාගන්නවා. නමුත් පරිඝනකයක් ස්මාට් ෆෝන් එකක් කියන්නෙ තනිකර පුද්ගලික පරිහරණයට යොදාගන්නා උපාංගයන්. ටැබ්ලට් ..ලැප්ටොප් ෆෝන් ස්මාට්ෆෝන් ආදී විශාල පරාසයක මේ මොබයිල් ඩිවයිස් පැතිරිල තියෙනවා. 

පහුගිය සතිවල ලංකාවෙ ඇතිවෙච්චි කතා බහත් එක්ක ආපු කතාවක් තමයි පොලිසියට අපේ ලැප්ටප් ෆෝන් චෙක් කරන්න හැකියාවක් තියනවාය කියන කතාව. 

මේකෙදි අසභ්‍ය දේවල් සම්බන්ද ලංකාවෙ තියෙන යාවත්කාලීන නොවූ යල්පැනගිය නීති රෙගුලාසි අනුව අසභ්‍ය දේවල් වලට යම් යම් සීමාවන් නීතියෙන් පනවා තිබෙනවා. නමුත් අසභ්‍ය කියන්නෙ මොකද්ද කියලා හරියට නීතියෙ අර්ථදක්වලා නැහැ. සිතන්න ඔබගේ ජංගම දුරකථනය තුල කාන්තාවන්ගේ පින්තූර රැසක ගොනුවක් තිබෙනවා. එයින් ඇතැම් ඒවායේ බිකිනිය ඇදගත් කාන්තාවන් සිටිනවා..ඇතැම් ඒවාගේ ඇදුම් රහිත නිරුවත් අය ඉන්නවා..ඇතැම් එකක කාන්තාවන් ලිංගික ක්‍රියාවල නිරත වෙනවා.මේ අතරින් අසභ්‍ය වෙන්නෙ කුමක්ද? අසභ්‍ය නොවෙන්නෙ කුමක්ද කියලා ඔබට මට තීරණය කරන්න පුලුවනි. නමුත් නීතියක් නම් ඒකෙ රාමු හරියට ලකුනු කරලා තියෙන්න ඕනි. එහෙම නැත්තං ඇතැම් විට නාන අවස්ථාවක ලබාගන්නා විනෝද (ෆනී මොඩල්) පිංතුරයක් වුනත් අසභ්‍යයයි කියලා ඇතැම් විට අනික් අයට අර්ථකතන දෙන්න පුලුවන් වෙනවා. 

ෆෝන් එක ලැප් එක පෙන්නුවම මොකද වෙන්නෙ?  

  අන්තර්ජාල සිංහල ලිපි වල තිබුන විදියට පොලිසියට ඕනි වෙලාවක අපේ කොම්පියුටරය ෆෝන් එක චෙක්කරන්න වරෙන්තුවක් ලබාගන්න හැකියාව තිබෙනවා. නමුත් ෆෝන් එක හෝ කම්පියුටරය කියන්නෙ ්අපේ අතිශ්‍ය පුද්ගලික දත්ත තිබෙන තැනක්. ඒ ඉලෙක්ට්‍රොනික ඩිවයිස් වල තිබෙන දත්ත වල සම්පූර්ණ අයිතියක් අපිට නැහැ.. උදාහරණ විදියට මම දරන නිලය අනුව මම වැඩකරන කන්තෝරුවෙ ලිපි ගොනුවක සොෆ්ට් කොපියක් මගේ ෆෝන් එකේ ලැප් එකේ තියාගන්න මට අයිතිවාසිකම තියෙනවා. නමුත් ඒක වෙන කෙනකේට පෙන්වන්න අයිතියක් මට නැහැ. එහෙම වුනෙත් ඒක අපි කම්පනිය එක්ක තිබෙන නීතිමය බැදීම අමු අමුවේම කඩ කිරීමක් වෙනවා. 

