නොන්කායි වල මාලු බලා

07 දවස

දවස් හතක් නේද? ගියා තමයි දවස් හතක්ම. උදේම නැගිටලා ගිය බයිසිකල් අයිති බුවා හම්බෙන්න. මොකද මෙතනින් එහා බලන්න තියෙන තැන් තියෙන්නේ ටිකක් දුර. ස්කයි බ්‍රිජ් එකක් සහ ඇක්වේරියම් එකක් සහ තව ඈථ මොන මොනාද තියෙනවා මැප් එක අනුව. ලා ඕස් යන්න තිබුනා ඒත් වීසා කතාන්දර නිසා යන්න බැහැ.

ලා ඕස් අවුල

ලාඕස් ලකාවේ අයට වීසා ෆ්රී. ඒත් තායි වීසා එක තියෙන්නේ ටුවරිස්ට් සිංගල් එන්ට්‍රි වීස එකක්. එතකොට තායිලන්තයට යන්න එන්න පුලුවන් එක පාරයි. ඔය ටුවරිස්ට් සිංගල් එන්ට්‍රිය ආයෙ වෙනස් කරගන්න එයාපෝට් එකෙන් පුලුවන්. ඒකෙදි එයාපෝට් එක ඒක දික්කරලා දෙනවා මොකද්ද ටිකි ටිකිස් එකක් දාලා. සාමාන්‍යයෙන් ලංකාවෙන් ඔය විදියට මාස දෙක තුනකට තායි වීසා ගහගෙන ඒ ක්‍රමේට කිහිප වතාවක් තායි ගිහින් අය ඉන්නවා කියලා තමයි ආරංචිය.

ඉතින් මට තිබ්බ සිංගල් එක මට තව එන්ට්‍රියක් ගහගන්න බැරි වුනා. ඒ ගැන හොයන්න කෝල් කලාම ඒ ගස් බල්ලෝ ආන්සර් කලේ තායි ලැංවේජ් එකෙන්. නොන්කායි වල පොලිසියට, ඉමිගේසන් එකට, ටුවරිස්ට් මෙව්වා එකට කතා කලා මම. ඒත් උන්ට ඉංගිරිසියෙන් විස්තරේ මට පැහැදිලිව කියන්න තේරරෙන් නැහැ. අනික මම ලාඕස් යන්න ප්ලෑනක් තිබුනෙත් නැහැ.

ලාඕස් රට

ගං ඉවුරේ රවුමක් දාන කොට කලින් දවසකද මන්දා බුවෙක් සෙට් වුනා රෙස්ටොරන්ට් එකකදි. බුවා බැංකොක් තායි බුවෙක්. මිනිහා කිව්වේ ලාඕ වල එච්චරම ලල් එකක් නැහැ කියලා බෝඩරේ හරිය. තායිලන්තේ මේ අවසාන සිටි එකෙන් පස්සේ තියෙන ලාඕස් වල තියෙන සිටි එක වියටියේන්. නොන්කායි ඉදලා වියටියෙන් බස් යනවා මහ විසාල බස්. වීසා අරන් තිබුනා නම් බුස් ගාල යන්න තිබුනා වියටියෙන් වලට.

අර බුවා කිව්ව විදියට වියටියෙන් ටිකක් කොසී. ඒත් යු ටියුබ්බැලුවාම ලාඕ කියන්නේ තායි වලටත් වඩා ගනන් අඩු තැනක්.

ටින්ඩර් ලාඕ කෑලි

ටින්ඩර කියන ඇප් එක ඩේටින් ඇප් එකක්. ලගපාත ගැනු පෙන්නුම් කරනවා. නොන්කායි ඉදන් සර්ච් කරාම මැච් වුන 7න් 4ක්ම ලාඕස් වල ගෑනු ලමයි. ම්ම්ම්.. සෙස් ලාඕ වල කෑලිනම් ඇති ඕසෙට කියලා මට හිතුනා. ඒත් ලාඕ අදින්න මම උත්සාහ කලේ නැහැ.

උදේම 7ට විතර ඇහැරිලා පාපැදිය දීලා මෝටර් සයිකල් එකක් ගන්න කියලා ආවා. මොකද මෝටර් සයිකල් පදින එක එහෙ ්හරි සිම්පල් කියලා ඒ වෙද්දි වැටහිලා තිබුනා. ඒත් මෝටර් සයිකල් රෙන්ට් බුවා ඇරලා නැහැ එ තැන. ඒ පාර එතැන පොට්ස් එකක් තිබිලා කෑවා. ආච්චි කෙනෙක් බතුයි තව මොනාද ටිකකුය් දුන්නා. ඒත් ආච්චි තායි බාත් හැත්තෑවකට විතර විද්දා. සමහර තැන් එහෙමයි. ගාන අහල කෑවෙ නැතොත් පොඩ්ඩක් වැඩියෙන් අරගන්නවා.

