මා ණය පත්‍රයක සාඩම්බර හිමිකරුවෙකි.(I am a Credit card vacant)

1.මා දිනක් මිතුරකු හමුවන්නට ගියේ සති අන්තයේ මට පැවති පංතියක් අවසානයේය.එහිදි විවාහක එම මිතුරාගේ නිවසට යම් ආගන්තුකයෙක් පැමිණ තිබුණි ඔහු ඉන්ෂුවරන්ස් කරුවෙකි..කැටයම් සියල්ල අවසානයේ මා සැලකිය යුතු වාරිකයක් සහිත රක්ෂණ ඔප්පුවක් මිලදී ගතිමි.
2.රක්ෂනය රැගෙන එයට අදාල වාරික මුදල් කෙළින්ම මගේ බැංකු පොතෙන් පඩි දිනට පසුදින ලබාගත හැකි වනසේ ස්ථාවර නියෝගයක් හරහා මුදල් යැවූ බැවින් නියමිත දිනට අනිවාර්යයෙන්ම රක්ෂණ වාරිකය රක්ෂණ සමාගම වෙත ගියේය.යම් ප්‍රමාදයක් හෝ වෙත්දැයි බියෙන් මා කෝකටත් කියා අමතර වාරිකයක් වැඩිපුර ගෙවා ඉන්පසු රක්ෂණ සමාගමට බැංකුව මගින් ස්ථාවර නියෝගය යැවීමට කාරුණික විය.තැපැල් ප්‍රමාද බැංකු ප්‍රමාද ආදි කිසිවක් නිසා වාරිකයක් තරමක් ප්‍රමාද උවත් එවිට කිසිදු ගැටලුවකින් තොරව රක්ෂණ වාරික ගෙවීම සිදුවෙනු ඇත.


3.මේ ළඟදී මා රක්ෂනයට බඳවාගත් යහලුවා පැමිණ මට ණය කාඩ්පතක් හෙවත් ක්‍රෙඩිට් කාඩ්පතක් ගන්නට ආරාධනා කලේය.මාගේ රක්ෂණ ඔප්පුව බරසාර එකක් වන බැවින් සාමාන්‍යන් ඇති ක්‍රෙඩිට් ලිමිට් එක නොහොත් උපරිම ණය පරිමාණයට වඩා වැඩි ණය කාඩ්පතක් ලබාගත හැකි බවත් ණය කාඩ්පත් ගැනීම හදිස්සියකදි වැදගත් වන බවත් පවසා ඔහු විසින් මා හොඳින් අන්දන ලදී.පොස් වීමට මග බලා සිටිම මා වැන්නන්ට ක්‍රෙඩිට් කාඩ් යනු තව එක කාඩ් එකක් නොවේ.එය අපි සමාජගත වීමේ තවත් ඉදිරි පිම්මක් ලෙස අපි බහුතරය සිතමු.මුදල් පසුම්බිය අදින විට එහි පාට පාට ණය කාඩ්පත් කීපයක් තිබීම මහත් අභිමානයට කාරණයක් ලෙස සිතන උන්දලාද සිටිති. මාරු කාසි මුදල් පසුම්බියේ තිබුනත් ෆුඩ් සිටියෙන් එලෝලු දෙසිය පනහක් ගත්තත් ණය කාඩ්පතෙන්ම ගෙවන අය මා දැක ඇත.එබැවින් මා කිසිදු අකමැත්තක් නොදක්වා එයට කැමති වීමි.

4.මා සැමදෙයම පවසන මාගේ නෑදෑ කෙනෙකු මෙන් සිටින මට අදාල කන්තෝරුවේ වැඩකරන කෙනෙක් සිටී.ඇය මා සමග කුලුපගුය.මට වඩා ලොකු පඩියක්ද තනතුරක්ද ඇයට හිමි නමුත් ඇය මා හා හොඳින් කතාකරනු ලබයි.මා මේ ණය කාඩ් පත ගැන ඇයට කීවෙමි.ඇයගේ පිලිතුර සංක්ෂිප්ත කර අපි බලමු.
  මෙහෙමයි අපිත් ක්‍රෙඩිට් කාඩ් පාවිච්චි කරනව.මාසෙම බඩු අරන් මාසෙ අන්තිමට අපි දෙන්නගෙ පඩිය ආහම දෙන්නගෙ ක්‍රෙඩිට් කාඩ් එකට දාගන්නව.ඔකෙ වැඩේ තියෙන්නෙ හදිසියට සල්ලි වලින් ගෙවන්න අපි පුරුදුවෙලා නෑ.හදිස්සියෙ මල ගෙදරක් වෙලා කාර් එකේ දුර යන්න උනොත් අපි දෙන්නම ගාව සල්ලි නෑ ඉතින් ක්‍රෙඩිට් කාඩ් එක තියෙන නිසා බය නැතුව තෙල් ගහන් ගිය හැකි.අනික බබාට,අපිට ඕනි දෙයක් හිතුන වෙලාවක ගන්න පුලුවන් නේ.හැබැයි ඉතින් ඕවයෙ පොලී ගැන නම් දන්නෙ නෑ.මාසෙ අන්තිමට තියෙන මුලු ගානම ගිහින් ගෙවනව..ගොඩක් අය කියනව පොලිය වැඩියි කියල.මාත් ඕක අයින් කරන්න ඉන්නෙ ඒත් ඉතින් දැන් මේකට පුරුදු වෙලා..


5.තව මාගේ ම්ිතුරෙකු සිටී ඔහුගේ භාර්යාව විශාල වැටුපක හිමිකාරියක.ඔහුද තරමක වැටුපක් ගනී.අපි ඔහුගේ පිලිතුරත් බලමු.
ආ ක්‍රෙඩිට් කාඩ්ද..උඹ දන් නෑ අපේ වයිප්ට ගෝල්ඩ් කාඩ් එකක් දීල තියෙන්නෙ ක්‍රෙඩිට් ලිමිට් එකම ලක් ෂ දෙකක්..ඒ උනාට මං ආස නෑ..වයිෆ් නම් කියන්ෙන බඩු ගන්න සල්ලි උස්සන් යනවට වඩා මේක වැදගත් කියල..හැබැයි මාසෙ කියන දවසට ගෙව්වෙ නැත්තං ඉතින් දඩ තමයි..


6.මා සති අන්තයේ නිවෙසට ගිය කල අපේ නැන්දා කෙනෙකු ඇවිත් තිබුණි ඇයටද මා ක්‍රෙඩිට් කාඩ් එකක් ගැන්මට යන බව පැවසුවෙමි.ඒ විස්තරය කෙසේද යත්....මේ ණය කාඩ්පත් ගැනීමේදි මා හට කතාකල යාලුවා අයිති සමාගම විසින් අයෙකුට ණය කාඩ්පතක් පිරිනැමීමේදී ණය කාඩ්පත ඉල්ලුම්කරු විසින් ස්ථාවර දුරකථන අංකයක් සැපයිය යුතුය..මටවත් අපේ ගෙදර අයටවත් මෙගේ සහෝදර සහෝදරියන්ටවත් ස්ථාවර දුරකථන නැත.එබැවින් එය මහා ගැටලුවක් විය.අවසානේ මේ නැන්දාව සිහි විය..ඇයට ස්තාවර දුරකථනයක් ඇත.නමුත් ඇය ගෙදර සිටින වෙලාවක් අල්ලා ගැන්ම අමාරුය.කෙසේ හෝ ඇය නම් අවුලක් නැතුව අහන දේකට එහෙයි කියා උත්තර දිමට හැකි කෙනෙකු බැවින් මා ඇය තෝරා ගතිමි..අපි ඇගේ අදහස බලමු..
ඔය පාල මාමත් (ඇගේ සැමියා) නිකම් දෙනව කියල කාඩ් එකක් එකපාරක් ඇරන් තිබුන.ඉතින් මේ උන්දැ දන්නවයි ඉංගිරිසි.ඔය කොළඹ වැඩකරනකොට මොකෙක් හරි අරන් දීල.දිග ලියුම් මිටි ගනන් ආව ගෙදර.ඒ එක එක කොම්පැනිවලින් බඩු ගන්න ආපුවලු.ඉතින් මේ මිනිහත් ඔය මක්කද අරන්.ඒ පාර එනව අච්චර ගෙවන්න මෙච්චර ගෙවන්න කිය කිය ලියුං.ඉතින් ඔහොම ගෙව්වයි කියමුකෝ.ඔන්න යාලුවෙකුට බඩු වගයක් ගන්න කියල මේ පාල මාම කාඩ් එක වෙන කෙනෙකුට දීල. ඒ මිනිහ බඩු ගොඩක් අරන් කාඩ් එක මේ උණ්නැහෙට දීල මාරු වෙලා.කොටින්ම මිනිහ රත්නපුරේ පැත්තට මාරුවක් හදන් ගිහින්.ඉතින් අර ණය ටික ඔක්කොම මේ ගොං මිනිහට ගෙවන්න උනා..දන්නැත්තං ඔය උඹල ගෙන්වත් අහන්න එපැයි.කොහෙද මොඩකම ලොකුයි නෙව මුදලිකමටත් වැඩිය.මං නං කියන්නෙ ඕව ඕනි නෑ.චතූට නයක් ඕන්නං ටිකක් කලිං කියන්න.මං අර සණසෙ ණය ටික ගෙවල ඉවර උනාම ණය අරන් දෙන්නම්.(එසේ කීවාට ඇයගෙන් ණය ගැන්ම ලෝක බැංකුවෙන් ගැන්ම හා සමය.ඇයගෙන් ණයක් ගෙන මා ලැට්ටප් එකක් ගත්තත් ඇය ලෝකෙ වටේ කිය කිය යන්නේ අර මං කොල්ලට ලැට්ටප් එකකුත් අරන් දුන්නා කියාය.)