ලංකාවෙ තිබෙන ලොකු අවුලක් තමයි පොලිසියට අම්බානක බය වෙන එක. ඉස්සර කාලෙ ඈත ගම් මාන වලට පොලිසියෙන් පැන්නම සමහර බයියෝ දුවල ගිහින් හැංගෙනවා කිසිම වැරැද්දක් නැතුවත්.. ඉතිං ඒ වගේ මේ පොලිසියෙන් අපේ පරිඝනක ෆෝන් චෙක් කරනවා කියන සුලු සද්දෙට සමහර අය බයවෙලා තමුන් පාවිච්චි කරන උපාංග වල ලොකු ලෙුාකු වෙනස්කම් කරගෙන තිබුනා. එක අතකින් මෑත කාලෙ පොලිසිය සේයා සදෙව්මි සිද්ධියේදි හැසිරුන විචක්ෂණ විදියට දැක්කම මිනිස්සු බයවෙන එක සාධාරනයි කියලත් හිතෙනවා.. 

පොලිසියෙන් ඒ විදිටය ජංගම දුරකතන වල ගොනු සෝදිසි කිරීමට වරෙන්තු ලබාගත යුතු සාධාරන හේතු තිබෙනවා. උදාහරණ විදියට පහුගිය කාලයේ  ඇතැම් උද්‍යානවල පෙම්වතුන් ගේ ප්‍රේමාලිංගන වීඩියෝ කොට ඔවුන් බියගන්වා කප්පම් ගැනීම්.. ඒවා අන්තර්ජාලයට සහ වෙනත් ජංගම දුරකථන වලට බෙදාහැරීම් ආදී අකටයුතු කම් තිබුනා. ඇතැම් උද්‍යානවලට ගෑනු ලමයෙක්ට කොටට ඇදුමක් ඇදගෙන යන්නත් බැරි තරම් කැත මට්ටමට මේ ජංගම දුරකථණ කැමරාව සමහර අය පාවිච්චි කරලා තිබුනා.. ඒ නිසා ඒ වගේ අවස්ථාවලදි පොලිසිය විසින් මහේස්ත්‍රාත් තුමාට කරුණු දක්වලා එක්තරා අවස්ථාවකදි උද්‍යානය තුල සිටින සියලුම දෙනා ගෙ ජංගම දුරකථන පරීක්ෂා කරන්න අවසරයක් අරගෙන තිබුනා..ඒ වගේ සාධාරන හේතුවකදි පොලිසියට වුනත් උද්‍යානයේ සිටින අහිංසක බහුතර දෙනා වෙනුවන් ජංගම දුරකථන පරීක්ෂාවක් කිරීමේ සාධාරන අයිතියක් තිබෙනවා.

ඇත්තටම අද කාලෙ පුද්ගලිකත්වය කියන එකට අයිති වෙන්නෙ ඇදුම් වලින් වහගත්ත ශරීර අවයව කෑලි ටික විතරක් නෙමෙයි. එතනින් එහාට ගිහිපු පුද්ගලික අවකාශයක් අපි හැමෝටම නිර්මාණය වෙලා තියෙනවා. මම වැඩියෙන් ටෙලිපොන් කරන්නෙ කාටද? මම ගහන මැසේජ් වල තියෙන්නෙ මොනවද වගේ දේවල් අද දවසෙ දි බොහෝ වැදගත් කාරණා බවට පත් වෙලා තියෙනවා.. 

ඔබේ ජංගම දුරකථනයේ සිම්පතේ දත්ත පොලිසියට ලබාගන්න අවශ්‍ය වුන අවස්ථාවකදි පොලිසිය එම දත්ත ලබාගත යුතු වන්නේ උසාවි නියෝගයකින්. එතනින් මෙහා ජංගම දුරකථන සිම්පතක පුද්ගලික දත්ත  වෙනත් පාර්ශව වලට නිකුත් කිරීම වරදක්. ඒ කියන්නෙ කෝල් සම්බන්ද දත්ත මැසේජ් ආදියෙ දත්ත වුනත් දුරකථන ජාලයේ තැම්ප්ත වුනාට ඒවා වෙනත් පාර්ශව වලට ලබාගැනීම නීතිමය අතින් වුනත් දැඩි ලෙස ආරක්ෂා කරලයි තිබෙන්නෙ.. 

