පිරුණු වීදියේ

මේ පිරුණු වීදියේ නෙක කෝලම් විසිරෙනා..

 
දස දහසක් දේවල් මට ඕනෑ නෑ

ඇඳුමක් ගන්නට සපත්තුවක් ගන්නට

සිතුනත් තෝරා දෙන්නට ඔබ ඇවිදිල්ලා නෑ..

කෑගසා අඩගසාවී....මේ ලාබයි කියාවී.

.
අඩුකරලා දෙන්නට උන් සැරසේවී...

ඝොසාවන් ඇසේවී..මිනිසුන් හැපී යාවී..

එහෙත් පාලුව මා සිතවට කැරකේවී..

පාවහන් පාටින් දිලිසී යයි ඇඳුම් රටා දෙද්දී

මට වියදම් කරන්ට සිත ඉඩ දෙන්නේ නෑ

මල් මිටියක් අත අරං යලිත් මං තිව්වා

ඔබ ආවානම් එය දෙන්නට තිබුනානේ..

Pirunu v diya by indika27

හොරා දකිමු 02

එය ලස්සන දවසක්ද කැත දවසක්ද වැහිබර එකක්ද කියා මට මතක නැත. නමුත් එදා සතියේ දවසකි. සවස තුනට පමණ මගේ බොස් කතා කලේය. ඒ අතේ ඇති මාගේ අතබනුවටයි. අතබනුවට බොසාගෙන් කෝල් එකක් ආ නිසා මා ආන්සර් කලෙමි. මේ අයිසේ පොඩි කේස් එකක්..

ආ කියන්න සර්..

තමුසෙ ඔතන මුර කරන්න ඕනි නෑ... පොඩි වැඩක් තියෙනවා ඒකට යනවා.

දැං ඔතනින් තමුසෙ වාහෙනේ අරං යනවා පොඩි ගෙයක් තියෙනව කඩන ආන්න එතෙන්ට..කියා තැනක් කියා කඩන නිවසක්ද, එහි ඇති ගැලවු පෙට්ටමක්ද, ගැන විස්තර කීවේය..

අපේ බොසා මට තමුසෙ යයි කියන්නේ තරහකට නෙවේ..ඒ ඔහුගේ ආමන්ත්‍රණ ශෛලියයි. මා හට බඩු පටවගෙන යන්නට වූයේ ත්‍රිවිල් එකක උඩ තට්ටුවේය. එය තට්ටුවක් ගසා තිබු ත්‍රිවිල් එකකි. බඩු ටික නම් එතැන සිටි කොල්ලන් කීප දෙනෙක් විසින් තට්ටුවට පටවන ලදී. ඉන්පසු බොසා කිව් විදියට මා විසින් කියන ලද මුඩුක්කු වීදියට එන ලදී..ඒ මුඩුක්කු වීදියට හැරෙන තැනින් පසුව නම දැනගන්නා ලද කාවින්දි නම් වූ යුවතියක් මගේ ත්‍රිවිල් එකට නගින ලදී..

දැන් ත්‍රිවිල් එකේ තත්වය අපි විමසා බලමු.

    ත්‍රිව්ල් එක යන්නේ මුඩුක්කු වීදියකය. තරමක් තදනන්තර බඩුවක් වූ කවින්දි සහ කෙස්ටු එකෙකු වන මා සහ ඩයිවර උන්නැහේ කෙනෙක් ත්‍රිවිල් එක තුලය. ත්‍රිවිල් එකේ වහල උඩ පෙට්ටමගක ගලවන ලද, කැටයම් ලියකම් සහිත ලෑලි ගොඩකි. ත්‍රිවිල් එක සෙමෙන් යයි. කලකට ඉහත බලන ලද සිංහල චිත්‍රපටයක දෑවැද්ද ගෙනයන දර්ශනයක් මට මතක් විය. මා මනසින් මෙන්ම මුවගින්ද හිනාවක් දැම්මෙමි. කවින්දි අක්කා මා දෙස බලා ඔරවා ගෙන අහක බලාගත්තේ ඈට සිනාසුනා කියා සිතලා විය යුතුය. මග දෙපස කොල්ලෝය කෙල්ලෝය. පොඩි සයිස් කෙල්ලංට ජංගි කෑල්ලක් ඇත. කොල්ලන් සමහරු හෙලුවෙනි.ඔවුන්ගේ ඩයිනින් රූම් එකත්, කැම කාමරයත්, ඉස්තෝප්පුවත්, ක්‍රිඩා පිටියත් පාරමය. ගෑනු මිනිස්සු මේ ත්‍රිවිල් එකේ ගෙනියන්නේ මොකද්දැයි බලති. ඒ අතර කවින්දි අක්කා අඳුනගත් සමහරු ඇය සමඟ සිනාවෙයි. ඉඳහිට තරුණ කොල්ලෙක් ත්‍රිවිල් එක උඩ පෙට්ටගමකුත් ත්‍රිවිල් එක ඇතුලේ ටීවී එකකුත් ඇතැයි සිතන්නාක් මෙන් ත්‍රිවිල් එක තුලට එබෙයි. නමුත්  ත්‍රිවිල් එක තුල තිබූ කවින්දි නැමැති විසල් ටීවී එකේ චැනල් එක ටිකක් සවුත්තු නිසාදෝ කොල්ලන් සැනින් ඉවත බලා ගනී. උඩ තිබූ පෙට්ටගම ගලවලා තිබුනත් යම් තරමින් බරය. ඒ බරට යට කොටසේ ඇති කවින්දි අක්කාගේ බරද එක් වූනිසා දැන් බැලන්ස් ගතියක් එයි. ඇය එවන් උඩ බර ඇති ත්‍රිවිල් වලට බර බැලන්ස් කිරීමටද යොදාගත හැකි බවක් ද මට සිතුනි. එහෙත් ඒ වගක් මා පසුවවත් ඇයට කියන්නට ගියේ නැත.

මල්ලි මේ ළඟද? විතාරණ මහත්තයගේ ගෝලයෙක්ද?

ඔව් අක්කෙ මං මේ ලග බෝඩ් වෙල ඉන්නෙ අපේ සර් තමයි විතාරණ කියන්නෙ..

මේ හරිය පුරුදු නෑ වගේ නේද??

ඔව් මං මේ වගේ තැනකට යනවමයි වගේ....අපේ බෝඩිමත් මීට වඩා පොඩියයි හොඳ..

 යැයි කියා මා ෂේප් උනෙමි..

අපි ගමනාන්තයට ලඟා වුනෙමි. එවන් කර්කශ මුඩුක්කු වීදියකට නොගැලපෙන ගෙයකි. තට්ටු දෙකකි. සාමාන්‍ය නිවසක කාමර දෙකක වපසරියෙන් ඒ තට්ටු ගෙදර එක් තට්ටුවක් සමන්විත විය. මාද අල්මාරිය බෑමට උදව් විය. රියදුරු තැනද උදව් විය. කිනම් හෝ හේතුවක් නිසා අක්කා බඩු බෑව ගමන් රියදුරු මහතාට ගාන දී ඔහු පිටත් කල අතර මා හට ස්වල්ප වෙලාවක් ඉන්ට යයි කියන ලදී.  මාද ඇති වැඩක්ද නැති වැඩක්ද නැති එකෙක්වූ හෙයින් නැවතුනි. කලින් වතාවේ සිද්දවූ යකඩ හොරකම නිසා මා කන්තෝරුවට වැඩිය මනාප නොවීය. එනිසාම මා පාර අලුත්වැඩියා කරන ජොබ් එකකට ජොයින් විය.ඒ වැඩ කරමින්  සිටින විටය මට මේ නව කොන්තරාත්තුව පංගරාත්තු වූයේ. 

  කවින්දි අක්කාට ලස්සන ඇස් දෙකක් විය.ඒ ඇස් දෙකට ලස්සන සරීරයක් මීට කලකට පෙර තිබෙන්නට ඇත. තේවතුර ටිකක්බී ඇය ගෙනත් දුන් බිස්කට් එකක්  කමින් මා අක්කාගේ කතාව අසා ගතිමි. ඇගේ සැමියා මැරයෙකි. ඇය දැන් ඉන්නේ අතන මෙතන කන්තෝරුවල අයින් කරන බඩු විකිනීම..ආදී කුනු ක්ෂේත්‍රයට සම්බන්ධ වැඩවලය. අපේ මහත්තයා වන විතාරන උන්නැහේටත් මේ ගනුදෙනුව හරහා ගානක් යන්නට ඇත. කුණු අතර අපේ රටේ ටිකක් වැදගත් කුණු ජාති තිබේ. කොම්පියුටර කෑලි, සර්කිට් කෑලි ඊයම් වලට උනු කරයි. යකඩ ටික පරණ යකඩ කාරයින්ට දෙයි. මෙවන් පරණ පෙට්ටගම්, ලිබඩු උලුවහු ආදිය පරණ ඇන්ටික් ලෝලින්ට දෙයි. ඒවා එකතු කරන්නට විශේෂ අය සිටී.

     අයිය ඉද්දි මේව හරියට නැගල ගියා. එයා මේ බිස්නස් අස්සෙ වෙන ඒවත් කරන්න ගියෙ නැත්තං අපිට කාල ඇඳල ලමයෙක් හදං ඉන්න තිබුන. වෙලාවට ලමය නැති උනේ නැත්තං ඌටත් මේ නරාවලම අයිති වෙයි. නැතිඋනේ ඉපදිලා නෙමෙ. මැරිලමයි ඉපදුනේ.ඒ කවින්දි අක්කාය...

