අද දසතින්ම නැගෙන්නේ විවාහ ගැටලු පිළිබඳව අඳෝනාවයි.නූතන ජනමාධ්‍යවලට රැවටෙන තරුණ පරපුර අද විවාහය දකින්ෙන් රෝස මල් යහනාවක් ලෙසයි.ඇත්තෙන්ම විවාහය ප්‍රණීත දෙයක් නොවේ.විවාහයට පා තබන්න් සිත්හි ධාරණය කරගත යුත්තේ විවාහයට පෙර නොතිබූ ප්‍රශ්ණ හා ගැටලු රාශියකට විවාහය නිසා මුහුන දෙන්නට සිදුවන බවයි.
මහා මංගල උත්සවයෙන් පසුව ජීවිතයට මුහුන පාන්නේ ඒ දෙදෙනා පමණි.නෑදෑයෝ මිත්‍රයෝ සහෝදර-සහෝදරියන් ,මා-පියන්,වැනි අන් සියලු දෙනා දෙදෙනා හැර යති.දෙදෙනා ප්‍රශ්ණ අභිමුව තනි වෙති.
විවාහවෙන දෙදෙනා අතර සන්නිවේදනය විවාහයේ ආරම්භයේ පටන්ම ඉතා වැදගත්ය.අද අපට දක්නට ලැබෙන සන්නිවේදන සංකීර්ණතා කීපයක් මෙලස ඉදිරිපත්කරමු.උදය ආහාර මේසයෙ සිටිද්දීත්,සැමියා පුවත්පතටම යොමුවී සිටීම-රැකියාව නිමවා එන සැමියා ඉන්පසු රූපවාහිනියට ඇබ්බැහි වී සිටීම හො සති අන්තයේද විවිධ වැඩසටහන් සඳහා නිවසින් පිටවී සිටීම- බිරිඳ ගැන නොසැලකීම හෝ උනන්දුවක් නොපෙන්වීම හෝ ඇය සමඟ උත්සව ආදියට සහභාගී නොවීම ආදිය ඉන් සමහරකි.
බිරිඳද සිය රූපය ගැන සැලකිලිමත් නොවීම-සැමියා සමඟ වැඩිපුර කතා නොකිරීම ආදිය නිසාම ඔහුට ගෙදර පරිසරය පීඩි ගෙනදිමෙන් සහනය හා විවිධත්වය සොයා ගෙන් පිටත කාලය ගෙවීමටද පෙළඹෙයි.
විවාහයට අසතුට නැමැති මාරයා රිංගන්නේ කෙලසද?කවදාද? බොහෝ ජොඩුවලට විවාහයේ මුල් වසර ප්‍රීතිදායකයි.තවත් අයට කැපවීම මැද අන්‍යෝන්‍ය සමබරතාවයෙන් යුතුව ජීවිතය ගෙනයෑම හිසරදයක් වී තිබේ.පලමු දරුවාගේ උපතද ප්‍රශ්ණ ඇතිකිරීමට සමත්වන අවස්ථා අත්දකින නැවුම් ගැටලු මීට හේතුකාරක වෙයි.
- විවාහයේ පලමු වසර තුල සැමියා බිරිඳට ඇහුම්කන් දිය යුතුය.දෙවන වසර තුල බිරිඳ ඔහුට ඇහුම්කන් දිය යුතුය.එහෙත් තෙවන වසරේදී අසල්වැසියෝ ඔවුන්ගේ ගෝරනාඩුවලට සවන් දෙති.
විවාහයට පූර්ව සූදානමකින් තොරව මුහුන පෑමත් විවාහයට ගැටලු ඇතිකරවන්නකි.
අල්ලපු වැටේ තිබෙන තනකොළ වඩාත් කොළ පාටින් බබලනවා පෙනීම බොහෝ විවාහක පිරිමින්ට වසර කීපයක් ගතවන්නටද පෙර දකින්නට ලැබෙන අසතුටුදායක තත්වයයි.විරුද්ධ ලිංගිකයින් කෙරෙහි වයස් භේදයකින් තොරව ඇදීයෑම මෙහිදී සිදුවෙයි.මෙම ඇදීයෑමට පිරිමින්ගේද වයස්භේදයක් නැත.මෙම අසහනය විවාහ ජීවිත කාලය තුල පිරිමින්ට පමණක් නොව ලලනාවන්ටද පොදු ධර්මතාවයකි.වෙනසකට ඇත්තේ පිරිමියා සෘජුප මෙය ප්‍රදර්ශනය කිරීම හා ලලනාව සිය කැමැත්ත සිය සිත තුල සඟවා දුක්වීම හෝ ප්‍රීතිවීමයි.