ආයෙ ්බයිසිකලෙන් රවුමක්දාලා එද්දි පැයක් විතර ගිහින් දැන් 9 විතර වෙලා. දැන් ඉතින් ආයේ බයික් අරන් රවුන් ගහන්න වෙලාවක් නැහැ. මොකද නැවතිල උන්න තැන චෙකවුට් ටයිම් එක තියෙන්නේ 12ට. මගේ ඊලග ශෙඩුල් එකට යන්න ඕනා. නිකමට ඒ ලග ත්‍රී වීල් එකකින් ඇහුවා නොන්කයි ඇක්වේරියම් කියද කියලා. පොර බාත් 350ක් කිව්වා. පොඩ්ඩක් වැඩියි වගේ සහ ඊලග ගමනට දැන්ම පිටත් වුනොත් හොද නිසා මම හැරිලා ආවා. ඒ ගමන මෙන්න මූ දෙසිය පනහලු.

ඒ නිසා ඇක්වේරියම් එක පැත්තෙත් ගිහින් ආවා.

නොන්කායි ඇක්වේරියම්.

නොන්කායි වල ඉදන් කිලෝමීටර දහයක් විතර ඈත ලෛාකේශන් එකක තමයි අක්වේරියම තියෙන්නේ. ඒක ඇවිල්ලා ලොකු තැනක්. මූදු මාලු ගගේ මාලු මිරිදිය මාලු ආවේණික මාලු වගේ මාලු ගොඩක් ඉන්නවා. පොඩි පොඩි ටැංකිවල වගේම විශාල ටැංකිවල බස්සපු විසාල මාලුත් ඉන්නවා. එක කැට් ෆිෂ් මොඩලක් උන්නා අම්බෝ කිලෝ එකසිය විස්සක් විතර ඇතුවැති එකෙක්.

නොන්කායි ඇක්වේරියම් පැයකින් ලොකු ආතල් එක්ක ගන්න පුලුවන් තැනක්. පොඩිලමයි එක්ක කට්ටිය ඇවිල්ලා තිබුනා. ත්‍රිවිල් බුවා ගාන කිව්වේ පැයක් ඇතුලත්ව. ඒ කියන්නේ තැන බලන්න මට පැයක් තියෙනවා. ඉතින් බලල ඉවරවෙලා මම නවාතැනටම ඇරලෝගත්තා.

නොන්කායි තැන්

නොන්කායි කියන්නේ කොනේම තියෙන ලාඕ බෝඩරේ තියෙන තායිලන්ත සිටි එක. ඒකෙ මම බැලුවේ පදාන ලොකේසන් හතරයි.

මීකොන් ගං ඉවුර සහ අවසානේ තියෙන පොඩි චෛත්‍යය

වට් පෝ විහාරය

සලා කෞ කු පිළිම ටික

නොන්කායි ඇක්වේරියම් එක

ඊට අමතරව පොඩි සිටි ටුවර් එකකුත්දැම්මා. නොන්කායි පාක් එකක් තියෙනවා ටිකක් ලොකු.ඒ යන ගමන් මල් වගා කරපු හරි ලස්සන ස්පොට්ස් හෙමත් තිබුනා. ඉතින් නොන්කායි ගැන අදහසක් තියේ නම් ඒකට එන්ටර් වෙන්නේ උදොන් හරහා. තායිලන්තේ උදොන් තානි කියන්නේ නෝත් ඊස්ට් පලාතේ ප්‍රබල සිටි එකක්. උදොන් වලට ෆ්ලයිට් තියෙනවා. කෝච්චි තියෙවා. බස් තියෙනවා. ඔය මාර්ග තුනෙන් ඕනි එකකින් බැංකොක් සිට උදොන් වලට එන්න පුලුවන් කම ලැබෙනවා. උදොන් වල ඉදන් පොඩි වෑන් තියෙනවා නොන්කායි වලට.

කෑම සුපිරි, නවාතැනුත් ලේසියේන බුක් කරගත හැකි, මිනිස්සු කුල් ජාතියක්. මම කලින් ට්‍රැවල් බ්ලගේ සහ වීඩියෝ වල දැක්කට වැඩි ආතල් එකක් තිබුන ප්ලේස් එකක් විදියට නොන්කායි දක්වන්න පුලුවන්. බැංකොක් ඉදන් ඇවිත් නොන්කායි ඉන්න බුවත් කිව්වේ මේක හරි කූල් ප්ලේස් එකක් කියලා. කූල් කීවේ සීතල නෙමෙයි. හරි ස්ලෝ ලයිෆ්ස්ටයිල් එකක් තියෙන සංවර නගරයක්.

උදොන් බලා

මම නවාතැන් ගතපු තැන ඉස්සරහ තිබුනා ටිකක් පොශ් පෙනුමැති කඩයක්. ඒකේ ෆ්‍රයිඩ් රයිස් මෙනු එකක් දැක්ක නිසා ගිහින් ගත්ත. ටිකක් බෙරි වෙච්චි මොඩල් ෆ්‍රයිඩ් රයිස් එකක් එක්ක තව කූල් ඩ්‍රින්ක් එක්ක ලැබුනා. හොදට තිබුනා ඒකනම්.