ඒ වගේ වටපිටාවකින් ජංගම දුරකථන ජාලය තුලදි අපේ පුද්ගලිකත්වය ආරක්ෂා වෙද්දි කොහේ දෝ යන අසභ්‍ය නීතියකට මුවාවෙලා අපේ ජංගම දුරකථනය, දැඩි නීතිමය ප්‍රතිපාදනයින් තොරව එබිල බලන්න..ඒකෙ තියෙන ඒවා හොයල බලන්න වල් බූරු නිදහසක් පොලිසියට කොහොමටවත් නෑ.. නැති නයි අරං රෙද්ද අස්සෙ දාගන්නෙ නැතුව..පොලිසියෙන් ඔබේ ජංගම දුරකථනය, ටැබ්ලට් එක, ලැප්ටප් එක චෙක් කරන්න එනවා නම් ඒ සදහා තිබෙන නීතිමය ලියකියවිලි ඉල්ලා සිටින්න ඔබට සැබැවින්ම අයිතියක් තිබෙනවා.. 

මම අන්තර්ජාලයේ දැකපු එක තැනක තිබුනෙ අපි පරිගනකයේ පාස්වර්ඩ් දාල තිබුනත් පොලිසිය අපිට දෙක තුනක් පහර දෙන විට ඒවා පොලිසියට දෙන්න වේවි . ඒනිසා ගුටිකන්න කලිං ම පාස්වර්ඩ්  දෙන එක හොදය කියන මෝඩ තර්කයක්. සැබෑවටම පොලිසියට අපෙන් ප්‍රශ්ණ කරන්න අයිතියක් තිබුනත් පහර දෙන්න හැකියාවක් නැහැ. මේ වගේ පහර දීල ගැටළු විසදන්න ගන්න උත්සාහය වැරැද්දක්. ඒකෙන් වෙන්නෙ වැරදි නොකරන අයත් වැරදි කලා කියලා පිලිඅරගෙන ප්‍රශ්න තවත් සංකීර්ණ වෙන එක.. 

අවසාන වශයෙන් පොලිසියේ කාර්යභාරය වෙන්නෙ අපේ පුද්ගලිකත්වය අවුස්සන එකවත් නැති ප්‍රශ්න වගා කරන එකවත් නෙමෙයි. සමාජයේ නීතිය සහ සාමය වෙනුවෙන් ක්‍රියාකිරීම. ඒක පොලිසිය වගේම අපිත් හොදට අවබෝද කරගන්න ඕනි. 

Tuesday, October 6, 2015

සමනාලී මනමාලී Samanaalii Manamaalii


සමනාලී මනමාලී
හිත ගැලෙයි  ඇලෙයි  සුකොමාලී
හිනා සෙයිදෝ   දන්නෙ නෑ
කට අතින් වසා ගෙන ඈ

ඇස්  උස්සා
හිස ගස්සා
අමනාප වෙලා හිටියා
ගියා තරහ දෝ නොකියා
මා ගල් ගැසී සිටියා..

සද්දෙට ගැස්සෙන කෝච්චියක්
 ඒකෙ පිරුන මහ ලොකු සෙනගක්
දොරවල එල්ලී ගෙන දවසක්
 යද්දී දැක්කා එක ඇණයක්

.ඒක ලස්සනයි මූන පිංබරයි..සිරියාවයි
ලග ඉන්න එකා ගැන ඉරිසියය්..
වැදුනා වැදුනා තදටම වැදුනා රිදුනා රිදුනා ගැඹුරට රිදුනා..

මේ කවි ටික කියෝන ආකාරය අහන්න මෙතනට යන්න. 
 
https://drive.google.com/file/d/0By36M5qMRJnDV0VoRFhSVzhTeVU/view?usp=sharing

Monday, October 5, 2015

උරුමය කරුමය මැද උපාධිය

 
ඩෙනිම් කලිසම හිර කරල තියෙන්නෙ ෆැෂන් එකට සෙට් වෙන්න ඕනි නිසා වෙන්න ඇති. ඒත් නිහිංසගේ දුප්පත් කම ඇදුමෙන් වහන්න ටිකක් අමාරුයි. එක අතකින් ඒ දිහා බලං දුප්පත් කම විග්‍රහ කරන්න යන මගේ ඇස් සහ සිත අමානුෂිකයි. එයාගේ ඩෙනිම හිර කරල තිබුනෙ පස්සෙ දාපු මැහුම් පේලි වලින්. ඒ අස්සෙන් පෙනුන අතේ මහපු තැනුත් තිබුනා. බාගෙදා ඒක ඉරුනට පස්සෙ නිකන් මැෂින් වල ඩෙනිම් මහන්න බැරි නිසා උන දෙයක් වෙන්න ඇති.

