Saturday, March 26, 2011

The spa සම්බාහනායථනය

සම්බාහනායථනය

මචං මෙ අපි යමු ෆිල්ම් එකක් බලන්න
අතේ සත පහක් නැතුව මොන ෆිල්ම් බැලිල්ලක්ද බාන්.....බෝඩිමට වෙලා කෑමගෙදරින් කෑම ඇනවුම් කරල නිදාගමු...දවල් වෙන්න ගිහිං කමු..
හනේ මංද වටින තරුණ ඡීවිත
වී සී කියන්නෙත් යූනියන් ලොක්කො කියන්නෙත් එකම කතාවමයි  මෙහෙම හරක් වාගෙ නිදාගන්න පුලුවන්ද බන්
අඛිලගේ ‍දැඩි පෙරැත්තය නිසාම මා ඔහු සමග චිත්‍රපටය බැලීමට මා සූදානම් විය.
දැන් මොකක්ද ඔය චිත්‍රපටිය?  මේක උස්බෙකිස්ථාන චිත්‍රපටියක් මම අන්තර්ජාලෙත් හොයල බැලුව.සම්මාන දිනපු එකක්.නම “වසිල්ලා”.    ගොඩක් දුර යන්න වෙයිද දන්නෙ නෑ නේ..
හයියෝ බන්ඩො උඹට තියෙන්නෙ කෑල්ලකටවත් නැති ප්‍රශ්ණ නේ?
අපි කලින් චිත්‍රපටිය බලමු.අනික බෝඩිමේ හිටිය කියල උඹ පාඩම් කරල අයින්ස්ටොයින් වෙන්නයැ.
අපි දස අතේ හතර වටේ රවුං ගසා උස්බෙකිස්තාන මධ්‍යස්ථානය සොයාගතිමු.මේ පෙදෙස කොළඹ හතට අයිති වූ හෙයින් ‍බොහෝ දර්ශන ප්‍රියමනාප ඒවාම විය.මෙම පෙදෙස ඉතා පිරිසිදුය.මඟ දෙපස ගහකොල මලින් ගැවසී ඇත.ඉන් සමහරෙක පරපුටුවනට අමතරව වෙනත් පක්ශීන්ද වෙසෙන බව දැක්වීමට මෙන් එහි වූ කුරුල්ලන් සමහරෙක් ඉඳහිට කෑ ගායි.මේ පෙදෙස රථවාහන නම් සාමාන්‍ය දනව්වැසි පුරුශයනට පරිහරනය‍ට තබා දෑසින් දැකගැනීමට උවද නොහෙන අධික මිලෙන්ද සුඛෝපභෝගයෙන්ද ගහන ඒවාම වෙයි.මෙහි ඔබ මොබ දක්නට වූ ගෑනුද ලපටි,තරුණ,මහළු බේදයක් නෑතිවම බොහෝ ශෝබාමාන ‍මුහුනත් ඇත්තෝම විය.
පැහැයෙන් කලු උවත් අවලක්ශනක් දකනට නොවූ මඟ ඇවිදිනා එක යුවති කෙනෙකු දැක,,නොවේලුන නියා පෙනෙන පරිදි සරහන ලද කේශ කල්‍යානය දුටු මමිතුරු අඛිලයා,.සෙමෙන් ගොස් ඇය ලුහුබැඳ “ ආ නංගී.. උදේම නාගෙන බාගෙට ඇඳගෙන ටියුශන් දෝ යන්නේ” යැය් හැකර ස්වරයෙන්ම ඇසීය.කෂණයකින් පිටුපස බලා දවා හලු වන තරමට මඳක් අඩුවෙන් අඛිලයාට රවා,, මහත්කො‍ට නැති වූ හෙයින් උස වූ සපත්තු අඩියෙන් ඔසවාලූ ඇගේ උකුල අඛිලයා දෙසට ගස්වාම ඉක්මන් වූ පයෙන්ම ඉවතට ඇදුනාය.
ඉන්පසු අඛිලයා ඇගේ යම් තැනක වූ වටනා අවයවයක් නලලතට නැගුන බවක් පැවසීය..එය පරිහරනයට ගන්නා කල නලලේ තිබෙනවිට බෝ සෙයින් භාවිතයෙහි පාසු බව ගැන මාද ‍ප්‍රබන්ධ කතා ,කල් වතා තෙපලම්න් මනස් රෝගී තැනැත්තහු මෙන් මහ සිනායෙන් මඟ උනහුගේ අවධානයද ගෙන ඇත් ගොව්වන් නොමැති වූ මහලු හස්තීන් දෙදෙනෙකුගේ අලස ගමනින්ම ගමන් ගති.ඉන් ඉක්බිති අවැසි තැන වු දැය විමසා බලමු.කෝ බං මෙතන බෝඩ් එකක්වත් නෑ නෙ..
අපි අර තුවක්කු බටයක් තියන් නිදිකිරන සික්ඛාපදං අංකල්ගෙන් අහල බලමු..
ආ මහත්තයල අර චිත්‍රපටිද හොයන්නෙ ඒව කල්ගිහින්..ඒ මහත්තුරුත් රට ගිහින්..ආයෙ පෙන්නන දවසක් තාම දීල නෑ.
යකෝ මූ වයින් කරපු ගිරවෙක් වගේ නේ...ආපසු හැරෙමින් මා පැවසීය...
උඹේ අ‍‍‍ඬෝවැඩියාවත් හරි ආවත් හරි අපායට ගියත් සුභවාදීව යන්න ඕනි..
හරි හරි උඹ කියන විදිහට මම බෑ කියාගෙන ආව නිසා තමයි මේ මඟුල නැත්තෙ...ශික් දෙවෙනි පාර කතාකල වෙලාවෙ ආයෙම නිදා ගත්ත නම් දැන් හීන දෙක තුනක්ම බලල..
මේ අර බලපන්
කෝ මොකක්ද?
අර බෝඩ් එක...


ඇයි උඹට අතේ පිච්චියක් නැතුව ඔය නොදන්න සම්භාහනායතන පස්සෙ ගිහින් අහවල් එක හොඳට තලාගන්න ඕනි වෙලාද?