ඊලගට කොහෙ යන්නේ?

මේක ගූගල්මැප් වලින් සහ මේ පලාතේ දකින්න බලන්න තියෙන දේවල් අනුව තීරණය කලා. මේ උදොන් වලට උතුරු දිග තව නගරයක් තියේ ලොයි කියලා. ලොයි ආසන්නයේ තියෙනවා පූ කෘඩන් නැෂනල් පාක් කියලා පාක් එකක් කන්දක් එක්ක. ඒක බලන්න යන්නයි මගේ අදහස වුනේ.

සාමාන්‍යයෙන් අපේ රටේ වගේ හැමවෙලාවෙම බස් නැහැ. ඒ තිබුන බස් එක උදේ වෙලාවක තිබිලා. ලොයි වලට කලෙින්ම නොන්කායි වලින් යන ඊලග බස් එක යන්නේ හවස තුනට ලු. පරක්කුයි නේ. රැ වෙනවා නේ. ඉතින් මම තීරණය කලා උදොන් තානි කියන මේන් සිටි එකට යන්න. ගිහින් එහෙන් බස් එක ගන්න.

උදොන් ගියාට පස්සේ මට ආයේ අදත් ට්‍රැවල් කරන් නැතුව උදොන් වල නයිට් ලයිෆ් පැත්තපොඩ්ඩක් බලලා යන්න ඕනි කයිලා හිතුනා.

බැංකොක් පුකෙට් පතායා වගේ ලොකුවට නැහැ. මීටර් පන්සියක විතර ස්ට්‍රිට් එකක දෙපැත්තේ බාර් තියෙනවා. ඒවෑ ඉන්න ගෑනු එලියට වෙලා ඉන්නවා. නයිට් ක්ලබ් එහෙමත් තියෙනවා. ලෝකල් සහ ටුවරිස්ට් දෙකම තියෙනවා.

උදොන් තානි වලට ගිහින් මුලින්ම බැස්සේ ශොපින් මෝල් එක ගාවින්. සෙන්ට්‍රල් පොයින්ට් එක එතන කියල හිතලා එතන බැස්සා. බැහැල අහල පහලින් හෝටලයක් ගහ ගත්තා බාත් පන්සියට.

ඒ ගහගෙන හිමීට ඇවිල්ලා සෙන්ට්‍රල් ෂොපින් මෝල් එකේ රවුමක් දැම්මා. ඒක තායි වල උඩ පලාතේ ටිකක් විතර ලොකු සිටි එකක්. ඉතින් මේ ෂොපින් මෝල් එකෙත් බඩු ගොඩයි කඩ ගොඩයි. ෆිල්ම් හෝලුත් තියෙනවා. ඇත්තටම තායි වල තියෙන ෂොපින් මෝල් මහජනයාට හරිම ලේසියි. ෆෝන් කඩනම් කඩ තියෙනවා පාලහක් විතර. ලැප්ටොප් නම් ඒත් එහෙම. එතකොට අපිට ඒ එතනින්ම ඕනි ලැප්ටොප් එක ෆෝන් එක තෝරගන්න පුලුවන්කම ලැබෙනවා. ඇදුම් කඩත් එහෙම. කෑම කන්න ගියත් ස්ටෝල් ගොඩයි. නූඩ්ල්ස් බත් සුප් ආදී කෑම කඩ ටික නිසා කිසා ගේමක් නැතුව කෑම කන්න පුලුවන් කම ලබෙනවා. යොවුන් වයසේ ඉන්න සෙට්ස් ඉස්කෝලේ ගිහින් සහ ක්ලාස් ගිහින් ඇවිත් වාඩිවෙලා කනවා බොනවා කයිය ගහනවා ලව් කරනවා.

ලංකාවේ සී සී සී එකට වඩා ලොකුයි. ඊට වඩා කඩත් වැඩියි. අනික මිනිස්සුත් වැඩි වැඩියෙන් ගැවසෙනවා.

බයිසිකලෙන් ගොස් නොන්කායි උයන් වතු බැලීම 

මීකොන් ගගේ තොටුපල

ත්‍රී රෝද රියේ සිට. 

ඇක්වේරියම් එකේ මාළු

ඇක්වේරියම් එක ඇතුල

එළියේ මල් 

පොශ් කඩෙන් කෑ රයිස් එක 

අතරමග දුටු මාලිගයක් වැනි යමක්. 

උදොන් තානි සෙන්ට්‍රල් ප්ලාස ශොපින් මෝල් එක 

උදොන් තානි ෂොපින් මෝල් එකේ තිබූ බයික් එකක්. 

ඇක්වේරියම්  එකේ විසාල මාලුවෙක්.