Thursday, October 14, 2010

හරකා mute වීම...

හරක අපේ යාලුවෙක් වෙලත් එයාට කතා කරන්න බැරි මොකද???ගිරව සැලලිහිනිය වගේ සත්තු වගේම බල්ලො වාගෙ අයත් ටිකක් ලෙන්ගතු තාලෙට සද්දයක් හරි දමාගන්න පුලුවන් උනාට හරකට තියෙන්නෙ එකම වොයිස් එකක්....

ඉතින් මේ හරකට කතා කරන්න පුලුවන් වෙලා තිබුන බෝම ඉස්සර කාලෙ...ඒත් මාර සීන් එකක් නිසා හරකට කතාව බැරි උනා....

හරක බොහොම ලෙන්ගතුවිදිහට ගම ගෙදරක වාසය කලා...ගම ගෙදර තම ස්වාමිය වෙච්ච ගමරාලට බොහොම හිත්වත්ව මේ හරක ඉන්නව....බොහොම කාලයක් දෙන්න සාමෙන් සහයෝගෙන් හිටිය...හරක හරි මොල කාරය සාමාන්‍යයෙන් මිනිස්සුන්ට නැති සමහර සෙන්සර්(සංවේදක ) හරකට පිහිටල තියනව...ඒකිව්වෙ නිකම්ම නිකම් ඔය ඇහෙන පේන දැනෙන එව්වම නෙමෙයි...අනාගතේ වෙන දේවල් දකින්න පුලුවන් හැකියාවත් මේ බුද්ධිමත් සතාට පිහිටල තිබුන....

දවසක් අපේ මේ බුද්ධිමත් හරකට පේනව තමන්ගෙ බොස් වෙන ගමාරලව හමු වෙන්න හෙට මාරය එනව කියල..හෙට කිව්වට හෙට රෑට එනව කියල අපේ හරක මීටර් කරගන්නව...ඉතින් මේ අදහස ගමයට කිව්වම ගමය ටිකක් නෙමෙයි අම්බානකට බය වෙනව....

බය වෙන්නෙ ඔය මාරය එන්නෙ ගමය එක්ක සෙල්ලම කරන්න නෙමෙයි නේ..එන්නෙ ගමයගෙ ප්‍රාණය කියන එක අරගෙන යන්න..ඉතින් ගමය දහ අතේ කල්පනා කරනව...අනේ මම මොකක්ද මේකට කරන්නෙ...මට කියල මේ වාගෙ වෙලාවක කවුරු නම් පිහිට වෙයිද???ඇරත් මොන ජගතද මාරය එක්ක හැප්පෙන්නෙ....

ඉතින් මෙහෙම ඉන්නකොට අපේ හරකයි ටිකිරි මොලේට ප්ලැටිනම් අදහසක් එනව...සාමාන්‍යයෙන් මාරය කියන්නෙත් මනුස්සයම වගේ කෙනෙක් නෙව...අපේ මනුස්ස ගතිත් මේ මාරයට තියෙනව...ඉතින් ඒ අනුව සාමාන්‍යයෙන් මාරය උනත් අපි ආහාරයට ගන්න බත් වලට උඩින් යන්නෙවත් පාගන්නෙවත් නෑ..කොහොමින් කොහොම හරි හරකයි අයිඩියා එක වෙන්නෙ මේ මාරය බත් නොපෑගීම කියන පොයින්ට් එක..ඉතින් මාරය එන දවසෙ ගෙදර මහා විසාල මුට්ටි වලට මහා බත් දන්සලකට වාගෙ බත් උයල ..අපේ ගමරාලය ගේ මැදින් තියල වටේම බත් කඳු ගහල තිබ්බ මාරය එනකල්...ඔන්න ඉතින් අර 9/11 ප්‍රහාරයට යානාව එන්න වගේ අහස පොලොව එහෙම පොඩ්ඩක් හොල්ලල කාරිය මාරය ගම ගේ දිහාට ආව...