නෑ බං නිකමට ගිහින් බලල එමු...ටිකක් කථා කරල බලමු...හදිසියෙ දුක හිතිල නොමිලේ ෆී කාඩ් එකක් කාරිය දුන්න එපා කියන්නද?
එතන නිකම දෙන දන්සලක් නෙමෙයි ....අනික අද පෝයත් නෙමෙයිනෙ
නිකන් නොදන්න එව්වට ගෙහුං වරිගෙ නහ ගන්න උත්සාහ කරන්නෙ නැතුව යමු බං..
එහෙම නෙමෙයි මේක අපෙ ගමත් නෙමෙ..දන්න කියන මොකෙක්වත් ඇත්තෙත් නෑ..
ඉතිං ගිහිං ජොලියට වාගෙ ටෝක් කරල එමු...
අර නන්දසේන රත්නපාල මහත්තයත් ඔයවාගෙ තැන්වලට ගිහිං තමා පරීක්ශණ කරල ලොකු පොත් ලියල තියෙන්නෙ...
හරි මමනෙ දැං කොක්ක උඹ වීර‍යනෙ දැං මේ පාර මැද ඕකට වාද කරල බෑ..උඹ පලයං මම අර ඉස්සරහ පේන මාර ගහ හරියෙන් ඉන්නම්...
එහෙම කෙත වෙඩ ෂොඳ නේ නෙ සහෝ උඹත් වරෙන්...මම කතාකරන්නම් ..
අපි දෙදෙනා ඒ විසල් ගේට්ටුව හැරගෙන ඇතුලට ගියෙමු..වීරයාගේ සැල් බහින්නට විය..එහෙත් එතැන සිටි විමසීම් කවුන්ටරයේ ලස්සන කෙල්ලට පෙනෙන්නට ඇඹරීම නොහොබිනා කටයුත්තක් වූ බැවින් මා තොරතුරු ඇසීමට ඉදිරිපත් විය..එම අවස්ථාවේදී විමසීම් කෙල්ලගෙන්ම යමක් දැනගැනීමට ඇතුලේ සි‍ට පැමිණි ටිකක් මහත වූ කෙල්ලක අප සිටි නිසා මඳකට නතර විය..විමසිම් කෙල්ල මංජුලා විය.ඇගේ නම සහිත, ආයතනයේ කාඩ්පතක් මට පිළිගැන්වීය..එතකො‍ට මෙයා ..ඒ පැන්නේ අඛිලය එවිට මංජුලා ඒ අපේ වෙල් ‍ට්‍රේන්ඩ තෙරපිස්ට් කෙනෙක් ...යැයි කීය.
ඉන්පසු අපි සෙමෙන් සෙමෙන් මදක් දුර විත් අවුණුහලකට ගොඩ විය..
මේ ඇත්ත කියපන් උඹ කලින් මේ වගෙ තැනකට ඇවිත් තියෙනව නේද?
මොන පිස්සුද යකෝ මම ත් මේ වගේ මරාලෙකට අහු උනාම තමයි,,කොහෙද තනි වීරය වාගෙ ගියාට උඹ එතෙනට ගිහින් ඇඹරෙන්න ගත්තනෙ,,ඉතින් අවසා‍නෙ නියම ආරිය බඩුකාරයෙක් වාගෙ මට ගිහින් කතා කරන්න වුනා..
එතකොට අර හෑන්ඩ් කරනවද කියල ඇහුවෙත් නිකමට වෙන්න ඇති නේද??
අනේ පලයන් බන් යන්න..අපි නොදන්න මොණරතැන්න...
මම මෙහෙ එන්න කලින් බැංකුවක හිටිය බව උඹ දන්නව ඇති.. ඒකෙ හිටිය ඔය වගේ අහිංසක ව ආතල් අරගෙන නිකන් සල්ලි නාස්තිකරගන්න කැමති එකෙක්...උගේ කල්වතා වලිං ඇහිඳගනිපු කෑල්ලක් තමය් හෑන්ඩ් කිරිල්ල...
එහෙම නැතුව මම දන්න හෑන්ඩ් කිරිල්ලක් නෑ බං.....
අඩෝ අර රිසෙප්ශනී, අර කෙල්ලගෙ නම කිව්වෙ නෑනෙ බං..ඒකි හරි ඉරිසිය උනා මම හිතන්නෙ ...
මොකද උඹට එකපාර .....තොට විසේස මෝල් හිතක් පහල උනාද??
හැම වෙලේම මෝලෙන් දකින්න එපා බං ඒ කෙල්ල හරි අහිංසක පාටයි..ඒකිට සල්ලි,ගෙවල්,පවුල් ප්‍රශ්ණ ඇති....
හරි උඹට වාසි විදිහට උඹ හිතපන් ඒත් එකක් උඹට මතකද අර මුල් කාලෙ ඉංග්‍රීසි උගන්නපු බුවා හැමවෙලේම කියන කතාව....
ළමයි අපි කොළඹ ඉඳන් ගෙදර යනකොට මෙහෙන් ටිකක් එහෙට වටින ඒව දාගෙන යන්න ඕනි..ලස්සනට තිබ්බට බොම්බය් මොටයි ගෙනිහිං හරියන්නෙ නෑනෙ..
ඉන්පසු දින කිහිපයක් යනතෙක් අඛිල නිහඬ විය එහෙත් එදා දුටු කෙල්ල පිළිබඳ විශේෂ උනන්දුව ඔහු කෙරෙන් මඳක් හෝ අඩු වූයේ නැත....
කැම්පස් වසා ඇතත් මා නැවතුනේ පංති තිබු නිසාය...අඛිලත් හෝටලයේ නිතර වැඩට යන්නට විය.
