Wednesday, January 16, 2013

මගේ පොලිස් චාරිකාව (Tour Around Police)

.මගේ ටෙලිපොන් එක නැතිවුනා. ටෙලිපෝන් එක කිව්වෙ ජංගම දුරකථනය..නැතිවුන එක ගැන පැමිණිල්ලක් දාන්න මං පොලිසියට ගියා..අප්පට සිරි පොලිස්සියෙ දැන් මාර සැලකිලි තියෙන්නෙ..රිසිප්සනිස්ට් අක්කා කෙනෙක් ඉන්නවා..එයා මගේ විස්තර අහලා ලියාගෙන සුලු පැමිණිලි අංශයට යන්න කිව්වා..
දැන් ඒ පොලිසිය ඒසීත් කරලා...සැකකරුවන්ටත් පුදුම සැප..

පොලිසියට අලුතින් බඳවාගත් ගැහැනු ලමයි හෙම උන්නා..හරි ලස්සනයි සමහරු..මං ඒවා දිහා කන්න වගේ ඇහැ දාගෙන ඉන්නෙකොට එක සුවිට් පොලිස් කාන්තාවක් ඇවිත් ඇහුවා මොකද කියලා. මම කිව්වා පෝං එක නැතිවෙලා පැමිණිල්ල දාන්න ආවෙ කියලා. ඇය මට වාඩිවෙන්න කියලා ටිකක් සැර පරුෂ විදියට කිව්වා. ඉන් පස්සෙ ස්ථානාධිපති උන්නැහැට මාව පෙන්නුවා. මගේ පෝන් එක නැතිවෙලා තියේනනෙ ඒ පොලිස් ස්ථානයට අදාල බල ප්‍රදේශයේ නොවුනත් ඒ සුලු පැමිණිලි අංශයේ ස්ථානභාර කාරුණික නිලධාරි මහත්මයා මගේ පැමිණිල්ල ලියාගන්න කටයුතු කලා. ඇත්තටම එතුමානෝ ටිකක් සැරපරුස වුනාට වැඩ ඉක්මනින් කරන ක්‍රියාශීලි කෙනෙක් වාගෙයි පෙනුනෙ..

ඉතිං විනාඩි පාලහක් විතර මම වාඩිවෙලා උන්නාම එතරම් මහත දෙහෙත නැති අලුත් ජාතියෙ කලිසම හැලෙන විදියෙ ලස්සනෙ පොලිස් කාරයෙක් ආවා. ඇවිත් මගේ අයිඩෙන්ටියයි අර මම ගෙනියපු ඉමි අංකෙ තියෙනෙ කොලෙයි අරගෙන විස්තර ලියාගත්තා පැමිණිල්ල විදියට. මම පැමිණිල්ලක් දැම්මෙ ආයෙ පෝන් එක හම්බෙයි කියන බලාපොරොත්තුවෙන් නම් නෙමෙයි. ඒත් මගේ පෝන් එක නැතිවුනාට ඒකෙ සිම් එක වැඩ නැතිවුනාට වෙන සිම් එකක් දාල ඒක අපරාධයකට හෙම පාවිච්චි කරලා තිබුනොත්ඒවා දුරදිග ගියාම මටත් පොලිස්සි වල රස්තියාදු වෙන්න වේවි. පස්සට එහෙම කරදර ඒවි කියන බයට මම කෝකටත් කියලා පැමිණිල්ල දාලාටී ආර්සි එකටත් දන්වන්න ඕනි කියලා හිතුවා..පෝන් එක අඩුමිල එකක් වුනත් පසුකාලෙක ඒ පෝන් එක යොදාගෙන මොකක් නමුත් අලුකුත්තේරු වැඩක් කාරුහරි කොලොත් ඒ දුරකථනය කලිං පාවිච්චි කරපු උන්දැලාටත් ඒකෙ වගකිමක් එනවා..ඒ වගේ වෙලාවටපොං පාවිච්චියෙදි...
  • විශ්වාසදායි තැනකින් මිලදි ගැන්ම..
  • මිලදීගත් වවුචර ලිපිද්‍රව්‍ය සුරැකිව තබාගැන්ම..
  • විශේෂයෙන් ඉමි අංකය මතක ඇති තැනක ලියාතැබීම..
  • පෝං පාවිච්චියේදි අන් අයට වැඩිවේලා තමුංගේ අවධානයෙන් තොරව පෝන් පාවිච්චියට දීමේදි සැලකිලිමත් වීම..
  • පෝන් එක නැති වූයේනම් වහාම අදාල ක්‍රියාමාර්ග ගැනීම සහ පැමිණිල්ලක් පොලිසියේ දැමීම.. 
  • ජංගම දුරකථනය මිලදී ගැන්මේදි එහි චාජර, හෙඩ් පෝන්, බැටරි ආදිය ඔරිමජිනල්දැයි බැලීම..
ආදි කාරණා වැදගත් වෙනවා මොකද අද ජංගම දුරකථනය නොයෙකුත් අපරාද හොයන්න පාවිච්චි කරනවා. ඒ නිසා ජංගම දුරකථන මිලදී ගැන්ම පරිහරණය වගේම නැතිවුනාමත් සම්මත ක්‍රම අනුගමනය කරන එක වැදගත්..කවුරු හෝ බොහෝ අඩුමිලට සෙකන්ඩ් හෑන් පෝං කෑල්ලක් ඇගේ ගැහුවාම ඒක සල්ලි දිල ගන්නවා වගේම ඒක පාවිච්චි කරපු අය ඔබ නොදන්නේ නම් එහිදි ඔබ සුලු අවධානමක් අරගන්නවා..