7.කලක් හෙවත් මාසයක් හමාරක් ගතවිය.කාඩ් එක නොලැබුනි.සිතූපරිදිම අපේ නැන්දා ගෙදර සිට නැත.එනිසා මාගේ තොරතුරු සම්පූර්ණ නැති බැවින් වැඩේ බකල් විය.එහෙත් මටත් වඩා කාඩ් එක ගැන උනන්දු ඇති මගේ මිතුරු කාඩ් ඒජන්තයා වැඩේ ඇරියේ නැත.මචං අපේ ඔෆිස් එකෙන් කෝල් කරනකොට උඹලගෙ නැන්ද ඉඳල නෑනෙ බන්..නැද්ද නැන්දගෙ මොබයිල් එකක්.ඇයට මොබයිල් එකක් ඇතත් එය ඔන් වෙන්නේ ත් එයට සල් ලි වැටෙන්නේත් දුර ගමනක් යන විටය.ඔය කැටයම් සියල්ල යාලුවා උනත් කාඩ් ඒජන්තයාට කිව හැකිද?එනිසා මා නෑනෙ බන් නැන්දට ඕව තේරෙන් නෑ කියා කීමි.එයින්ද තව මසක් හමාරක් ගිය කල නැවත පෝරං කොල සැට් එක අරන් කාඩ් ඒජන්ත මිතුරා ආවේය..ඇවිත් පෙර පරිධිම අස්සන් ටික විතරක් අරගෙන ගියේය..මොකද්දෝ ලියුමකටත් අස්සන් ගත්තේය..අනේ මගෙ මොකෝ කියා මාද අස්සන් කලෙමි.දැන් අර සිම් කාඩ් ගන්නවා මෙන් කජු කන වැඩකි මේ වැනි දේවලුත්..සියල්ල පොටෝ කොපි ගනී.ඉන්පසු ඒජන්තයා ඒවා තියාෙගන ඔහුට ඉඩ ඇති වෙලාවක පෝරං කොල පුරවයි.අපි අස්සන් කරයි.මෙහි ඇති කැතම පැත්ත නම් අපේ රටේ තියන කුමන හෝ නිතියක ලොකු සිදුරක් නිසා මේ ලේඛණවල සිංහල පරිවර්තනයක් නොමැති වීමයි.මා ජංගම දුරකථන සමාගම් 3කින් සිම්පත් මිලදී ගෙන ඇත.ඔවුන් තුන් දෙනා ළගම මේ ලිපි ලේඛන වල සිංහල පිටපත් නැත.අඩුතරමේ තමුන් අස්සන් කරන්නේ මොන කෙංගෙඩියකටදැයි නොදත් බොහෝ දෙනා මා වැනිව, නිකන් තියෙන අස්සන නේ..ඔන්න ඔහෙ කියා අස්සන් කරති.එහේත අස්සන් කර ගෙදර ගොස් නිවිහැනහිල්ලේ කියවා බැලීමට වත් ඉතා අඩුමිල කඩදාසියක අඩු මිල සිංහල භාෂා  මුදුිතයක්වත් ලබාදෙනවානම් එවන් අායතන ගැන ජනතාව පැහැදෙනවා වැඩිය.එහෙත් ඔය හැම සමාගමක්ම සිය දැන්වීම් නම් අමු සිංහල බාෂාවේන් දැමීමට කාරුණික වෙයි.
දැන් අස්සන් ගෙන ඔහු ගොස් යලි කෝල් දී පෙර මෙන් නැති නව විශ්වාසවන්ත නොම්මරය්ක ඉල්ලයි.මෙවිට මගේ නුවනට පහල උනේ අපේ බාප්පා කෙනෙකි.ඔහු වැඩකරන්නේ කොළඹ රාජ්‍ය සේවයේ ආයතනයක පරිපාලන නිලධාරියෙකු ලෙසයි.මගේ නමටත් වැඩේටත් ගැලපෙන බැවින් ඔහුගේ නම සහ විස්තර දුනිමි..


8.ඉන්පසු වූයේ තරමක් බාරදූර කාර්යයකි.එනම් බාප්පා  දැනුවත් කිරීමයි.මා ගැන විස්තර අසා ණය කාඩ් සමාගමකින් ඔබ අමතාවිය.එවිට මා දන්නවාය කියන්නය යන්න මට ඔහුට දැනුම් දීමට තිබුණි.පරණ ප්‍රින්සිපල් ආකාර කන්ෙතා්රු වචනමාලාවක් සහ කටපාඩම් ආයතන සංග්‍රහයක් සහිත අපේ මාමා රත්නයට මා කෝල් කලෙමි..දැන් බලමු ඔහුගේ අදහස..


දැන් ඔය ලමය මොකටද ඕක ගන්නෙ?මං හිතන්නෙ ඔය ලමයට ඕව වැදගත් නෑ..ඔය වයසට සල්ලි ටිකක් ඉතිරි කරගන්න විදියක් කල්පනා කරල බලන්න.මං මේ අත්දැකීමෙන් කියන්නෙ ඔය ණය කාඩ්කියන්නෙ මහ ප්‍රෝඩාවක්.ඔන්න මටත් තිබුන අර චීන බැංකුවක කාඩ් එකක් ඕකේන වතාවක් මං කොහේ හරි ගියෑම ඩීසල් ගැහුව වාහනේට.මෙන්න ඉන් පස්සෙ බිලක් වගේ එනව මාසෙන් මාසෙට.මං දවසක් බැලුව මේ මොකද මේ පන්සිය ගානක් තුන්සිය ගානක් වගේ අඩු ගානක් එන්නෙ කියල.බැලුවහම මුන් එවන්නෙ පොලිය විතරයි..සදාකාලිකව අර ණය මුදල තියනෙව පොලිය හැමදාම එනව.පස්සෙ මං ඕ සල්ලි ටික ගෙවල දැම්ම.ඉන් පස්සෙ මට පොඩි මුදලක් බැරි වෙලා ඉතිරි වෙලා තිබුණ.රුපිය් දා හතරක් විතර.මාසෙ අන්තිමට මුන් අර රුපියල් දාහතරටත් පොලියක් හදල එවලනේ..ඒ අතර ඉතින් ලෝ කෙ නැති බඩු අර කඩේ මේ කඩේ තියනව.කන බොන තැන් හෝටල් තියනව කියල බඩු ගන්න ඩිස්කවුන්ට් දෙනව කියල ලියුං එනව.මං ඉතින් ඔය පොලී ගෙව ගෙව ඉන්න ඕනි නැති නිසා ගත්තෙ නෑ.ඉන් පස්ෙස මං අර රුපියල් දාහතරට රුපියල් පනහක්මද කොහෙද දැම්ම.ඉන් පස්සෙ මුන් ලියුං එවනව ඔබට තව රුපියල් විසි ගණනක් තියෙනව ඔබ මොකද බඩු ගන්නෙ නැත්තෙ කියල අහල.උන්ට ඕනි අපි ණය කාරයො කරන්න.අපි ණය වෙන තරමට තමා උන් පෝසත් වෙන්නෙ..
මං(බාප්පා) වැඩකරන ඔෆිස් එකේ මයිනර් ස්ටාෆ් කෙනෙක් මං එක්ක තරහත් උනා ඔය කාඩ් කතාවකට.මේ යෝදය කාඩ් එකෙන් බඩු අරන් ගිහින් කාල බීල ජොලි කරල ලක්ෂ එකහමාරක විතර ලොකු ගානක.පස්සෙ මූ ගෙවල නැතුව අර ණය කාඩ් සමාගම උසාවි ගිහිං.උසාවියෙන් ලස්සනට උසාවි නියෝගය ආව පඩියෙන් රුපියල් පන්සී්‍යක් ඇර සියලුම මුදල් වහාම අර සමාගමට මාස්පතා යවන්න කියල.කොටින්ම ඒ මිනිහගේ පඩිය විදියට ඒ සමාගමට දීල තිබුනෙ මුලු ලැබෙන එලවන්ස්ද දීමනාද ඕක්කොම එක්ක..ඒ නිසා ආයෙ ඒ මනුස්සයට ඉතිරි උනේ ඔවර් ටයිම් එක විතරයි.පඩි වැටුනම මේ මිනිහ ආව මොකද්ද ඒ ඕ මහත්තය කරල තියෙන කැත වැෙඩ් කියල.ඉතින් මං ඒ මනුස්සයට පෙන්නල දුන්න උසාවි නියෝගයක් ආවම අපිට කරන්න දෙයක් නෑ කියල.ඒත් ඒ මිනිහ මං එක්ක තරහවෙලා ගියා.ඒ මිනිහ නිකම් දෙන පලියට ණය අරන් කාල ඒව ගෙවාගන්න බැරි උනාම හිගාකන මට්ටමට වැටුන.හැමෝම හිතන්නෙ අර පොඩි පොලියක් මුදලක් ආවම ඒක තමා මුලු මුදල කියල..නෑ ඒක නෙමෙ ලොකු මුදලක් තියෙනව.අනික ඔය තියෙන කොන්දේසි මොනාද කියල හෙවිල්ලක් බැලිල්ලලක් නෑ.ඔහෙ දෙන පලියට ගන්නව.අරන් වැඩ වැරදුනාම නිකම් කොම්පැණි වලටයි අපිටයි බණිනව..
හරි තමුන්ට ඕනිම නම් මං ඕක ඇහුවම තමුන් අඳුනනව කියන්නම්..එත් මට තියෙන අත්දැකීම ඒකයි..
මා විසින් ණය කාඩ්පත ගැනීම පිළිබඳව ඉන්පසු බෝඩිමේ මිතුරන්ගෙන් ඇසීමි.
9.බොට දැන් ඔය කාඩ් එකට අවුරුද්දට නිකම්ම තිබුනත් රුපියල් එක්දාස් පන්සියක් විතර ගෙවන්න වෙයි..නිකමට හිතපන් අපරාදෙනේ..
ඒ උනාට මචං හදිසියකදි ඒ රුපියල් දාහට වඩා ඕක  වටිය්නේ..උඹ ඕනි මංගල්ලයක් නටා ගනින් ..අපි නෑ.