අඛිල කැම්පස් තිබුන දිනෙක දෙකක හෝ‍ටලයේ උත්සව අවස්ථාවන්ට මාද රැගෙන ගොස් ඇත...එහිදී පැය 8ට ලබාදෙන රු 700 වෙනුවෙන් ඔහු පිඟන් සේදීම,මේස සැකසීම,කෑම පිළිගැන්වීම ආදී බොහෝ දේ කලයුතු වෙයි..කැම්පස් ඇති දිනෙක ඔහු එහි වැඩට ගියේ බොහෝ පිරිස් පැමිණෙන මංගල උත්සව අවස්ථා සඳහාය..එහෙත් කැම්පස් වසා ඇති දිනවල ඔහු ගොස් තිබෙන වැඩපලක් කරදී බඩපුරා කා බී දෙන මුදලක් රැගෙන එයි..එහෙත් උත්සව අවස්ථාවලදී කෙතරම් මධ්‍යසාර තිබුනත් පිං අඩි ලැබුනත් ඔහු මඳ පමණකින් හෝ මත්පැන් ගන්නෙකු නොවේ..අප අතර කෙතෙක් මත ගැටුම් තිබුනත් හෝටලයේ විශාල ප්‍රමාණයේ උත්සව පැවතෙන දිනක රෑ කෑම මිලදී නොගන්නා ලෙස වූ කෙටි පණිවුඩයක් ඔහු එවනු ලබයි..එසේම කෑම බොහෝ සෙයින් ඉතිරිවන දිනෙක බොඩිමේ සෑම දෙනෙකුටම නොමිලේ සුපිරි ලෙස කෑමේ වරප්‍රසාදය අඛිල නිසා හිමි වෙයි..
චිත්‍රපට නැරඹීමට ගොස් ‍සතියකට දෙකකට පසුව මා නිවසක ටියුශන් දෙමින් සිටින අතරතුර අඛිලගෙන් හදිසි ඇමතුමක් විය...
මේ උඹ කොහෙද ඉන්නෙ දැන්...
මම මේ බොරැල්ල පැත්තෙ ක්ලාස් එකක්...
මේ පුලුවන් තරං ඉක්මනට අර අපි ගිහිපු සම්භාහන ආයතනෙ හරියට වරෙන්...
මම ඉන්නෙ ටියුශන් එකක ,,පිස්සු කෙලින්න වෙලාවක් නෙමෙ දැන්...
හදිස්සියක් නිසා කථා කරන්නෙ විහිලු කර කර ඉන්න වෙලාවක් නෑ ....ඉක්මනට වරෙන්.
හරි මම තව විනාඩි 20න් ඔතන..උඹ එතන හිටපන් හරිද...
හදිසි වැඩක් අඟවා වහා පංතිය නතර කල මා වහා පිටත් විය.මා යනවිට මට දකින්නට ලැබුනේ අඛිල නොවේ..එක්වරම “ඕයි මම මෙහේ” යන කීමෙන් අන්දමන්ද වී බලන විට පෙනුනේ ජැන්ඩියට ඇඳ පැළඳ,එක් පසෙකින් තැඹිලි වලුද අනික් අතින් පසින් කෝම්බ මල්ලද අතේ පිහියද තබාගෙන සිටින නවීන තැඹිලි කාරයෙකි..
මචං තව විනාඩි පහකින් නවින්දි එනව ඊට පස්සෙ විනාඩි 2 කින් මම යනව ...ගිහින් පැයකින් එනව මේ වෙලාවෙ හොඳ බිස්නස් වෙලාව අද ගන්න සල්ලි උඹ තියාගනින්...මම ඒ වෙලාවේ බොහෝ දේ ඇසිය යුතු උවත් කලයුතු සියල්ල ඔහු විසින් පැවසූ හෙයින් තුශ්නිම්භූතව සිටියෙමි.
අපි උඹලගෙ ගෙදර ගිය වෙලේ උඹනෙ කුරුම්බ කැපුවෙ....ඒ පලපු‍රුද්ද හොඳටෝම ඇති...
ස්වල්ප වේලාවකින් සම්භාහනායතනයට හැරෙන ඉදිරිපස පාරෙන් ළපටිම  නැතත් නොමේරූ පෙනුමැති යුවතියක් මතුවිය...ඇය මීට සති දෙකකට පමණ පෙර සම්භාහනායතනයේදී අඛිල‍ගෙ සිත්ගත් යුවතිය විය...මා ඈ දෙස බලනු දුටු අඛිල එයා තමා නවින්දිකා යයි පැවසීය..
එදින රාත්‍රියෙත් පසුවත් ඔහු විසින් කියන ලද දේ අනුව කතාව මෙසේය...
මා විසින් සම්භාහනායතනයට යෑම ප්‍රතික්ෂේප කරන ලද බැවින් අඛිල තනිවම එහි ගොස් ඇත..එවිට ඔහුගේ වාසනාවට මෙන් නවින්දිම සිට ඇත...අඛිල නවින්දි කථාවට එක් කරගන්නට උත්සාහ කොට ඇත. නමුත් නවින්දි කථා කර ඇත්තේ අවශ්‍යම ප්‍රශ්ණ කීපයකට පමණි...අවසන හෑන්ඩ් කිරීමට සැරසුන විට අඛිල., “මට ඔයාගෙන් ඕනි ඕක නෙමෙයි” යැයි පවසා ඇත.එහෙනම් යැයි ඇසූවිට අඛිල මට ඕනි ඒකත් නෙමෙයි යැයි පවසා එන්නට ඇවිත් ඇත....පසු දිනෙක යලිත් සම්භාහනායතනයට අඛිල ගොස් මුදල් ගෙවා එදිනත් නවින්දිම එනතුරු මඟබලා සි‍ට ඇත...එහෙත් එදා ඇවිත් ඇත්තේ වෙනත් ගෑනු කෙනෙකි..ඇයව ප්‍රතික්ශේප කල ‍අඛිල පොඩි එකකු සේ නවින්දිම ඉල්ලා කලබල ඇතිකරගෙන කනේ පහරකුත් කාගෙන රුපියල් 1000ත් පාඩු කරගෙන ඇවිත් ඊළඟ දිනයේ සම්භාහනායතනය‍ට හැරෙන පාර අසල තැඹිලි වෙළඳාම පටන්ගෙන ඇත..හුදෙක් වෙනත් චේතනාවකින් පටන් ගත්තත් එතැන බොහෝ රථ වාහන නවතා තැබිය හැකි වූ ‍සෙවනක් වන බැවින් තැඹිලි වෙළඳාම සරු වී ඇත..
