Thursday, February 6, 2014

පොන්න වංශය (ponnaya's ancestry)

මේ පොන්නයින් යැයි වරදා වටහා ගැන්ම නොකල යුතුයැ. 
              පොන්න යන පදය වර්ථමාන සිංහල බසෙහි යොදාගන්නේ ලිංගික අප්‍රාණිකත්වය සහ ස්ත්‍රිත් නොවන පුරුෂත් නොවන ද්වීලිංගික මනුෂ්‍යයින් හැඳින්වීම සඳහාය. පොන්න යන පදය පොන්නයා,පොන්නකම,පොන්න වැඩ,පොන්න පාට්,පොන්න විදිය,පොන්න ඇඩ් ආදී ලෙස සමාජයේ භාවිත වෙයි. සාමාන්‍ය ව්‍යවහාරයේ මේ පොන්න යන පදය යෙදෙන නමුත් එය නරක වචනයක් ලෙස සමාජයේ හඳුන්වයි. සිංහල සමාජයේ කුඩා දරුවන් කතා නොකල යුතු පදයක් ලෙසද පොන්න යන වදන හැඳින්වෙයි.

පොන්න යන පදයට එලෙස නපුංසක හා ඒ සම්බන්ධ අර්ථයක් පැමිණීම නම් අරුම පුදුම කාරනාවකි. වෙනත් සිංහල කුණුහරුපයක් ඉංගිරිසි වදනින් ලියා ගූගල් සෙවුමක් කල විට (උදා:-පෙට්ටිය-Pettiya) ලැබෙන ප්‍රථිපලය බොහෝවිට ලංකාවේ අය විසින් විවිධ තන්හිදී කුනුහරුපෙන් බැනගෙන ඇති අවස්ථාවන් දකින්නට ලැබේ. ඒ අතර අසභ්‍ය අඩවිද බොහෝ විට දකින්නට ලැබේ. නමුත් මේ පොන්න(Ponna) යන වදන ඉංගිරිසියෙන් සොයා බැලූ විට ලැබෙන්නේ විවිධාකාර ප්‍රථිපලයන්ය. ඉන්දියාවේ පොන්න නමින් ස්ථාන කිහිපයක්ම ඇති අතර ඉතාලි උප නගරයක්ද Ponna ලෙස දැක්වේ. ඉන්දියාවේ තරමක් පැතිරුන පෙළපත් නමක් ලෙසද පොන්න යන නම දැක්වේ. ඉන්දීය ඉතිහාසයේද පොන්න නමින් පතල කවියෙක්ද සිට ඇත.

පොන්න යනු ඉන්දියාවේ  ජනප්‍රිය වී ඇති නමකි. ජෝන් ඩොයිලිගේ දිනපොතේ සඳහන් වන අන්දමට එක් අවස්ථාවක “මරක්කල,වෙල්ලාල,පදු,පොන්න ආදී මිනිසුන් රැසක් යුද්ධයේදී සිරභාරයට ගැණුනු ලන්සි මිනිසා විසින් පුරුදු පුහුනු කරනු ඔවුහු දුටුහ.“යි ඔත්තුකරුවෙකු විසින් කියන ලද වාක්‍යයක් සටහන් වෙයි. මෙහිදී මරක්කල ලෙස හැඳින්වෙන්නේ මුස්ලිම් ජාතිකයින් පිරිසකි. වෙල්ලාල නම් වූ කුලයක් ඇතැයිද මා අසා ැඅත. එවිට පොන්න යනු එවැනිම ජන කොටසක් හෝ ගෝත්‍රයක් විය හැකිය.

නුවර යුගයේ කුණ්ඩලාභරනයක් වහලකට වැටීම සහ එයට දෙදෙනකු පොරකෑමේ සිද්ධි දෙකක් සඳහන් වෙයි. එයින් එකකදී මහවැලි ගඟ අසල කුණ්ඩලාභරණය එනතෙක් අහස දෙස බලමින් කූඩාරම් ගසාගෙන සිටි ප්‍රකට නැකැත් කරුවන්දෙදෙනාගෙන් එක් අයකුගේ පෙළපත් නාමය පොන්න වේ. පොන්නා හෝ පොන්න හෝ පොන්නයා යන නමින් හැඳින්වුන ඔහු සිකුරු ගෙන් පැමිණි මේ ග්‍රහක කැබැල්ලක් යැයි සැලකෙන ලෝහ කැබැල්ල අල්ලා ගත් හෙයින් එයින් මතු මේ පොන්නා සිකුරා රාජපති ලෙස හැඳින්වූ බව පොත පතේ සඳහන්ය.