10.අවසාන වශයෙන් මා ඒ ණය කාඩ්පත් ඒජන්ත මිතුරාගෙන් පස්න ඇසීමි..ඒ අනුව ණය කාඩ්පත භාවිත නොකලහොත් අවුරුද්දට ගෙවිය යුතු වන්නේ රුපියල් දාහකි.එසේම නියමිත දිනයට ගෙවනවානම් සහ කල්පනාවෙන් ගෙවනවානම් මෙය හිතන තරම් අවුලක් නැත.මා නම් සිතන්නේ සමහර ඇප්ලිකේෂන් අපි තිබුනාට කවදාවත් භාවිතා කරන්නේ නැත.මා දැන් මේ කන්තෝරුවේ කෙනෙකුගෙන් හදිසියට රුපියල් සීයක් ඉල්ලා ගත්තත්.. මා විසින් එය පසුදින ඇති වැඩ පෙන්නුම් කරන ගූගල් කැලැන්ඩරයට දමා ගනිමි.එවිට පසු දින පාන්දර මේල් එකට ලොග් වන විටම අර රුපියල් සීය මගේ මතකයට එයි.විසාල ණය මුදලක් නම් මා එය පඩි දිනට පසු දින ඇති වැඩකටයුතු සහිත මාගේ දින දර්ශනයට ඇතුල් කරගමි.එවිට පඩි දිනට පසු දිනට මට මතක නැති ණය මුදල මගේ කැලැන්ඩරය විසින් මේලය මත පෙන්නුම් කරනු ලබයි..මාගේ දත්ත සිම්පත ලබාගෙන දැනට වසර දෙක හමාරකි එය කිසිම විටෙක මුදල් නොමැති කම නිසා අත් හිටවීමක් සිදුවී නැත.මන්ද මා විසින් ඒ ගෙවීමට ඇති දිනයේම හො ්ඊට පෙර ඒවා දිනපොතේ ලියාගෙන කලට වේලාවට ගෙවා ඇති බැවිනි.

Korean Film Festival(කොරියානු චිත්‍රපට උළෙල)

 7pm Tue. 6 Dec. 2011
Christmas in August.
Director : Hur Jin -Ho
Release Date: Jan 24,1998
Starring: Han Suk-Kyu,Shim Eun-Ha
Running time : 97 min

7pm Wed. 7 Dec. 2011
 Lifting King Kong
Director :PARK Gun-yong
Release date : July 1,2009
Starring : LEE Beom-soo, Jo An
Running Time: 114 minutes

7pm Thu. 8 Dec. 2011 

Memento Mori

Director :Tae-Yong Kim
Release date : Dec 24,1999
Starring : Kim Gyu-ri,Park Yeh-Jim
Running Time: 98 min

7pm Fri. 9 Dec. 2011
 
      The Happy Life
Director :Lee Joon-ik
Release date : Sep 12, 2007
Starring : Jung Jin-young, Kim Yoon-suk,Kim Sang-ho,Jang Keun-suk

Running Time: 112 min

                     

 5th - 9th December 2011
The National Film Corporation Theatre
Organised by the Embassy of the republic of Korea & the National Film Corporation of Sri Lanka.
මෙම කොරියානු චිත්‍රපට උළෙල කොළඹ 7 ශ්‍රී ලංකා චිත්‍රපට සංස්ථා සිනමාශාලාවේදී 2011 දෙසැම්බර 5 වෙනිදා සිට දෙසැම්බර 9 වෙනිදා දක්වා රාත්‍රී 7ට තිරගත වේ.ඇතුල්වීම සම්පූර්ණයෙන් නොමිලේ වන අතර ඉහත සඳහන් සිනමාපට ඔබට එහිදී අදාල දිනයන් හිදී නැරඹිය හැක.

අඩුවෙන් ඉගෙනගෙන වැඩියෙන් ගන්න ඒසී කරන්න සෙට්වෙන්න

ඒ සී කියන්නෙ එයා කන්ඩිෂනින්..සිංහලෙන්ම කිව්වොත් වායුසමණය තමා නම..මේ වායුසමණ කාර්මික ශිල්පීන් කියන්නෙ ලංකාවෙ වගේම ලෝකෙම බෝම දුර්ලභ ජාතියක්.මේ වායුසමණ කාර්මික ශිල්පියෙක් හෙවත් අමු සිංහලෙන් ඒසී බාසෙක් එහෙම නැත්තං ෆිජ් හදන බාසෙක් වෙනව කියන්නෙ හරිම ලේසි වැඩක්..හැබැයි ඉතින් ලේසියි කිව්වට ඔය කියන තරම්ම ලේසි නෑ.අපේ රටේ කොල්ලො කැමති නෑ මේ වගේ රස්සාවල් කරන්න.ඒක රස්සාවලවත් ඒ අයගෙවත් තියෙන වැරැද්දම නෙමෙ රස්සාවලට තියෙන තත්වය පිළිබඳ ගැටලුවක්.මේ රස්සාවල් හෙවත් තාක්ෂණ සේවකයෙක් හෙවත් ටෙක්නීෂියන් කෙනෙක් කියන්නෙ බොහොම ගරු කටයුතු රැකියාවක් තමා දියුණු රටවල.ඒත් අපිලංකාවෙ මේසන් බාස් කෙනෙක් පයිප්ප බාස් කෙනෙක් ඒ සී බාස් කෙනෙක්ව දකින්නෙ බුලත්විඩ කාගෙන සරමක් ගහගෙන බීඩියක් අදින හද්ද වන්නියෙ බාසාවක් කතාකරන පොස් තියා ඒ ලගටවත් ගන්න බැරි කෙනෙක් විදියට.

නමුත් වෙනත් රටවල ටෙක්නීෂියන්ස්ල,ඉන්ජිනියර්ස්ල,සහඅනෙකුත් සියලුම සේවකයින්ට අදාල ඇඳුම් තියෙනව..ඒවට සාමාන්‍යයෙන් ඕවරෝල්කියල කියනව.තමුන් මොන මහත්තය උනත් රැකියාවට යන කොට යන්න වෙන්නෙමේ ඕවරෝල් එක ගහල තමයි.මං දැකල තියෙනව ලංකා විදුලි පුද්ගලික සමාගම කියන සමාගමේ සේවකයොමේ ආකාරයේ අලංකාර ඕවරෝල් ඇඳුමක් ඇඳගෙන වැඩ කරනව.ඒ වගේම ලංකාවේම කොළඹ නැව් තටාකාංගනය අනුබද්ධව තියෙන ඩොක්යාඩ් වැනි ආයතනවල අනිවාර්යයෙන්ම ඕවරෝ්ල ඇඳගෙන ඉන්න වෙන ස්ථාන තියෙනව..ඒ තැන්වලදි මොහු ඇවිල්ලා ඉන්ජිනේරුතුමාය,මොහු ඇවිල්ලාතේ හදන එකාය,මූ ඇවිල්ලා සයිට් එකේ වැඩ පුරුදුවෙන ට්‍රේනින් එකාය,මේ නම් වැඩ කරන එකෙකි කියාය කියා අඳුනා ගන්නේඒ වැඩ කරන අය අඳින තොප්පියෙන් පමණී.අනෙක් සෑම ආරක්ෂිත ඇඳුමක් පැළඳුමක්ම එක සමානය..බූට්ස් අත්වැසුම්,මුකවාඩම්,ආදිය සියල්ලටම සමානය.එවන් පිලිගැන්මක් ඇති ජාත්‍යන්තර ප්‍රමිති සහිත ආයතනවල ටෙක්නීසියන් කෙනෙක් හෙවත් තාක්ෂණ සේවකයෙක් වෙනවාය කියන්නේ විශාල අත්දැකීමකි..එසේම ලංකාවේ කෙසේ වෙතත් වෙනත් රටවල සමාජය මේ උන්දෑ අපේගේ හැදු බාසාය.මූ නම් අපි එන හෝටල් වලට වැද්ද නොගත යුතුය.මේ වඩ්ඩා හෙවත් වඩු බාසාගේ දුව ලස්සන උනා මේ කෙල්ලාගේ තාත්තා වඩ්ඩකි.කියා කොන් කිරීමක් නම් නැත..මුදල් ඉපයීමද දියුණු රටවල බොහෝ විට සමානය..ඔස්ත්‍රෙලියාව,යුරෝපිය රටවල්,අමෙරිකාව.නවසීලන්තය ආදි රටවල තාක්ෂණ සේවකයින් සමහර අවස්ථාවල වෛද්‍යවරුන්ටත් වඩා වැටුප්හා සමාජ තත්වයක් ලබනු නිරීක්ෂණය කල හැක..
අවාසනාවකට නිදහස් අධ්‍යාපනයෙන් සරසවි යන ලංකාවේ බහුතරය පවා කසාද බැඳීම් වැනි කාරනවාලදී තවමත් පරණ වල්ගය හලා ගැන්මට බැරිව තාත්තා කවුද අප්පා කවුද ඔව්නගේ රැකියා කෙසේද සමාජ තත්වය කෙසේද යන්න සලකා බලන වෙලාවල් තියෙනව..

 ඔබට වරුසාවකට හෝ ලංකාදීපහෝ වෙනත් ඉරිදා පුවත්පතක විදෙස් රැකියා තීරුවක් හමු වුවහොත් මැදපෙරදිග රැකියා තීරුවේ මේ ආකාරයේ වායුසමණ තාක්ෂණ ශිල්පීන්ට කෙතරම් වටිනාකමක් ඇත්දැයි දැකබලාගත හැක..සාමාන්‍යනේ දැනට කුඩා පලපුරුදු කාලයක් ඇති වායුසමණ ශිල්පින්ට පවා රුපියල් හැටදාහක පමන වැටුපකට මැදපෙරදිග සඳහා විදෙස් ගත වීමේ හැකියාව ඇත.එසේම එසේ පලපුරුදු වායුසමණ ශිල්පියෙක්ට පිලිගත් සහතික සහ භාෂාව පිළිබඳ නිපුනතාවය තිබෙනවනම් ඔවුන්ට වෙනත් දියුණු රටවල් සඳහාද යොමුවීමේ වැඩි අවකාශයක් ලැබෙනව.ඒ වගේම වායුසමණශිල්පියෙක් ලෙස පුරුදුවන්නාට නිසඟයෙන්ම රෙෆ්රිජරේෂන් හෙවත් ශීතකරණ අලුත්වැඩියාව වැනි යමක් හදාරන්නට අවකාශ ලැබෙනව..යම් කිසි ආකාරයකින් විෙදස් ගත වීම් හෝ වෙනත් අදහසක් නැත්නම් ශීතකරණ අලුත්වැඩියා වැඩපලක,වාහන වායුසමණ අලුත්වැඩියා වැඩපලක,නැත්නම් ලංකාවේ ඇති ඉදිකිරීම් සමාගමක පිළිගත් වැටුපකට සේවය කිරීමේ හැකියාව තිබෙනවා.