දින දෙකක් ගත‍ව ගොස් ඇත...මෙසේ අනාරක්ෂිතව පසුපස ඒම අඛිලගේ සෞඛ්‍ය තත්වයට කිසිසේත් නොගැලපෙන බව පසක් කරගත් නවින්දි එහි වැඩකාර ක්ලීනර කොල්ලාට මුදලක් ගෙවා අභිනව තැඹිලි වෙලෙන්දා අතේ “මගේ පස්සෙන් එන්න එපා,මම බැඳල,074........ආදී ලෙස නොම්මරය ලියා ,දැන් එපා රෑ නවයෙන් පස්සෙ යැය් “ කුඩා ලියමනක් එවා ඇත..එදා රෑම අඛිල කෝල් කර ඇත.බැඳ තිබුනොත් සියලු සංස්කාරම බිම වැටෙන බව ඒකාන්ත බැවින් දින දෙකක් කථා කොටත් (Are U Married)වැනි ප්‍රශ්නයක් නොඅසන්නට අඛිල වගබලාගෙන ඇත..
එක් දිනක් උදෑසන සුපුරුදු තැඹිලි වෙළඳාමට පැමිණ වලු ටික බිම තැබුවා පමණි..වැදුන පා පහරින් පසු පස්සා පැත්ත පළමුකොට බිම වදින සේ ඩොග් සද්දයෙන් කෙසෙල් කඳක් ලෙස බිම අැද වැටුනි...ඉන්පසු තවත් පහර කීපයක් එල්ල විය...කුණුහරුප රාශියකින්ද අඛිල සංග්‍රහ විඳීය...
1.    තවත් මෙතන බිස්නස් බෑ
2.    ඒ වගේම තවත් තමුසෙ මේ පලාතෙ පේන්න ඉන්න බෑ...ඒ කියන්නෙ තමුසෙට සම්භාහනායතනෙටත් අවසර නෑ...
හරී
තවත් එක් සිද්ධියක් නොවන්නට සම්පූරණයෙන් මෙම කතාවට නැවතීමේ තිත වැටෙන්නට බොහෝ දුරට ඉඩ තිබිණි.
මේ අවස්ථාවේ අඛිලට මේ දිනවල රෙස්ටොරන්ට් එක නොහොත් අඛිල රාත්‍රියට සේවා සපයන හෝටලයේ කුස්සියේ වැඩ කරන කෙනෙක් මතක් විය.ඔහු හිතාමතාම හෝටලයේ උත්සව පැවතෙන විට කුස්සියටම වී සිට ඇත. දිනක් ඔහු අඛිලට “මල්ලි ඔය බීමජාති හෙම ලැබුනොත් මෙහෙට ත් පොඩ්ඩක් එවපන්” යයි කියා ඇත..අඛිල කිසිත් කට නොලෑවාට අනුන් තැනීමට නොයයි.අනික අඛිල නොබීවාය කියා ඔහුට හැර වෙනත් කිසිවෙකුට මහ ලාබයක් අත් නොවෙන බැවින් අඛිල ඉතිරිවන සහ ලැබෙන බීම අර කුස්සි කොල්ලාට ගෙනවිත් දී ඇත..ඉන් පසු දිනෙක හදිසියේ අමතර පාපිසි වගයක් බැලීමට අර කොල්ලා නතර වී සිටි ගබඩා කාමරය සෝදිසි කරන විට පිස්තෝලයක් හමුව ඇති අතර එවිටම වාගේ කාමරයට පැමිණි කොල්ලා එය දැක මේ.........‍අස්සෙ මොන ...ජක් හොයනවද මන්ද යැයි කියා ඇත..
පසුව අඛිලයා කොල්ලාට ඕල්ඩ් මන්ක් (එනම් රටබීම වර්ගය) එකක් පන්නා බොන්නට දී ඔහු ජනප්‍රිය අපරාදයක් සමිබන්ධයෙන් වරෙන්තුකරුවකු බව අනාවරණය කරගෙන ඇත..
අඛිලයා ඔහු හමු වී සිද්ධිය කියා ඇති අතර,, තමන් මෙරට නැති යයි බොහෝ අය සිතා සිටින බැවින් රෑට යමක් කලහෑකි වෙතැයි කියා ඇත..
ත්‍රී වීලරයකින් ඔහු අඛිල සමඟ එදින රෑම ගොස් සම්භාහනායතනයටත් ඉන්පසු එවෙලේම එහි අයිතිකරුවකුගේ නිවසටත්...අඛිලට පහරදුන් එකෙකුවත් හමු වී ඇත..එහෙත් ඒ සෑම විටෙකම අඛිල ත්‍රී වීලරයේ සිට ඇති අතර අවසන අඛිල ට එන්නැයි කියා ඔහුව පෙන්නා ඇත..උදෑසන පහරදුන් එකා පමනක් අවුලක් නෑ කොල්ල උදේ නරක තැනකට හෙම වැදුනෙ නෑනෙ යයි පවසා පිටට තට්ටුවක් දමා ඇත..පුදුමයකට මෙන් කිසිදු වලි වාතාවරණයක් කිසි තැනෙක ඇති නොවී ඇත..
එනගමන් ඔහු කියා ඇත්තේ “කෙල්ල ඇවිත් මාස 6ක් වෙනවලු..මෙතෙක් කිසි ලෙඩක් දාගෙන නෑ...මම හිතන්නෙ උඹ තමයි පලවෙනි ලෙඩ...හෙට ඉඳල තැඹිලි බිස්නස් එක පටන් ගනිං...ඒත් කෙල්ල‍ගෙ කේස් වලට නෝ වොරන්ටි..ඒත් මේක එක්ක සෙල්ලම කරල අතෑරල හෙම මාට්ටු වෙන්න ලංකාවෙ ඉන්න එපා...”
මම බණ දන්නෙ නෑ බං ඒත් ඔය මහ රියල් බඩු කාරයො ඒ වෙලාවට ආතල් ගත්තට මේ රුපියල් 75,000ට මලගෙවල් කෝල් කරවන අපි තරංවත් සතුටෙන් නෑ....වි‍ඳෝනව..
ඉන්පසු සතියක් තෑඹිලි වෙළඳාම සරුවටම කරගෙන ගොස් ඇත...බොහෝ සෙයින් නොවඳිනා වැදුම් වැඳ ඇය ඔහු හමුවීමට කැමති වූ ඇසි‍ල්ලෙන්...
ටියුශන් උවත් ගුරෙකු වූ මට යාලුවාගේ ලව වෙනුයෙන් ටෙම්පරි තැඹිලි වෙලෙන්දෙකු වන්නට වූ කථාව සිදුවුයේ එසේය...