කොහොමින් හරි දැන් ඉතිං පොලිසියට ගියා ගිහිං බලං ඉන්නවා නෙව මගේ පැමිණිල්ල ලියන කං.. ඉතිං ඒ වෙලාවෙ මට ලංකාවෙ පොලිසිය තවමත් වැඩකරන්නෙ 1970 දශකයේ කියලා හිතුනා. කොම්පියුටර ආදිය ලොකු පොලිස් ලොක්කන්ගේ මේස වල ලස්සනට තිබුනාට පොඩි අය පැමිණිලි ආදිය ලියන්න පාවිච්චි කරන්නෙ තවම පරණ ටයිප් රයිටර.සහ පුරාණ පුස්කොල පොත් ලියාපු ක්‍රමය..පරණ ටයිප් යන්ත්‍ර බොහොම නාඹර වයසෙ පොලිස් කාන්තාවො පාවිච්චි කරනකොට හරිම නොගැලපීමක් දැනුනා මගේ හිතට නම්.. ඒ වගේමයි පරණ ගොනු හොයන්නම හතර පස් දෙනෙක් කැරකෙනවා..පරිඝනක ගත ගොනුවක් අපිට කොන්ට්‍රොල් එෆ් ගහලා ලේසියෙන් හොයන්න පුලුවන් වුනාට රලු ක්‍රමයට පරණ ලිපිගොනු හැඩල් කරන එකනම් පුදුම වහක්..අඩුතරමෙ ඒවා තියෙන පිලිවල හරි සොෆ්ට් කරගන්න පරිඝනකයක් එතැන තිබුනා නම් හොදයි කියලා හිතුනා..
පොලිස් කාන්තාවන් පිරිසක්..