ලංකාවේ ඇති වායුසමණ විද්‍යාව ඉගෙනගත හැකි මාර්ග..

 තාක්ෂණික විද්‍යාල වල මේ වායුසමණ විද්‍යාව විෂය පථයක් විදියට උගන්නනව..ඒ වගේම අර්ධකාලිනව මොරටුව ජර්මන් කාර්මික අභ්‍යාස ආයතනය,රත්මලාන ලලිත් ඇතුලත්මුදලි වෘත්තිය පුහුනු මධ්‍යස්ථානය,මහරගම තරුණ සේවා සභාව,මරදාන කාර්මික විද්‍යාලයය වගේ තැනවල මේ වායුසමණ තාක්ෂනය උගන්නනව.ඒව වගේම සිටි අැන්ඩ් ගිල්ඩ්ස් එකෙනුත් පාඨමාලාවක් මේ වායුසමණ තාක්ෂණය සම්බන්ධයෙන් තියෙනවා..මේ පාඨමාලා බොහොමයක් අවුරුද්දකට අඩු කාලයකින් නිමාවන ඒවා.ඒ වාගෙම රුපියල් පාලොස් දාහකට අඩුවෙන් කරගන්නත් අවකාශ ලැබෙනව සිටි ඇන්ඩ් ගිල්ඩ්ස් එක ඇරුනම අනික් ඒව.ඒ වගේම දැන් අලුතින් ඇවිල්ල තියෙනව පුද්ගලික මැෂින් පුරුදු කරන ස්ථාන බැකෝ පුරුදුකරණ ස්ථාන වගේ ඒව..ඒ ක්ෂේත්‍ර සම්බන්ධයෙන් නම් දන්නෙ නෑ ඒත් ඉලෙක්ට්‍රිකල්,වෙල්ඩින්,වායුසමණ ආදි තාක්ෂණ ක්ෂේත්‍ර සඳහා නම් දැනට සුදුසුම වෙන්නෙ රාජ්‍ය හෝ ජාත්‍යාන්තරව පිළිගත් සහතික දෙන තැනක් තමා..අපේ රජය යටතේ හරි වෙනත් රටක පිළිගත් ආයතනයකින් හරි දෙන සහතිකයක් ලෝකෙ ගොඩක් තැන්වල පිළිගන්නව.නමුත් තමුන්ගෙ නමින් ගමේ නමින් පටන් අරන් තියෙන පොඩි පොඩි තැන්වල තිබෙන පාඨමාලාවට තිබෙන තත්වය ගැන නම් කියන්න දන්නෙ ඒ කරපු අය සහ ඒවගේ අයිතිකරුවන් විතරයි.

වායුසමන ශිල්පියෙකු ගොඩාක් සල්ලි ගන්න නම් ඉගෙන ගත යුතු දේවල්...

මෙතනදි වැඩිපුර කීයක් හරි රට ගිහින් ගන්න නම් බාෂාව පිළිබඳ දැනගෙන ඉන්න එක වැදගත් ඉංගිරිස් වචන ටිකක් හරි තේරෙන්නෙ නැති කෙනෙක් ව වැඩට ගන්න වෙනත් රටවල ඉන්න අය කැමති වෙනව අඩුයි.ඉතින් දෙවැනි බාෂාවක් ලෙස ඉංගිරිසි වැඩිදියුණු කරගැන්ම මේ විශය හෙවත් වායුසමණ විශයම වැඩිදුර ඉගනීමටත් ඒ වගේම හොඳ තැනක රස්සාවක් හොයාගන්නත්වැදගත් වෙනව.ඊට අමතරව මේ වායුසමණ ක්ෂේත්‍රය වයරින් සහ මෝටර කටයුතු සම්බන්ධයෙනුත් යම් යම් සම්බන්ධතා තියාගන්නව.යම් කෙනෙක් මේ ක්ෂේත්‍රය ඔස්සේ ඉහලට යන්න හිතන් ඉන්නවනම්  ඉලෙක්ට්‍රිකල් දැනගෙන ඉන්න එක වැදගත්. ඉලෙක්ට්‍රිකල් වලට තියෙන පොඩි පාඨමාලාවක් තව මෝටර ගැන පාඨමාලාවක් කාරිය ඉගෙනගත්තට කිසිම අඩුවක් නම් වෙන්නෙනෑ මේ කෂේත්‍රය ඇතුලෙදි..ඒ වගේම දැන් තාක්ෂණය දියුණුයි ලෝකෙ අලුත් දැන්බාස්ලට ජොබ් එන්නෙ අන්තර්ජාලයෙන් ඔටෝ කැඩ් වලින් ඇඳපු සොෆ්ට් කොපියක් ලෙස සමහර හදිසි වෙලාවට.ඉතින්  ඔටෝ කැඩ් දැනගෙන ඉන්න එකත් තමුන්ගෙ අනාගතේට වැඩදායී වෙයි..මේ දේවල් නැති කෙනෙක් කැපෙනව කියල අදහස් වෙන්නෙ නෑ.නමුත්මේ දේවල් තියෙන කෙනෙක්ට අන් අය අතර කැපී පෙනෙන්න පුලුවන් කම ලැබෙනවා.

වැඩ කරන්න ලැබෙන පසුබිම...

මේ වැඩ කරන්න ලැබෙන පසුබිම කිව්වෙ වැඩකරන එන්වයරන්මන්ට් එක කියන දේ.වායුසමණ ශිල්පියෙක් ලෙස පුරුදුවෙලා පුටුවකට බරදීල මේසයක් උඩ තියෙන කොළ කැබලි කියවන්න කොම්පියුටරයක බොත්තම් ඔබන්න නම් අවකාශ ලැබනෙව අඩුයි..තමුන් ටිකක් කය වෙහෙසා මනස වෙහෙසා වැඩකල යුතුයි.නමුත් අර ලංකාවෙන් කොරියන් ගිහින් කරන මහා බර වැඩ වගේ තඩි සයිස් කම්කරු වැඩ නම් ලැබෙන්නෙ අඩුවෙන්..ඇණ මුරිච්චි වෙල්ඩින් වයරින් වගේ වැඩ ටිකක් තමා ඒ සී තාක්ෂණ ශිල්පියෙකුට ලැබෙන්නෙ.ඔබ යම් කිසි අරමුණක් සඳහා විදෙස් ගත වන්නට අදහස් කරනවානම් වඩා උචිත වෙන්නෙ නිසි පුහුනුවකින් පසු කාර්මික ආදි ක්ෂේත්‍රයකට යොමුවීම.මොකද ලෝකෙ වටේ රස්සාව කරල නහින දෙහින කාලෙට පවුලක් පන්සලක් වෙලා ගමේ වැඩක් හරි කරගන්න පුලුවං කාර්මික දෙයක් කලොත් නැත්තං පිටරට ගිහිං කානුහාරන වැඩ,පිරිසිදු කරන වැඩ,සුපර් මාකට් වැඩ,වේටර් වැඩ,ලේබර් වැඩ කලොත් අපි එහේදි කීයක් ගත්තත් ආය වෙන රටකට හරි ලංකාවට හරි ආවොත් ඉන්න වෙන්නෙ හුලං බිබී තමා..

අපි පලතුරු පැලයක් හිටවමු..

.කොහේ හරි ගිහිං ලස්සන පැලයක් දැක්කොත් සා මරු කියල පැලයක් තියෙනවද කියල බලල තියනවනම් පැලයක් හරි නැත්තං ගහේ තියෙන ලස්සනම තැනකින් අත්තක් හරි කඩන් එන එක අපේ ජාතික පුරුද්දක්ද කියල වෙලාවකට හිතෙනවා.සමාර වෙලාවට අතු පැල නොවෙන ඒවත් අතු කඩාගෙන යනව..සමාර විට ඒ අරන් යන්නෙ අර දෙයි කෙනෙක් ඉන්නෙ ගල්බන්ඩාර වගේ නමක් තියෙන ආන්නඒ දෙයියොන්ට කොළඅතු එල්ලන්න වෙන්න ඇති..උදාහරණයට කිව්වොත් සමාරු අර ලෙමන් දෙහි ගස්වල අතු උස්සන් යනවමං දැකල තියෙනව..ඉතාම හොඳ තත්ව යටතේ තිබුනෙ නැත්තං ලෙමන් හෙවත් අපේ භාෂාවෙන් පෝච්චි දෙහි වලඅතු පැලවෙන්නෙ නෑ..ඒත් ඉතින් එන උන්ට දෙන්න අපි පැල පැටව් දාල තියෙනවයි..ඔන්න ඔහෙ අත්තක් අරන් යන්න කියල අපි කියනව..ආ අමතක උනා අපේ ගෙදර ඉස්සරහ ලොකු පෝච්චි දෙහි පැලයක් තියෙනවා..