Friday, March 18, 2011

Thanks to railway station Maradhana

7.30:මා ප්‍රධාන මාර්ගයෙ දුම්‍රියකින් අද උදේ වැඩට ඒමට සැරසුනෙම
8.10 ි..මා මරදාන දුම්‍රිය ස්ථානයට උදෑසන 8.10ට පමණ ළඟා වුනෙමි.
8.12.වෙරලබඩ දුම්‍රිය ස්ථානයක් මගේ ගමනාන්තය විය..හදිසියේ මට ඇතිවූ බඩේ අමාරුවක් ඇති විය..
8.15 දෙවන හා පලමු පන්ති සඳහා වැසිකිලියක් මරදාන දුම්‍රිය ස්ථානයේ මට මතක ලෙස 5 හෝ 6 වේදිකාවේ විය..මා එය සොයාගෙන එයට ගියේය..

වැසිකිලියට වතුර ගැනීමට තිබුනේ ටැංකියකිනි..එම ටැංකියෙන් වතුර ගෙන වැසිකිලි යා යුතු විය..වැසිකිලි 3ක් වූ නමුත් එකක් භාවිතයට ගත නොහැකි වීය..ඉතිරි දෙක ම එවිට වැඩය..මා වතුර බාල්දියක් ගෙන එක් අයෙකු පිටවන තෙක් විනාඩි 5ක් බලා සිටියෙමි..
8.20 අවැසි කාරිය කරගත හැකිවිය..
8.22 මා පැමිණි දුම්‍රිය ගොස්ය..දුම්‍රිය කිහිපයක් වේදිකාවල තිබූ නමුත් ඒවා කොහි යන්නේදැයි කීවේ නැත..මා විසින් එහි යන උන්ගෙන් අසා එකකට ගොඩ විය..
8.25 අනෙක් දුම්‍රියකුත් ඉන් පසුව පැමිණි වෙනත් දුම්‍රියකුත් කොටුව දෙසට පිටත් විය,,අපේ දුම්‍රිය යන පාටක් නැත..
8.26 මා සිටියේ 9 වේදිකාවේය..9,10 වේදිකාවල දුම්‍රිය මරදානට පමණක් බවත් 8 වෙනි වේදිකාවට ගොස් එහි ඇති දුම්‍රියෙන් ගල්කිස්ස දක්වා මඟීන් ගමන් පහසුව ලබාගන්නා ලෙස දැන්වීය..
මුහුදුබඩ දුම්‍රිය මාර්ගයේ තිබූ සීඝ්‍රගාමී දුම්‍රියක් ප්‍රමාද වන හෙයින් 8 වෙනි වේදිකාවේ දුම්‍රියේ කට කපා සෙනඟ විය..
8.32 7වෙනි වේදිකාවේ දුම්‍රිය දැන් මොරටුව බලා යන බව දැන්වීය..එහෙත් 8වෙනි වේදිකාවේ වන පිරුණු දුම්‍රිය තවමත් එක තැනමය..
8.35 මරදාන සහ කොළඹ අතර මාර්ග අවහිරතාවක් වන බැවින් දුම්‍රිය බොහෝ වේලා ප්‍රමාද වන බව දැන්වීය..
8.38 මා මරදාන දුම්‍රිය ස්ථානයෙන් පිටවීමට පඩිපෙල නගින අතර 7 වෙනි වේදිකාවේ දුම්‍රිය යනු දිටිමි..එවිට වහා දුම්‍රිය ඇදුන අතර මාද ඉක්මනින් දුම්‍රියට ගොඩවිය..
8.45 කිසිදු මාර්ග අවහිරතාවක් හෝ බාදකයක් හෝ අඩුතරමේ නැවතුන දුම්‍රියක්වත් මරදාන හා කොටුව අතර නොවුන අතර මාර්ග අලුත්වැඩියා කරන සේවකයින් පිරිසක්වත් නොදක්නා ලදී..

Thursday, March 17, 2011

mulu lokaya

මුලු ලෝකය වලි දාගෙන ඉවත බලාගෙන...
මගෙ ලෝකය ඈ ළඟ කිම අහක බලාගෙන...
සනසා සිත සරසා වත ළමැද හොවාගෙන...
යනදා අද හෙට එන ,,හීනෙකි ම දවාලන...

කට්ටිය මේ පැල්කවිය අහලම යන්න හොඳේ...
May lokaaaya by indika27

Tuesday, March 8, 2011

giniyam wu weli kathare


ගිනියම් වූ වැලි කතරේ කෙම්බිම මට සොයා දෙන්න
නුඹේ නමින් සෙනෙහස් ගී පදවැල් අමුණා කියන්න
මඟ‍ තොටදී හමු උනාම ආදරයෙන් හිනා වෙන්න
අනේ නුඹට පෙම් කලාට මගේ හිතට සමා වෙන්න

සුදු අරලිය මතක සුවඳ අප හදවත් ගොළු කරාවි
විසල් මැදුරු දොරට උඩින් හෙටත් පුරා හඳ වඩී වි
මතක තියා පිදු සෙනෙහේ අප දෙතැනක තනි කරාවි
නුඹ නැති මේ විසල් ලොවේ මගෙ ලෝකෙම නතර වේවි

පහන් තාරකා පායා රෑ අහසේ නිවී යාවි
තනිකම විත් හිත දොරකඩ ඇස උනු කඳුලින් තෙමාවි
හීන පැතුම් මල් පොඩි වී ඒ දුන් හිත සැඟව යාවි
හිත අද්දර ඔබෙ මතකය සැමදා මට රිදුම් දේවි
1422 giniyamu SeethalaWAP.Gprs.LT by indika27

Wednesday, March 2, 2011

The sri lankan book seller

කට්ටිය ලමයි ඕෆ් කරගන්න ෆෝන් නලවගන්න කිසීම උවමනාවක් නෑ..මොකද මෙතන තියෙන්නෙ බස් එකක්...බස් එකක් කීවට නිකම්ම නිකම් කම්බස් ලේලන්ඩ් ටා ටා පලුවක් නෙමෙයි ඒ සී බස් එකක්...
මහත්තයො මේ බස් පලුවො වෙන අපේ කොන්දොස්තර මහත්තයටයි මේ සියලු දෙය්යො රැකල දෙන අපේ රියදුරු මහත්තයටයි මුලින්ම අපි කෘතඤ්ඤ වෙන්න ඕනි ඔබ තුමාලට මේඅ වාගෙ වටිනා කියන පොතක් දකින්න සැලැස්සුවට....