නමුත් මේකෙ තව පැත්තක් තියෙනවා.. පොලිස් අංශයක් වගේ එකක් නෙට්වර්ක් කරලා කම්පියුටරයිස් කරන්න නම් ඉතිං හොද තාක්ෂනයක් යොදා ගන්න ඕනි.. නැත්නම් එතන ලොකු ගැටලු ඇතිවෙනවා..ඒවා අපි හිතන තරම් සරල වැඩනම් නෙමෙයි..මොකද පොලිසියෙ වැදගත් ගොනුවක් කාරිය පිට කට්ටියක් ජාලයකින් සොරකම් කලොත් ඒක ලොකු ගැටලුවක්.. ඒත් ඉතිං හැමදාම පරණ ටයිප් රයිටර පරන  ගොනු එක්කම ඉදලාත් බැහැ..අඩුම තරමෙ පොඩි පොඩි දේවලින් හරි පටන් ගත්තානම් ඒක වැදගත්.. මොකද පොලිසියෙ තුන් හතර දෙනෙක් ලිපිගොනු හොයන්නම ගියාම අනික් වැඩවලට යොදවන්න තියෙන මිනිස් පැය ගාන අඩුවෙනවා.. කවුරුහරි කැම්පස් ප්‍රොජෙක්ට් එකක් වාගෙ කරනවා නං පොලිසිය අධ්‍යනය කරන එක හොඳ ප්‍රවේශයක් වේවි.. වෙන රටවල කැම්පස් වල කරන එක දෙයක් තමයි පවතින ක්‍රමයේ ඇති ගැටලු සහගත තැන්වලට නිර්මාණශීලි විසඳුම් අත්හදාල බලලා අධ්‍යනය කරලා නව විසඳුම් ඇතුල් කරන්න උත්සාහ කරන එක.. නමුත් අපේ කැම්පස් සහ සාමාන්‍ය ජීවිත කැම්පස් වල තියෙන උස තාප්පෙන්ම වෙන්වෙලා තියෙනවා.ඒවා වෙනස් කරන්න මහින්ද රාජපක්සයි ඇස්බී දිසානායක උන්නහෙයි ඕනම නැහැ..අපි අධ්‍යාපනය කරනකොට එන ව්‍යාපෘති අාදිය හුදෙක් ගැලවිජ්ජාවට බොරුවම කරන්නෙ නැතුව ටිකක් පාරට බැහැලා එන ප්‍රශ්ණ ආදිය ගැන කරනවා නම් සහ ඒවා අන්තර්ජාලයේ හෝ පබ්ලිෂ් කරන්න උත්සාහ ගන්නවා නම් ඒක වැදගත්.. එතතොට මිනිස්සු හරි අඩුතරමෙ තේරුම් ගනී අපිමේ ක්‍රමය වෙනස් කරන්න ඕනි නම් ඒක චන්දෙ දාල පස්සෙ ආන්ඩුවට බනින එකතරම් ලේසි වැඩක් නෙමෙයි කියන එක.. 

ඒ එක්කම මං පොලිසියෙ මගේ පැමිණිල්ලෙ කොපියක් ගන්නත් තව විනාඩි පහලවක් විතර වාඩිවෙලා හිටියා..විදුලි සංදේශ නියාමන කොමිසමට පැමිනිලි කරන්න නම් අනිවාර්යෙන් පොලිස් පැමිණීල්ලෙ කොපියක් ඕනි වෙනවා.. එතකල් මම ළමා කාන්තා කාර්යාංශය ගාව තියෙන පුටු පේලියෙ වාඩිවෙලා අවට වෙන දේවල් බල බල හිටියා..ළමා හා කාන්තා කාර්යාංශයට ටිකක් හැඩිදැඩි කාන්තා පොලිස් කාන්තාවක් විසින් අවුරුදු දාහතක විතර ගෑනු ලමයකුයි අවුරුදු දහනමයක විතර පිරිමි ලමයකුයි ඇදගෙන ආවා.. දෙන්නම හොදටම බය වෙලා..ඒ ගෑනු ලමයා ගෙදරින් පැනලා ඇවිත්ලු.. පිරිමි ළමයා එනකල් බලාගෙන හිටියලු පැය දෙක තුනක්.. ඒ ගැනු ලමයාගේ කරෙ තිබුන මල්ලෙ රෙදි ඔක්කොම එක්ක ඒ ලමයා පැනලා යන්න සැරසිලා ඇවිත් කියලා පොලිස් කාන්තාව තම ප්‍රධානියාට දැනුම් දුන්නා.. ඉතිං ඒ ප්‍රධානියාට හිටියෙ ගැනු කෙනෙක් ..ඇයඒ කොස්තාපල් වරියට යම් දැනමුතු කම් ටිකක් දුන්නා..හැමතිස්සෙම මේ වගේ සරල ගැටලු ලොකු තැනට අරං එන්න නැතුව ඔයාටම තිබුනනේ මේ ගෑනු ලමයා අර පිරිමි ලමයාට අැරලන්න කියලා දෙන්නගෙම අයිඩෙන්ටි කාඩ් පොලිසියෙ තියාගන්න.. 