ගස් ලබු අතගාන කාන්තාවක්

හරිහමන් පැලයක් තෝරාගැන්ම.. .
දැන් අපේ අය පලතුරු හිටවන්න අදහසක් තිබුන හෝ නැතා ඔය පදර්ශනේකට ගියෑම පැලයක් අරන් එනව..සමහර පැල වල කුඩා කාලෙදිම ගෙඩි හැදිල නැත්තං මල් ඇවිත්..ඉතින් මේ ලොකු කුඩා පැලේ ගෙනත් පෝර දාල හිටෝනව..ඉතින් අර තියෙන ගෙඩි ටික පැහෙනකොට සා මාරයි කිය කිය කනව..එයින් පස්සෙ ඉතින් ගහට උදේ හවස වැඳල වතුර දාල ගෙඩි ප්‍රාර්ථනා කරත් අවුරුදු ගානක් යනකල් ගසේ කිසිම පලදාවක් ඇතිවෙන්නෙ නෑ..එසේ ගෙඩි ඇතිවෙන්න ගොඩක් පැල තවාන් අයිති අය කරන්නෙ හෝමෝන විදින එක නැත්තම් බට් කරන එක..බට් හෙවත් බද්ධ පැල තාක්ෂණය මිට කලකට ඉහත බොහොම ජනප්‍රිය වෙලා තිබුනෙ..නමුත් දැං දැන් වෘත්තිය විදියට වගාකරන අයත් සාමාන්‍ය ජනතාවත් බට් වලට ඒ තරම්ම මනාපයක් නෑ..රබර් කොස් වගේ ඒව බට් කරනව උනාට දැන් දැන් පලතුරු පැල බද්ධ කිරීම ඒතරම්ම සාර්ථක නෑ කියලයි මට නම් හිතෙන්නෙ..අනික සමහර බද්ධ පැල වල මුල් කාලීන පලදාව හොඳ මට්ටමක තිබුනත් පසු කාලීනව පලදාව සම්බන්ධ ගැටලු පැන නගිනව..උදාහරණ විදියට අඹ පැලයක් බට් කරල අපිට අවුරුදු දෙක තුනකින් ගෙඩිවල රසබලන්න පුලුවනි..නමුත් සාමාන්‍ය අඹ පැලයක් වසර හතරකින් ගෙඩි ලබාදී ලැබෙන ගෙඩි ප්‍රමාණය සහ වර්ෂයකට ලැබෙන ගෙඩි සංඛ්‍යාව එක්ක සලකාබැලුවොත් බද්ධ පැල ලබාදෙන පලදාව ගැටලු ඇතිකරනවා..
අනෙක් කාරණය තමා පැලයක් තෝරාගැන්මේදී අදාල දේශගුණයට ගැලපෙන පැල තෝරාගැන්ම..අපේ අය නුවරඑලි ගිහිං සෝක් මල් මාරයි කියකිය මල් පැල අරන් ඇවිත් කොළඹ ඉන්දනව.නමුත් කාලයක් යනකොට නුවරඑලි මල් තියා නිකම් මලක්වත් පිපෙන්නෙ නෑ අර මල් ගහේ. මොකෝ කියනවනම් අර නුවරඑලි මල් තියෙන්නෙ නුවරඑලි දේශගුනේට ගැලපෙන විදියට..මේ කොළඹ තියෙන වැලි පොලවට දේශගුනේට ගැලපෙන්නෙ නෑ ඒ නුවරඑලි බඩු..
දැං ඔය වැල වරකා කියන පලතුරු ලබාදෙන කොස් කියන ජාතියත් ආන්න එහෙම දෙයක්..කොස් අපිට එක තැනකින් ගෙනියල අනික් දේශගුනයක් තියෙන තැනකට හදන්ට ටිකක් අමාරුයි හැදුවත් ආයිබෝං ගෙඩි හැදෙනව නම් බොහොම අඩුයි..කෘෂිකර්ම දෙපාර්තමේන්තුව විසින් ඒ ඒ පලාත්වලට නිවැරදිව ගැලෙපන බෝග නම් කරල තියෙනව..පලතුරු උනත් හෙමයි..අපි වෘත්තිය වශයෙන් වගාවකට යොමු වෙනව නම් මෙන්නමේ කරුණ වැදගත්. මොකද සමහර දේශගුණික කලාපවලට සමහර පලතුරු වර්ග ගැලපෙන්නෙම නෑ..උදාහරණයක් විදියට ගත්තොත් මගේ පියාට ඇවැසි උණා ඔස්ට්‍රේලියාවෙන් ගෙන්වන නාරංවල පැලයක් හදාගන්න..ඉතින් උන්දැ දන්න සෙල්ලං දාල පැලයක් හැදුව..ඒකෙ ගෙඩිත් ආව..නමුත් අර අපිට පේන විදියට ඔරේන්ජ් කලර් එකවත්ඒ රසවත් ඒ ගෙඩිවල හටගත්තෙ නෑ..ඒ ගෙඩි නිකං ලංකාවෙ තියෙන වල් නාරං ජාතියක් වගේ.. මම හිතන්නෙ මේ දේශගුණයටඒ නාරං ගැලපෙන්නෙ නැතුව ඇති..
තමුන්ගෙ ප්‍රදේශයේ සාමාන්‍යන් හොඳින් වැවෙන පලතුරු තමුන්ට වටපිට ටිකක් හොඳින් බලාගත්තම යසට බලාගත හැකි..නැත්තං ගොවිජන සේවා මධ්‍යස්ථානයකට ගිහිං වගා මහත්තය කෙනෙක් හමුවෙලාඒ ගැන වැඩිදුර විස්තර ගත හැකි..

කෙසෙල් සොරුන්ට දැන්වීමක්

පැලය හිටවන තැන.. .
සාමාන්‍යයෙන් ඕනෑම බෝගයක් ආස කරන්නෙ නැගෙනහිර දෙසින් එන සෞම්‍ය හිරු එලියට..සමහර බෝග ඇත්තටම හිරු එලියට දැඩි සේ නිරාවරණය වීම සුදුසු නෑ..මට මතක විදියට කොකෝවා,කෝපි,ගම්මිරිස් වැනි බෝග සඳහා අනිවාර්යෙන් සෙවණ අවශ්‍යයි..ඒ වගේ පලතුරුත් සමාර අවස්ථා තියෙනව සෙවණ අවැසි වෙන..උදාහරණයක් විදියට කෙසෙල් ගත්තොත් කෙසලේවල කෝලිකුට්ටු,පුවාලු ආදි කෙසෙල්වලට කෙළින්ම හිරු එලිය වැටෙන එක හොඳයි...ඒත් ආනමාලු,ඇම්බුම් වගේ කෙසෙල් වලට පොඩ්යක් හෙවනක් හෙම තිබ්බත් වරදක් වෙන්නෙ නෑ..ගොඩක් අය තමුන්ගෙ පුංචි ගෙවත්තෙ ඉතිරිවෙන තැනක තමා පැලය හිටවන්නෙ..නමුත් ගෙවත්තක් උනත් සැලසුම් කරද්දි නැගෙනහිර දෙසට කුඩා උස නොයන පැලත් බස්නාහිරට විශාල ගසුත් එනවිදියට සැලසුම් කිරීම තමයි සාමාන්‍යනේ වඩාත්ම ප්‍රථිපලදායක වෙන්නෙ..ඒ වෙගේම වතුර තත්වය ගැනත් සැලකිල්ලක් දක්වන්න ඕනි..අපි පැලය හිටවල ඒ පැලේට කෙලින්ම නානකියන,රෙදි හෝදන සහ අනික් අපවිත්‍ර ජලය පැලය කුඩා කාලෙදිම හරවනවනම් ඒක වැරදියි..සමහරු හිතන්නෙ වතුර පෝර වගේ ඒව වැඩිවෙනකොට ඒ වේගයෙන්ම පැලෙත් හැදෙයි කියල..ඒක එහෙම්මම නැ කොහිල,කංකුං වගේ ජලය තුල හැදෙන බෝග කීපයක් ඇරුණම අනෙක් බොහොමයක් බෝග වලට ජලය වැඩිවීම කියන්නෙ ඒ අදාල රෝපිතයේ හෝ බෝගය බාලවන්නට එක හේතුවක්..

වල සකස් කර ගැන්ම....

මැරෙන්න කලින් වලක් සකස් කරගන්නව කියන්නෙ නම් අපේ අයට මාර අසුබ දෙයක්..වැඩිපුර බීල මත්වෙලා කුනුහබ්බයක් කියන් ආතල් එකෙට පාර පුරායන බුලට් එහෙම දැක්කම අපේ ආච්චි අම්ම කියන්නෙ අන්න තමුන්ගෙ වල තමුන්ම කපා ගන්න එකෙක් කියල..සමහර තැන්වලදි අපිට බෝගයට හෙවත් හිටවන්න යන පැලයට ලොකු වලක් අවැසි වෙන්නෙ නෑ..නමුත් පලතුරු පැලයක් විශාල වෙද්දි එහි මූල පද්ධතිය ලෙසට ශක්තිමත්ව හැදිල හොඳට හමන සැඩ සුලං වලට හෙම ඔරොත්තු දීල හිටින්න අවැස්සිය වගේ නම් ඉතින් වල අඩි එකහමාරක් දෙකක් ගැඹුරට පලලට කැපුවට කමක් නෑ..වල කපල ඒකට පස්සෙ කරන්න ඕනි යටට වසුන් යෙදීම..සාමාන්‍යනේ අපි නම් දාන්නෙ පොල්ලෙලි කොහුබත් වගේ ඒව තමයි..නැත්තං දිරමින් පවතින කුණු රොඩු ආදිය දැම්මත් ඒතරම් අවුලක් නෑ..මේ ලේයර් එක ඒ කිව්වෙ පහලම පොල්ලෙලි තට්ටුව අඟල් 9ක් හෙවත් සෙන්ටිමීටර 20-විතර වුනාට අවුලක් නෑ..ඉන්පස්ෙස අර තමුන්ගෙ වත්තෙ තියනෙ පෝර පස් ටිකක් සාමන්‍ය පස්වලට මිශ්‍ර කරල ඒවයින් වල පුරවන්න ඕනි..මෙතනදි කුනුගොඩක් අවුස්සල ඒකෙ තියෙන සබ්බ සකලමනාවකම කුණු ගෙනත් පලතුරු පැලේ හිටවන්න ඉන්න වලට දමන්න එපා..ඉස්සර අපේ සීය රාජ අල කොඬොල් අල වගේ අල වලවල් වල අල හිටවෙනකොට එහෙම කලා..මොකද අල බහින්න හොඳට වැල හැදෙන්න බුරුල් කොම්පෝස්ට් වැදගත් හින්ද..නමුත් මේ වගේ කුණු පස් විතරක් වලේ තියන එක පැලයට අහිකර වෙන්න පුලුවන්..ඒ වගේම කුණුත් එක්ක නිකම්ම ලැබෙන කුණු අස්සෙ ඉන්න පණුවො ඇක්ටිව් වුනොත් හෙම අර පැලේ යට හරියෙ තියෙන එතරම් තදින් සවි නොවුන මුල්වලට හානියක් වෙන්නත් පුලුවනි.අනික වලේ පැලට හිටවන හරිය හොඳින් වැලි පස් සහ කොම්පෝස්ට් කවලම් මිශ්‍රණයක් වීම සුදුසුයි..සාමාන්‍යයෙන් අපි වලක් ගහල ඒක පුරවල පැලයක් හිටවන අවස්ථාවක එතරම් ජලය නොපිරුණු ස්ථානයක නම් වල සාමාන්‍ය පොලොවන් සෙන්ටිමීටර 15-20ක් ඉතිරිවෙන්න තමා පුරවන්නෙ..මොකද වතුර ඩිංගක් රැඳෙන්න සහ පැලේ ලොකුවෙනකොට පොර දාන්න ලේසිවෙන්න සහ පැලේ පසට හොඳින් සවිවෙන්න ඕනි කියන කාරණා නිසා තමා එහෙම කරන්නෙ..ඔය පැලේ හිටවන ඒරියා එකට අපි කිසිවිටකත් දිරමින් පවතින කුණු එකතුකරගන්න නරකයි..ඒව දිරවන්න හො වෙන බහුබූතවලට ඔය කුනුවලට ඇදෙන ගොලුබෙල්ලන් සහ ගොලයන් වැනි සතුන් විසින් අපේ අහිංසක කුඩා පැලේ කොල ටික අහවර කරල යන්න පුලුවන් ඒ විදියෙ අමු නොදිරූ කුණු වල වටේ තිබුනොත්..