අර කතාවක් තියෙන්නෙ...මහත්තයො "මැණික් ගලේ පය හැපුනත් කනා ඇහිඳ ගනීදෝ කියල (හැකිනම් මෙය ගායනා කල හැක )....ආන්න ඒ පරණ උන්දැ...දැන් ඔය තරුණ නෝන මහත්තුරුන්ගෙ බාසාවෙන් මැන්ටල්,,,පරණ පොරවල් කියල තිබුනට ඒ කතාවල බොහොම ඇත්තක් තියෙනව..මොකද අද සීයට පහට පින්තූර පොත් කන්හැඳි ආබරන පිහි,,,,මාල වලලු,,ඩිකශනරි විකුනුනාට අද වැදගත් පොතක් දිහා බලන්නවත් මහත්තයො ගොඩක් අය කැමති නෑ...


කෙනෙක් හිතන්න පුලුවනි ශික් "ඒසී එකට නැගල ඔලුවට කූල් එක හරෝගෙන සෝක් එකට නිදා ගන්න තිබුන එක මේ යෝදය කෑව කියල" අනේ එහෙම එකක් නෑ....මේ බස් රතේට නඟින්න කලින් ඔය අය දාහක් සිතුවිලි වලින් නඟින්න ඇති ඔය තරුන වයසෙ ජෝඩු තුන හතර නම්..."ගහකොලවලට දාහක් ඇස් ඇති හන්දා,,,සුළඟට සියුම් දාහක් කන් ඇති හන්දා....කවදා වත්ම ගෙදරින් සෙට් නැති හින්දා...ඒසී එක හොඳයි එකතැන නැති හින්දා "කියල නඟින්න ඇති..( මෙය ගායනා කල හැකිය )
ඉතින්  ඔය නිදාගෙන ඉන්න මහත්තුරු නින්දෙන් නැඟිට්ටවන්න හීන දකින ලෝකවල අයගෙ හීන හැබෑ කොරන්ට වාගෙම හීනත් නැති නින්දකුත් නැති.."ශිහ් මෙලෝ රහක් නෑ" කියන සැට් එකට රහක් ඇති කරන්නත් තමා මම මේ ක ගෙනැල්ල තියෙන්නෙ..ඔය ගැටෝර වියේ මහත්තැන්ල නම් හිතන්නෙ කොකේන් මරිජුවානා...මල්විල මල් ගල් පොල් තමා කියල ජීවිතේ....සිසිල ගෙනෙන මින්ට් සිදුර වාගෙ ලෝකෙ මවන්නේ...නිලවලා ගඟේ බෝට්ටුවක් වාගෙ පැද්දිලා නිතර ඉඳින්නේ...මත්වෙලා නැතිව ලෝකෙ කෙලෙස ගෙවන්නේ..මගෙ සියලුදෝස දූරි භූත කරලාඅ මට ආතල් එක ගෙනෙන්නේ...(මෙයද ගායනා කල හැකිය )...
ඉතින් දැන් අපි වැඩේට පනිමු..මේක මීට කලින් මාව හමුවෙලා තියෙන අය නම් දන්නව මොකක්ද කියල..

.හප්පේ අපේ මේ කොනේ ඉන්න මගේ හිතවත් කොන්දොස්තර මහත්තයනම් මයෙ හිතේ දහ දොලොස් වතාවකට වඩා මේක ගැන විස්තර අහල ඇති..ඒත් මම මේ පාරෙ ඒසී බස්වල අනන්තවත් ගිහිල්ල ඇති ඒත් එක කොන්ද මහත්තයෙක්වත් මේක මහ බෝරින් එපාකරපු කුජීත දෙයක් කියල මාව එලෝගෙන නෑ...ඒත් අපේ උගත් මහත්තුරු නම් ඉතින් මාව බයිට් කොරන්ට තැනුව ඒත් ඉතින් පල ඇති රුකට වවුල්ලුන්ගෙ කේස් වලින් අවුලක් නෑ කියනවනෙ මහත්තයො...

මේ තියනව පොත මේක තමයි මහත්තයො නවීන නායකත්වය කියන පොත..මේක ඇවිල්ල එක්කෙනෙක් එක් දෙයක් අල්ලල ලියාපු පොතක් නෙමෙයි...අර එහා කොනේ ඉන්න ජෝජ් ඩබල් ඩබලිව් බුශ් ගෙ ඉඳන් අර ලඟදි විසිඋන හොස්නි මුබාරක් ගොය්ය ළඟින් ගිහින් පිදෙල් කස්ත්‍රො මහත්තැන් වෙනකල් අධ්‍යනය කරල හදාපු පර්යේශන ග්‍රන්ථයක්...එක එක ආගම් වල දර්ශනවල නායකත්වය ගැන අටෝරාසියක් දේවල් තියෙනව ඒ උනාට ඒ දේවල් අද කාලෙට ගැලපෙනවද කියල ප්‍රශ්ණයක් තියෙනව...අපි අහල තියෙන බොහොම ජනප්‍රිය කතාවක් අපණ්නක ජාතකය කියන්නෙ... එසමයෙක් හී අප බෝසතනෝ පලමු කොට ගියොත් වන දුක් පීඩා ආදිය සිය නුවණින් විද හා බලන්නේ දේවනුව යෑම මහත්කොට ආනිශංශංස ඇති බව දැක පලමු කොට ගිය ගොනුන් කා ගිය මොහොරන ලද තන මතුයේ නැඟුන ලාතන අනුභවයට ගොනුන්ට අවකාශ ලැබෙන නියාවත්..පලමු ගොනුන් ගිය මඟ රලු ගල් පෙලූ මෘදුවන නියාවත්...පලමු ගැල්වල නියම කොට ලූ මිලටම තමාටද පහසුයෙන් විකුණ හැකි බව ණුවණින් පිරිසඳ දැක,,……