          ඒ කරන සුලු රැකියාවලට අමතරව ඇය වෙනත් කුමක් කලාදැයි මා නොදනී. වැඩිපුර එක එක දේවල් පස්සේ පැන්නීම හොඳ නැත.ඒ දේවල් හෙව්වාය දැනගත්තාය කියා සමාජය වෙනස් නොවන බව මා අත්දැකීමෙන්ම දැන සිටියෙමි.  අක්කා මාර ෆිට් බඩුවකි. මා ඇයට ආශා කලාය. ලක්ෂණ රූපයෙන් අඩු වුවත් ඇය සතුව බොක්කක් තිබුනි. ආදරයේ බීජ හොඳින් පැලකල හැකි සාරවත් බොක්කක් ඇයට විය. ඇගේ කටහඩ ලයාන්විත ගතියකින් හෙබිය. නමුත් ඇයටත් ඇත්තේ මුඩුක්කු පාරිභාෂිකයකි. එහෙත් ඇගේ කතාවිලාශයේ ඇති කෝමල බවට නම් අබමල් රේණුවක වත් හානියක් නොවී තිබුනි. මා හෙන පැණියාය එකල. එයටද හේතු තිබේ. ඇසින් දකින්නට කටින් කතාකරන්නට සිටි මගේ පියම්බිකාවන් දෙදෙනාම මා හැරගොස් සිටියේය. තනිකම මට සැරට දැනෙන්නට විය. ෆිල්ම් බැලිල්ල පේස්බුක් යෑම, පිස්සු කෙලීම තනිකම තවත් වැඩිකරන්නට හේතුවිය. ෆේස්බුකියේ මගේ යාලුවො බඳිති කෙල්ලො සමග පොටෝ දාති. ෆිල්ම් බලන විට ඒවායේ කපල් පිවිතුරු නිකලැල් ආලය විඳිති, අවට පාරේ යන විට ඇඹරෙමින් වෙලෙමින් කපල් යයි. මේ ඩබල් ඩබල් පේන ලෝකේ මා විතර එක පලුවක් තියාගෙන තවත් පලුවක් නැති කමින් විඳින එකෙක් බව මට තේරුණි. බොහෝ මා ගිය ෆිල්ම් හෝල්වල නාට්‍ය බැලීම්වල තනිව පැමිනෙන්නේ මැදිවිය ඉක්මවූ නාකි වියට කිස්ටු පිරිමි අයය. මාද ඒ ගොඩේම විය. කාවින්දි අක්කා කැත වුවත් මා ඇයටම ඇලුනේ ඒ නිසා වන්නට ඇත.

    ගැහැනියකගේ මුහුන සරීරය අපේ ඇස පිනවන පරිමාණයට නැතිවීම කැත යැයි මැනීමට හේතුවකි. මා ඉගනගන්නා කල ඉංගිරිසි උගැන්මට යැයි සිතා ඉංගිරිසි පත්තර බලන අතර රූපරාජිනී තරඟ වලට ගෑනු ලමයි සොයන දැන්වීමක් දිටිමි. පියයුරු සයිස් එක, ඉනේ සයිස් එක, වයස, අවිවාහක බව ආදී දේවල් මිමි සහිතව තිබුනි. මා ආසා කරන යෝධ පියයුරු සහිත ගෑනුන්ට කවදාවත් රූප රාජිනියන් ලෙස පත්විය නොහැකි බව මට වැටහුනි. මට ඇතිවුනේ ඒ තරඟ ගැන තරහකි. 

   අපි අතින් අතපත ගාන...ඇසින් දකින..කනින් අහන සියල්ල සෙන්ටර් වන්නේ මොලයටයි. සමහර තොරොම්බල් කරත්ත මෙන් ලස්සන සුන්දර යුවතියන් දකින විට ඔවුන් යාලුවෙලා සිටි කොල්ලන්ට බූට් තබා ඇති කුරිරු ආකාරය අපිට ඇසේ නම් අපි කෙලෙසින්වත් ඔවුන්ට රාග ආශාවෙන් සිටිනවා විනා ගෙදර ගෙනියන්න බලාගෙන ප්‍රේම කරන්නේ නැත. ඇය දකිනවිට ඇගේ ගැන මගේ මනසේ ඇති දත්ත කිනම් අයුරු වෙයිද යන කාරණය බොහෝ වැඩිදුර ප්‍රේම කතා වල සිදුවෙයි. සමහරෙක් තමා ගැන පෙම්වතා හෝ පෙම්වතිය සිතාගෙන සිටින්නේ යම්සේද ඒ ආකාරයෙන්ම ඔවුන් ජීවිත වෙනස් කරගනී. එනම් යම් අයෙකු කැමති ගෙදර කැමට නොවේනම්ද එලියට ගොස් කෑමට කැමති නම්ද..විවාහෙයෙන් පසුව සමහරෙක් සිය සැමියාගේහෝ බිරිඳගේ කැමැත්තද තමාගේම කරගනිති.

 මට වී තිබුනේ එසේ නැවීමට ඇති අකමැත්තයි.ආලය කල කාලයේ බීච් හෝ සිනමා පට බලන්නට යන මා, කජු කෑමට කැමති නම් මා කජු මිලදී ගෙන කජු කෑමට අකමැති ගර්ල් ෆෙන්ඩ්ට මා විසින් කඩල මුලක් අරන් දෙමි. එහෙත් ඇය සිතන්නේ එක්කෝ ඇයද කජු වලට එකතු විය යුතුය. නැත්නම් මාද ඇයගේ කඩල මුලට එකතු විය යුතුය යන අදහසයි.. කාවින්දි අක්කා සමඟ ඇති සම්බන්ධය දුරදිග ගියේය. එය දුරදිග යන්නේ නැතිනම් කතාවක්ද නැතිවෙන නිසා එය දුරදිග යා යුතුමය..

            එහෙත් සැක්ස් හෙවත් සැක්ස් ලෙස දකින සැර ජිම්නාස්ටික් එහෙ තිබුනේ නැත. මට ඇයව අවැසි වගේ ගතියක් විය. ඇගේ නම්බරය ගෙන හෙමෙන් ඩයල් කර වතාවක් කට් කලේය. ඉන් පසු දිනක සැඳෑවක යලිත් එය සිදුවිය. පසුව අක්කා විසින්ම මට කෝල් කරන ලදී. අපි හමුවුනෙමු. එහෙත් කාමරයක නොවේ. ඔහේ අපේ කතාන්දර හුවමාරු කරගනිමු. එහි යම් බැඳීමක් ඇත. ඇයට ඇගේ ලෝකේ කිසිවකු නොවන මා වටින්නේ ඇයට ඇගේ මුඩුක්කුව. බිස්නස් එක ආදි සියලු දේ කියත හැකි නිසාය. 

මගේ කන්තෝරුව ගැනත් මට සියල්ල නොවලහා ඇයට කිය හැක්කේ කන්තෝරුවේ අපේ  විතාරණ ලොක්කා හැර කිසිවෙකු ඇය විසින් නොදන්නා නිසාය....ඒ චරිත දැන් ඇයටද මතකය. කන්තෝරුවේ තේ බොන විට වෙන කතා වල චරිත දැන් ඇයට මතකය. මගේ යටතේ වැඩකරන උන්ගේ ළමයි ගැන පවා දන්නේය. වැඩකරන උන් මාව ෂේප් කරගන්නට උංගේ ගෙවල්වල දේවල්ද කියති. සියලු කුනු යන බොක්ක සේ මා නිසලව සිටින මුත් මා හට ඒවා මතකය. එහෙත් වැඩිපුර උන් කරට ගැනීමෙන් මගේ ඔලුව පතුරු යා හැකි බැවින් මා නිසලව සිටිමි. ඒ විස්තරද මා අක්කා සමඟ කියමි. රේඩියෝ එකට ටීවි එකට වඩා එහා ගිය දෙපැත්තටම කතා කල හැකි වස්තුවක් නිසා ආලකතා නම් වැදගත් විනෝදාංශයකි. ආතතිය නැති කරගැන්මේ මඟකි..

 ඉතින් අපි සිටිතැන කාපු බීපු දේවල් ආදිය බලන කෙනාට ඕනි නැති නිසා ඒවා ලිව්වේ නැත.. 

(මෙය කලින් කතාවේ දෙවන කොටස වන අතර තුන්වෙන කොටසක්ද බාගදා තියෙන්නට පුලුවන..)

හොරා දකිමු.

කැබ් එකකි එහි චරිත තුනකි. එකෙක් මාය. මා බාගෙට නිදිය අනික් දෙන්නා කතාවය. බලන්න මුං ගහන ගැහිල්ලෙ හැටියට රට ඉතිරි වුනොත් තමයි පුදුමෙ...නැව් ගනන් නේ ගහන්නෙ. කොච්චර කුමන්ත්‍රණ කාරය උනත් අර රනිලය ඔහොම නෑ..ඒත් ඌත් දැන් වැඩක් නෑ. මේ පටන් ගන්නේ මා විසි තිස් වතාවක් හොඳින් අසා ඇති දේශපාලන සංවාදයකි..

මේ ඉදිරිපස අසුනේ යන්නේ මගේම සහෝදර පරීක්ෂකවරයෙක් සහ තවත් අපේ රියදුරු මහතෙකි..

බලන්න මේ කලර් ලයිට් එක මහත්තය. මේකෙ මේ පැත්තට යන්න දෙන්නෙ තප්පර දහයයි. මොකා මේව දානවද දන් නෑනෙ. ඒකට ඩුබයි වල හෙම. සුටුස් ගාල යත හැකි නේ. මේ වාහෙන පෝලිම වැරදියට තියෙන්නෙ මේ කලර් ලයිට් හින්ද තමයි. හැමතැනම ට්‍රැෆික් නේ..

රියදුරු කියවයි. තව ස්වල්ප වේලාවකින් අපේ අනෙකා ඒ කලර් ලයිට් වැරැද්දටත් මහින්ද හෝ රනිල් පංගරාත්තු කරයි. ඒකත් අර මන්දිරයක සිටින කෙනෙකුගේම එකවුන්ට එකට යයි. 

මා උසස් අධ්‍යාපනය  ඉගනගන්නා කාලයේ ඔය කලර් ලයිට් සවිකරන හංදිවල වාහන සමීක්ෂන කරන්නට වරක් ලැබුනි. එවිට අපිට මැසිමක් දෙයි. ත්‍රිවිල් එකක් ගියොත් ඒ මැසිමේ ත්‍රිවිල් එකක් අලවා ඇති බටන් එක එබිය යුතුය. මංසන්දියක ඇති සියලුම පාරවල් වලට මේ ආකාර මැසින් දී කොල්ලන් යොමුකර උන්ට වාඩි වෙන්නට පුටු සහ හිසට කුඩ දෙයි. ඉතින් වාහන ඇසිපිය නොහෙලා ගනන් කල යුතුය. එවක ඒකට පැය හයට රුපියල් අටසීයකි. එවන් විටක පවා ගනන් කරන වැඩය හරියට කරන්නේ එහෙමත් එකෙකි. එකෙක් කෙල්ලාට කෝල් කරයි. තව එකෙක් ළඟ හෝටලේක සිගරට් බොයි. තව එකෙක් වාඩි වී නිදි කිරමින් සිට නින්දෙන් අවධි වී  එකපාර බොරුවට බටන් ටිකක් ඔබ ඔබාගෙන යයි. එදවස අපිට සැලකිය යුතු ගානක් ඒමගින් අතට ලැබුනි. එහෙත් අපේ උන්දැලෑ වැඩේ කල සැටි මාද හොදින්ම දැන සිටියෙමි. දැන් ඒ වැනි සමීක්ෂණ මත පදනම්ව  සැදු කලර් ලයිට් පත්තු වන්නේ යන වාහන ගණනට නොවේ..අර සමීක්ෂණ තැබූ හොර කොල්ලන් එබූ වැරිදි කැල්කියුලේෂන් ඇනුවය....