පැලය හිටවමු.. 

ඉස්සර ඇත්තො පැලයක් හිටවන්න කලියෙං නැකත් එහෙම බලල තමා හිටෙව්වෙ..අපිට කොහෙන්ද ඉතින් කුකුල් කැටයං. ඒත් පැල හිටවන්න වඩා සුදුසු කාලය තමා සවස් කාලය..එතකොට මුලු රැයක් පුරා රෙස්ට් එකේ ඉන්න පැලේ ඊළග දවසෙ එන නැවුම් හිරු එලිය එක්ක ඒ තරම්ම තරහ වෙලා මැලවෙන එකක් නෑ..අනික දේ තමා පැලය හිටවල අපිට පැලේ වටකරන්න වෙනව පැලය තරමක් විශාල සහ කොළ සහිත එකක් නම්..ඔය පැලේ හිටව්ව ගමන් පොලවට අල්ලන්නෙ නෑ..ඒ අතර වැටෙන හිරු එලිය අර පැලයෙ තියෙන කොළවලට කෙලින්ම වැටුනහම ඒ කොල අර ඉරඑලියෙ රස්නෙට මැලවෙන්න පුලුවං..ඒ නිසා පැලේ කොල අතු ටිකකින් පොඩ්යක් ආවරණය කරනවනම් වඩා උචිතයි..

සාත්තු කරමු.. .

  පැල හිටවන්න නම් අපේ රට උත්සව පවත්වනව මං දැකල තියෙනව..නමුත් ඒ හිටවන පැලවලට සාත්තුවක් කරන්න සමහර වෙලාවට ඉන්නෙ අහක යන බල්ලෙක්ගෙ චූව එක විතරයි..සමහර උත්සව වලින් මහා ලොකුවට හිටවන පැල තෙමෙන්නෙ මං කලිනක් කිව් ක්‍රමයට විතරයි සමහර වෙලාවට..අපි පැලයක් ගෙනැල්ල හිටවන්න තියෙන උනන්දුව පොඩ්ඩක් ඒ විදියට මාසයක් දෙකක්වත් තියාගන්න පුලුවන් නම් හොඳයි..ඇත්තටම හොඳ පැලයක් ශක්තිමත් මූල පද්ධතියක් ශක්තිමත් කඳක් ආදී බොහො සාධක සම්පූරණ වුනොත් තමා අපිට අපි හිතන අර ටී වී එකෙ ටොයිං එකට පෙන්නන ආකාරයෙන් ගසක් ලබාගන්න පුලුවං වෙන්නෙ..මෙතනදි වතුර දැමීමෙදි ගොඩක් වෙලාවට දවසට වරක් ජලය දැමීම ප්‍රමාණවත් පැලය කුඩාකලදී සහ දැඩි ඉඩොර අවස්ථාවලදී..ගස හොඳින් හැදුනට පස්සෙ නම් ඉතින් වතුර ඔය මැරෙන්න ගියොත් දැම්මහම උනත් ඇති..නමුත් දෙහි අඹ වගේ දේවල්වලට දිගින් දිගටම ජලය නොදා ඉඳල එකවර ජලය යෙදීම ඒ බෝගයෙ මල් ඇතිවී පලදරන්නට අකාලයෙ ඵල ලබාගන්නට ක්‍රමයක් ලෙස ප්‍රචලිතයි..ඒ වගේම පොහොර යොදද්දි වැඩිපුර නොයෙදීමත් වැදගත්..උදාහරණයක් විදියට බීජ හෝ ඒ ආශ්‍රි ත දේවල් ආහාරයට හා ප්‍රයෝජනයට ගන්නා අවස්ථාවලදි අපි යූරියා පොහොර වැඩිපුර යෙදීම පලදායක වෙන්නේ නෑ..මොකද යූරියා පොහොර වැදගත් වන්නෙ කොල ඇතිවීම ආදී දේ සඳහා වීම...බොහො අය හිතන් ඉන්නෙ රසායනික පොහොර වැඩි වශයෙන් යෙදීම බෝගය සුටුස් ගාල හැදිල ගෙඩි ඇතිවන්න හේතුවෙනව කියල..නමුත් උවමනාවට වඩා රසායනික පෝර යෙදීමත් ඔබේ පැලය අකාලයේ මිය යන්න පවා හේතුවන්නට පුලුවනි..පැලය සිටුවන අවස්ථාවේ රසායනික පෝර යොදනවානම් පැලයේ මුල් නොගෑවෙන තරම් ගැඹුරකින් පස්වලට මිශ්‍රකොට නිසි පමණට රසායනික පොහොර යෙදීම වැදගත්.

Airtel Broadband speed

මට අන්තර්ජාල සම්බන්ධතාවයක් තියෙන අතර එහි නම එයාර්ටෙල් වෙයි..එය ලාබ නිසා මා මිලදී ගතිමි..එය ස්වභාවයෙන්ම වේගයෙන් අඩු එකකි..මා එය භාවිත කරන්නේ පිටකොටුව ප්‍රදේශයෙ සිටය..පිටකොටුව ප්‍රදේශය වඩා කාර්යබහුල ප්‍රදේශයකි..එයට සංඥා නොමැති වීම කණගාටුය.

මා විසින් මේ එයාටෙල් සමාගමට රුපියල් තුන්සීය ගණනක් ගෙවනු ලබයි..එය විශාල මුදලක්නම් නොවේය..එහෙත් මීට වඩා වේගය තිබේනම් හොඳය..කිසි අවස්ථාවක කිලෝබයිට්ටු හැටක වේගයකින්වත් මෙලෝ සංසාරයක් බාගන්නට මේ හුලංටෙල් කාරයෝඉඩ නොදෙති..බොහෝවිට කිලෝබයිට් දහයත් තිහත් අතර වේගයකිනි බාගත වීම සිදුවන්නේ..
මා මෙය පිටරවල ඇති අන්තර්ජාල සම්බන්ධතා සමග සන්සන්දනය කර බැලුවෙමි.ජාත්‍යන්තර මට්ටම හා සැලකූවිට අප ඇත්තේ බෝම පහලිනි..මේ එයාටෙල් සම්බන්ධතාවය වේගයෙන් ඉතා අඩු එකක් බව එසේ සමස්ථ අන්තර්ජාල වේග හා සැසැඳීමේදි පෙනීයයි..
ලෝක වශයෙන් ගත්විට මධ්‍යන්‍ය වේගය මෙගාබයිට් නවයක් ආසන්නයේ යයි නමුත් මේ රූපයේ දැක්වෙන්නේ එක මෙගාබයිට් එකක්වත් තත්පරයකදී අපි නොලැබෙන බවකි..මේ ආකාරයේ ගැටලුවක් ශ්‍රී ලංකා ටෙලිකොම් ආයනයේද ඇතිබව කාලිංග ඇතුලත්මුදලි. මහතා විසින් කියා තිබුණි..මේ පහත ඇත්තේ විවිධ අවස්ථාවලදී මා විසින් ගන්නා ලද වේග ගණනය කිරීම් කීපයකි..මා භාවිත කරන මාසික ගාස්තුව රුපියල් තුන්සිය ගණනක එයාටෙල් අන්තර්ජාල සබඳතාවය ගැනය මෙහි දැක්වෙන්නේ..