කාලෙකට කලින් පොලිෂ් කරලාඉදහිට හොදින් තියාගත්තු කහපාට දිග මූනක් ඇයට තියෙනවා. බොහොම හොදට වෙඩින් එකකට පොලිස් කරලා ලස්සනට හදාගත්තට පස්සෙ කාලෙකට ඇගේ මූනට ලොකු සාත්තුවක් වෙලා නැහැ. කොන්ඩෙනුත් පෙන්නුම් කලේ ජීවිතේට ඉස්ට්‍රේට් කරපු නැති විදියක්. 

ගැමි කෙල්ලොන්ට ආසය් කියල කිව්වට මේ වගේ අර්ධ ගැමි එකියක්ට.. අකැමති වෙන අයත් ඇති. මොනව වුනත් කෙල්ල හැඩයි. ලොකුවට පිම්බුන අවයව නැතිවුනාට චාම් දිගැටි මූනට ඒ සුන්දර ඇස් දෙක එකතුවුනාම අමුතු කාව්‍යමය සුන්දර ගතියක් තිබුනා. 

නිහිංසා ඉගෙන ගත්ත ලමයෙක්. ඇය උපාධිදාරිනියක්. දැනට උපාධිය අරගෙන අවුරුද්දක් වෙනවා.ඒත් රස්සාවක් නැහැ. ඇගේ උපාධිය රජරට සරසවියෙ.ඇගේ ගම පොලොන්නරුවෙත් ටිකක් ඇතුලට වෙන්න ඇලහැර දියබෙදුම පැත්තෙ. පොලොන්නරුව දිස්ත්‍රික්කයේ විතරක් අලුතින් උපාධිය ගතපු රැකියා නැති හාරදහක් ඉන්නවලු රස්සා බලාගෙන. එයින් නිහිංසා කියන්නෙ එකම එක චරිතයක් විතරයි. 

ඇගේ පියාට හරි පැත්ත මාරු වුනා. මුලින් මෛත්‍රි මහත්තයට වැඩ කලාට පස්සෙ ඩඩ්ලි මහත්තයලත් එක්ක තරහ වෙලා ලොකු ජනාධිපතිවරණයෙදි නිහිංසගේ තාත්ත ගත්තෙ දිනපු පැත්ත නෙමෙයි. අනික් පැත්ත. ඒ නිසා අද නිහිංසලයි පවුලට දේසපාලන පිහිට ගන්න බැරිවෙලා. සමහර විට දැන් නැතිවුනත් අනාගතේ දවසක හරි නිහිංසට රැකියාවක් ලැබෙන්න තිබුන වාසනාව වැඩිවෙන්න තිබුනා ඡන්දෙන් දිනපු පැත්තෙ නිහිංසල හිටිය නම්. 

මං මුලින් රස්සාවක් හොයාගන්න ඕනි. ඉන් පස්සෙ දෙමව්පියන්ට සලකන්න ඕනි. නිහිංසගේ බලාපොරොත්තු වල මුල් ලැයිස්තුව හරියෙ එහෙම තිබුනා. නිතරම ගැසට් බලන ඇය දමන්න පුලුවන් බොහෝ බොහෝ සේවාවන්ට අයදුම් කලා නමුත් ඒ කිසිවකින් නිහිංසගේ සිතට සතුටක් එන තැනක් තිබුනෙ නෑ.. 

ආයිත් උපාධිධාරින්ට රස්සා දෙන එකක් නැද්ද දන්නෙත් නෑ.. එක වෙලාවකට මේ ගත්තු උපාධියම වදයක්ද කියලත් නිහිංසට හිතුන වාර අනන්තයි. ඒත් නිහිංසට ගමෙ ්තියෙන්නෙ ලොකු සැලකීමක්. ඇය පාරෙ යනකොට ඉස්කෝලෙ සර් කෙනෙක් මිස් කෙනෙක් පාර යනවා වගේ තමය ිමිනිස්සුන්ගේ සැලකීම. ඇයට රැකියාවක් නැති එක ගැටළුවක් නමුත් ගම්මුන්ගේ හිතේ උගතුන් ගැන තියෙන ලොකු චිත්‍රයෙන් දශමයක් වත් මකන්න නිහිංසට හොයාගන්න බැරි උන රැකියාවලට බැහැ. 