ඉතින් ඔය කතාව බොහොම අය දන්නව නේ...අපරාදෙ කියන්න බෑ ඒ කාලෙටනම් ඒව හරියටම හරි …….ඒත් අද පහුවෙලා යන අය කෝමද එක ගන්නෙ..ඕන්න ඉටින් දෙසපාලුවෙක් හරි ලොකු නිලයක් හරි පස්සෙන් ගියොත් නම් තැනක් ගතහැකි මේ කාලෙ... ඒත් නිකම්ම සෙකන්ඩ් වෙලා ගියොත් හැමදාම සෙකන්ඩ් වෙලා තමයි ඉන්න වෙන්නෙ...
ප්‍රේම කරන හෝ නොකරන ඕනිම කෙනෙක් ආසම කරන දෙයක් තියෙනව,,ඒක තමා ලව් ස්ටෝරි මේකෙත් තියෙනව ප්‍රේම කතාවක් අපි නිකම් පඬිවදන් නැතුව පොතේ පිටුවක් පෙරලල බලමු..ආනන්ද නමින් ආනන්ද උවත් ඔහු සිටියේ කුලී භවනකයි ආනන්දට ඉන්නට භවනක් නොවීය..ආනන්ද සාගරගේ අතිජාත මිතුරාය.."දැන් මේ කතාවෙ කතානායක සාගර" කොලඹ සිටියත් ගමේ සිට එන බොහෝ අයට වැලඳෙන රෝග හෝ ලක්ශණ කිසිවක් ආනන්දට නොවීය..ඔහුගේ අනෙක් වැඩමුරයේ හිමිකාරයා වූ ආනන්ද සාගර ට මිතුරෙකු වීය..

ඉතින් නෝන මහත්තුරුනි මේ සාගරගෙ කතාවෙ ඒ කිව්වෙ මේ "සාදර සාගර" පොතේ කතාවෙ කතානායකයගෙ සපෝටර වෙන්නෙ ආනන්ද..බොහෝවිට සාගර එකතුවෙලා රෑට කාලක් ක්‍රියා කරන භාග්‍ය්වන්තයෙක් වෙන වෙලාවට සාගර ආනන්දට තමන්ගෙ දුක කියනව..මුලින් දුක අහන්න හුරු උන ආනන්දට සාගරගෙ දුක වැඩිකල් අහගෙන උන්නෙ නෑ..සාගරගෙ උගත් අලියෙක් වාගෙ ලොකු පැසුනු බුද්ධියක් ඇති ජීවිතේ රෑට මුරකාරය විදිහටයි දවාට කා.කා.ස විදිහටයි ඉතා කුඩා කූඩුවක හිරවෙන ව මේ කම්පැණියෙ..

ඔය ඔහොම කාලයක් යනව අලුතින් කොම්පැණියට එන ලස්සන නෝන ලොක්කියෙක් වෙනව..එයා අපි හිතන විදිහට සාගරගෙ බොස් වෙනව ..මුලු ලෝකය පවුල ගොඩ දාන එක හියල හිතපු සාගර තව්ත් ලෝකෙට පය ගහනව..ඒ ලෝකෙ ආගර පතන වාගෙ සීතයි..සාගර පතුල වාගෙ ගැඹුරුයි...ඒත් මේ තරම් ලස්සන සාගරට මහත්තෙල දෙන්න වෙන්නෙ රුපියල් 240යි එයිනුත් 120ක් අඩුවෙලා මහත්තයල සාගරට දෙන්න ඕනි 120යි...සාදර සාගර ගන්න කියවන්න...මයිකල් ආන්ජලෝ දෙවියන් කොතරන් විශාල ද කියල පේන්න සාන්ත පීතර දෙව් මැදුර ලොකූවට හදනව..ඒ වාගෙම සාගරත් මොනා නැතත් තමන්ගෙ හීනෙ ලොකූවට හදාගන්නව..ඉතින් ඒ ලොකූ හීන වලාකුලු මෝරල එන වැස්ස මොන වගේද..මගෙන් ද අහන්නෙ නෑ...ඔයාල සාගරෙගෙන්ම අහල දැනගන්න..කියවන්න සාදර සාගර..