එකවර වාහනය වලක වැටුනි. දැන් අර ඩුබයි සිට ඇවිත් දේශපාලන පන්දමකින් රැකියාව ගත් බුවා ආයිත් ආන්ඩුවටම බනියි. බලන්න ආන්ඩුව මේව බැලන්ස් කරන්නෙවත් නෑ. තව ටිකක් වේගෙන් ආවනං අපි ඇම්බ්‍රෙල්ල පවුඩර් වෙලාම යනවා. ඒ කියන්නේ මෑන් හෝල් එකක් හෝ එවැනි යමක් ගැන විය යුතුය. මාර්ග වල වැඩ කරන විට සිමෙන්ති මිශ්‍රණ කොන්ක්‍රිට් මිශ්‍රණ දැමිය යුත්තේ සිමෙන්ති වැලි ගල් 1:2:4 අනුපාතයෙනි. නමුත් වැලි ගොඩාක් අනවශ්‍ය ලෙස දමා මෙවැනි මාර්ග වල ඇති මෑන් හෝල් හෑන්ඩ් හෝල් සහ වෙනත් ඉදිකිරීම් කරනු මා කොෙතකුත් දැක ඇත. ඉගෙන ගෙන ඇති අයුරින් 1:2:4 යනු ප්‍රාථමික මට්ටමේ මිශ්‍රණයක් වුවත් එයවත් පාවිච්චි නොකරන අවස්ථා දැක මා මුල් කාලයේ පුදුමයට පත්විය. නමුත් පසුව එය ඉබේම සාධාරනී කරණය විය. පසුගිය දිනෙක මා කොළඹ ඇවිදින අතර පාර අයිනේ විසල් නාමපුවරු සවිකිරීමට කොන්ක්‍රිට් අනනු දිටිමි. තාප්ප සිමෙන්ති කැබලි, ඇහිඳගත් ගල්කෑලි පාරේ වැලි යන දේවල් වලට සිමෙන්ති යොදා වතුර දමා මිශ්‍ර කොට එය අර කණුව සිටවන මුලට දමයි. එය හරියට කෙරේදැයි බලන්නට ද එකෙක් සිටියේය. ඒ බෝඩ් එක සිටුවා ඇති කණුවට එකෙක් හේත්තු වුවහොත් එය කෙළින් තිබේදැයි මා හට නම් කිසිම සුවර් එකක් නැත. ඕනෑම ගල් ප්‍රමාණයක් වැලි ප්‍රමාණයක් සහ සිමෙන්ති ස්වල්පයක් එක්කල පමණින් එය කොන්ක්‍රිට් නොවෙන බව මිනිස්සු දනිති. මේ වැඩකරන බොහෝ මිනිසුන් තමුන්ගේ ගෙවල් හදන විට ලොකුවට සරුවට කොන්ක්‍රිට් දමති. නමුත් කොම්පැනි වැඩ ආන්ඩුවේ වැඩ කරන්නේ නමට පමණි..

මා රැකියාවට ගිය දවස්වල අප ආයතනයේ ආයතන ක්‍රමය ගැන පොඩි පහේ ලෙක්චර දුන් ගුරෙක් විය.ඒ කල මට ඌව පොරකි. එහෙත් මේ ලඟදී රාත්‍රියක මීටිමක් අවසන...මා සමඟ ලිෆ්ට් එකේ එන ඔහුගේ මල්ල යන්තමින් ඇරී තිබුනි. එකල ආයතනයේ කොළයක් පවා ඉවත ගෙනයෑම මනුෂ්‍යකමට සහ නිලයට නිගාවක් ලෙස දැක්වූ එතුමාෙග් බාගෙට ඇරුනු ලැප්ටප් බෑගයේ පොටෝකොපි කොල බන්ඩලයකි. එනම් ෂීට් පන්සියයක පැක් එකකි.මේ රාත්‍රි වෙලාවෙ කන්තෝරුවේ කිසිවෙක් නැති නිසා සහ සිකුරිටි එකෙන්මේ හදිසියේ ලැප් බෑගය චෙක් නොකරන නිසා ඒ ලැප්ටප් බෑගය තුල පොටෝකොපි කොල රොත්තක් යයි. මින් පෙරද තඩි බයෝලොජි පොතක්මේ පොරගේ උවමනාව පිණිස පොටෝකොපි වෙනු මා දැනගත්තේ ඒ වැඩෙන් හෙම්බත්වී සිටි කාර්යාල සහායකයකුගෙනි...

   කන්තෝරුවේ දිනක් හෙන කතාවකි. එනම් උත්සව කාලේ බස් වල යෑම ගැනය. ඒ කෑම කන වෙලාවය. පෝලිම් වල සිට පෝලිම් පනින අයත් පිරුණු බස් රියට නැග පසුව බැස පෝලිමේ මුලින් සිටින අයත් මා විවේචනය කලෙමි. එතැන සිටි බොහෝ දෙනාද එය අනුමත නොකරන ලදී. ඒ අතර තලැත්තෑනි ලොකු මහත්තයා එකක් කාමරයට ආවේය. ඇවිත් සිනාසෙන ගමන්. හෙහ් හෙහ්..මාත් අවුරුදු දවස්වල එහෙමයි...නැත්තං වරුවකට බස් එකක සීට් එකක් අල්ලගන්න ඇහැක..නැගල බස් එකෙන් .බැහැල නිකම් හිටියට හරියන්නෙ නෑ පෝලිම් පනින උන්ටයි අරවගේ පස්සෙ බහින උන්ටයි බනින්නත් ඕනි..හේ හේ..යැයි සිනාසුනි..අපි සියල්ල තුස්නිම්බූත වී කෑම කා මාරු වී ආවෙමු...

ඒ අතර මාගේ ගර්ල් පෙන් ලා දෙන්නාම මට නොසිතූ අවස්ථාවක මට අහිමි විය.. බයික් එකක් ගන්නා අදහසින් මා දිනක් යකඩ ටිකක් වික්කේය. මෙතෙක් කල් නොකල දෙයක් වුවත් කලේය. වැඩේ මාට්ටු විය. ඇදේට යන සතුන් ඇදේට යන්නත් කෙළින් යන සතුන් කෙලින් යන්නත් ප්ලැන් කර ඇත. මා සිතුවේ මටත් ඇදේට යන්ට ඇහැකිය කියලාය. කන්තෝරුවේ සිටිය උන් අයියෝ ඔයා මෙච්චර කල් ඉඳලත් තාම බයික් එකක්වත් ගත්තෙ නෑනෙ..කොහෙද ඔයාගෙ සීලෙ වැඩියි නේ..ඔය යකඩ ඔක්කොම දාන්න ඕනි නෑ බං..වෙස්සන්තර රජතුමා සයිට් එක බැලුවත් ජූජක බමුනට ඔය යකඩ ටිකක් දීල දාන පාරමිතාව හරි වැඩිකරගන්නවා..යැයි මිතුරන් කීය...

මට මගේ ගර්ල් පෙන් ලා කිව් දේවල්ද මතක් විය. ඔයා නං හරියන්නෙ නෑ හලෝ..දැන් ඔයාම කියන්නෙ හිටපු ගමන්,, ඔයත් එක්ක අවුට් වෙච්චි අය අච්චර ගන්නවා මෙච්චර ගන්නවා කියලා..ඒත් ඔයා ලෝකෙට නීතිය උගන්වන්න යනවා.. අඩු තරමෙ මරුතියක් වත් ගන්න ඔයාට කිසිම අයිඩියා එකක් නෑනෙ..ඒ එකියකි

මේ ගෙයක් හදාගන්න මොනාහරි කරන්න වෙයි. අපෙ අම්මල නං කැමති වෙයිද දන් නෑ...ඔයාට කොච්චර ගත්තත් මදිනේ..බොන්නෙත් නෑ..ඒත් ඉතුරුවකුත් නෑ...ඒ අනික් ගමේ සිටි පෙම්වතියයි..ඔවුන් දෙදෙනාට මගේ ප්‍රෝග්‍රෙස් එක හෙවත් මගේ දියුණුව මදි විය...

මාද සොරකම්උගත යුතු යැයි තේරුෙන් සොරකම් නොකරන බයියෙක් ලෙස මා සෙට් එක අතර කොණටම තල්ලුවූ  හෙයිනි. එහෙත් අසුවූ සොරකම අවසානයේ  නොසිතූ ලෙස මට සමාව ලැබුනේ මීට පෙර වැරදි නොකර තිබු නිසාය... එහෙත් තවමත් කාර්යාලය වටේම. මා හොරෙකි...සමාරවි ගෑනු මිසිලා මාව පාරේ දුටුවිට ආන්න යකඩ හොරා යැයි මා පෙන්නවා ඇත..එහෙත් ඒ මිසිලා කයි ගගහා මෝස්තර කරමින් කන්තෝරු වෙලාව තුල කරන කාලය සොරකම සොරකමක් නොවේ...එසේම මගේ සම නිලවල සිටින අයත් ආන් හොරා යැයි කියනවා ඇත. ඔවුන් හොරුන් ලෙසම ප්‍රසිද්ධ නිසා ඔවුන්ට හොරා යන නම දැමිය නොහැක. මා ඉගැන්වීමට ම උපන්නමි..ඒ ටියුසන් පෝස්ටරයකි..හොරකමටම උපන් ඔවුන් හොරකම් කිරීම අලුත් දෙයක් නොවේ..නුපුරුදු මා පුරුදු වන්නට ගොස් අසුවූ බැවින් මා සොරෙකි..

(මෙය මගේ මිතුරකුට වූ සත්‍ය සිදුවීමක තීන්ත ගා කරනු ලබන පොඩි ඉදිරිපත් කිරීමකි..)

මුස්ලිම් අය එලවන්නෙ ඕනි ඇයි?