මාරය පිටදි කොයි තරම් ගුවන් කරනම් දැම්මත් ගේ ඇතුලෙ ඒව කරන්න ටිකක් අමාරුයි....ටිකක් හිතන්න අපිට පොඩි සයිස් හෙලිකොප්ටර එන්ජිමක් ලැබුනත් ගේ ඇතුලෙ ඕව ටෙස්ට් කර්න්න බෑ නෙ...යන වේගෙට කොන්ට්‍රෝල් නැති උනොත්..ඉතින් කෑලිත් නෑනෙ...ඉතින් ඒක නිසා මාරය ගේ ළඟටම ගුවනින් ඇවිත් අදෘශමාන වේශයෙන්ම පයින්ම ඇතුලට යන්න තමා ට්‍රයි කලේ... ආව ඇතුලට තිව්ව ගේ ඇතුලට අඩිය මහ බත් තල්ලියක් ඇලුන මාර කකුලෙ...බැලුව මොකක්ද උනේ කියල...එතකොට තමා තේරුනේ ගමය ගෙ සහ අපේ බුලට් එකේ උපාය...කලබලේ ගැන තමන්ටම දොස් කියාගත්ත මාරය බැලුව වටපිට..ඔන්න එතකොට එනව හිකිස් සද්දයක් .එතකොට ඔය සීන් එක බලාගෙන නිකම් බැල්කනි ටිකට් මිස්ට බීන් වගේ ෂෝ එක බල බල ෆට්ට ආතල් එකෙ හිනා වෙ වී ඉන්න හරකව මාට්ටු වෙනව මාරයට...හිනාවෙන්ම මාරයට මීටර් වෙනව මේක හරකගෙ ප්ලෑනක් කියල...මාරයට නැඟපු නැඟිල්ල කියන්න දෙයක් නෑනෙ...වෙන කෙනෙකුට කියන්නෙවත්,පවරන්නෙවත් නැතිව මාරයම ආපු මිශන් එක ෆේල් උනා මේ හරක නිසා...

කෝමද දැන් යමලෝකෙ තියා දිවියලෝකෙවත් පාරෙ බැහැල රෙද්දක් ඇඳන් යන්නෙ මේ ගොන් හරකට පරාද වෙලා....ඉතින් බොහොම සැරට තද උනු තද වීම කකුලට එකතුකරාල උඩපැනල වීරිය අරගෙන අර ගෝඨයිම්බරය මහ සෝනට ගහනව වාගෙ දරුණු කික් එකක් නැත්නම් මුශ්ඨි පහරක් දෙනව හර්කගෙ කටට මාරයගෙ කකුලෙන්....කිසි සූදානමක් නැතිව අසරන හරකට වැදුන පහර නිසා එතෙක් කල් බොහොම ලස්සනට තිබ්බ හරක් දත් සෙට් එකත් කැත විදිහටම ඇතුලට යනව...

ඉතින් ඒ ගහපු පාරට හරකගෙ කතාකරන්න තියෙන ඔක්කොම හාඩ්,සොෆ්ට් වෙයාර් ඔක්කොම ආයෙම ගොඩ දාගන්න බැරි විදිහට ක්‍රෑශ් වෙනව...එදා ඉඳන් තමා හරකට ඔය දැන් තියෙන කැත කට සහ උම්බෑ නොයිස් එක විතර ක් ඇවිල්ල තියෙන්නෙ....