ඇත්තටම සාගර කියන්නෙ මේ පොතේ තියෙනවට වඩා ගොඩාක් දුක කියන එක දැක්ක කෙනෙක්...තමන් සිහින දැකපු සිහිනය ඉටු නොවීමට අමතරව සාගර ප්‍රශ්ණ පත්‍රයකට නිමක් නැති උත්තර ලියමින් හිටිය..
*මම අමාරුවෙන් ඉගෙනගත්තට ලැබුනෙ කිසි අමාරුවක් නැති පියන් සිකුරිටි ජොබ් එකක්..
*හැමදාම හිනා වෙවී වැඩ කලාට වැඩ කරමින් සිනාසුනාට හොඳ නම සහ වෙල් ඩන් සාගර කියනව ඇරෙන්න වෙන මුකුත් නොලැබීම..
*මට ලැබෙන ගාන ගෙදරට කන්න දීල මමත් කාල බීල තව චුට්ටක් විතර ඇඳුම් පැලඳුම් සපත්තු වලට වීසි කලාට මට ඉතිරි වෙන්නෙ නෑ..
ඉතින් මේ වාගෙ මිරිකිලහිටපු සාගරව තාවකාලිකව රිලීස් කරල දාන්න මේකෙ කතානායක පෙම්වතිය ඉඩදෙනව..ඒත් සෑම වලාකුලක්ම ඉර එළිය මුවා කරනව වාගෙම තව ටිකකින් සමහර විට වැස්සක් අරගෙන එනව..
අපි සාදර සාගර පොත කියවල බැලුවොත් සාගර දක්ශයෙක් ඒත් එයා අසරණයි..ඇයි එයා අසරණයි ඇයි එහෙම වෙන්නෙ..
ඒකට පිළිතුරුදෙන්න පුලුවන් පොතක් මම ඉදිරිපත් කරන්න ඕනිකියා හිතනකොට මෙන්න හමු උනා පොත..
ඒකට පිළිතුරු දෙන්න පුලුවන් ග්‍රන්ථයක් මට හොයාගන්න පුලුවන් උනා ඒක තමා නූතන නායකත්වය...
*ප්‍රබලයින් සහ සැබෑ බල කේන්ද්‍ර හඳුනා ගැනීම..
අපි සරලවම ගමු ප්‍රාදේශීය මන්ත්‍රී කෙනෙක් වීම..එතනදි ගමේ මිනිස්සු ඔක්කොම එකතුවෙන ..ඉස්පිරිතාලෙ දොස්තර,පන්සලේ හාමුදුරුවො,,ඉස්කෝලෙ ප්‍රින්සිපල් ශෙප් එකේ තියාගැනීම..හේතුවෙනව ජයග්‍රහනයට..
ත්ව ඉතින් ආයතනයක් ගත්තේ අපි දැන ගන්න ඕනි පලමුවෙන්ම කාගෙද රිමෝට් එක කියල නම් පට්ටටං තානාන්තර තිබුනට හැමෝටම බලය නෑ..හිතන්න කාර්යාලෙක ආන්ඩුවෙ තැනක ඉන්නව මෙලෝ සංසාරෙ දෙයක් නොදන්නව උනාට හොඳ කනෙක්ශන් තියෙන බලය ඇති අය අපි කොපමණ වැඩ කලත් අපිට හැකියාව තියෙන්නෙ ඕනි ඒ පුදගලයින් එක්ක සුහදව වැඩ කිරීම...

*නම්‍ය ශීලී ප්‍රතිපත්ති ඇති බව..
අපි කලින් සීන් එකට ගියොත් එක් අවස්ථාවක සාගරට කාර්යාලයේ ගිණුම් සමහරක් ගැන ප්‍රශ්ණ එනව..සාගර අහනව සර් මේ එකවුන්ට් එකේ ගොඩක් පිටට යන චෙක්ස් යන්නෙ ගුණරත්න සර් හරහා සමහර චෙක් ලැබුන බවටත් රිසිට් එකක් නෑ..සමහර චෙක් රිපීට් වෙලා තියෙනව..
සාගර ඒක ඔයා ඉගෙන ගතපු විදිහ අනුව වැරදියි..ඒත් අපේ ආයතනෙ ඒව හරි සරලයි..ඒක හරිම සාමාන්‍යයි..අපේ ඇඟේ ගෑවෙන්නෙ නැතුව තිබ්බොත් ඇති..ඒක තමා සාගර තැනට සුදුසු නම්‍යශීලීතාවය..සක්කෝ උජූච සූජූච කියන්නෙ ඒකට සුදුසු තැනට අනුව නැමෙන එක...

*පිරිසක් ඇමතීම...
ඇත්තටම ආයතනයක යම් උත්සවයක් තියෙනවනම් අපි අපේ නම එහි නිවේදකයට හරි ඇතුලත් කරගැනීම වැදගත්,,,අපි දන්නව මේ අපේ මුල් පේලියෙ වාඩිවෙලා ඉන්න අපේ මේ ප්‍රධාන තුමා ආවට පස්සෙ කොයිතරන් වෙනසක් උනාද කියල..කොටින්ම කෙලින් ජනතාවට අමාරුවෙන් වැඩක් කරගන්න තිබුන ආයතනෙ අද මුදල් ගෙවල වැඩ කටයුතු බොහොම ඉක්මනින් කරගන්න කාර්යක්ශම අල්ලස් ක්‍රමවේදයක් හදල දුන්නෙ මෙතුම..මාරුවක් හදා ගන්න ඔපිස් ගානෙ දවස් ගානක් රස්තියාදුවුන නෝනලට අපේ මේතුමාගෙ වැඩවලට නුකූල නොවුන හින්ද ඉබේම මාරු වෙන්න උනා..අපේ ආයතනෙ මේ ඉන්න මහත්තයගෙ යටිතල පහසුකම් ගැන බොහොම සැලකිලිමත් ඒ වාගෙම සැර වෙන කිහිප දෙනෙක්ම අද මේ කාර්යාලෙ දියුණුවට බොහොම කැපවෙලා කටයුතු කරනව...


සේවක සංගම්...
ආයතනෙ වැඩ කරන වෘත්තීය සංගම් වන තොරතුරු හොයල පාලනාධිකාරිය දැනුවත් කරන්න පුලුවනි නම් ආන්න ඒක තමා නියම වගකීම වෙන්නෙ..ඒ වාගෙම සේවකයොන්ගෙ පැත්ත ශේප් එකෙ තියාගන්න විදිහත් මේ එකේ කියල තියෙනව...

ඇත්තෙන්ම මහත්තයො මේ නූතන නායකත්වය පොත කියන්නෙ මගේ දර්ශනයක් තියෙන පොතක් නෙමෙයි නායකත්වය ගැන හිතනවනම් අලුත් විදිහට ඉන්න ඕනි නම් තියෙනව නායකත්වය කියලම මේ වටින පොත...මහ ගානක් වියදම් වෙන්නෙ නෑ ගහල තියෙන්නෙ 150යි මගෙන් 80යි...නායකත්වෙ මේ තරන් ලාබෙට වෙන කොහෙන්ද මහත්තයො වැඩිය ඕනි නෑ ඔය නායකත්වෙ ගැන තියෙන වැඩමුලුවකටම දවසට යනව රුපියල් මොනර කොල වලින් සල්ලි...ඉතින් පොත් 2යි එකක් සාගරගෙ ආදරේ ඔඅබට ගෙනෙන සාදර සාගර ,,,අනික නායකත්වය ඉතින් කැමති මාත්තුරු ගන්නව හොඳයි මේ පොත්..මගෙන් විතරයි මේ ගානට වටින පොත් දෙකම...