ඒ ගෑල්ලමයයි පිරිමි ලමයයි ත් වාඩි වුනේ මගේ ගාව..දැන් කොල්ලා අර කෙල්ලට හෙමීට බනිනවා හෝ ගාලා.. තමුසෙ මොකද බැග් අරං ආවෙ අනං මනං කියලා.. කොහොම හරි එතනින් පස්සෙ වුන දේට නම් මට ටිකක් නෙමෙයි ගොඩක් තරහ ආවා.. අර පිරිමි ළමයා කියනවා මට ගමේ යන්න ඕනි ග්‍රාමසේවා සහතිකගන්න තියෙනවා හෙට මට ඉන්ටවු එකක් තියෙනවා..අනික මට හෙටත් තව වැඩ තියෙනවා.. තව පොලිසියකින් මාව අල්ල ගනීද දන්නේ නැහැ..මෙයා එක්ක ගිහින්..මං මෙයාව එච්චර ආශ්‍රය කරලාත් නැහැ..ආදිය කියනවා.. ඇත්තටම ඒවගේ ඇපෙන් ගැලවෙන්න දගලන කොල්ලො. කොල්ලො කියන ජාතියටත් නින්දාවක්..කෙල්ල එක්ක ගෙදරටම යන්න බැරිනම් අඩුතරමෙ බස් එකට ඇරලලා එයා දන්න කියන යාලුවෙක් එක්ක සෙට්කරලා හරි මොනයම්ම දෙයක් කෙල්ල වෙනුවෙන් කරනවාට වඩා අර කොල්ලා හැදුවෙ ගැලවිලා දුවන්න. අපි පොලිසිය මේවගේ සිද්දි වලට මැදිහත් වෙනකොට උන් දෙන්නාට හොද නම් අපිට මොකෝ කියලා පොලිසියට පල් පතුරු යන්න බැන්නාට මේ වගේ තැන්වලදි පොලිසියත් අසරණයි..එකට කාමරේට යං කියලා කාමරේට උස්සං ගිහින් කොරගන්න දේ කොරගත්ත ට පස්සෙ නිකං වත් කෙල්ලා ගැන බලන්නෙ නැති කොල්ලො හරියට බැල්ලියෙක් එක්ක පාර මැද කාටත් පේන්න වැඩේ කොරලා ඉන් පස්සෙ බැල්ලි කොහෙද ඉන්නෙ කියලා හොයන්න වද නොවෙන වල් බල්ලො වගේ ජාතියක්.. 

ඒ ගෑනු ලමයාගේ පැත්ෙත වැරදි ඇති..එයා බෑග් එකපිටේ බැදන් උදේ පාන්දර පාරට බහින්න මොනයම්ම හෝ හේතු ගොඩක් තියෙන්න ඇති. නමුත් අවුරුදු දාහතක ලමයෙක් පොලිසියට පොඩි ලමයෙක් නෙමෙයි.. ටිකක් ලොකු ලමයෙක්.. ඉතිං පොලිසිය පැත්තෙන් ලොකුවට ලමයෙක් බලාගන්නවා වගේ මලක් වගේ ගෙදරට ඇරලන්න බැහැ.. අනික මොකෙක් හරි යාලුයි කියන කොල්ලත් ඉද්දි එයාට පොඩි වගකීමක් වත් ගන්න බැයිද? අනේ මන්දා අද තාක්ෂනේ දියුනු වුනාට ඒ දේවල් ක්‍රමික නැහැ.. ඇසුරු සැනින් ඇගේ දෙමාපියන් කවුද ඔවුන්ගෙ ජංගම දුරකථන අංක කවරේද? කියලා හොයාගෙන වහාම දෙමාපිය භාරකරුව්නට කතා කරලා මේ ඔයාලගේ දුව ගෙදරින් ඇවිත් අපිට හමුවෙලා කියලා දැනුම්දෙන්න මහා ලොකු තාක්ෂණ විප්ලවයක් ඕනි නැහැ.. රිසානා ගැන උඩදැම්ම ගොඩක් අය ඒ වගේ සමාජය සිස්ටමැටික් කරන්න තව රිසානලා හොර පාස්පොට් හදාගන්න එක වලක්වගන්න කතා කරන්නෙ නැහැ.. සමාජයේ මේ වගේ වැරදි ඉක්මනින් අදුනගන්න ක්‍රම ස්ථාපනය කරන්න දගලන්නෙ නැහැ..

කොහොම වුනත් දැන් පොලිසිය කියන එක සාපේක්ෂව හොඳයි..මේ සිද්ධියෙදි විතරක්ම නෙමෙයි පහුගිය කාලෙ මම අත්දැකපු සිද්දි ගානකදි පොලිසිය එතරම්ම සාමාන්‍ය ලාංකික මිනිස්සුන්ට සාපෙක්ෂව නරක නැහැ.. මම ගිය පොලිසිය ආකල්ප අතින් සහ එන අයට සැලකීම් අතින් හොඳයි.. තව වෙනස් වෙන්න දේවල් තිබුනත් ඒවා වෙනස් කරන්න මහජනතාවත් ඒ වගේම මහජන නියෝජිතයුනුත් ලංකාවෙ ඉන්නෙ ලෝකෝත්තර පල්හොරු ටිකක් වෙන බුද්ධිමත් නිලධාරින් ටත් කැපවීම් කරන්න වෙනවා.. එහෙම නැතුව අර නිලඇදුම අස්සෙ ඉන්න අහිංසක මිනිස්සු ටික අල්ලෙගන කන්න හැදුවට කිසි දෙයක් වෙනස් වෙන්නෙ නම් නැහැ..