Wednesday, October 13, 2010

දුරකතන ප්‍රේම වෘත්තාන්තයක්

මා කොටුව බස්නැවතුමෙන් කකතරගම බස් රියට ගොඩ උනෙමි..වේලාව සවස 3 පමණ වන්නට ඇත.අසුන්වල සෙනඟ එකා දෙන්නා ඉන්නට විය...සිරිත් පරිදිම කොනේ ජනේලය ළඟ ආසනවලට හිමිකරුවෝ වූහ...කෙමෙන් ඉදිරිපස දොර අසලටම ගිය මා හට හාමුදුරු සීට් එකට පසුපස ආසනයේ සිටි තරුණයා සිටින්නේ ජනේලය අසල කොනට නොව අනෙක් කොනට බරවී බව මට පෙනුනි..3දෙනෙකුට ගමන් කල හැකිව තිබූ එම අසුනේ අනෙක් දෙදෙනා අදෘෂමානව හෝ සිටිය හැකි නිසා මා තව අය ඉන්නවාදැයි අසුනේ අනික් පුද්ගලයාගෙන් ඇසීමි..නැහැ නැහැ යැයි ඔහුගෙන් පිලිතුරු ලැබිනි..ලැබූ අවසරයෙන් මා හනික ගොස් ජනේලය අසලින්ම වාඩි උනෙමි..බස් රිය මත අනෙකුත් අසුන් කෙමෙන් කෙමෙන් පිරී ගියත් අපේ 3 දෙනෙකු සිටිය යුතු අසුනට අවාසනාවන්තයෙක් හෝ වන්තියක් බස්‍රිය පනගැන්වෙන තුරුම ආවේ නැත ...
බස්‍රිය පනගැන්වී කොටුව දුම්‍රිය ස්තානය අසලට ආවිට උසස් පෙළ පන්ති යන මට්ටමේ සිහින් ගැහැනු පරාණයක් අසුනේ අප දෙදෙනා අතරට පහත් විය..සීට් එකට පැන්න විගස රිය කුරුවා පැමිණ ප්‍රවේශපත් දීමට සැරසුන විට එම x නම් වූ මා අසල වූ ගැහැනු ළමයා ටිකට් ගත්තේය..ඇය සිහින්වූයේ ඇගේ වාසනවටත් වඩා අපේ වාසනාවකටය..සීට් එක කොනේ සිටි තරුණ පිරිමියා මහත කෙනෙක් වීමත්..කොනේ ජනේලය අසල සිටි මා කෙට්ටු වීමත් නිසා බැරිවෙලාවත් ඇය තව අඟල් 4ක් වත් මහත වූවා නම් ඇය තැලීමට ලක් වනවා ඇත...ඔය අතර වැරදිලාවත් මගේ හෝ අනික් පිරිමි එකේ අතපය හිරි ඇරගැනීමටවත් පොඩ්ඩක් එහා මෙහා උනොත් තදින් තෙරපීම නිසා ලිංගික අතවර සිදු වූවායි පැමිණිලි කල හැකිය...ඇය සුද්දන්ට සහ මුදල් ඇත්තන්ට පමණක් නම්‍යශීලී රාජ්‍ය නොවන සංවිධානයක කාන්තා කෙනකු උනානම් අපිට කූඩුවෙ ලගින්නටද සිදුවිය හැක...බස්‍රිය වල යද්දී සිය කැමැත්තෙන්ම අතවරවලට ලක්වීමට කැමති ගැහැනුන් මා උසස් පෙළ පන්ති යන කාලයේ විය...එවිට මට මතක් වෙන්නේ සුනාපරත්නවාසී පුණ්න තෙරණුවන්ගේ කතා වස්තුවයි....එහි එන දෙබසක් මෙසේය...

බුදුන්වහන්සේ:පුණ්න ඔබ ඒ ජනපදයේ කෙනෙකු විසින් පොලු,දඬු,මුගුරු,තියුණු ආයුද වලින් ගසා මරා දැමුවොත්..
පුණ්න තෙරුන්:සමහරෙක් මේ ජීවිතයේ ඇති නිසරු බව ගැන කලකිරී මියයාමට කැමැත්තෙන් සිටියත් එවැනි අවස්තාවක් නොලැබීම ගැන බොහෝ දුක් වෙති "කෙනෙකු විසින් පොලු,දඬු,මුගුරු,තියුණු ආයුද වලින් ගසා මරා දැමුවොත්.." යැයි සිතමින් අවස්තාවක් නොලැබීම ගැන දුක්වෙති..ඔබවහන්සේ සඳහන් කරන පරිදි සිදු වුවහොත්..මා පෙරකී පරිදි සිතා එම වැසියන්ට වෛර නොකරමි...

ඉතින් අපි හැමදාම පන්ති යන බස් රියේ එවැනි අතවරවලට ආසා ගැහැනු කෙරෙහි මගේ මෙත් සිත යොමු වෙයි..පසුව අවස්තාව බලා ඔවුන් අසලට ගොස් සහාය දීමට මා මෙන්ම මාගේ මිතුරන් රැලද පසුබට නොවෙති ...ඉන්පසු සිදුවන සියලු දේ විස්තර කිරීම අනවශ්‍ය යැයි මට සිතේ....