TEST_DATE	TIME_ZONE	DOWNLOAD_MEGABITS	UPLOAD_MEGABITS	LATENCY_MS	SERVER_NAME	DISTANCE_MILES
10/13/2011 3:01:00 AM	GMT	0.34	0.11	304	Colombo	0
10/13/2011 3:09:00 AM	GMT	1.39	0.1	540	Trondheim	5150
10/13/2011 3:11:00 AM	GMT	0.64	0.1	495	Mumbai	950
11/10/2011 5:56:00 AM	GMT	0.06	0.08	615	Chennai	450
11/11/2011 11:50:00 AM	GMT	0.52	0.08	595	Mumbai	950
11/18/2011 5:22:00 AM	GMT	0.11	0.1	653	Aubervilliers	5300
11/18/2011 5:27:00 AM	GMT	0.11	0.1	478	Colombo	0
11/18/2011 11:15:00 AM	GMT	0.04	0.1	513	Colombo	0
11/18/2011 11:20:00 AM	GMT	0.15	0.08	625	Mumbai	950
11/18/2011 12:10:00 PM	GMT	0.13	0.1	366	Phuket Province	1250
11/18/2011 12:14:00 PM	GMT	0.11	0.09	461	Colombo	0
11/18/2011 1:49:00 PM	GMT	0.09	0.11	432	Phuket Province	1250
11/19/2011 3:35:00 AM	GMT	0.14	0.1	414	Phuket Province	1250
12/3/2011 5:03:00 AM	GMT	0.42	0.08	340	Male	500
12/3/2011 5:05:00 AM	GMT	0.6	0.11	320	Phuket Province	1250

පැරණි පරිඝනකයට මෙහෙයුම් පද්ධතියක් තේරීම OS for old PC

ඇයි එක්ස් පී(Windows XP) හරි නැද්ද?

මයික්‍රොසොෆ්ට් එක්ස් පී යනු බොහෝ කලක් කප් ගසාගෙන සිටි දැනටත් ලංකාවේ බොහොමයක් පරිඝනක වල ඇති ජනප්‍රිය වටිනා උපාංග වලින් සමන්විත මෙහෙයුම් පද්ධතියකි(Operating system)..නමුත් අවාසනාවට දැන් දැන් එන නව මෘදුකාංග නව භාවිත මෘදුකාංග සහ නව උපාංග බොහොමයක් එක්ස් පී වලට සහාය දක්වන්නේ නැත..දැන් දැන් එන කැමරා ප්‍රින්ටර් ආදිය පවා දැන් එක්ස් පීවලට ඩ්‍රයිවර්ස්(drivers) ලබා නොදෙයි..අනෙක් කරුණ නම් වෙබ් භාවිත(web applications) වලදී ඇතිවෙන අධික වෛරස් ආසාදන අවධානමයි.එක්ස් පීවලට අනෙක් නව වින්ඩෝස් වලට වඩා ලේසියනේ වෛරස ආසාදනය(virus effect) විය හැක..දැන් එක්ස් පී යනු තවදුරටත් මයික්‍රොසොෆ්ට් සමාගම මගින යාවත්කාලීන(Update) නොකරනු ලබන මෙහෙයුම් පද්ධතියක් වන නිසා වෛරස ආරක්ෂන මෘදුකාංග(Anti virus or Internet security) ස්ථාපනය කලත් සමහර අවස්ථාවලදී අසාර්ථ ක වෙන සම්භාවිතාවය වැඩිය..

 ඇය සෙවන්(Windows 7) දාත හැකි වෙයි නේ
සෙවන් හොඳය නමුත් සෙවන් වලටත් අපි අමුතුවෙන් වෛරස් ගාඩ් ආදිය දැමිය යුතුය..අපි මේ කතාකරන්නේ නවතම පරිඝනක ගැන නොවේය පරණ පරිඝනක ගැනය..පරණ පරිඝනක(Old PC) වලට මෙසේ සෙවන් දැමීමේදී රැම් මතකය මදි වීමේ ගැටලුව එයි..අනික් කරුණ නම් සෙවන් නම් මෙහෙයුම් පද්ධතියේ අඩුමිල සංස්කරණයක් පවා රුපියල් පන් හයදාහක් වීමයි..දැන් වෙළඳපොලේ ඇති තත්වමත නව පරිඝනකයක් මිලදී ගැන්ම පවා රුපියල් පන් හයදාහකින් කල හැක..එබැවින් මුදල් යහමින් නැති කෙනකු නම් මේ සඳහා මුදල් ගෙවීම යනු අවාසියකි.එසේම කෙසේ උවත් සෙවන් අමාරුවෙන් මැසිමට රිංගා ගත්තත් යම් යම් වැඩ කරගැන්මේදී ගැටලු මතුවිය හැක..

ඇපල් දාගන්න බැරිවෙයිද?
හොඳ ඇපල්(apple) සාමාන්‍යනේ ලංකාෙව් නාරං අඹ වලට වඩා තරමක් ගනන්ය..මෘදුකාංග සහ අනෙක් දේබැලුවත් ඇපල් ගනන්ය..එසේම භාවිතයට ඇවැසි හාඩ්වෙයාර් උපාංග ප්‍රමාණයද(hardware requirement) ඇපල් වල වැඩිය එනම් පී පෝ (pentium 4) වැනි මැසිමක මුල් කාලයේ ආ උපාංගවලට නව ඇපල් කිට්ටු කරගැන්ම අවාසිය..මන්ද මැසිම ධාවනය වීමටම විශාල ප්‍රමාණයේ හාඩ්වෙයාර් ප්‍රමාණයක් භාවිත කරන හෙයින් වෙන වැඩක් කරගන්නට ඉතිරියක් නොවන බැවිනි..

ඉතින් විකල්පය මොකද්ද කියල ඔයාලට දැන් තේරෙනව ඇති නේ... ආයෙම මම ලිනක්ස්(linux) වල තියෙන වාසි විස්තර කරන්න ඇවැසි නෑ මේන් මෙතනට. ගිහින් බලාගන්න පුලුවන් ලිනක්ස් වල වැඩ කිඩ..පත්තරේක ගිය ලිපියකට පිළිතුරු විදියට ලියපු මේ ලිපියට කිසිදු ප්‍රතිචාරයක් දක්වන්න ඒ රාවය පත්තරේ සමත් උනේ නෑ කියලත් මම කියන්න කැමතිය් මේ වෙලාවෙ..

අඩු හාඩ්වෙයාර් ඇති පරිඝනක සඳහා සුදුසු ලිනක්ස් වර්ග කවරේද?

මෙහෙමයි ලිනක්ස් කිව්වම ඒක සාගරේ වගේ එයින් ෆෙඩෝර,උබන්තු,සූස්,මැන්ඩ්‍රිවා කියන්නෙ කීපයක් විතරයි තව බෝම ගානක් තියෙනව අපිට ලේසියනේම භාවිත කරන්න පුලුවන් වෙන ලිනක්ස් වර්ග..
මේ ලිනක්ස් උනත් දැන් දැන් තැනෙන්නෙ නවීන පරිඝනක වලට ඇවැසි වෙන විදියෙ නවීන ක්‍රමවේද වලට ගැලපෙන අයුරින් එතකොට අර රැම් වී ජී ඒ වගේ දේවල් වැඩිපුර භාවිත වෙන නිසා නවතම උබන්ටු සහ ෆෙඩොර සංස්කරණ වල සාමාන්‍ය ස්වරූපයම පරණ පෙන්ටියම් පරිඝනක සඳහා සුදුසු වෙන්නෙ නෑ..පෙන්ටියම් ෆෝ වර්ගයේ පරිඝනක වල මුල් කාලීන ඒවට නම් මේ ෆෙඩෝර වගේ එකක් දමන්ට ටිකක් අමාරුයි මොකද එයාල ඒ පරිඝනකයට මේ මෙහෙයුම් පද්ධතිය ඇතුලත් කරන්න ඉල්ලන අවම තාවකාලික මතකයම(RAM) එක ගිගාබයිට්ටුවකට(1Gb) වඩා වැඩිවෙන නිසා..

පරණ පරිඝනක සහ කුඩා පරිඝනක වලට ගැලපෙන ලිනක්ස්...

සාමාන්‍යයෙන් අපිට පපී ලිනක්ස් මැන්ඩ්‍රිවා වගේ පොඩි සයිස් ඕඑස් එකක් දාල බූට් කරල යන්න පුලුවන් ඒත් පපී ලිනක්ස් මුලු මෙහෙයුම් පද්ධතියම රැම් මතකය මත දුවන තරමට ම බරින් අඩු උනත් නවතම ඇප්ලිකේෂන්ස් ගොඩක් අඩුයිමේ පපී ලිනක්ස්(puppy Linux) වල..අනික් එකතමා පපී වැනි ඉතා කුඩා මට්ටමෙ(small Linux) ලිනක්ස් බෙදාහැරීමවලදි(distros) ඒවාට නව භාවිත මෘදුකාංග ඇතුලත් කිරීමට ඇති අපහසුව..මේ මෙහෙයුම් පද්ධති එක්කම එන සීමිත මට්ටමේ මෘදුකාංග කීපයක් ඇරුනම නව මෘදුකාංග ඇතුලත් කරගැන්ම ඇතිතෙන්ම අපාසුයිමේ පපී පෙන්ඩ්‍රයිව් ලිනක්ස් වගේ පොඩි ලිනක්ස්මෙහෙයුම් පද්ධතිවල..තවත් දෙයක් තමා මේ ලිනක්ස් පරිඝනකයේ දෟඩ තැටියට ස්ථාපනය කරගත්(hard drive installation) නොහැකිවීම..පෙන් එකක් සහ සීඩි එකකින් බූට් වෙන පරිදි සකස් කල හැකි උවත් අපිට අවැසි ලෙස වෙනස් කම් කරගෙන එය දෟඩ තැටියේ ස්ථාපනය කිරීමනම් මේ පපී ලිනක්ස් වල අමාරු වෙන දෙයක්..