මා පසුගිය දිනෙක කෝච්චිය මග ඇරී පාරේ එයි..මා බස් රියේ එනවිට නවාතැනට එන්නට තරමක කන්දක් තරණය කල යුතුය.. කන්ද මුදුනට මා ආ කල හති දාගෙන බයිසිකල් කරුවෙක් මට නැවැත්වුයේය. මා හට නඟින්න යැයි සන් කලේය.. ඉන් පසු ඔහුගේ බයිසිකලේ පොල්ලේ නැඟී මා කඳු බෑවුම පහසුවෙන්ම තරණය කලෙමි. ඔහු මුස්ලිම් ජාතිකයෙකි. ඒ එන විනාඩියට ඔහු කන්ද තරණය කිරීමට ගත් වෙහෙසේ ඉතිරි වූ හරියට හරියන්නට හති අරින ලදී. ඔහුත් මෙවැනිව පාරේ සමාර දිනවල පයිං යන බවත් මා සිටින්නේ අලුත් තැනකද ආදී වගත් මගෙන් ඇසීය.. ඔහු කවුදැයි මා නොදනී. නමුත් ඔහු හිත හොඳ මුස්ලිම් ජාතිකයෙකි..
මගේ කාර්යාලයේ අපේ කන්තෝරු සහායකයා මුස්ලිම් ජාතිකයෙකි. ඔහු භක්තිමක් මුස්ලිම් භක්තිකයෙකි. ආගමානුකූලව ජීවත් වෙයි. එහෙත් අපිට කිසිම අවුලක් නැත. වෙසක් දිනවලදී අප වැරදිලා ඔහුට වෙසක් කූඩු ගේනනට කිව්වේය. එය ඔහු ඇඹරෙමින් ප්‍රතික්ෂේප කලේය. එවන් වැඩ හැර අපේ බොස්ලාගේ බැංකු කටයුතු පවා ඒ මුස්ලිම් තැනැත්තා හොඳින් කරදෙයි. රුපියල් ලක්ෂයක් වුව කිසිදු අවිශ්වාසයෙකින් තොරව අතට දී යමක් රැගෙන එන්නයැයි කිව හැකි මට්ටමේ කෙනෙකි. ඔහුට වැඩ අධික දිනෙක මට වැඩක් නොමැති වුවොත් මාද ගොස් උදව් කරමි. මාගේ සමීප ඥාතියෙකුගේ මරණ ගෙදර කිලෝමීටර දෙසීය ගණනක් ගෙවා ඒ මනුෂ්‍යයා ආවේ මා සේවයට පැමිණ මාස තුනක් යන්නටත් ප්‍රථම අවධියකදීය. මල ගෙවල් වල යෑම. ළමයි ඉපදුනුවිට බලන්නට යෑම..මගුල් ගෙවල් වල යෑම ගෙට් ටුගෙදර් වලට සහභාගී වීම ආදි සියලු දේ ඒ පුද්ගලයා අපි හා සමව කරයි..කථාකරන විට පොඩියක් කාල භේදය නිතරම වරද්දාගන්නා ඔහු ෆයිල් එක ගෙනගොස් තැබුවාට බොහෝ විට කියන්නෙ ෆයිල් එක එතන තියනවා කියලාය.. අප විසින් ඉල්ලන ලදුව කෝරාණය ආශ්‍රිත ග්‍රන්ථ කීපයක්ද ඔහු විසින් ගෙනත් දෙනු ලැබීය..
මා ඉගෙනගන්නා කාලයේ මා සමඟ පාසැල් අවධියේ පටන්මු මුස්ලිම් මිතුරෝ සිටියහ..ඔවුන් අදත් සමහරෙක් මගේ මනුපොතෙහි ඇත. ඔවුන් සමඟ කොකු වලි ඇති වී ඇතිමුත් ජාතිමය හේතුන් මත අපි කොකු දාගත් අවස්ථා ඇත්තේම නැතිවා මෙනි. 

මේ වැනි පොර ටෝක් දැන් තැන තැන සයිබර අවකාශය පුරා විසිරී පැතිරී යයි. කලෙක ලාංකිකයො කුලප්පු වී ජාතිවාදි කෝලහාල ඇතිකර ගත්තෝය. බොහෝවිට අදටත් ඒවායින් පීඩා විඳින්නේ කොළඹ හතේ හෝ ඈත ගම් දනව් වල සිට යමක් කමක් ලැබි අන්තර්ජාල ගත වී ෆේස්බුක්  හෝ වෙනත් ක්‍රම වලින් ජාතිවාදය වපුරන්නන් නොවේ. එල් ටී ටී ඊ ඩයස්පෝරාවේ හෝ එහි අනුබද්ධ ආයතන වල ලොක්කන් අද යුරෝපිය කැනඩා රටවල සැප විඳිති. හිටපුගමන් ඇඟපත හිරි ඇරගන්නට සද්දයක් දමති. නමුත් ඔවුන් විසින් අනාථ කල ලක්ෂ ගණනක ජනතාවත් තවමත් උතුරු පලාතේ ටකරං කොළ දෙකක් යට ආන්ඩුවේ සහනාධාරය එනතෙක් මගබලා සිටී. දකුනේද එසේය. රැකියාවක් නොමැති කල ආන්ඩුව විසින් දමන ලද ජාතිමාමක ඇඩ්වර්ටයිසිං වලට යට වී කොල්ලෝ හමුදාවට ගියහ..එයින් දහස් ගණනක් මිය පරලොව ගිය අතර පිරිසක් සදාකාලික අබ්බාගාත මට්ටමට පත්විය. නමුත් එදා ජාතිවාදය අවුලුවා දෙමලා අපි ගිලින්න හදනෝ යැයි කෑ මොර දුන් ඈයෝ සමහරක් අද එල් ටී ටී ඊ යේ සිටි අය සමඟ පාටි වල නටති. කති බොති ප්‍රීති වෙති. නමුත් කුරුණෑගල හම්බන්තොට පැතිවල දෙමාපියෝ මිනියවත් නොදැක මිය පරලොව ගිය සිය පුතු සිහිනෙන් වත් දකීදෝ යැයි සිතින් දුක් වෙති. කුඩා දරුවෝ සිය පියා කිසිදා නොදැක ඡායාරුපයකින් පමණක් දකිති..වලි අවුලවන්නේ කස්ටියකි. ගුටි කෙලගන්නේ කුලියට ගත් දුප්පත් හමුදා හෝ ත්‍රස්ථවාදී සාමාජිකයින්ය. වලි අවුලන අයට ආයුධ ගනුදෙනු..විවිධ කොමිස්, සම්තින් හරහා වාසි ලැබේ. එහෙත් අර අවසානයේ යුදබිමට යන ඉත්තන්ට අත් වන්නෙ ඔවුන් ගේ නායකයින් පෙන්නවන පැත්තට වෙඩි තබා ඉදිරියෙන් එන වෙඩිල්ලක් වෙතොත් එයට බිලි වීමටය..

මුස්ලිම් ව්‍යාපාර වර්ජනය ප්‍රායෝගිකද.. .
 අලුත්ම මෝස්තරයක් වීගෙන එන්නේ මුස්ලිම් ව්‍යාපාර වර්ජනයයි. අපි එවිට හංදියේ ඇති මුස්ලිම් පෙට්ටි කඩයක් වන රාසික් හෝටලයෙන් කෑම නවැත්වා සිරිපාල හෝටලයෙන් කෑම ගත්තා යැයි සිතමු..ඔන්න අපි දැන් බත් එකක් අරගෙන කමු..එවිට ඒ බත් එකට පරිප්පු ලැබේ. වේලිච්ච මිරිස් සහ කරවල ලැබේ..ලංකාවේ අත්‍යාවශ්‍ය ද්‍රව්‍ය ආනයනය කරන බොහෝ තොග වෙලෙන්දන් මුස්ලිම් ව්‍යාපාරිකයින්ය. ඔවුන් හාල් සීනි පිටි පරිප්පු ලංකාවට ගෙන්වන්නෝ වෙති. අවසානයේ ඇති රාසික් හෝටලයේ කෑම නොකා සිරිපාල හෝටලයට අපි කෑමට ගියාට ඒ හෝටල දෙකටම වියලි ආහාර ද්‍රව්‍ය තොග පිටින් ලැබෙන්නේ මුස්ලිම් ව්‍යාපාරිකයින් නිසාය. වෙළඳාම යනු කර්මාන්තයකි. එහි ශූර පුද්ගලයෝ වෙනමම සිටිති. ලංකාව වැනි සංකීර්ණ සමාජ ක්‍රමයක් තුල වෙළඳාම් කිරීම ලේසි පාසු දෙයක් නොවේ. ඔබට කෙතරම් මුදල් තිබුනත් මෙහි බිස්නස් කරනවා යනු අතුරේ යන්නා වැනි වැඩකි. ඒ වැඩකටයුතු වලට මුස්ලිම් අය දක්ෂය.. ඉතින් එය ඔවුන් විසින් කරයි.. මා එහි වරදක් දකින්නේ නැත... ඇඳුම් පරිඝනක, විදුලි උපකරණ ආදි බොහෝ දේ සාමාන්‍යන් ලාබෙට පිටරටින් ගෙන්වා ගැන්මට මුස්ලිම් ව්‍යාපාරිකයෝ සමර්ථයෝ වෙති. සිංගර් ආයතනයේ රුපියල් හැටදාහක් වන පරිඝනකය යුනිටි ප්ලාසා හි රුපියල් හතලිස් දාහට ගත හැකි වන්නේ එහෙයිනි. සමාරවිට සිංගර් මිලදී ගන්නෙත් යුනිටියෙන්ම විය හැක. නැතහොත් ඔවුන් පිටරට අර යුනිටියෙට බඩු ගෙන්වන තැනින්ම ගෙනත් විසිදාහක මාජින් එකක් තබා විකුණනවා විය හැක. අපි අවසානයේ රෙදි ගන්නා රෙදි කඩය, පරිඝනක කඩය, සිල්ලර කඩය සිංහල වූවාට ඒ තැන්වලට බඩු ලැබෙන තොග ව්‍යාපාරිකයෝ මුස්ලිම් අය වෙති. එවිට අර මුස්ලිම් ව්‍යාපාර වලට මෙව්වා කර ආතල් එකක් ගැනීමේ ගොංපාට් එක නැතිව යනවා බව ඔබට පේනවා ඇත..

සිංහල බොදු අන්තවාදයක් ඇත්තේම නැතිද?.