ඉතින් අපි යලිත් මා අසල වාඩි වී සිටින අංගනාව වෙත යොමු වෙමු...ඇයගේ ෆයිල් එක කී පරිදි ඇය කොළඹ විශ්වවිද්‍යාලයීය දේශනයකට ගොස් පැමිණෙන හැඩකි...ටිකට් ගෙන හමාර වූ ඇය සිරිත් පරිදි ජංගම දුරකතනය වෙත යොමු විය...ඇය දේශනය හමාර වීමට කලින් පැනගත් ආකාරය..දේශනයේ ඇති බෝරින් ප්‍රමාණය ආදී දේ මෙන්ම ඔවුන්ගේ පුද්ගලික තොරතුරුද කොටුවේ සිට මොරටුව දක්වා කතාකරන ලදී(පැයක් පමණ )..ඉන්පසු ඇයගේ බැටරිය බහින බවත් එය අනෙක් අමතර බැටරියට මාරු කරගන්නා තෙක් විනාඩියක් සිටින ලෙසත් ඉල්ලීය..
බැටරිය මාරු විය දෙවෙනි කතාව පෙර පරිදිම සිදුවූ අතර වාද්දුවේදී එහි බැටරි බහින බවත් ඉන්පසු ෆෝන් එක ඕෆ් කරගෙන රාත්‍රී තමාව රැගෙන යෑමට පියාට කතාකරගැනීමට බැටරි ඉතිරි කරගත් යුතු බවත් කියවිනි....ඔවුන්ගේ ප්‍රේම කතාව ගැන බොහෝදේ මට ඇසෙන්නට ඇත...මගේ වම් කනට නිදහස ලැබේ යැයි මා සිතීමි..එහෙත් අවාසනාවක මහත..ගාල්ල කිට්ටුවත්ම ඇයගේ ජංගම දුරකතනයේ සිම් පත මාරු විය...ඉන්පසු ඉතා සිහින් හඬින් කරන කතාවක් පමණි මට ඇසුනේ...
යනව යන්න...කිව්වොත් ඔහොම දෙයක් තමයි..එව්වට වෙන කෙනෙක් හොයාගන්න වෙයි ආදී වචන ගැහැනු පාර්ශවයෙන් යොමු විය..කොළඹ සන්වාදයේ මෙවැනි දෙබස් නොවූ අතර ඉතා විනීත විය...එහෙත් දෙවැනි සන්වාදය රාගය මුසු කුනු කසල ගොඩක්ම විය...මෙහි අනෙක් පස සිටින්නේ පලමු කෙනා නොවන බවත් මෙම සම්බන්ධ ස්තිර එකක් නොවන බවත් එහෙත්..නොසිදු වූ කිසිවක් ඔවුන් අතර නොමැති බවත් විනාඩි 30ක් පමණ වූ කාලය තුල මට වැටහුනි..ආයෙත් එහෙටම යන්න බෑ අනේ,,,ඔයා නම් හදන්න බෑ..
මේ අවස්තාවේ කලින් පෙම්වතා සිතා සිටින්නේ...ඇයගේ ෆෝන් එකේ බැටරි බැස ඇත..එනිසා එය ඕෆ් කර ඇත..එය චාජ් කල පසු යලි කතා කරනු ඇත...

Tuesday, October 12, 2010

ප්‍රේමය සහ ලන්කාව....

ලංකාවේ පෙම්වතෙක් වතියක් වීමට අවැසි යටිතල පහසුකම්=ෆෝන් එකක්,බැටරි දෙකක්,ෆේස්බුක් එකවුන්ට් එකක්,ඉන්ටර්නෙට්,ඔබ වැරදිලාවත් උයන්,මඟතොට,වෙනත් ස්තානවල සහ අඩුමිල කාමර ප්‍රේමය සඳහා තෝරා නොගන්න,,...තරු හෝටල් කාමරනම් වරදක් නැත...මන්ද .තරු හෝටල් වලට පොලිස්සියේ සදාචාරය වලංගු නොවන බැවිනි....
මෙන්න ඔබට උදාහරණ....
*ගාලු කොටුවේ පෙම්වතුන් ඊයේ දින අල්ලාගෙන පොලිස්සිය අවවාද ලබා දී ඇත....
*කුරුනෑගල ලැගුම්හල් වල සිටි ජෝඩු 45ක් පොලිසිය විසින් අල්ලාගෙන ඇත(පසුගිය සතියේ)...
*මින්පෙර කුරුනෑගලම ප්‍රේම කරමින් උයන්වල සිටි ජෝඩු අත් අඩන්ගුවට ගෙන ඇත...