13 comments:

  1. ඇත්තටම පොලීසියේ තත්වය දැන් හොඳයි. අපේ කට්ටිය රිසර්ච් කරන්නේ කැම්පස් කඩයිමෙන් ගැලවෙන්න විතරයි වගේ පෙන්නේ. ඔයා කරලා තියෙන හොඳ යෝජනාවෙන් මේ ඇය ප්‍රයෝජන ගන්නවානම් තමන්ට උගන්වන්න වියදම් වන මහජන මුදල් වලට ප්‍රතිලාභ ගෙවීමක් වෙනවා.

    ReplyDelete
  2. කාලින වටිනා කමක් ඇති අනගිම ලිපියක් මේක. ඔබ පෙන්වන්න උත්සාහ කරන් හැම පැතිකඩක්ම ඇත්ත. බොහොම වටිනවා එක ළිපියකින් ඉසව් රැසක් දෙසට අපේ අවධානය රැගෙන ගියාට. මෙන්න මේ ටිට ට මම හැබැවටම ලයික්..
    //ඒවා වෙනස් කරන්න මහින්ද රාජපක්සයි ඇස්බී දිසානායක උන්නහෙයි ඕනම නැහැ..අපි අධ්‍යාපනය කරනකොට එන ව්‍යාපෘති අාදිය හුදෙක් ගැලවිජ්ජාවට බොරුවම කරන්නෙ නැතුව ටිකක් පාරට බැහැලා එන ප්‍රශ්ණ ආදිය ගැන කරනවා නම් සහ ඒවා අන්තර්ජාලයේ හෝ පබ්ලිෂ් කරන්න උත්සාහ ගන්නවා නම් ඒක වැදගත්.. එතතොට මිනිස්සු හරි අඩුතරමෙ තේරුම් ගනී අපිමේ ක්‍රමය වෙනස් කරන්න ඕනි නම් ඒක චන්දෙ දාල පස්සෙ ආන්ඩුවට බනින එකතරම් ලේසි වැඩක් නෙමෙයි කියන එක.. //
    මම සමකය වටේ ලියන නලින්


    ReplyDelete
  3. මම යන්න අකමැතිම තැන්වලින් එකක් .මොනවට ගියත් දාන පාට් එක තමා අල්ලන්නේ නැත්තේ

    ReplyDelete
  4. බොහොම වැදගත් ලිපියක්. අනෙකුත් කාර්යාල වලට තියන පහසුකම් සමඟ සසඳා බැලුවම පොලිසියට තියන භෞතික සම්පත් ප්‍රමාණය නම් අන්තිම පහල තැනක තියෙන්නෙ. රියදුරු බලපතක් හැඳුනුම්පතක් නැතිවුනාම ගන්න තියන පැමිණිලි පිටපත පවා එක් අයෙකුට එකක් ලෙස ටයිප් රයිටරයෙන් ගන්න සිදුවීම අන්තිම අවාසනාවක්. ඉතිං ඒ මිනිස්සු කම්මැලි වෙනඑක අහන්නත් දෙයක් නෙවේ‍.

    ReplyDelete
  5. හොද පොස්ටුවක්. කියවලා ඉවර වෙද්දි මං හිතා ගත්තා ‍‍'සියළු පොලිස්කාරයෝ (කාරියන්ද සමඟයි) මනුෂ්‍යයෝ ය.' කියලා.

    ReplyDelete
  6. ඉස්සරට වඩා පොඩ්ඩක් විතර හොඳයි ඔය පොලිසිය.

    ReplyDelete
  7. හ්ම්ම්ම්ම....
    ජනතාවගෙ හිත දිනා ගත්ත හොද පොලිසිය!!

    ReplyDelete
  8. mee wagee policiyak , mee aathme witharak newei, hema aathmekadima lebeewaa kiyala praarthanaa karanawa.

