එදා නුවර Kandy and peradeniya 1894 2 කොටස

Henry W Cave, M. A නැමැති බ්‍රිතාන්‍ය ජාතිකයා විසින් නිර්මාණය කරන ලද PICTURESQUE CEYLON Vol iii නැමැති නුවර සහ පේරාදෙණිය ගැන විස්තර ඇතුළත් පිංතූර පොතෙන් මෙම පිංතූර උපුටාගන්නා ලදී. මෙම ග්‍රන්ථය 1894 දී ප්‍රකාශයට පත් වූවක් ලෙස පොතේ සඳහන් වෙයි.

සිංහලයින්ට වඩාත් ප්‍රයෝජනවත් වන තවත් ගහක් තමයි තල් ගහ. මේ තල් කොලයක් අස්සට වෙලා මහ වැස්සකට වුනත් නොතෙමි ඉන්න පුළුවන්. සිංහල ජනතාව වහල සෙවිල් කරන්නත් වැස්සේ ගමන් කරන විට නොතෙමී යන්නත්මේ තල් කොළ පාවිච්චර කරනවා. ඊට අමතරව හොඳින් මැදගත් තල් කොල ඔවුන් ලිවීම සඳහා භාවිතා කරනවා. වසර දහස් ගානක් ඒ තල්කොළ වල ලියූ අකුරුඒ විදියටම දකින්න හැකියාව තිබෙනවා.ඒ විදියට ලියපු තල්පත්වල පාලි සහ සංස්කෘත භාෂාවෙන් බෞද්ධ ධර්මය ලියලා තියෙනවා.

දුම්බර නිම්නය. දුම්බර කියන්නෙ උතුරු දිශාවට වෙන්න තිබෙන කඳුකර පලාත. ඒ පලාතෙ නකල්ස් කඳු ගැට පේලිය පිිහිටා තිබෙනවා. මේ දිනවල රජයේ කොකෝවා වගාවට මේ දුම්බර පැත්ත යොමුවෙලා. බැලු බැලු අත කොකෝවා ගස් දකින්න පුළුවනි. දුම්බර නිම්නයේ සිට බැලූකල සත්‍ය වශයෙන්ම නකල්ස් කඳු වැටිය මිනිසකුගේ මිට මෙලවූ ඇඟිලි කිහිපය ලෙස දිස්වෙනවා.

දළදා මාලිගාව සහ ඉදිරිපිට පන්සල මේ පිංතුරයේ දැක්වෙනවා. සෑම වර්ශයකම අගෝස්තු මාසයේ දළදා පෙරහැර පැවැත්වෙනවා. එය ඉතාම දර්ශණීය උත්සවයක්. අවාසනාවට මම ඇවිත් තියෙන්නෙ අගෝස්තු වල නෙමෙයි. සිංහලයින් බොහෝ කටයුතු වලදී කලාවට මුල් තැන දිපු ජාතියක්. ඔවුන් අලංකාර තොරන් බැඳීමටද දක්ෂයින් පිරිසක්.

ගරු ටී බී පානබොක්කේ මැතිතුමා. මහනුවර පාලකයා සහ සිංහල නියෝජිතයා ලෙස පානබොක්කේ මහතා කටයුතු කරනවා. දළදා වහන්සේට ගරුසරු පැවැත්වීම ආදිය මොහුට පැවරී තිබෙනවා. ඔහුගේ ඇඳුම අලංකාර එකක්. එයට විවිධාකාර ඇදුම් ආයිත්තම් රාශියක් තිබෙනවා.

 

මේ අලි බෞද්ධ පංසල් වල ඇතිකරනවා. අලින් වාර්ශිකව පැවැත්වෙන දළදා පෙරහැරට දායක වෙනවා. කරඩුව සහිත අලියා ප්‍රමුඛ අලින් 45ක් පමණ දළදා පෙරහැරට දායකත්වය සපයනවා. දළදා පෙරහැර පැවැත්වීම බොහෝ කාලයක සිට පැවත එන සිංහල චාරිත්‍රයක්. මේ දළදා පෙරහැර අනුරාධපුර සහ පොලොන්නරු යුගයේ සිටම පැවැත්වෙන්නට ඇති බව පරණ පුස්කොළ පොතක් වන දළදා සිරිතෙහි සඳහන්. 

පේරාදෙණිය පාලම. පාලම පොටෝ ගන්නට යන විට නියම ස්ථානය පිළිබඳ අවබෝධයක් තිබුනේ නැහැ. ගැටවර වියේ පසුවූ කරුණාවන්ත සිංහල කොල්ලන් තුන් දෙනෙක් මට මේ පොටෝ එක ගන්න උදවු වුනා. මා පැමිණි කාරණාව අවබෝධ කරගත් ඒ සිංහල ආධුනික පොටෝකරුවන් (නමුත් ඔවුන්ට කැමරාවක් නැහැ) මට මේ පොටෝ ගන්න පුළුවන් නියම ස්ථානය පෙන්වල දුන්නා. අවධානම් ගමන් වලදි ආරක්ෂාව දෙන්නත් ඒ අය ස්වේච්චාවෙන්ම ඉදිරිපත් වුනා.

සිංහල ගැමි ගෙදරක්. බොහෝ සිංහලයින් දුප්පත් කමින් පීඩා විඳිනවා. සිංහල ගැහැනුන් සහ මිනිසුන් එකිනෙකා හා සමීපව ඉන්නේ නැහැ. එය ඔවුන් අදහන බුදු දහම අනුව අනුමත නොකරන ක්‍රියාවක් විය හැකියි.

සිංහල දරුවන් කිහිප දෙනෙක්. සිංහලයින් සතුව විශාල දේවල් නොමැති වුවත් ඔවුන් ලැබෙන දෙයින් සන්තෝෂව කාලය ගත කරන ආකාරයක් පෙන්නුම් කලා. සිංහල බස ඉතාලි බසට සමීප කන්කලු එකක්. උස් හඩින් සිංහලෙන් කතාකරන ඔවුන් කතාවට දක්ෂ බවක් පෙනුනා.

 විශාල දෙල් ගසක්. මේ ගසේ කොළ අඩියකටත් වඩා දිගයි. මේ ගසින් ලැබෙන ඵලය ඔවුන් පොල් සමග ආහාරයට ගන්නවා. දෙල් ගස ප්‍රයෝජනවත් ගසක් ලෙස පෙනී ගියා. එසේම දෙල් ගස අලංකාර කදිම ගසක්. දෙල් ගසක් යට තිබෙන පේරාදෙනියේ සිංහල නිවාසයක් මේ පිංතූරයේ තිබෙනවා.

ගමට ඕන රන් බඩු හදන රන් බඩු හදන මිනිහෙක්. මෙයා හරි පරණ විදිෙය් මෝස්තරයකට ජීවත් වෙන්නෙ. නමුත් ඔහු අලංකාර රන් බඩු සාදන්නට දක්ෂයෙක්.

 මේ පොත පහත ලිංකුවෙන් බලාගන්න හැකියාව තිබෙනවා.(24 Mb pdf) 
https://drive.google.com/file/d/0By36M5qMRJnDUnRONjd5bzRmSTg/edit?usp=sharing