Sunday, September 26, 2010

මාව මූනුපොතෙන් කොන් කරල

දවසක් මම මූනු පොතට ලොග් වෙන්න උත්සාහ කරනකොට මට ලොග් වෙන්න කලින් කරන්න වැඩක් තියෙනව කියල වැටුන
මූනුපොතේ පරිපාලනය මගේ යාලුවො විසින් සලකුනු කරන ලද පින්තූර අඳුනගන්න කියල මට කියනව...ඒක විතරයි එයාල දෙන එකම ව්ධික්‍රමය...මගේ එකවුන්ට් එක අඳුනගන්න....පින්තූරෙ වැටෙනව...ඒත් එක්ක ඉන්න පුලුවන් අය දක්වල බහුවරන වගේ තෝරන්න යාලුවො ටිකක් දෙනව...5-6ක් විතර දෙනව...ඒකෙ පින්තූරවල සලකුනු කරපු අයව අඳුනගන්න බැරි නිසා මට මූනුපොතට ඇතුලුවෙන්න බැරිවෙලා...

සලකුනු කල යහලුවන් හඳුනාගැනීමට නොහැකිවීමට හේතු....

*මගේ මූනුපොත් එකවුන්ට් එකේ කට්ටිය 450ක් විතර ඉන්න නිසා සමහරු මාව දන්න අය නොවීම..
*දන්නා කියන යාලුවන් එක් එක් අන්වර්ථ නාමවලින් හඳුන්වයි..එවිට ඔවුන්ගේ විහිලු නම හෝ වෙනත් නම් සලකුනු කල පුද්ගලයාගේ මූනුපොත් ගිනුමේ නමෙහි සඳහන් නොවීම.
*සමහරක් ලාන්කික මිතුරන් ගස්,ගල් මල්., බල්ලන්,ආද්යට කැමති බව දැක්වීම පිණිස එම පින්තූරවල නම සලකුනු කිරීම.....(බල්ලෙක් දමල පින්තූරෙ ලකුනු කොලාම මම දන්නෙ කෝමද කවුද මේ බල්ලට මනාප අය කියලා)..
*ඝනත්වයෙන් සහ තත්වයෙන් ඉතා අඩු පින්තූර වල සිටින පුද්ගලයි න් අඳුනා ගත නොහැකි වීම.
*සමූහ ඡායාරූපවල සිටින ඉතා කුඩා මුහුනු අඳුනාගැනීමට අපහසු වීම..
*සමහර පුද්ගලයින්ගේ ළමාකල හා බාල අවධිවල පින්තූර වල සිටින අය අඳුනගත නොහැකි වීම.
*සමහර පුද්ගලයින් ඉතා හොඳින් දැන ගෙන හිටියත් ඔවුන්ගේ අප දන්නා නම් කොටස මූනු පොත තුල නොවීම.

මෙහිදී මුහුනුපොතේ පාලනාධිකාරිය සිතනවා ඇත්තේ මගේ යහලුවන්ගේ පින්තූරය හා ඔවුන්ගේනම් යන දෙකම මා නොදන්නවානම් ඔහු මගේ යාලුවෙක් නොවිය හැකි බවය

අපේ තාත්තා මූනුපොතේ සිටියානම් ඔහුත් මේම ගැටලුවට මුහුනදෙනවා ඇත මන්ද...ඉස්කෝලෙ උගන්වන ගුරුවරයා අපේ පියාට ඉස්කෝලයා වෙයි..කාලයක් කොන්දොස්තර වැඩක් කල කොන්දොස්තර මහතා ඔහුට කොන්දොස්තරයා වෙයි..කුකුලන් ඇති කරන ධනසිරි මාමා අපේ තාත්තාට කුකුල් දනය වෙයි...බොහෝ කලකට පෙර තල වෙළදාමෙහිසිට දැන් හන්දියෙ කඩේ සිට...ගමේ එවුන්ගේ රී රී මාංශ උලා කන ගිනි තල කඩේ මුදලාලියා අපේ පියාට තලයා වෙයි./...

අපිට මිතුරන් වීමට මුහුන හා නම දැනගත යුතුමද??