    ReplyDelete
  9. හරිම වැදගත්. මිනිහෙක් දවසක් පොලිසීයේ හිටියොත් එතැන වැඩ කරන්නේ මොන තරං පීඩනයක් තියෙන මිනිස්සුද කියල තේරුම් ගන්නවා. එදාට මුං වැරදි කරන එකත් සාධාරණයි කියල කියන්න වෙනවා...

    ReplyDelete
  10. ඇත්තටම ලංකාවේ පොලිසිය දැන් යම්තාක් දුරකට හෝ යහපත් බවක් ලබාගෙන තියෙනවා.

    ලංකාවේ විශ්ව විද්‍යාල වල රිසර්ච් කරන්නේ ගැලවෙන්න මිසක් රටට ප්‍රයෝජනවත් ඒවා කීයද වෙන්නේ.මුදල් හිගකම ප්‍රස්නයක් උනත් අවම මුදල් ප්‍රමාණයකින් කරන්න පුළුවන් එව්වත් කරන බවක් පෙන්න නැහැ ඒවගේම කරන කීපය තුලින් ගන්න පුළුවන් ප්‍රයෝජන ලබාගන්න අකාරයක් පේන්නත් නැහැ.
    විදෙස් රටවල විශ්ව විද්‍යාල හා රජය අතර හොද සබදකමක් තියෙනවා ,රාජ්‍ය සේවයේ වෙනසක් ,අලුත්දෙයක් කරනවානම් විශ්වවිද්‍යාල ලවා රිසර්ච් කරනවා එක සාර්ථක වෙඉද නැද්ද කියල බලන්න.
    එත් ලංකාවේ රජය වගේම විශ්වවිද්‍යාලත් පුදුම දුරස්ථ බාවයකින් කටයුතු කරන්නේ .රජය කරන ක්‍රියා වලට විශ්වවිද්‍යාල වල සහයක් ගන්නෙම නැති තරම්.
    ඉංජිනේරු හා කෘශි පිට වලින් ඉද හිට ප්‍රයෝජනයක් ගන්නවා

    ReplyDelete
  11. නියම සයිට් එක මම සිංහ පීඩියාව ලියන යසිරු http://sinhapedia.blogspot.com/

    ReplyDelete
  12. පොලෝසිය ගැන මගේ නම් එදා ඉඳන්ම පැහැදීමක් තිබ්බේ නැත. හැබැයි අර පොටෝ එක හරිම ලස්සනය. ජගත් වික්‍රමසිංහගේ "ඔබේ සිනා ළඟ" එකේ වීඩියෝව මතක් වෙනවාය. එහෙම වෙනකොට හිත වෙනස් වෙන්නට වගේ එනවාය. ඒ නිසා දැන් යනවාය.

    ReplyDelete
  13. මමනම් තාව වැස්සකටවත් පොලිසි ගිහින් නැත.

    //ඒත් මගේ පෝන් එක නැතිවුනාට ඒකෙ සිම් එක වැඩ නැතිවුනාට වෙන සිම් එකක් දාල ඒක අපරාධයකට හෙම පාවිච්චි කරලා තිබුනොත්ඒවා දුරදිග ගියාම මටත් පොලිස්සි වල රස්තියාදු වෙන්න වේවි. පස්සට එහෙම කරදර ඒවි කියන බයට මම කෝකටත් කියලා පැමිණිල්ල දාලාටී ආර්සි එකටත් දන්වන්න ඕනි කියලා හිතුවා.

    සිම් එක නැති උනොත් හරි හානි උනොත් හරි ඒ පරන අංකයටම නව සිම් එකක් ඔයා බාවිතා කල ‍ආයතනයේ ශාඛාවකින් ගන්න පුලුවන්. සමහර ආයතන වලින් ගෙදරට ගෙනල්ලා දෙනවා. ඒක නිසා සිම් එක ගැන කරදර වෙන්න ඕනේ නෑ.

    සිම් එකේ තියෙනවා Lock එකක් ඒක On කරලා තියෙන්න. Phone එක Off කරලා On කරන සෑම විටකම PIN එකක් ඉල්ලන නිසා කාටවත් සිම් එක බාවිතා කරන්න බෑ. වෙනත් දුරකතනයකට සිම් එක දැමුවත් එය එසේමයි මම මෙය බාවිතා කරනවා සෑම සිම් එකකටම.

    ‍‍‍

    ReplyDelete