දැන් ඉතිං ගාමන්ට ්යන්නත් බැහැ. මොකද නිහිංස ගාමන්ට් යනවට නිහිංසගේ නෑයොය් දෙමව්පියොයි අකමැතියි. 

ගොයං කපන්න දෑකැත්ත අතට ගත්තට ,..පෑන් අතට අර රෑ වෙනකල් පුටු උඩ වාඩිවෙලා පොත් පත් වල බර දරාන හිටපු ඒ අත් වලට දෑකැත්ත බර වැඩියි වගේ. එතකොට ඈට පේනවා ඇය අඩියක් ගොයං කපාගෙන ඉස්සරහට යද්දි ඒ වගේ අඩි තුන හතරක් ඉස්සරහින් යන විදිලි වේගෙන් ගොයං කපන මඩකලපුවෙන් ආපු කොල්ලො.. 

ලොකු මැෂින් දාන්නබැරි මේ කුඹුරු කෑලිවල ගොයං කපන්න දැන් එනව මඩකලපුවෙන් ගෑනු මිනිස්සු සහ ලමයි. ඒ මිනිස්සුන්ට හරියට වැටිල ඉන්න පැල්කොටයක්වත් නෑලු.. ඒ මඩකලපුවෙන් එන කොල්ලො උපාධි කාරිනියක් වෙච්චි නිහිංස දිහා බැලුවෙ ලොකු ගරුත්වයකින්. ඒ නඩේ හිටපු සිංහල දන්න එකම එක්කෙනා නිහිංස ගැන කියන්න ඇති ලොකු විස්තරයක්. 

අවුරුදු පාලහේ දාසයෙ කොල්ලො ඇවිත් විසාල දෑකැති වලින් ගොයං ගස් ටික සෙල්ලමට ගත්තා වගේ ඉක්මන්ට ගොයං කපනවා. ඒ මිනිස්සු මෙහෙ ඇවිත ්තුන් වේල කාලා ගන්න තුට්ටු දෙකත් අරගෙන ආයිත් මඩකලපු යනවා. ඒ ගන්න සොච්චං සල්ලියෙන් ඒ මිනිස්සුන් ට මාසයක් දෙකක් යාන්තං නොකා නොබී ඉන්න ඇහැකිය කියලා ඒ කන්ඩායමේ ඉන්න සිංහල දන්න මිනිහ කියනවා නිහිංසට ඇහිල තිබුනා. 

මඩකලපු තරුණයො හැඩියි දැඩියි..මහතයි. .උපාධියෙන් යටවුනු ඇගේ තරුණ ළය මඩල මඩකලපු තරුණයින්ගේ පපුවල ගිහින් වැදෙන්නෙ ඔවුන්ගේ හුස්ම හඩ අගේ කනේ වැදෙන්නෙ ඇත්තම ලෝකෙ නෙමෙයි. මායා ලෝකෙ. නමුත් ඒ මායා ලෝකට කලිං විසදගන්න කොච්චර ලෝක තියෙද? නිහිංස නියරක් උඩ වාඩි වෙලා ගොයං සැර වැදුන දනිස්සෙ යට පැත්ත කහන ගමන් කල්පනා කලා. 

දෙමව්පියන්ගේ ගොවිතැන් වලට උදව් වුනා කියලා ලොකු වාසියක් ලැබෙන පාටකුත් නෑ..ගෙදට්ට වෙලා ඉන්න පුලුවන් උපරිම කාලේත දැන් ගෙවිගෙන ගිහින් ඉවරයි. තාත්තයි අම්මයි නංගිලාට දෙස් තියනවා ඇහෙනවා. ඒත් ඇත්තටම නිහිංසට බනින්න බැරි කමට නංගිලට බනිනවද දන්නෙත් නෑ නිහිංසට හිතුනා. 

මගේ උපාධිය වගේම මේ ලෝකෙට මාවත් වැඩි ඇති. හොදට ඉගෙනගන්න තිබුන හැකියාවත්  පොඩි කාලෙත් ලස්සනට හිටිය නිසත් නිහිංසට වැඩියෙන් ආකර්ශනය ලැබුනා. ඇය නිවේදන තරග වගේ තරග වලින් ගොඩක් ඈතට ගියා. නමුත් කොළඹට කිට්ටුවෙනකල් ඇගේ නිවේදන හැකියාව ගියාට නිවේදන කරන්න යන්න එන්න ගියාම තිබුන කරදරේ ඒවට වියදං වෙන බස් කුලිය පවා හොයාගන්න තිබුන අමාරුව නිසා ඒවත් එහෙම්ම යට ගියා. 