ගෙදර ජීවිතයේ විඩාව මීට එකම හේතුවයි.සහකරුවා හෝ සහකාරිය කෙරේ ඇති අසතුටක් තවත් සාධකයකි.පැතුම් ඉටු නොවන කල බලාපොරොත්තු පුපුරා යයි.එවිට විවාහයට මුහුන පාන්නට සිදුවන්නේ මහා අකරතැබ්බවලටය.
මෙම අසංතෘප්ත භාවයට මූල හේතුන් මොනවාද? බොහෝ බිරින්දන් නගන මැසිව්ල්ලක් නම් සැමියා තමාට අවනත නොවන බවයි.සිය අවශ්‍යතා ඉටුකරදෙනවාට තමන් ඉතා ප්‍රියමනාප බවයි.
අතීතයේදී නම් කාන්තා සංස්කෘතිය අනුව පිරිමියා වෙතින් එල්ලවන ඕනාම තීරනයකට යටත්ව ගැහැනිය ජීවත්වීමට මැලිකමක් දැක්වූයේ නැත.එහෙත් අද ලෝකය වෙනස් වී තිබේ.බොහෝ ස්ත්‍රින් අද පිරිමින් අභිබවා අධ්‍යාපනය ලබා ඇති අතර වගකිව යුතු රැකියාවල පිරිමින් හා කරට කර යෙදෙති.සිය අයිතිවාසිකම් පිළිබඳව යුද්ධ ප්‍රකාශ කරන්නටද ඉදිරියට පැමිණ සිටිති.මෙය අද පිරිමින් විසින් අවබෝධ කරගත යුතුව ඇත.
බොහේ පිරිමි විවාහය සලකන්නේ තමා දිනාගත යුතු ජයග්‍රහනයක් ලෙස පමණි.එය ඉටුකරගත් පසු එය නොසලකමින් ව්‍යාපාර-රැකියා වැනි සිය ජීවිතවල අනෙකුත් අංශ කෙරෙහි වැඩිපුර යොමුවෙති.නමුත් ලලනා බලාපොරොත්තු ඊට වඩා හාත්පසින්ම වෙනස්ය.විවාහයෙන් පසු වැඩිපුර ආදරය පතන ඇය සැමියා සමඟ වැඩි කාලවේලාවක් කුලුපග බවින් පසුවීම අගයන්නීය.
ගෙයින් පිටත ප්‍රශ්ණයක් අවුලක් සිය නිවස තුලට රැගන විත් එය අනෙක් පුද්ගලයාගේ ජීවිතය මත තබා ප්‍රශ්ණ නිර්මාණය කිරීම නම් පවුලම අවාසනාවන්ත ආගාධයකට ඇද දැමීමකි.
නෑදෑයින්ගේ මැදිහත් වීම අප ආසියානු රටවල පවුල් සංස්ථාව කෙරෙහි දැඩි සේ බලපායි.සැමියා සිය දෙමාපියන්ට පමණක් කීකරු වීම බහුලවම පැනනගින කාන්තා පැමිණිල්ලකි.ආච්චිලා සීයලා විසින් ලදුරුවන් හෝ දරුවන් රැකබලා ගැන්මේදි ඇතිවන ගැටලු අපේ රටවල සුලුපටු නැත.
තවත් සමහර තරුණ විවාහකයින් තම දරුවන් ආච්චිලා හෝ සීයලා විසින් බලාගැන්ම ගැන කිසිදු තෘප්තියක් නැත.ඔවුන්ගේ ඇසුරට සිය දරුවන් යවන්නට පවා අකමැතිය.ඊට හේතුව දරුව්න පැරණි තාලේ දේවලට හැඩ ගැසෙමින් නවීනත්වය බැහැර කරාවිය යන බිය නිසාමය.
දායාද ප්‍රශ්නද විවාහය කෙරේ අහිතකර ලෙස බලපෑම් කිරීම ආසියානු රටවල බහුලයි.ඉන්දියාව-ශ්‍රී ලංකාව වැනි රටවල මෙකී තත්වය කැපී පෙනෙයි.මලයාසියාවේද සුලු වශයෙන් මෙය බලපාන තත්වයක් ඇතිව තිබේ.දෙමාපිය බලපුලුවන්කාරකම් අනුව දායාදයන්ගේ ප්‍රමානයන් විශාල වෙයි.