Monday, September 6, 2010

උබන්ටු ගේම්ස්

උබන්ටුත් එක්ක එන ගේම් කීපයක් ගැන තමා මේ තියෙන්නෙ ගොඩක් අය හිතන් ඉන්නෙ උබන්ටු එක්ක පුලුවන් කාඩ් ගේම් විතරයි කියල....අපේ මුනිදාස කුමාරතුංග කියල තියෙනව වාගෙ අලුත් අලුත් බඩු නොදන්න ජාතිය ලොව නොනගී...ඉති ඔය ගේම් වලට පුරුදු උන අය උබන්ටු සපෝට් නෑ ලිනක්ස් මල පනිනව කියල ඉන්නෙ නැතිව..පොඩ්ඩක් ට්‍රයි කරල බලන්න මේව ටෙස්ට් කරල ගහල නම් නෑ මම ඒත්...ඔයාලට නිකම් මෙව්ව තියනව කියල දැනගන්න මම දමනව....
මේක නිකම් රෝදය නැවත හෙව්ව වගේ ඇති ඒත් ඒ වගේ අයත් ඉන්න එපායැ....

Flight gear

මේකෙ තියෙන්නෙ එරොප් ප්ලේන් හසුරුවන විදිහ ගැනඉතින් මේකෙ විස්තර ඔයාලට ගන්න පුලුවන් පහත ලින්ක් එකෙන් flight gear

මම ලියන්න ගත්තෙ ගේම් ගැන ඒත් ආධුනික බුවාලට බුවීලට මේක ඉන්ස්ටෝල් කරගන්න එකත් මාර ගේමක් තමා ඒ නිසා මම මේ ගේම් තියෙන ලින්ක් එක කියන්නම් ඔයාල ටිකක් එබිල බලන්න හොඳේ....ubuntu games

0 AD
මේක නම් වෙඩි තියෙන සෙල්ලමක් වාගෙ ඔයාල ට්‍රය් එකක් දමල බලන්න උබන්ටු දාල ගේම් එක සෙට් කරගන්න...ඇත්තටම උබන්ටු වලට සෙට් කරන්න තියෙන ප්‍රෝග්‍රැම් බොහොමයක ධාරිතාවය අඩුයි...ඒකෙන් කියවෙන්නෙ නෑ ගේම් එක පොඩියි හෝ ඔප්ශන් මදි කියල....ලිනක්ස් වල තියෙන ගොඩක් මෘදුකාංග මම දන්න විදිහට ධාරිතාව අඩු එව්ව....
0AD game

Tramulous
වෙඩි තියන් එපා හදවතට මගේ කෑලි කැඩී යාවි ආදරේ ඔබේ කියල ප්‍රියා මහත්තය කීවට මොකද අපේ මල්ලිල නඟාල ගොඩක් ආස වෙඩි තියන්න...මේකත් ශූටි ගේම් එකක්....
tramulous

මේ ඉහල තියෙන ට්‍රැමියුලස් ලින්ක් එකේම ගොඩක් ගේම්ස් තියෙනව...ඔයාලට ගන්න පුලුවන් එව්ව...
.ඇත්තටම අපිට ලිනක්ස් වල වාත නොවී ගේම් දමාගන්න පුලුවනි ටර්මිනල් එක හරහා....
Application>>accessories>>terminal
යන්න ඕනි මුලින්ම එයිට පස්සෙ
sudo -s කියන කෝඩ් එක ගහන්න ඕනි...
apt-get update කියල ගහන්න ඕනි
දැන්apt-get install - (name of the game)
ගහල ගේම් වාගෙම වෙනත් මෘදුකාංගත් දමාගන්න පුලුවනි....

මම බෞද්ධ ආගමිකයෙක් නුදුන් දේ ගැනීම කියන්නෙ හොරකම....ඇමරිකාවෙ බිල් විසින් ගේට්ස් දමල රැකගෙන ඉන්න වින්ඩෝස් කොපියක් ගත්තත් ඒක හොරකමක්....අපි වාගෙ සම්පත් අඩු සල්ලිය බාගෙ අඩු අය හොර කොපි ඉන්ස්ටෝල් කරගන්න දඟලන්නෙ නැතිව ලිනක්ස් වලට පෙළඹෙනවනම් තමා හොඳ.....

යූසර් ඉන්ටර්ෆේස් එකක් උඩ ගහමරාගන්න එව්ව කාර් එලවන එව්වම කරන්නෙ නැතිව ටිකක් පෙට්ටියෙන් එලියෙ(out of the box)හිතන්න පුලුවනි නම් මාරම ගේම්ස් තොගයක් තියෙනව අපිට භාවිතා කරන්න පුලුවන්....