ඇය ගොඩක් කතා කලා.මම ගෑනුලමයි එක්ක කතා කරද්දි මට වඩා ගෑනුලමයි කතාකරන අවස්ථා එන්නෙ ටිකක් අඩුවෙන්. මගේ තියෙන පන්ඩිත ඒරියා එක වැඩි නිසා ඇය බොහෝවිට අහගෙන ඉන්නවා මිසක ලොකු දෙයක් කියන්න යන්නෙ නෑ වෙන තැන්වලදි ..නමුත් නිහිංස එහෙම නෑ.. ඇය මටත් වඩා කතා කලා. අවසානෙ දැන් ඔයාට රට යන්න හිතිල ඇති කියල කියල මම ඇහුවා..

ඔයා කොහොමද ඒක දන්නෙ..නිහිංස ඇහුවා.. ඒක මම ගෙස් කල එක ගැන නිහිංසට පුදුමයි. අවසානෙ ඇය ගියා.. ඇය මගේ කාඩ් එක අරං ගියා. මගේ ටෙලිපෝන් නම්බරේ අරං ගියා..මගේ මතකයෙන් කෑල්ලකුත් නිහිංස මල්ලෙ දාගනෙ ගියා. ඒත් ඇගේ ටෙලිපොන් නම්බර් එකවත් නමවත් මොකක්වත් මට දීල ගියෙ නෑ.තේ වතුර එකක් බොන්න අපි අර කඩේට යමු කිව්වහම..අනේ බෑ ඔයා යන්න කියල මග ඇරල ගිය ඒ දිගටි මූන මට තාම මතකයි. ඇගේ බලාපොරොත්තු සාර්ථක වේවා..!!කියනවා හැර වෙන මක්කා කියන්නද? ඉතිං..

Sunday, October 4, 2015

මොබයිල් ප්‍රොසෙසර සහ ලාබ Smartphone

5.0 inch HD 720p screen,
MTK6735 1 GHz Quad Core processor
2GB RAM
16GB ROM
8MP front
13MP rear double
Android 5.1 OS.
Corning Gorilla Glass 2.5

4G LTE

මෙන්න මේ මට්ටමේ තාක්ෂනික මට්ටමේ තියෙන Doogee Velencia Y100 Pro ස්මාට්  ෆෝන් එක මම මිලදී ගත්තා US ඩොලර් 115කට. ඒ ෆෝන් එක bangood ඔන්ලයින් ස්ටෝරුවෙන් ඕඩර් කරද්දි ඩොලර් එක 135යි වුනේ. එතකොට මට ස්මාට් ෆෝන් එකට වියදම් වුන ගාන රු 15,525ක් පමණයි.


අලුත් ස්මාට් පෝන් එක මගේ අත උඩ
මේ චීන මොඩල් එකේ මොබයිල් ෆෝන් එක මට එවල තිබුනෙ ස්වීඩන් රටේ ඉස්ටෝරුවකින්. එවපු පාර්සලේ ඉහලින් පොඩ්ඩක් ඇරල තිබුනට ෆෝන් එකට කිසිම කරදරයක් වෙලා නම් තිබුනෙ නැහැ. කස්ටම් එකෙන් ඇරල තිබුනෙත් නෑ. වැඩියෙන් බදු ගෙවන්න වුනෙත් නෑ. 
අලුත් පෝන් එකේ ස්ක්‍රින් ෂොට්ස්
















චීන ෆෝන් එකේ තියෙන්නෙ සෝනි මෙගාපික්සල් 13ක කැමරාවක් කියල තමයි තාක්ෂණික දත්ත වල සදහන් වුනේ. මොනව නමුත් 13ම නෑ කියල සමහර අන්තර්ජාල තොරතුරු පත් වල සදහන් වුනත් කැමරාව සැලකිය යුතු තත්වයකින් තියෙනවා.