කොත්මලේ ගණිතයා ලෙස හැඳින්වූ මෙ පොන්නා නැකැත්තා ගේ පරපුරේ පුස්කොල පොතක් අදද ඒ සිකුරාරාජපති නිවෙසක ඇති බවත් එහි මලයාලම් සහ ද්‍රවිඩ අක්ෂර සහිත පොන්නා නැකැත්තා විසින් ලියන ලද නක්ෂත්‍රය සම්බන්ධ කාරණා එහි ඇතිබවත් කියවේ. ඒ පොතේ ඇති අකුරු මලයාලම් හෝ ද්‍රවිඩ බසින් ලියවී ඇති නිසා පොන්නා යන නැකැත්තා ඉන්දියාවේ සිට පැමිණි අයෙක් හෝ ඉන්දීය ශාස්ත්‍රයන් හැදෑරු අයෙකු බව අපට නිගමනය කල හැක. මේ පිළිබඳ වැඩිදුර තොරතුරු සිළුමිණ පසුගිය කලාපයක දක්ණට ඇත.

ඒ අනුව ඒ පොන්න නැකැත්තා විසින් වැදගත් අනාවැකි කිහිපයක්ම කියා ඒවා පසුකලෙක සාර්ථක වී තිබෙන බවද අපිට දැකගන්නට පුලුවන. නමුත් වසර සිය ගනනක් පැරණි පුස්කොල පොතක් පුද්ගලික නිවසක පුද්ගලයකු සන්තකව තිබීමට මට නම් පුදුමයට කරුණකි. තාක්ෂණයක් ඇතැයිද වටිනා ගණිතය සම්බන්ධ දේ එහි ඇතැයිද සිතමින් එයට වඳිමින් තිබෙන්නට හරින්නේ නැතිව එය නිසි බළධාරින් ලබාගෙන කියවා එහි ඇති වැදගත් දෙයක් වෙත්නම් එය බෙදාගැන්ම පුරාවිදු බළදාරින්ගේ වගකීමයි. ඔය කියන පුස්කොල පොත පසුකලෙක පරපුරේ අය විසින් සොයාගත් ව්‍යාජ එකක් වන්නට හැකියාවක්ද ඇත. කෙසේ වෙතත් එය තවදුරටත් සංරක්ෂනයක් හෝ අඩුතරමේ පිටපත් කිරීමක් වත් නැතිව එතැනම තිබෙන්ට හැරීම නම් ඒ පොතට කරන අගෞරවයකි.

මේ පොන්න නැකැත්තා ගැන විස්තරයක් දුටුගැමුනු රජතුමාගේ කොත්මලේ අවධිය ගැන කියවෙන ජනප්‍රවාද වලද කියවේ. ඒ කොත්මලේ ගැමුණු කුමරු සැඟවී සිටි අවධියේදී ගැමුණු කුමරු දුටු සිහිනයක් විස්තර කර දෙන්නේ පොන්න නැකැත්තා විසින් යැයි කියනු ලැබේ. මේ ගැමුණු කුමරු සිටි අවධියෙන් අවුරුදු දහස් ගනනක් ගිය තැන යලිත් ඒ කොත්මලා ප්‍රෙද්ශයේම නුවර යුගයේදී විසූ පොන්නා වරුද නැකැත් බැලීමේ දක්ෂයෝ වූහ. එක්කෝ පොන්නා යනු දීර්ඝ ඉතිහාසයක් ඇති පරම්පරාවක් විය යුතුය. නැතහොත් පොන්නා වරුන් විටින් විට ලංකාවට පැමිණි ඉන්දීය ශාස්ත්‍රඥයින් පිරිසක් විය හැකිය.

පොන් යනු ද්‍රවිඩ බසින් රත්‍රන් හඳුන්වන නමක් යැයිද එය රත්‍රන් හා සම්බන්ධ කුලයක් යැයිද මතයක් ද පවතී. පොන්න යන පදය බොහෝවිට සිංහල ශාස්ත්‍රිය ලිපි ලේඛන වලදී නොයෙදෙන ග්‍රාම්‍ය යැයි සැලෙකෙන කථන ව්‍යවහාරයේ යෙදෙන පදයක් නිසා පොන්න යන පදය නපුංසක ස්වභාවය දැක්වීමට යෙදෙන්නේ මන්දැයි ඉතිහාසගත තොරතුරු සෙවීම අපහසුය. ඉතිහාසයේ එක්තරා පොන්න නම් වූ පෙළපතක් ඉතාම යටහත් පහත්ව(දීගෙන) නපුංසකයින් පරිදි අවඥාසහගතව සිටි නිසා ඔවුන් පසුකලෙක උදාහරණ බවට පත් වී පොන්න යන පදය එසේ නපුංසකයින් හැඳින්වීමට යෙදුනා වන්නට ද පුලුවන. නමුත් එසේ නොවී ඒ වචනය ලංකාවට විවිධ දේශ දේශාන්තර වලින් පැමිණ අප සමග මිශ්‍ර වූ වෙනත් බසක ආභාෂයෙන් අපේ බසට එකතු වූවා වන්නටද පුලුවන.