 බරින් අඩු එහෙත් කල්පවතින ස්ථාවර භාවිතයට සුදුසු ලිනක්ස්...(light weight Linux)
මේ ගැන කතාකරනවිට බර අඩු ඩෙක්ස්ටොප් එඩිෂන්ස් ගානකින් මේ ලිනක්ස් එනව..
මේ එල් එක්ස් ඩී ඊ(LXDE) කියන නමින් හඳුන්වන ඩෙක්ස්ටප් හෙවත් තිර තාක්ෂණය එන්නෙ බොහොම අඩු තත්ව සහ බලයක් යටතේ විශාල වැඩ සුමටව කරගැන්මේ ව්‍යාපෘතියක් ලෙසයි..ඒ හරහා නිකුත්වුන අඩු බල අඩු හාඩ්වෙයාර් භාවිත මෙහෙයුම් පද්ධති කීපයක් ම තිබෙනවා.මේවා අපිට අර උබන්ටු වින්සෙවන්,එක්ස් පී වගේම හාඩ් එකේ ඉන්ස්ටෝල් කරගෙන නිරන්තර අප්ඩේට් කරගෙන නිතර එන නව තාක්ෂනයත් එක්ක සමගාමීව යන්න පුලුවන් විදියට වැඩ කරනව..උදාහරණ ගත්තොත් දැන් මේ අවුරුද්දට ෆයර්ෆොක්ස් සහ ක්‍රෝම් බ්‍රව්සර කීප වතාවක් නව සංස්කරණ එළිදැක්වුවා..මේ සංස්කරණ ස්ථාපනය කරගන්න තරම් යාවත් කාලීන නොවන මෙහෙයුම් පද්ධතියක සිටින කෙනෙක්ට වෙබ් අවකාශ හරහා ලැබෙන සමහර සම්පත් ලබාගැන්මේ නොහැකියාවක් ඇතිවන්නට පිලිවනි..ඒ වගේමයි ඕඩියෝ වීඩියො පැත්ත ගත්තත් දැන් අර ඉස්සර ෆෝමැට් නෙමෙය සපෝට් කරන්නෙ පරණ කොම්පියුටර්ස් වලට කන්වර්ට් කර කර දඟලනවට වඩා ඒවට මේ වගේ නව දේට නම්‍යශීලි මෙහෙයුම් පද්ධතියක් ස්ථානපය කරගැන්ම වටිනවා..

ලිනක්ස් මින්ට් එල් එක්ස්ඩී ඩෙක්ස්ටප් එකක්(1.8GHz,384Ram,30HDD)

1. ලිනක්ස් මින්ට් එල් එක් ස් ඩී(linux mint LXDE)
ලිනක්ස් මින්ට් කියන්නෙ උබන්ටු වලම සමාන්තර වගේ එන සංස්කරණයක් ඒ වුනත් උබන්ටු තරම්වත් තද නැති ඉතාම පහසු විදියෙ වැඩකෑලි සහ ලස්සන පසුබිමක් තියෙන මෙහෙයුම් පද්ධතියක් තමා ලිනක්ස් මින්ට් මේ අඩුබර සංස්කරණය..මේ හරහා මේ මෘදුකාංගය ස්තාපනය කරගන්නා ඔබට නිකම්ම වගේ සොට්වෙයාර් ගානක් ලැබෙනව ඇවැසිනම් ඔපන් ඔෆිස් වී එල් සී වගෙ ඒව දාගන්නත් පුලුවනි..මෘදුකාංග ස්ථාපනය පහසු කරගන්න සොෆ්ට්වෙයාර් සෙන්ටර් එකකුත් තියෙන නිසා හරිම ලේසියි..

2.ලුබන්ටු සහ එක්ස් උබන්ටු..(Lubuntu or Xubuntu)
මේ ලුබන්ටු කියන්නෙත් එක්ස් උබන්ටු(Ubuntu) කියන්නෙත් උබන්ටු කොම්පැනියටම අනුබද්ධව අඩුබර පරිඝනක සඳහා සංස්කරණ නිකුත්කරන තැන් දෙකක් මේ හරහාත් උබන්ටු වලට සමාන්තරවම ඒ බොහොමයක් මෘදුකාංග වලට සපෝට් කරන මට්ටමක් සහිත දිෙනන් දින යාවත්කාලීන ලිනක්ස් මෙහෙයුම් පද්ධතියක් ඔබට ලබාගන්න පුලුවනි.

3.ෆෙඩෝර එල් එක්ස් ඩී ස්පින්ස්..(Fedora LXDE spins)
ෆෙඩෝර වලට විශාල රැම් මතකයක් සාමාන්‍යන් අවැසියි..නමුත් මේ එල් එක්ස් ඩී ස්පින් එක ඉතා අඩු මට්ටම්වලදී කිසි ගේමක් නැතුව වැඩ කරනව කියල තමා මේ ෆෙඩෝර අය කියන්නෙ..

ලිනක්ස් කියන්නෙ වෙනමම ඕ එස් එකක් ඒකට හුරුවෙනව කියන්නෙත් ටිකක් අමාරු වැඩක්ම තමා..ඒත් පොඩ්ඩක් හිතන්න ඔයාල ඇන්ඩ්‍රොයිඩ් ඕ එස් තියෙන ෆෝන් වලට මාරුවෙනව තව ස්මාට් ෆෝන් එකක් ආවොත් කිසි ගේමක් නෑ ඒකටත් සෙට් වෙනව..හැමදාම හොර කොපි හොර ක්‍රම පස්සෙම දුවන්නෙ නැතුව තමුන්ගෙ මැසිමට නවතම නීත්‍යානුකූල මෙහෙයුම් පද්ධතියක් දාගන්න උත්සාහ කරන එක වැදගත් අඩු තරමෙ වෛරස් නිසා නාස්තිෙවන ඔබේ වටිනා කාලය හරි ගොඩක් ඉතිරි කරගත හැකිවෙයි මේ ලිනක්ස් වලට ඔබ පුරුදු උනොත්..
ලිනක්ස් වලට ගේම්ස් සපෝට් නෑ තමයි..ඒත් ලිනක්ස් වලත් තියෙන ලස්සන ගේම්ස් ටිකක් තියෙනව..කස්ටියට පුලුවන් ටිකක් ඒව ට්‍රයි කරල බලන්න..
හැමදාම පුරුදු සොෆ්ට් වෙයාර් අස්සෙම රිංගල ඉන්නෙ නැතුව පාටිෂන් එකකට හරි ලිනක්ස් දාගෙන උත්සාහ කරනවනම් අපිට තනියම හරි අමෙරිකාවට කියන්න පුලුවන් අපි හොරු නෙමෙයි යකෝ..අපි මේ ලිනක්ස් භාවිතා කරන අය කියල..ලිනක්ස් කේතයේ නිර්මාතෘ ආසියාතිකයෙක්..අමෙරිකාව යුරෝපය හරහා විහිදුනු මිලියන ගණනක ලිනක්ස් ලෝලින් ඔබට ගැටලුවක් ආ පසු එය නිරාකරණය කරගන්න පෙලගැසී ඉන්නවා..ඒ ගැටලු ඒ අදාල බග්ස් රිපෝට් කරන තැන්වලට හරි නැත්තං ෆෝරම් වලට හරි දන්න කැඩිච්ච ඉංගිරිස් වලින් ගැහුවම ඒ අය අපිට තේරෙන සරල ඉංගිරිස් වලින් උත්තර එවනව.ලංකාවෙ සමාරු කතාකරන අමු ඉංගිරිස් තරන් ඔය පිටරට සමාර අයගෙ ඉංග්‍රීසි අමාරු නෑ.

saturn transit (හෙනහුරු මාරුව)

පවුලකි චරිත 4කි පියා පුතා සහ සීයා ආච්චී එම චරිත 4යි දැන් අපි කතාවට යමු...
පියා: පුතා මොකද අද සෙල්ලමක් කරන්නෙ නැතුව කාමරෙටම රිංගල කරන්නෙ..වෙනද මේ වෙලාවට පාරෙමනේ..
පුතා: නෑ නිකම් ඔලුව කකියනව වගේ...

සෙනසුරා සිනාසෙමින් මාරුවෙන අයුරු ඉන්දියානු සිත්තරකුගේ ඇසින්

පියා: තාත්තෙ අර බලන්නකො අර පුතා අද කාමරේට වෙලා ම ඉන්නෙ හොඳ ලමය වෙලා වගේ..වෙනද නංගිල එක්ක රංඩු වෙවී ඉන්න කෙනා නේ...
සීයා:හුම් මමත් දැක්ක තමයි..

දින දෙකතුනක් යයි පුතා පෙර පරිදිම ය..වෙනදා තරම් දැගලිල්ලක් නැත..දැන් පියාට මෙය ගැටලුවකි..වෙනදා කිසිමු වෙලාවක මොහොතක් නිකම් නොසිට දුවන පනින පුතා සයිලන්ස් වී ඇත..මේ ලමයට න්මොකක් හරි මානසික ආබාධයක්ද දන්නෙ නෑ...
ආච්චී හෙවත් පියාගේ මව: ළමයට ඇති ආබාධයක් නෑ..පහුගිය දවස්වල මේ අර තාත්තත් එක්ක පුස්තකාලෙට ගිහිං පත්තරේ බලල..පුතාට දුවන්න පනින්න එහෙම හොඳ නෑ අපල තියෙනව කියල පත්තරේ තිබිල..මේ කොල්ල කොහොමත් තුවාල වලට ලේ වලට බයයි නේ වීරය වගේ කෑ ගැහුවට..වතුරෙනුත් අපල තියෙනව කියලත් තිබිල..ඉතින් මේ සීයගෙන් ඇහුවම සීය තවටිකක් බය කරල පුතාව..ඉතින් කොල්ල කාමරේටවෙලාම ඉන්නව එලියට බහින්නෙ නැතුව..

පසුදිනක යලිත් පුතා පෙර තත්වයට ආවේය..
ඉන්පසු තාත්තා ඒ ගැන විමසූවිට..ආ තාත්ත දන් නෑනෙ වැඩක් පත්තර 2 වෙනස් මට තියෙන සෙනසුරු මාරුව..අපේ ටීචත් කිව් නිසා මං පත්තරේ බලල ඒ විදියට උන්න..ඒත් අද පත්තරේ තියෙන්නෙ මට ඒ තරම් අපල නෑ කියල..මේ සීය තමයි කිව්වෙ තාත්තට කියන්න යන්න එපැයි කියල..
සැහ් තවත්නම් සීය එක්ක පත්තර බලන්න යන්නෙ නෑ..සීය කේන්දර පත්තරේ බලනව මදිවට මටත් කියනව..මං ඒව ගිහිං පන්තියෙ කියල අද නිකම් සවුත්තු උනා..