  බෞද්ධ ජනතාව ලෙස අපි කලක පටන්ම ගම සහ පන්සල එකට ගියෙමු..පන්සල අපිට විශේෂ බැඳීමකි. නමුත් අලුතින් පැමිණි අසපු විසින් දැන් දැන් ගම සහ පන්සල වෙන්කරමින් යති. ඉස්සර ආරණ්‍ය සේනාසන වලට පවා විසාල සෙනඟකට හැසිරෙන්ට දුන්නේ සීමිත පරිදිය. ආරණ්‍යයකට යනවාට වඩා ජනතාව ගමේ පංසලට ලැදි විය. ඒ හරහා පන්සලෙන් සංවිධානය වූ විවිධ කටයුතු තිබුනි. දැං අපේ ජනතාව අසපු වලට ඇදෙති. තමුන් කුමක් පිණිස අසපු කරා යනවාදැයි නොදැන ඔහේ යන්නන් වාලේ යති. සමහර අසපු වලට යන අය අහන්නේ ඒ අසපු ස්වාමින් වහන්සේලාගේ බණ පමණි. බලන්නේ උන්වහන්සේලා ලියන බොදුපොත් පමණි. කරන්නේ කියන්නෙ ඒ ස්වාමින් වහන්සේලා දෙසන දේවල්ය...එය නිකම් එක්තරා නිකායික සම්ප්‍රදායක් ලෙස දැන් දැන් පවතී. අප විසින් මහත්සේ ගරු කොට සැලකිය යුතු බලංගොඩ ආනන්ද මෛත්‍රිය, රේරුකානේ චන්දවිමල ආදී මහ නාහිමි වරුන් විසි්න රචිත බෞද්ධ පොතපත මේ අසපු ජනතාව වැඩිය ආසා නොකරති. කොටින්ම සමහරකේ අසපුවෙන් පිට බණක් වත් අහන්නට කැමති නැත.. මා නම් සිතන්නේ මෙයද අන්තවාදයයි. ගමේ පන්සලේ යස අගේට සිල්ගන්නට තිබියදී තෙරපෙන්ට අසපු කරා යන්නේ කිනම් ධර්මයක් අනුවද? මේ යන බොහෝ අයටත් මුස්ලිම් විරොධ සහ බෞද්ධ ආගමට ඇති කුමන්ත්‍රණ ඇතිය යන මානසික රෝග ඇත. ඔවුන් නිතරම සිටින්නේ ක්‍රිස්තියානි අයත් මුස්ලිම් අයත් බෞද්ධ ආගම වනසන්ට හදනවාය කන්න හදනවාය යන ස්ථාවරයේය. තමුන්ට අනෙකා පෙනෙන්නේ සැමවිටම වෛර කරන අයකු ලෙසනම් එය විශේෂ මානසික ව්‍යාධියකි..
    බුදුන් පැහැදිලි ලෙසම වෛරය පිටුදැක ඇතිමුත් මේ සමහර අතිජාත බෞද්ධයින්ට වෛරය නම් හැරයෑම මේ සංසාරයේ දී නම් බැරිබව ඔවුන කිහිප දෙනෙකු සමඟ කතා බහ කොට ඇති මට වැටහේ..

මුස්ලිම් අන්තවාදය තිබේද ?

  අම්පාර කල්මුනේ ආදි පැතිවල නවතම අන්තවාදී ස්වරූපයකින් ඉස්ලාම් ආගම ගෙන යම් යම් ක්‍රියා සිදුවන බව දැන දැන ජාතික පුවත් පත් වලින් පවා ආරන්චි වෙයි. එසේම බොදු සිද්ධස්ථාන වලට හානි කරන අවස්ථාද පසුගිය කල විය.. ඉපැරණි බොදු සිද්ධස්ථාන වෙනස් කරමින් විකාර කෝලම් කරනවානම් ඒ ගැන බැලිය යුත්තේ පුරාවිද්‍යා දෙපාර්ථමේන්තුව සහ පොලිසියයි. එසේම මුස්ලිම් ලමුන්ට විද්‍යාව ගණිතය ඉංගිරිසි උගන්වන්නේ නැතිව අරාබි භාෂාව ඉස්ලාම් පමණක් උගන්වන්නේ නම් එය බලාගත යුත්තේ ලමාරක්ෂක අධිකාරිය, අධ්‍යාපන අමාත්‍යාංශය සහ එවන් ළමුන් ගැන සොයන ළමුන්ට වෙන අසාධාරන ගැන සොයන සංවිධාන වලිනි. නීතිය නම් මුස්ලිම්ය, සිංහලය, හෝ වෙනත් ජාතියක්ය කියා වෙනසක් නැතිය. යමෙක් ළමුන් බලෙන්මෙන් බන්දවාගෙන ඔවුන්ට ලැබෙන සාමාන්‍ය අධ්‍යාපනය නොදී වෙනත් දේ උගන්වයිද ඔහු වැරදි කරුවෙකි. එවන් දේ වලදී අපේ සිංහල ආන්ඩුව හැසිරෙන්නේ බීරි අලි මෙනි. ඒ මුස්ලිම් පැතිවල ඡන්ද කෑලි ටිකට කෙල හලමින් අපේ සිංහල බොදු මල්වට්ටි අරං පංසල් පෙරහැරේ යන අය නිශ්ශබ්ධව සිටිති. කොටින්ම ඒවා නොදැක්ක තාලෙට විපක්ෂය පවා සිටී.. යම් මුස්ලිම් කාන්ඩයක් මිනිසුන්ගේ සාමාන්‍ය ජනජිවිතයට එහා ගිය යම් යම් විෂම ක්‍රියාවන්හි නිරත වන්නේ නම් අප විසින් කල යුත්තේ ඔවුන වෙනුවෙන් නීතිය ක්‍රියාත්මක කරන්නට පොලිසියට, අන්ඩුවට, සහ වෙනත් ආයතන වලට බලකිරීමයි. එසෙ නොමැතිව වෙනත් ජාතිවාදි ආකල්ප අවුලුවා අපි විසින් කැති පොලු අරගෙන ගොස් කලහ කිරීම නොවේ. 

මර්ධනය බෞද්ධ පිලිවෙතක්ද?

  බෞද්ධ ජනතාවගේ ශාස්තෲවරයානෝ අප බුදුරජානන් වහන්සේය. උන් වහන්සේ වෛරය සහ අනෙක් හිංසා පීඩා කිසිලෙසකින්වත් අනුමත නොකලේය. අප රටේ ඉතිහාසය තුල යම් යම් භික්ෂූන් විසින් රට රැකීමට ක්‍රියා කර ඇති මුත් ඒ අයට වඩා අපි බෝ සෙයින් ගරු කොට යුත්තේ බුදුන් වහන්සේමය. බුදන්ට පසුව අපි ඒ මග ගොස් නිර්වාණය ශාක්ෂාත් කරගත් රහතුන් අනුගමනය කල යුතුව ඇත. එසේ නොමැතිව යම් යම් අය ඒ කාලානුරූපිව කරන ලද එක එක දේවල් අපි කිරීමට යෑම අපේ බොදු පිලිවෙත් පිරිහීමට හේතු වෙයි. දඩු මුගුරු රැගෙන යන බෞද්ධ උපාසක පිරිසක් පොලිසියටත් කුනුහබ්බ කියනවා යනු අපේ බෞද්ධ කමටම නිගාවකි. අපිට අල්ලපු ගෙදරකින් යම් කරදරයක් වෙනවා නම්. අපි කිව්වාට අහන්නේ නැති නම් අපි කල යුත්තේ..අල්ලපු ගෙදරින් ගහනවා කියා ඔවුන්ට පෙරලා පහර දීමවත්..අල්ලපු ගෙදර උන් වලි දානවා කියා පත්තරේ දැමීමවත්..එසේ නැතිනම් බෝඩ් අරං අල්ලපු ගෙදර ඉදිරිපිට උද්ඝෝෂණ කිරීමවත් නොවේ..පොලිසියට ගොස් එයින් හෝ නැතිනම් උසාවියෙන් තත්වය සමණය කරගැන්මයි. ඒ ලෙස නීතිමය කටයුතු වලටත් යම් බාධාවක් ඇතිවනවා නම් ඒ ගැන මහජනයා දුනුවත් කලාට කම් නැත. එහෙත් අද දකින බොහෝ මුස්ලිම් සිංහල සුලු සිද්දිවල පෙනී යන්නේ මිනිසුන් වැඩර්ලා වී දෙමල චිත්‍රපට රඟදක්වන්නට යන අවස්ථාය...ඒලෙස බුද්ධිමත්ව කටයුතු නොකිරීම අපේ රට මෙන්ම අපේ දූ පුතුන්ගේ හෙටදවස අඳුරු වීමට හේතු කාරනා වනු ඇත...

අපි කැස්බෑවන් නරඹමු (Let's visit Turtles)

කැස්බෑවගෙයි ඉබ්බගෙයි තියෙන වෙනස..

කැස්බෑවා ජීවත් වෙන්න මූදෙ ඉබ්බ ඉන්නෙ ගොඩ. මුං දෙකම අයිති උරග විශේෂ වලට තමයි. මේ ඉබ්බා අයිති කුලේ සත්තු බෝම පරණ ජාතියක්. කැස්බෑවත් මීට වසර මිලියන සිය ගානකට පෙර ගොඩබිම වාසය කරලා පසුව මුහුදට යන්න ඇති කියල විද්‍යාඥයින් අදහස් පල කරනවා. කැස්බෑවාට සාමාන්‍යන් වරල් තියෙනවා, ඉබ්බාට වරල් නෑ තියෙන්නෙ තඩි කකුල් හතරක් තමයි. අනික අනතුරකදී සියලුම අඩු පඬු සහ ඔලුව ඇතුලට ගන්නට ඉබ්බාට පුලුවං කම තියෙනවා. ඒත් කැස්බෑවාට එසේ එලියෙ තියෙන වරල් ගාත්‍රා වලිගය සහ ඔලුව වාගේ ඒවා ඇතුලට ගන්නට හැකියාවක් නෑ. තව දෙයක් තමය ඉබ්බා ඇවිදින විට ඉබ්බට පුලුවනි පස්ස බිම වදින්නෙ නැතුව සේප් එකේ ඇවිදින්න, නමුත් කැස්බෑවගේ පස්ස බිම වදිනවා. කැස්බෑවා මුලු ජිවිත කාලයම ගෙවන්නෙ මුහුදෙ. නමුත් ඉබ්බාට සැලකිය යුතු කාලෙයක් ගොඩ ජිවත් වෙන්නත් පුලුවනි. කැස්බෑවන්ගේ ගෑනු සතා විතරක් ගොඩ ඇවිත් බිත්තර දෑම සිදු කරනවා..