කෙසේ වෙතුදු යමෙකු තවත් අයෙකුට පොන්නයා යැයි බනී නම් එසේ බැනුම් අසන ලද තැනැත්තාට පොන්න යනු පහත් ජාතියක් නොවේය. ඉන්දියාවේද වැදගත් පොන්න වරුන් සිටින බවද ලංකාවේද අති දක්ෂ පොන්න නැකැත්කරුවන් ඉතිහාසයේ සිටි බවද සිතා තමාද එවැනි පොන්න යෙකු ලෙස හැඳින්වීම ගැන යටි සිතින් සතුටුවීමට හැකිය.

14 comments:

  1. තව අවුරුදු විස්සකින් විතර රාජෆස්ස කියල කුනුහරුපෙකුත් එයි නේද මෙයා?
    -ෆොන්ස්-

    ReplyDelete
  2. පුදුම අර්ථ සම්පන්න වචනයක් නේ..ඇයි අපි මේකට කුණු හරුපයක් කියල කියන්නේ...

    ReplyDelete
  3. ponce කියන එකෙන් බිඳුණු වචනයක් වෙන්න ඕන.

    ReplyDelete
  4. // පොන්නා සිකුරා රාජපති//

    ඕනය කරන වැඩ බැලුවමනං එහෙම ගතියක් පේන්න නෑ :D

    ReplyDelete
  5. ඔය සිකුරාරාජපති ගැන ජෝතිගෙ අදහස මේ.

    කොත්මලේ ගණිතයා පිළිබඳව ඇති එක්‌ රසවත් ජනප්‍රවාදයක්‌ මෙහි ඉදිරිපත් කරමු. දිනක්‌ උදෑසන මැතිරූ තල අත්ත කිහිළි ගන්නා ගෙන කොත්මලේ ඔය හරහා දමා ඇති පාදියවලට, පා තබමින් ගඟෙන් එතෙරව සෙන්කඩගල රාජසේවයට යන කොත්මලේ ගණිතයා විඩාව සංසිඳුවා ගෙන ගිමන් හැරීමට අඩිපාර අද්දර තිබූ අම්බලමකට ගොඩ වී අසුන්ගෙන බුලත් මඩිස්‌සලය ඇද විටක්‌ සපන්නට විය. ටික වේලාවකින් මහලුවියේ පසුවන තවත් වැසියෙක්‌ පැමිණ අම්බලමේ අසුන් ගත්තේය. පාලුව යැමට දෙදෙනා කතාබහට එකතු විය. තමා නක්‌ෂත්‍රකරුවකු බවත් රාජසේවය සඳහා සෙන්කඩගල රාජසභාවට යන බවත් බුලත්විට සපමින්ම ගණිතයා මහල්ලාට කීවේය. මහල්ලා නළල රැළි ගන්වා ගණිතයා දෙස බැලුවේය.හොඳයි මේ වෙලාවේ සිකුරු ග්‍රහයා ඉන්න ස්‌ථානය කියන්න පුළුවන්ද? මහල්ලා ගණිතයාගෙන් විමසුවේය. ගණිතයා කොටු අඳිමින් බෙල්ලන් දමමින් පන්හිඳ රැගෙන හිස කසමින් කීප වරක්‌ ග්‍රහචාරය ගැන බැලුවේය. එහෙත් සිකුරු සිටින ස්‌ථානය අපැහැදිලිය.
    "තවම හොයාගන්න බැරිවුණාද?" - අමුත්තා අසයි.
    ගණිතයා නැවතත් ග්‍රහචාරය පරීක්‌ෂා කොට හිස්‌කෙස්‌ අතින් පීරමින් පරීක්‌ෂා කළත් පිළිතුරක්‌ නොලැබෙයි. ඔහු අමුත්තා ලෙස බලා මොහොතක්‌ කල්පනා කරන්නට විය.
    "සිකුරු ග්‍රහයා ඔබතුමාවත්ද?" ගණිතයා අමුත්තාගේ දෑත අල්ලා ගනිමින් මුහුණ දෙස බැලුවේය.
    ඉගෙන ගත්තේ එච්චරයිද? - අමුත්තා ගණිතයාගේ දෙනෙත්වලට ඇඟිල්ල තැබුවා පමණෙකි. ඔහුගේ පෙනුම අතුරුදන් වී දෑස්‌ අන්ධ විය. කොත්මලේ ගණිතයා මහල්ලාගේ දෑත් තදින් ම බදාගෙන වැළපෙන්නට විය.
    ඔබ වහන්සේ මට නැවත පෙනුම ලබාදෙන්න. මොහොතකින් ගණිතයාට යළිත් තිබූ පෙනුම හිමිවිය. උතුරා ගිය ප්‍රිතියෙන් සිකුරුගේ පාමුල වැටුණු ගණිතයා සිකුර දෙවියාගේ වරම් හා ආශිර්වාදය ඉල්ලා සිටියේය. ඔහුගේ හිස මත අත තබා සිකුරු ග්‍රහයා ඔහුට ආශිර්වාද කළේය. ඒ සමග ඉන්පසු සිකුරු ග්‍රහයාගේ අසීමිත බලවේගය ඔහුගේ නක්‌ෂත්‍ර කටයුතුවලට හා ජීවිතයට එකතු විය. සිකුරුගේ ආශිර්වාදය හා වරම් ලැබූ කොත්මලේ ගණිතයාට ඉන්පසු "සිකුරාධිපති" යන ගෞරවනාමය හිසමිවිය. ඔහුගේ පරපුරේ අයද සිකුරාධිපති නම ආඩම්බරයෙන් අදත් භාවිත කරති