වරෙක දෙමාපියන් විසින් කෙසේ හෝ සිය දියණිය විවාහ කරදීම සඳහා තමන්ට ඉටුකිරීමට බැරි පොරොන්දු ද මනාලයාගෙ පාර්ශවයට ඉදිරිපත් කිරීමෙන් අනතුරුව විවාහයෙන් පසු තත්වය බරපතල අවස්ථාවන්ද ශ්‍රිලංකාවේ කොතෙකුත් දක්නට ඇත.
 |
| පැරණි සිංහල රදල පවුලක් |
දායාදයේ මුල කුමක්ද? දායාදය දුරාතීතයේ උපත ලැබුවේ සිය දියණියට සහ බෑනාට හදිස්සියකදී පාවිච්චි කිරීම සඳහා අරපරිස්සමින් තබා ගැන්මට දෙන වස්තුවක් මුදලක් ලෙසය.එකල අද මෙන් නොව,කාන්තාවනට ආර්ථික ශක්තියක් නොවීය. ඇය රැකියාවට ගියේ නැත.සැමියා මත යැපුනු ඇයට සැමියාගේ වියෝවක් හෝ ස්ථිර දුබලත්වයක් ආදී ආර්ථික කලබගෑනියකදී පාවිච්චිය සඳහා ගැනීමට අතීතයේ දායාද දෙනු ලැබිණ.
ඉන්පසු කලෙක දායාදය මනාලයාගේ දෙමාපියන්ට සුරැකිව තබා ගැන්ම සඳහා ප්‍රධානය කිරීම ඇරඹින.අද තත්වය ඊටත් වඩා වෙනස් තත්වයකි.එන්ම මනාලියගේ දෙමාපියන් විසින් මනාලයාගේ දෙමාපියන් ඉදිරියේම විවෘතව දෙනු ලබන ප්‍රදානයක් ලෙස අනිවාර්ය වී තිබේ.
විවාහය ජීවිතය තුලදී ඉටුකර ගත යුතුම වූ වැදගත් සිද්ධියක් බව බොහෝ දෙනාගේ මතයයි.ප්‍රශ්ණය වන්නේ අන්‍යෝන්‍ය ගැලපීමයි.ගැලපෙන ගති ලක්ෂණ ඇති දෙදෙනෙකු අතර වුව විවාහය තුලදී හැල හැප්පීම් දකින්නට පුලුවන.
- සම්මුතියට වඩා විසම්මුතියෙන්ද යලිත් සාමදානය සරුවට පල දරණ අවස්ථා විවාහය තුලම බහුල වේ.සමාවදීම හා පරිත්‍යාගය මෙහිදී අත්‍යාවශ්‍යම අංගයයි.ආරවුලක් අවසන් ලෙස සුබවාදීව ඵල දරන්නේ එවිට පමණි.
එබැවින් විවාහය ගැන සුබවාදීව සිතමු.විවාහයේන පලමු වසර දහය හෝ විස්ස පමණක් නොව ඉතිරි වසර ගණනද සාරවත් බවම සිතන්න.
- අසත්‍ය හා සැකය විවාහය දෙදෙරවන සාධක දෙකකි.දෙදෙනාම රහස් තබා ගැන්ම නුවනට හුරු නැහැ.සැකයෙන් ඉරිසියාව උපදී. ඉරිසියාවෙන් වෛරයත් වෛරයේන සතුරු ආකල්පයත් එමගින් දික්කසාදය- දිවි නසාගැන්ම හෝ මිනීමැරීම ආදී විවධ අන්තරායන් කරා විවාහයට ගමන් කල හැක.
එබැවින් විවාහයකදී ප්‍රීතියම පතන්නා මෝඩයෙකි.විවාහය ප්‍රීතිය හා දුකෙහි සම්මිශ්‍රණයකි..
මේ කොටස් පහත සඳහන් පරිවර්ථන කෘතියෙන් උපුටාගන්නා ලදී..මෙය ජීවිතය ගැන යථාර්ථවාදී කියවීමක් සහිත මහඟු කෘතියක් වන අතර එයින් ඉතා කුඩා පරිච්ඡේදයක් බහුජන බ්ලොග් කියවන්නන්ගේ දැනගැනීම සඳහා පලකලෙමි.
කෘතිය: ":Human Life and Problems"
කතුවරයා:- කිරින්දේ ශ්‍රී ධම්මානන්ද හිමි...
පරිවර්ථන කෘතිය:- දැවෙන ජීවිත නිවන මංපෙත
පරිවර්ථනය :-සිසිල් රුද්‍රිගු
අංකය :-ISBN 955-8029-18-1
පොත් බෙදාහැරීම :- නිව් වික්ස් බුක් ෂොප්
503,මරදාන පාර, කොළඹ 10
(බ්ලොග් එක ගූගල් ප්ලස් නමැති සමාජ ජාලයට අනුගත කිරීමට එහි ලියන්නාගේ නියම නාමයම තිබිය යුතු බැවින් පෙර ඉන්දික කුමාර යන නාමය මෙතක් පටන් අමිල චතුරංග ලෙස වෙනස් වූ බව සැලකුව මනාය.. එය හුදෙක් මා ලියන ඒවා කියවීමේ පහසුව තකා කෙලින්ම ගූගල් ප්ලස් වෙත එකතුකිරීමේදි සිදුවුවක් වෙයි)
No comments:
Post a Comment