රුපියල් 200ට ගන්න පුලුවන් රබර් සෙරෙප්පු දෙක පටියෙ අරුගම්බෙ කියල ගහල තියෙන හින්ද, රුපියල් 650ක්ට අරන් දෙන්න කියල අම්මලට කෑගහන සර්ෆින් පරපුර පෙට්ටියෙන් එලියෙ හිතන්නෙ කවද්ද?????

Sunday, September 5, 2010

මට කියලදෙන්න

මට කියලදෙන්න
http://maldevata.blogspot.com/
ඔන්න ඔය බ්ලොග් එකට කොමෙන්ට් දමන විදිහ.....
හැබැයි තියෙන ඇඩ් එක ක්ලික් වෙන්න බෑ..
ඔයාල කොමෙන්ට් එකක් දමන්න ට්‍රයි කරලම මට කියන්න....
මේ වාගෙ වල් බූත තියෙන මහ නින්දිත විදිහට අපි ලව්ව ඇඩ් ක්ලික් කරවන්න හදන මේ වාගෙ බ්ලොග් බ්ලොක් කරන්න බැරිද???

කවුරුහරි පින්වතෙක් ඉන්නවනම් මේ බ්ලොග් එක ගැන ගූගල් එකට රිපෝට් කරන්නෙ කෝමද කියලත් මට කියන්න....මම ඉන්ග්‍රීසි ප්‍රොඅග්‍රැමින් වැඩිය දන්න කෙනෙක් නෙමෙයි ඒකයි....නැත්නම් මම මේ යෝදයට ගේමක් සෙට් කරනව.....

Saturday, September 4, 2010

රාජගිරියෙ යෑම.....

අවශ්‍ය දේ....

* තරමක් අමාරු ලෙඩක්...(මහ දරුණු උනත් කමක් නෑ)..ඒත් උණට හෙම්බිරිස්සාවට උනත් කියාපු තැන...
* වැඩ නැති සතියේ දිනක හෝ සෙනසුරාදා දිනෙක වරුවක්....
* බෝතල 2ක් පමණ...එකක් මිලිලීටර 400ක් පමන වීමත් අනෙක ඊට වඩා කුඩා වීමත් ප්‍රමාණවත් වෙයි...

ස්තානයට යන අයුරු....
කොහේ හෝ දිල්ලියක සිට ආවත් කමක් නෑ බොරැල්ලට එන්න...ඇවිත් රාජගිරියෙ ආයුරුවේදෙට යන්නෙ කෝමද කියල 5 දෙනෙකුගෙන් විතර අහන්න...වැඩිදෙනෙක් කියන පාරෙ බස් එකෙ රුපියල් 6ක් දීල ඩයිවර අය්යට කියල ටිකක් අමාරු ඇඩ් එකක් දමල ආයුර්වේදෙ ලඟින්ම බැහැ ගන්න....බොරැල්ලට එන්න දන්නෙ නැති චූටි බබාල දන්න කෙනෙක් එක්ක එන එක සරීරෙට හොඳා...නැත්නම් තියෙන ලෙඩේ මදිවට තව ලෙඩ ඉන්කමින් ෆ්‍රී එන්න පුලුවනි....

ගිහිපු ගමන් මොකද කරන්නෙ....
හා ඉතින් ඕක ඇතුලට රින්ග ගත්තම පෝලිම් ඉවරවෙලා කීයට බෙහෙත් අරගෙන එන්න වෙයිද දන්නෙ නෑ නෙව ...ඉතින් ඒ නිසා උදේ වරුවක හෙම ආවනම් කොළකැඳ එකක් හවස නම් ඔය තියෙන වෙන කැඳ එකක් ගත්තට කමක් නෑ....චර්ම රෝගයක් හැදිල ආවත් ලෙඩෙක් නෙව..ඉතින් සප්පායම් වෙලාම යන එක හොඳයි...කැඳ එකක් 30ය් මූලස්තානෙ නිසා කියන්න තරන් අවුලක් නෑ....