කැස්බෑවන්ගේ පරණ කතා..

කැස්බෑවන් සාමාන්‍යන් මීටර දෙකේ තුනේ සිට සෙන්ටිමීටර පාලහ දහය සයිස් වලිං පවා ඉන්නවා. නමුත් ලංකාවෙ මේ කුඩා කැස්බෑවන් දකින්න ලැබෙන්නෙ නෑ. ලංකාවෙදි කැස්බෑවුන් වර්ග හතරක් පමණ දකින්න පුලුවනි. අපි දැක්ක කැස්බෑවා නං දිගින් මීටරක් විතරත් පළලින් මීටර බාගයක් විතර වෙන එකෙක්. ඉබ්බන් කැස්බෑවන් බොහෝ කාලයක් ජීවත් වෙනවා. එක්දාස් අටසීය ගනන්වල අපේ මහා මුත්තා කෙනෙක් වෙච්චි චාල්ස් ඩාවින් උන්නැහේ මැඩගස්කර් පැත්තෙ දූපත් වල දැකපු ඉබ්බො සහ වෙනත් සතුන්  එයාට පරිණාමය වාදය විශ්ලේෂනයේදි උදව් වුනා..ඒ සතුන්ගෙන් ඒ චාල්ස් ඩාවින් උන්නැහේ දැකපු තඩි ඉබ්බොන්ගෙන් එක දෙකෙක් මේ විසි එක්වෙනි ශතවර්ශය දක්වාම ජීවත් වුනා කියල පොත පතේ සඳහන් වෙනවා. සාමාන්‍යන් කැස්බෑවෙක් අවුරුදු දෙසීයක් විතර ජීවත් වෙනවා. අතර මග අතුරු ආන්තරාවක් ජීවිතයට උනේ නැත්තං. මේ කැස්බෑවන් සහ ඉබ්බන් ජීවිත කාලෙ බොහොම දිගයි. වගේම තමයි එයාල පරිණාමිකවත් බොහොම පරණ අය අපේ මැරිල ගිය යොධ සත්ව විශේෂයක් වෙච්චි ඩයිනෝසෝරයිනගේ කාලෙත්(වසර මිලියන දෙසීයකට පෙරාතුව) ඉබ්බා, කැස්බෑවා සහ කිඹුලා ආදී උරග කුලේ සතුන් ජීවත් වෙන්න ඇති කියල තමයි ෆොසිල සාධක මගින් ස්වාභාවික විද්‍යාව හදාරන විද්‍යඥ මහත්වරුන්ගෙ අදහස වෙන්නෙ. මේ කැස්බෑවා කියන සතාත් බිත්තර තමයි දාන්නෙ. ඉබ්බා කිඹුලා සහ එයාලගෙ චූටි නෑයො වෙන හූනන් වගේ සත්තුත් බිත්තර තමයි දාන්නෙ.

කැස්බෑවන් සහ අපි..

අපේ රටෙත් යාල, රැකව සහ වෙනත් වෙරළ තීරයන් රාශියක කැස්බෑවන් බිත්තර දමනවා. මෙතනින් රැකව කියෙන තැන මං දන්නවා. එතනනං කැස්බෑවන්ට සෙතක් වෙන පාටක් තමයි තිබුනෙ. මාතර කඹුරුගමුව පොල්හේන පැත්තෙත් රෑට කැස්බෑවන් බිත්තර දාන්න එනවලු. නමුත් ඒ බිත්තර වලටයි කැස්බෑවන්ටයි යන කල දවස නං එච්චර හොද නෑ. ඉස්සර රැකව පැත්තෙත්(සංරක්ෂණ වැඩවලට පෙර)  මිනිස්සු කැස්බෑවා බිත්තර දාන්න වල හාරල බිත්තර දාන අවස්ථාවෙම කැස්බෑවියගේ පස්ස පැත්තෙ බිත්තර පෝට් එකට සොපින් බෑග් එක අල්ලල ලේසියෙන්ම බිත්තර එකතු කරනවලු.  කැස්බෑවන් සාමාන්‍යන් බිත්තර දෙතුන් සීයක් දානවා. ඒ වගේමයි එක සීසන් එකක් හෙවත් එක බිත්තර දාන කාල පරිච්චේදයකට ඔවුන් බිත්තර දෙතුන් දාහක් විතර වෙරලේ වලදාල යනවා. මේ බිත්තර දාන්න කාෙල ආවහම කැස්බෑවා සති දෙකෙන් දෙකට ඇවිත් බ්ත්තර ලෝඩ් එක හලල යනව කියල තමයි මං බලන්න ගිය රැකව හිටපු ගයිඩ් අයිය කෙනෙක් කිව්වෙ.

කැස්බෑවන්ට ඇති කේස්..

කැස්බෑවා කොයි තරම් සාගරවාසී උනත් කැස්බෑවා හුස්ම ගන්න සාගර ජලය මතුපිටට එන්න ඕනි. සාමාන්‍යන් ආහාර බහුල නොගැඹුරු මුහුදේම තමයි මේ කැස්බෑවන් ජීවත් වෙන්නෙ. ඉතිං මාලු අල්ලන දැල් වලට කැස්බෑවන් අහු වුනාම උන්ට පැය බාගයකට වතාවක් හුස්ම ගන්න වතුර මතුපිටට එන්න බැරි වෙනවා.

ඒකෙං වෙන්නෙ කැස්බෑව වතුර පෙවිල මැරෙන එක. ඔවුන් ලෝකෙ කොහ් ගියත් බිත්තර දාන්න එයාල පුරුදු තැන්වලටම යනවා කියල තමයි කියන්නෙ. ඉංදියාවෙ ඔරිස්සා වල තියෙන වෙරල තීරයකට වරකට කැස්බෑවන් තුන් හාරසීයක් එකපාර එනවලු බිත්තර දාන්න. ඒ ඇවිත් කැස්බෑවො වැදිල ඇක්සිඩන්ට වෙන වෙලාවලුත් ඇති මයෙ හිතේ. කොයි තරම් ඔරිස්සා වල කැස්බො වැඩිද කිව්වොත් එක සතෙක් බිත්තර දාපු තැනම අනෙක් එකාත් බිත්තර අන් ලෝඩ් කරන්න ගිහිං බිත්තර කැඩෙන වෙලාවල් තියෙනවා කියල තමයි ගයිඩ් මහත්තය අපිට කිව්වෙ.. කැස්බෑවන් බිත්තර දාන්න සමාර විට පුරුදු වෙරළටම ආවත් අපේ මනුස්සයො වෙරල කාබාසිනියා කරල එතන හෝටල්, නවාතැන්, ගල් පර සහ වෙනත් නොයෙකුත් විච්චූරන දාල තියෙනවා. එතකොට අර කැස්බෑව අර මනුස්සයො ගොඩේ රිංගන්න ගිහිං නොයෙකුත් අකරතැබ්බ වලට මුහුන දෙනවා. උදාහරණ විදිය කැස්බෑවන් ගොඩට ආවහම මූද හොයාගන්නෙ ආලෝකය දෙසට ඇදීමෙන්. නමුත් සංචාරක කලාප වල හෝටල්වල තියෙන දීප්තිමත් ලාම්පු වලට මේ කැස්බෑවන් ඇදිල ගිහිං අතරමං වෙච්චි අවස්ථාත් තියෙනවලු. කැස්බෑවන්ට තිබෙන අනෙක් ගැටලුව තමයි කැස්බෑවියන් බිත්තර දැමීමට වෙරලට ආ පසු ඔවුන් ධීවරයින් සහ කුරිරු මිනිසුන් විසින් මරා දැමීම. පුංචි දරුවෙක් වගේ බෝම සාවධානව බඩගගා ඇවිත් උගේ වැඩේ කරල ආයෙ මූදට යන මේ සතා මරං කන්න තරං මිනිස්සු කොයි තරං කෲර වෙන්න ඕනිද කියල මට ඒ සත්තු දැක්කම හිතුනා. මේ කැස්බෑවන් බිත්තර දැම්මට පස්සෙ ඒ බිත්තර මිනිස්සු අරගෙන ඒව බොනවා. බිත්තර බොහොම කොලෙස්ටරෝල් අධික ආහාරයක්..විශේෂයෙන් කැස්බ බිත්තර වල කොලෙස්ටරෝල් සහ ප්‍රෝටීන ප්‍රතිශතය වැඩියිලු.. කමක් නෑ ඉතිං ඔය බිත්තර බොන අයත් ලෙඩ වැඩිකරගෙන තව ටික කාලෙකින් ඒ පවා විඳදරා ගන්නෙ නැතැයි..

කැස්බො බැලීම..

කැස්බෑවන් සාමාන්‍යන් බිත්තර දාන්න එන්නෙ රාත්‍රි කාලයේදි තමයි. මේ අවස්ථාෙවදි කැස්බෑවා විසින් ඔවුන්ගෙ බ්ත්තර වල සකසාගැන්මට පැය බාගයක පමණ කාලයක් ලබා ගන්නවා. වෙරළ මට්ටමේ සිට අඩි දෙකක් විතර යටට වලක් හාරල ඒකට තමයි බිත්තර දාන්නෙ. මේ බිත්තර වල සකස් කරගත්තට පස්සෙ මොන සුලු සුලු කේස් ආවත් බිත්තර ටික දාල තමයි යන්නෙ. බිත්තර දාන්න කලිං අනතුරක් දැනුනොත් ඌ ආයෙම හැරිලා යනවාලු. ඒ නිසා කැස්බෑවා බිත්තර වල හදාගෙන බිත්තර ටික දාන කල් පොඩියක් ඉන්න එක තමයි ණුවනට හුරු වෙන්නෙ. කැස්බෑවන් බැලීමට යෑමේදී කැස්බෑවන්ට දැඩි ආලෝකය එල්ල කරන එකත් ඒ තරම්ම හොද නෑ..

කැස්බෑවන් බැලීමට රැකව යන හැටි..

View Larger Map කැස්බෑවන් නම් ලංකාව වටේම බිත්තර දානව ඇති. ඒත් ලේසියෙන්ම බලාගන්න පුලුවං උන්ව තංගල්ල රැකව ප්‍රෙද්ශයට ගියොත්.. ඒ අයගෙ කන්ටෑක්ස් පහත ඇති..මේ කාලෙදි කැස්බෑවො ඉන්නවද උන් එනවද ආදි විස්තර ඒ අයගෙන් අහගත හැකි වෙයි..පොඩි ගානක් මෙයාල අයකරනවා කැස්බෑවන් බලන්න. ඒත් ඒ අයත් එතනට ලොකු සේවයක් කරනවා.