    http://lankajhothisha.blogspot.com/2011/09/blog-post_15.html

    ReplyDelete
  6. අද සිංහල වාසගම් දෙකක්

    පොන්වීර
    පොන්නම්පෙරුමාල්

    මේවායේ මුල් නම් දකුණු ඉන්දියානු.

    ReplyDelete
    Replies
    1. එතකොට සූරියආරච්චි කියන්නෙ අති උතුම් ශුද්ධ සිංහල වෙන්න ඇති නේද ගොනෝ...

      Delete
  7. //பொன்ன//

    මේ තියෙන්නෙ පොන්න කියල දෙමළෙන් ලියන විදිය. මම හොයාගත්තු විදියට මේ පොන්න කියන්නෙ තරුණිය කියන එක. දෙමළ දන්න කෙනෙක්ට පෙන්නල සෙනසුරාදට වැඩි දෙයක් දැනගන්න පුලුවන්. ඊට කලින් දන්න කෙනෙක් ඉන්නවනම් යමක් කියයි.

    ReplyDelete
  8. Ponce - ඉන්ග්‍රීසියන් නම් යනු පිරිමි සමලින්ගිකයෙක්, ගෑහනු ලෙස පෙනෙන/හෑසිරෙන පිරිමියෙක්, pimp ලෙස මුදල් උපයන්නෙක් වියහෑක. පොන්න්නයා යන්නත් "හෝව්" මෙන් ඉන්ග්‍රීසියන් ආ ("whoa") ඒත් බෑලූ බෑල්මට එසේ නොහිතන වචනයක් විය හෑක.

    ReplyDelete
  9. වැඩි විස්තර ඕනෙගෙන් අහගන්නංකෝ....අමිල....

    ReplyDelete
  10. හදහන බලාගත්තොත් නරකද ?
    සිංහල ජ්‍යොතිෂ ලිපි මාලාව.ජ්‍යොතිෂ දෑනුම සමග ජීවිතය සාර්තක කරගෑනීමට ලාංකික ඔබට මගපෙන්වීමක්.
    Read More >> www.obehadahana.blogspot.com

    ReplyDelete
  11. මේ අය මනෝ විද්‍යානුකූලව හඳුන්වන්නේ "male transsexuals" කියලා

    ReplyDelete
  12. අමිල චතුරංග කියන එකා තමා වැනි අය ගැනම ලියලා.ඒකත් සතුටට කරුණක්, අමිල වගේ නූගත් නපුංසක චරිත මාතෘකා වලින්ම තමන්ගේ නූගත් කම පෙන්නනවා, ව්‍යවහාරික හා ලේඛන කියලා ක්‍රම දෙකක් තියනවා .ලේඛනයේදී භාවිතාකරන වචන ගැනවත් දැනුමක් නැහැ, නූගත් අසහනකාරයන්ට අන්තර්ජාලය ලැබීම සමානයි වඳුරාට දැලි පිහිය ලැබීම

    ReplyDelete