මේ ඉහලින් තියෙන්නෙ අලුත් පෝන් කැමරාවෙන් ගතපු පිංතුර. ඒවා බලපු යාලුවොත් කිව්ව කැමරාව නම් තරමක් හොද මට්ටමක තියෙනවා කියලා. 

සාමාන්‍යයෙන් ඔන්ලයින් චීන ස්ටෝරුවල බැලුවාම මෙ  විදියෙ චීන ෆෝන් විවිධ නම ්වලින් තියෙනවා. ඊබේ එකේ ඇමසන් වල පවා චයිනිස් ස්මාට් ෆෝන් විකුනන්න තියෙනවා. මේ ෆෝන් වල සැම්සුන්, හුවාවේ, ඇපල්, එල් ජී ආදි මොඩල එක්ක බැලුවාම සාමාන්‍යයෙන් පොදු අසමානතාවයක් තියෙනවා. ඒ තමයි ප්‍රොසෙසර එක. 

දැන් දැන් එන බොහෝ ස්මාට් ෆෝන් වල 4G අගල් පහේ හෝ ඊට වැඩි  HD Display මේ මට්ටමේ කැමරා ආදිය තියෙනවා. නමුත් ඒ බොහෝ නමගිය ෆෝන් වලට වඩා මේ චීන ෆෝන් ලාබ වෙන්න මූලික හේතුවක් තමයි ඔවුන් යොදාගෙන තිබෙන ප්‍රොසෙසර එක. 

පසුගිය වර්ෂවලදී ලෝකයේ ස්මාට්ෆෝන් බොහොමයක් සමන්විත වුනේ Qualcomm Snapdragon කියන ප්‍රොසසර් එකෙන්. මීට කලකට පෙර වගේම දැනුත් ඇපල් සමාගම ඇතුලු ප්‍රකට නම් සහිත ස්මාට් ෆෝන් තනන අය යොදාගන්නෙ ක්වාල්කොම් ස්නැප්ඩ්‍රැගන් ප්‍රොසසර එක. ඊට අමතරව ඉන්ටෙල් ඇටම් කියන ප්‍රොසසර එකත් තියෙනවා. බොහෝවිට අසුස් සෙන්ෆෝන් කියන මාදිලිය එන්නෙ ඉන්ටෙල් ඇටම් කියන මොබයිල් ප්‍රොසසරයේ බලය එක්ක. 
Intel Atom සහිත Asus Zenfone 
පසුගිය වසරේ සැම්සුන් සමාගම ගැලක්සි S6 කියන තමුන්ගේ මාදිලියට සැම්සුන් සමාගමේම ප්‍රොසසර එකක් යොදාගන්න තීරණය කරල තියෙනවා. ලෝකයේ වැඩිම පිරිසක් භාවිත කරන ජංගම දුරකතන වර්ගය වන සැම්සුන් සමාගමේ ඒ තීරණය ක්වාල්කොම් සමාගමට ලොකු පහරක් වෙලා . ඒ වගේම මීඩියා ටෙක් කොම්පැනියෙන් ලාබට එන ප්‍රොසසර සහිත ජංගම දුරකථන වෙළදපොලට පැමිණීමත් ක්වාල්කොම් අයට අභියෝගයක් වන්නට ඇති. 

Mediatek කියන්නෙ තායිලන්ත සමාගමක්. ඔවුන්ගේ අරමුනක් තමයි ලාබදායි මීලට ජංගම ප්‍රොසසර නිර්මාණය කිරීම. මේ මොබයිල් ප්‍රොසසර සහ චිප් ආදිය යොදාගන්නෙ ෆෝන් වලට විතරක්ම නෙමෙයි. කාර් සහ වාහන වල තිබෙන පද්ධති වලට.. ඩොන්ගල්. මොඩම්, රවුටර් ආදියට මේ මොබයිල් ප්‍රොසසර යොදාගන්නවා. 

4G LTE වල ආගමනයත් එක්ක වඩාත්ම සාර්ථක ලෙස 4G  වලට සරිලන විදියට ජංගම දුරකථන සහ ජංගම උපාංග නිර්මාණය කරන්න අවශ්‍ය වුනා. කලින් තිබුන ත්‍රී ජී එක්ක බලද්දි 4G  කියන්නෙ දෙතුන් ගුණයක විශාල වේගයක් සහිත සම්බන්ධතාවයක්. ඒ වගේම විශාල සහ තීව්රතාවය වැඩි ඩිස්ප්ලේ, වැඩිබලයක් යොදාගන්නා ඇප්ලිකේශන් ආදිය නිසා මොබයිල් ප්‍රොසසර තැනීමේදී විවිධ ආකාරයෙන් සොයා බලන්නට මොබයිල් ප්‍රොසසර සමාගම් වලට සිද්ද වුනා. 