Turtle Conservation Project (TCP)

Sri Lanka

Rekawa, Netolpitiya, Tangalle, Sri Lanka

Tel :- 077 810508/9 ,0777 902915

Email :- turtle@slt.lk

Web :- www.tcplanka.org

ලිනක්ස් දාල හා ගන්න එපා (Linux barriers)

ගෙදර මැසිමට ලිනක්ස්(Linux) එපා..

ලිනක්ස් කියන්නෙ මහ ලොකු සිස්ටම් වලට ඕනි මහ එපාකරපු එන්වයරන්මන්ට් එකක් තියෙන කුජීත ඕ එස් එකක්..කියල තමයි කස්ටිය හිතාන ඉන්නෙ. එහෙම කාලයක් තියෙන් ඇති.. ඒත් දැං එහෙම නෑ. ලිනක්ස් යූසර් ෆෙන්ඩ්ලි වෙලා..ගෙදර ආච්චිටත් තේරෙන්න දැං ලිනක්ස් එනවා. කස්ටිය දන්නවා ඇති ඇන්ඩ්‍රොයිඩ් ගැන. ඇන්ඩ්‍රොයිඩ් (Android) මොබයිල් ඕ එස් එක බේස් වෙලා තියෙන්නෙ ලිනක්ස් වල කියලා කතාවක් තියෙනවා...ලිනක්ස් කියන්නෙ බේස් කෝඩ් එකක්. ඒක උඩ දුවන ගොඩක් මෙහෙයුම් පද්ධති තියෙනවා, උබන්ටු(Ubuntu), ෆෙඩෝරා(fedora), ලිනක්ස් මින්ට්(Linux Mint), මැන්ඩ්‍රිවා(Mandriva), ඕපන් සූස්(Open Suse), කියන්නෙ ඒ තියෙන අටෝරාශියක් ලිනක්ස් සංස්කරණ(Distro) වලිං ටිකක් ජනප්‍රිය වෙච්චි වර්ෂන් දෙක තුනක්..

නිකං දුන්නට අපිට වින්ඩෝස් තරං කික් එකක් නෑනෙ ඔය කියන ලිනක්ස්.

නිකමට හිතන්න ඕන්න ඔයාලට පිටරට ඉන්න කෙනෙක් හරි නැත්තං හොඳම යාලුවෙක් හරි හොඳ වැඩකෑලි තියෙන ඇන්ඩ්‍රොයිඩ් පෝන් එකක් දෙනවා. ඒ වෙනකොට ඔයා ඇන්ඩ්‍රොයිඩ් පෝන් එකක් අල්ලල වත් නෑ.. ඒ උනාට ඔයා එපා කියනවද නෑනෙ. මොකද පෝන් ඕ එස් එකක් අපිට ලේසියෙන්ම අල්ල ගන්න පුලුවන් නිසා. දැන් අපි එමු ලිනක්ස් වලට..ලංකාවෙ වගේම ගොඩක් රටවල පොඩි ලමය කාලෙ කම්පියුටර් එක දකින්නෙම වින්ඩොස් විදියට. වින්ඩොස් සහ කම්පියුටර කියන්නෙ දෙකක් නෙමෙයි එකක් කියන තරමටම අපිට වින්ඩොස් වලට අලවල තියෙනවා. ඉතිං ඒ අස්සෙ ලිනක්ස් හරි මොකක් හරි වෙන ඔපරේටිං සිස්ටම් එකක් කිව්ව ගමං අපි හිතන්නෙ ඒක මහ වැඩක් නැති දෙයක් කියලා. ඒත් අපි නිකමට හිතුවොත් අපිට අලුත් භාන්ඩයක් ගෙනාවම ගෙදරට ඒක දවස් ගානකිං හුරුවෙන්නෙ කෝමද?? අලුත් පෝන් එකක් දවස් ගානකින් අත පත ගාල හුරුවෙන්නෙ කෝමද කියන ආකාරයටම අපිට පුලුවනි ලිනක්ස්  වලට හුරුවෙන්න.. හැබැයි ඉතිං ලිනක්ස් කියල කිසිම දෙයක් බුග් ගාල අපි හිතන කොට අතට ගෙනත් දෙන්නෙ නෑ. ඒ සඳහා කැපවීමක් අවශ්‍යයි සුලුවෙන් හරි. ඒත් කැපවෙලා ඉගෙන ගත්තොත් ඒ හරහා තියෙන වාසි නං ගොඩායි...

ලිනක්ස් වල අඩු තරමෙ සිංදුවක් අහන්න වීඩියො ඒකක ප්ලේ කරගන් පුලුවන්ද බෑනෙ..

උබන්ටු සහ ෆෙඩෝරා කියන ජනප්‍රිය සංස්කරණ වල අමෙරිකාව කැනඩාව සහ යුරෝපා රටවල් වෙනුවෙන් නිකුත්කරන සංස්කරණ වල කොඩෙක්ස් (codec), එහෙම නැත්තං අපි කියන එම් පි ඊජී(mpeg) එම් පී ත්‍රි(mp3) වගේ ෆයිල් රන් කරන්න අවශ්‍ය වෙන මෘදුකාංග කොටස්(codec) ස්ථාපනය කරල එවන්නෙ නෑ. මොකද ඒ දියුනු රටවල ඒක නීතිමය තත්වයක් නිසා කරග්න අපාසු නිසා. ඉතිං මේ තත්වය යටතේ අපිට මෙහෙ එන ගොඩක් උබන්ටු වගේ ලිනක්ස් වල ප්ලේයර් එකේ සිංදු සහ වීඩියො ධාවනය වන්නේ නෑ. ඒ වගේ වෙලාවට අපිට වී එල් සී(vlc player) කියන මෘදුකාංග කොටස ස්තාපනය කරගත්තනං ගොඩ. එතකොට අර අපිට ප්ලේ කරගන් අමාරු වුන ඔක්කොම දේවල් ප්ලේ කරගත හැකි හරියට වින්ඩෝස් වල වගේම. වී එල් සී සයිට් එකට ගියොත් ඒකෙන් ගන්න පුලුවනි වී එල් සී කෝමද එක එක ඕ එස් එකට ඉන්ස්ටෝල් කරන්න ඕනි කියන ආකාරය..

ඒ උනාට ඔය මගුල් වල සොෆ්ට්වෙයා එකක් දානව කියන්නෙ පුදුම වහක් කන්න ඕනි වැඩක්..

අපෙ ලාංකික බහුතරය භාවිතා කරන්නෙ තවමත් වින්ඩොස් නිවැරදි සංස්කරණ නෙමෙයි. ඒ කියන්නෙ වින්ඩොස් හොරකොපි තමයි අපි භාවිත කරන්නෙ. ඒ වලදි අපි හිතනවා අපිට ඕනිම ලෝකෙ තියන ඩොට් ඊ එක්ස් ඊ(.exe) ෆයිල් එකක් මැසිමට දාන්න පුලුවං ඩබල් ක්ලික් කරලා කියලා. ඒත් සාමාන්‍යන් ඒක නෙමයි නිවැරදි ක්‍රමය වෙන්නෙ. අපිට පුලුවන් ඒ ඕ එස් එකත් එක්ක වැඩකරන්න පුලුවනි උපාංග සහිත මෘදුකාංග තෝරගන්න ඕනි ..හරියට ඇර ෆොන් වලට අපිට ඇඩ් කරන්න අනං මනං විජට් තියෙන්නෙ, ඇන්ඩ්‍රොයිඩ් වල හෙම ආන් ඒ වාගෙ...ගොඩක් ලිනක්ස් මෙහෙයුම් පද්ධතිවල සොෆ්ට්වෙයාර් සෙන්ටර්(Software Centre) කියලා එකක් තියෙනවා.ඒ සොෆ්ට්වෙයාර් එකේ තියෙන ටෙක්ස්ට් බොක්ස් එකේ අපිට ඕනි වැඩෙ ලියල ටයිප් කලාම අදාල මෘදුකාංග ලිස්ට් එකක් එනවා. ඒවයෙ විස්තර කියෝල බලල අපිට පුලුවනි ඒ මෘදුකාංගය ගැන අයිඩියා එකක් ගන්න....ඒත් වඩාත්ම ලේසි වැඩේ තමයි ටර්මිනල් එකෙං මෘදුකාංග දාන එක..ඒකෙදි කරන්න තියෙන්නෙ කන්ට්‍රොල් + ටී(Ctrl+t) අකුර ඔබල එන ටර්මිනල් එකේ කමාන්ඩ් ලයින් එකෙං සොෆ්ට්වෙයාර් ඉන්ස්ටෝල් කරන එක.. ඒ ටර්මිනල් එකෙ ගහන්න ඕනි කමාන්ඩ් අපිට ඉන්ටර්නෙට් එකෙං ලේසියෙං හොයාගන්න පුලුවනි..ඒක අමාරු දෙයක් නං නෙමෙයි... ..

වින්ඩෝස් වල වැඩකරන සොෆ්ට්වෙයා වැඩකරන්නෙ නෑනෙ...