කොහොමද රෙජිස්ටර වෙන්නෙ
හප්පා ඒකනම් පෝලිමේ ඉන්න වැඩක් දවස අනුව කාලෙ අනුව..ලෙඩ්ඩු ගනන අනුව පෝලිමේ දිග වෙනස් වෙනව...මෙහෙ රෙජිස්ට්‍රේශන් ප්‍රොසෙස් එකට කියන්නෙ තුන්ඩු ගන්නව කියල...ඉතින් ඔය තුන්ඩු ගන්න පෝලිම් දෙකයි...ඔයා කෝඩු කාරයෙක්නම් අහන්න කාගෙන්හරි අලුත් තුන්ඩු දෙන්නෙ කොතනද කියල....බයවෙන්න එපා ඉන්ග්‍රීසි, කැඩිච්ච ඉන්ග්‍රීසි...ලීක් පොරවල් මෙහෙ අඩුයි..කිව්වට මොකද කඩ්ඩනම් ඇත්තෙම නෑ වගෙ....

බෙහෙත් ගැනීම...
තුන්ඩු ගන්න තැන ඉන්න ඇන්ටි අක්ක කියනව යන්න ඕනි කාමරේ ,,,ගිහින්...ඒ දොස්තර මහත්තය හමුවෙන පෝලිමේ ඉන්න ඕනි..මෙතනදි නම් පෝලිමට පුටු තියල තියෙන නිසා කිසි අවුලක් නෑ...ඉතින් දොස්තර මහත්තය හෝ නෝන ලංවෙනකොටම අර මම කිව්ව වොයිස් රෙකෝඩරේ හරි..ෆෝන් එකේ එහෙම කරන විදිහ හරි සක්‍රිය කරගන්න...දැන් ලැජ්ජාව බය ඕෆ් කරෙගෙන තියෙන ලෙඩේ ඔක්කොම කියන්න....දොස්තර මහත්තයට බොරු හෙම කියන්න එපා....අර වොයිස් රෙකෝඩරේ දමන්න කීවෙ දොස්තරමහත්තය කියන බෙහෙත් සහ ඒ අනුපිලිවෙල පොඩ්ඩක් රැකෝඩ් කරගන්න ..මොකද ඒව අහල පුරුදු නැති අපි වගේ හාෆ් බොයිල් බුවාලට බුවීලට ඔය බෙහෙත් ගන්න විදිහ මතක හිටිනව අඩුයි නෙව...

ෆාමසිය...
ඊලඟට එන්නෙ බෙහත් ගන්න සැට් වෙන වෙලාව....දොස්තර ලියල දීපු එක අර බෙහෙත් දෙන තැන ඉන්න මහත්තයට හරි නෝනට හරි දෙන්න ඕනි..මතක ඇතුව අර ගෙනාපු බෝතල ඉදිරිපත් කරන්න ඕනි..ඊටපස්සෙ ඔය කන්කානම් මහත්තය කියන විදිහ මතක තියා ගන්න ඕනි..ඇහුනෙ නැත්නම් අපැහැදිලි නම් ගෙදර ගිහින් පිස්සු කෙලින්නෙ නැතිව බැනුම් අහල හරි එව්ව හරියට අහගන්නව හොඳයි...මතක තියා ගත්තොත් හොඳවෙන්නෙ තමන්ගෙ ලෙඩේ....

ගාස්තු....
ඉතින් ඔය සමහර බෙහෙත් හරිම වටින එව්ව...ඔය ආයුර්වේදෙ සමහර බෙහෙත්නෑ...ඉතින් එලියෙ කඩේකින් ගන්න පුලුවන් කියල තමන්ම කියල ගන්න බෙහෙත් නෑ වගේ කියල දැනුනොත්....ඒ වාගෙ පිටින්ගන්න දෙයකට ඇරුනම හෙම්බිරිස්සවකට ගියත් රුපියල් 400-500ක් වටින බෙහෙත් නිකන් දෙනව ආයුර්වේදෙ....

දෙන එව්ව බොන එක තමා අමාරු...
ඔය කියන තරම්ම තිත්ත නෑ හැම බෙහෙතක්ම...සමහර එව්ව ඇත්තටම බිව්ව ගමන් ගෑව ගමන් ලෙඩ හොඳ වෙනව...ඒත් ඒ බෙහෙත් නිකම් ලැබුන කියල අපතෙ දමන්නෙ නැතිව ඉවර වෙනකල් කිව්ව විදිහට බොන්න....ලෙඩේ සම්පූර්ණයෙන්ම හොඳ නෑ වාගෙ හිතෙනවනම් ආයෙම ඇවිත් පරණැ තුන්ඩුවම අරගෙන බෙහෙත් ගන්න...

අතුරු ආබාධ..
ඇත්තටම ඒ වාගෙ දේවල් ඇත්තෙම නෑ මෙවයෙ...