ඒ තරගයෙන් යාන්තම් ඔලුව දාගන්න මීඩියාටෙක් අයට හැකිවෙල තියෙනවා. නමුත් තවමත් ජංගම දුරකථන වෙලදපොලේ සියයට 90කට  වැඩි කොටසකට අයිතිය කියන්නෙ ක්වාල්කොම් කියන ප්‍රොසසර. 

මගේ ජංගම දුරකථනය ගත්තොතින් ඒකෙ තියෙන එක ලොකු දුර්වල තාවයක් තමයි බැටරිය. බැටරිය 2000mAh වගේ තමයි තියෙන්නෙ. ඒකටත් දුරකථන සමාගම් අලුත් විසදුම් සොයාගෙන තිබෙනවා. 5000, 6500 mAh වගේ අධි බලැති ජංගම දුරකථන බැටරි නිශ්පාදනය වීම වගේම ඒවා ආරෝපනය කරන්නට හෙවත් චාජ් කරගන්නට වැඩිබලයක් එකවර ලබාදිය හැකි ක්වික් චාජ් ක්‍රම දැන් ඇවිත් තියෙනවා. 

ඒ කිව්වෙ 5000ක වගේ අගයකින් බැටරි බලේ වැඩිවුනාම තිබුන සාම්ප්‍රදායික ක්‍රමේට චාජ් කරන්න ගියොත් ඒ ප්‍රමාණය චාජ් වෙන්න පැය 6-7ක් යනවා. නමුත් අලුත් තාක්ෂණික ක්‍රමවලින් වැඩි බලයක් ස්වල්ප කාලයක් යොදවා බැටරිය චාජ් කරන්න හැකියාව දැන් චීන සමාගම් විසින් සොයාගෙන තිබෙනවා. 

මගේ ෆෝන් එක ඇන්ඩ්‍රොයිඩ් 5.1 Lolipop එකක්. සිංහල අකුරු යසට පේනවා වගේම මේ ෆෝන් එකේ ඩුවල් සිම් භාවිත කරන අයට විශේෂ සැකසුම් කීපයකින්ම සමන්විත වෙනවා. 

අද ස්මාට් ෆෝන් කියන දේ බොහොම වේගෙන් පැතිරෙන බඩුවක් වෙලා. මාස දෙක තුනක පඩිය ෆෝන් එක වෙනුවෙන් යොදවන්න කැමති තරුණ තරුණියොත් දැන් දැන් ඇතිවෙල තියෙනවා. ඒ වගේම ජපානෙ සහ වෙන රටවල පාවිච්චි කරපු ඇපල් ෆෝන් එහෙම අමාරුවෙන් ඕ එස් කඩල යාන්තං මිට ගහගෙන සෝබනේට පාවිච්චි කරන අයත් ඉන්නවා. 

ස්මාට් ෆෝන් එකක් ලාබෙට හොයන අයෙක්ට හුවාවෙ ඇරුනම තියෙන හොද ඔප්ෂන් එකක් තමයි මේ චීන ස්මාට්ෆෝන් එකක් රටින් ගෙන්වගන්න එක. චීන වුනත් පැකින් නොකඩපු අලුත් බඩුවක් පාවිච්චි කරන එක , සුද්දො , ජප්පො විසික් කරපුවා අන්ලොක් කරල අමාරුවෙන් පාවිච්චි කරනවට වඩා හොදය කියල තමයි මට හිතෙන්නෙ. 

ඔන්න යාලුවනේ කුනු කන්ද පෙරලුනා ඈ..

පුංචි පැංචි කියල කිඩ්ස් පෝගැම් එකක් ඉස්සර ගියා..ඒකෙ හැමදේම වගේ කියන්නේ එක ස්ටයිල් එකකට.. ඔන්න යාලුවනේ අපි අද බලමු මාලතී නැන්දා අපිට මොනවද ග...