ඒකනං එක්තරා ගැටලුවක් තමයි. ඒත් ගොඩක් වැඩවලට අවැසි වෙනත් විකල්ප මෘදුකාංග(Application Software) ලිනක්ස් වල තියෙනවා. සාමාන්‍යන් වෙබ් බ්‍රව්සර, පිකාසා පොටෝ එඩිටර්,වී එල් සී ප්ලේයර්,ස්කයිප්,ජී ටෝක්ස් වාගේ මෘදුකාංග ඔය ලිනක්ස් ඕ එස් වලත් වැඩකරන ආකාරයට සංස්කරණ නිකුත්කරලා තියනවා. තවත් සමරූපි මෘදුකාංග භාවිත කරන්නත් පුලුවං..උදාහරණ විදියට පොටෝෂොප් වෙනුවට ගිම්ප්...ඔෆිස් වෙනුවට ලිබ්‍රෙ ඔෆිස් යනාදි වශයෙන් අපිට විකල්ප මෘදුකාංග තෝරා ගන්නට පුලුවනි.මේ විකල්ප මෘදුකාංග වලට බයවෙන්න කාරි නෑ. ඒවත් අර අපි වින්ඩොස් වල වැඩකරන ඒව වගේමයි.ඒ ඕප්ෂන්ස්ම තියනවා. හැබැයි ගොඩ වෙලාවට ලිනක්ස් වල එන සොෆ්ට්වෙයා අර වින්ඩොස් ඒව තරං රූපයෙන් ලස්සනනෑ.වීඩියෝ එඩිටිං, ඕඩියෝ එඩිටිං, මික්සින් ගේම්ස් වගේ විශාල පරාසයක මෘදුකාංග දහස් ගානක් මේ ලිනක්ස් වල එනවා...මං ළඟදි දැක්ක විදියට දැන් දැන් එන වීඩියෝ ගේම් පවා ලිනක්ස් වලටත් සරිලන විදියට නිපදවා තිබෙනවා.. ජනප්‍රිය මෘදුකාංග උදාහරණ විදියට පොටෝසොප් වගේ ඒව ලිනක්ස් වලට එන්නැති එක එක්තරා ගැටලුවක් තමයි. සමහර වාණිජ වශයෙන් භාවිත කරන සොෆ්ට්වෙයා අපිට වයින් කියන ඇප්ලිකේෂන් එක හරහා දාන්න පුලුවන් උනත් ඒවා වින්ඩෝස් වල තරං සුපිරියට වැඩ කරන්නෙ නෑ... කෝකටත් සමාර වාණිජ වශයෙන් භාවිත මෘදුකාංග වෙනස් වෙන ස්පීඩ් එක සහ ඒවායේ මිල ගනන් දැක්කම නං නිකං තියෙන ලිනක්ස් වල සීමිත ඉඩ අපේ වැඩකටයුතු වලට වැඩිත් එක්ක කියල හිතෙන වෙලාවලුත් තියෙනවා..

 ඔය කිව්වට ලිනක්ස් පාවිච්චි කරන්නෙ පොඩි දෙනයි..අපිට අහගන්නවත් කවුරුවත් නෑ..

 සාමාන්‍යන් ලංකාවෙ ලිනක්ස් භාවිත කරන්නන් ගාන අඩුයි. කැම්පස් වල ඉද්දි ලිනක්ස් වලිං කෝඩිං ලියන්නත් අනං මනං මහා ලොකු වැඩ පුරුදු උන්ත පස්සෙ කස්ටිය ආයෙම වින්ඩොස් වලට මාරුවෙනවා. නැත්තං බිල් ගේට්ටුව තරහ වෙයි කියල බයටද දන්නෙ නෑ..ඒත් එහෙම වෙනවා. ඒත් අපි ලෝක මට්ටමින් ගත්තොත් සාමාන්‍යන් සමස්ථ කොම්පියුටර භාවිත කරන්නන් ගෙන් සීයට පහක් විතරම ලිනක්ස් භාවිතා කරනවා. ඒ නිසා අපිට ගැටලුවක් ඇවිල්ල මේ ඉන්ටනෙට් එකෙ ගැහුවම ඒකට ඕනි විසඳුම් සුටුස් ගාල හොයා ගන්න පුලුවනි. සමාරවිට අපිට තියෙන පස්නෙ කලිං අයට ඇවිත් නැත්තං ඒක අපිට පුලුවනි ෆෝරම් එකකට දන්වන්න. එතනින් අපිට කවුරු හෝ ලෝකෙ කොහේ හෝ සිටින කෙනෙක් විසඳුම කියාවි. හැබැයි ඉතිං මේකට ඉංගිරිසි නං සුට්ටක් ඕනි වෙනවා. ඉංගිරිසි මහා ලොකුවට දැනගන්න නං ඕනි නෑ. යාංතං වචන ටිකක් ලියල දැම්මහම ගොඩක් වෙලාවට ඒ අය තේරුං ගන්න වෙලාවල් තියෙනවා. කෝමත් අපි දන්න ඉංගිරිසි සුට්ටෙං ලංකාව ඇතුලෙදි ගන්න පුලුවං වැඩ වලට වඩා පිටරටදි වැඩ ගන්න පුලුවනි. මොකද වැරැදුන ගමං හොහ් හාහ් ගාල හිනාවන්න සුද්දො ලෑස්ති නැති නිසා..

හාඩ්වෙයාර් ඩ්‍රයිවර් නෑනෙ...

ගොඩක් ගෘහස්ථ භාවිතයට හදන බඩු හදන්නෙ මයික්‍රොසොෆ්ට් ජනප්‍රිය මෙහෙයුම් පද්ධතිවලට ගැලපෙන විදියට. ඒ නිසා සමහර මදර් බෝඩ්, සවුන්ඩ් කාඩ්, වීඩියෝ කාඩ්,විතරක් නෙමෙ මොඩම්, ඩොංගල්, ප්‍රින්ටර් වාෙග බාහිර උපාංග වලත් ඩ්‍රයිවර්ස් නැත්තං ඒ කොටස් වැඩකරන්න අවැසි මූලික මෘදුකාංග කොටස් ලිනක්ස්වල නැතිවෙන්න පුලුවනි. නමුත් කලකට පෙර තිබුනාට වඩා දැන් තත්වය සතුටු දායකයි.දැං අපි ගන්න අලුත් පෝන් එකක් කෙලින්ම ලිනක්ස්ඕ එස්  තියෙන මැසිමකට ප්ලග් කලත් ඒකෙ තියෙන මෙමරිය කැම් එක වැඩකරනවා.ඒ වගේම වීඩියෝ කාඩ් වලටත් දැංදැං ලිනක්ස් ඩ්‍රයිවර් සොෆ්ට්වෙයා එනවා. නැත්තං ඉන්ටනෙට් එකෙංම ගත හැකි. ඒත් සමාරවිට ඔබ භාවිතා කරන හාඩ්වෙයාර් වල ඩ්‍රයිවර් නැතුව යන්න අවධානමක් නැතුවාම නෙමෙයි.ඒ වාගෙ වෙලාවට කරන්න ඕනි ලිනක්ස් වෙනත් සංස්කරණයක් භාවිත කිරීම. සමාරවිට උබන්ටු වල ඩ්‍රයිවර් නැති වැඩකරන්නෙ නැති කෑලි ෆෙඩෝරා වල වැඩකරනවා. ඒ දෙකේම නැති ඒව සූස් වල වැඩ කරනවා. ඒ වගේ වෙන්න පුලුවනි..

මේ තියෙන වින්ඩෝස් මගුල නැතුව නොදන්න ඕව කරල මොකටෙයි..හදට යන්නෙයි??

සාමාන්‍යන් අපි පාවිච්චි කරන වින් සෙවන් ඔරිජිනල් මෙහෙයුම් පද්ධතියක් රුපියල් හත් දාහක් විතර වෙනවා. ඒ වගේම අපිට නිතරම ඕනි වෙන වර්ඩ් තියෙන ඔෆිස් පැක් එක මයික්‍රොසොෆ්ට් ඔෆිස් එක රුපියල් විසිදාහක් වෙනවා. ඉතිං ඔය ගානින් ලංකාවෙ හොඳ කන්ඩිෂන් වල තියෙන සෙකන්ඩ් හෑන්ඩ් මැෂිමක් ගත හැකි. එහෙව් එකේ වින්ඩොස් හොරට දාගෙන ක්‍රැක් කරපු සොෆ්ට්වෙයා ටිකක් ඔබාගන් එක තමා අපේ අය කරන්නෙ ගොඩක් වෙලාවට. ඒ වගේ වෙලාවක අපිට ඕනි ගොඩක් දේවල් ලයිෂන් පිට කිසිම වෛරසයකින් තොරව දාගන්න පුලුවන් ලිනක්ස් එක්ක වැඩ කරද්දි.. තව දෙයක් තමයි අපි කියන විදියට අපි කියාගන්න විදියට අපි බෞද්ධ රටක්..අපිට අවුරුදු දාස් ගානක පස්ට ඉතිහාසයක් තියෙනවා. ඒ වගේම අපිට කුමන්ත්‍රණ කරන්න අමෙරිකන් යුරෝපියන්ස්ල බලං ඉන්නවා. ඉතිං මං කියන්නෙ එහෙනං ඇයි අපි හොරාට හොරාට අමෙරිකන් මයික්‍රොසොෆ්ට් පාවිච්චි කරන්නෙ..ලංකාවෙ ගොඩක් අය මුස්ලිම් අයගෙ යුනිටියෙන් ගතපු කම්පියුටරේ අමරිකාවෙන් සල්ලි නොදී හොරාට මෘදුකාංග දාගෙන..මාක් සකර්බරග් හදාපු මූනු පොතේ නොහොත් පේස්බුක් එකේ ගිහිං දේශීය දේවල් ගැන අපේ දේවල් ගැන අධිරාජ්‍යවාදය ගැන කතා කරනවා... ඒක නිකං අපි හෙලුවෙං ඉඳන් ආං අරයාට ලොකු එකක් තියෙනවා ඒ නිසා එයා අපිට කුමන්ත්‍රණ කරනවා වගේ ගොං පාට් එකක් මට පේන විදියට නම්...

• වෛරස් සහ වෙනත් අනර්ථකාරි මෘදුකාංග ධාවනය නොවීම.
• සීමිත හාඩ්වෙයාර් පසුබිමක් යටතේ වුව විසල් කාර්යක්ෂමතාවයක් ලබාගත හැකිවීම.
• .බොහෝ සාමාන්‍යන් භාවිතා කරන මෘදුකාංග සහ ලිනක්ස් සංස්කරණ නොමිලේම ලැබීම..
• යම් යම් කොටස් සංස්කරණය කරගත හැකි වීම..
• මෘදුකාංග සොරකම් කිරීමෙන් වැලකීමට හැකිවීම..

වගේ කාරණා වලිං ලිනක්ස් මෙහෙයුම් පද්ධති ඉදිරියෙන්ම ඉන්නවා. ඒත් ඉතිං අපි ඕනිම හොද දෙයක් අපෙ කරගන්න නම් යම් කැපකිරීමක් පොඩි අධ්‍යයනයක් කරන්න වෙනවා. ඒක ලිනක්ස් වලටත් හෙමයි.

සුගුනවතීගේ මල් ආලේ..(Suguna's Love of Flower)

 මෙහි අසැබි පිංතූරයක් ඇති බැවින් කුඩා ලමයි ඇස් වහගෙන බලන්න..

පුලුල් ඉණ, රවුං බෝල වන් තන් දෙක..තලෙලු සහ කලු සම...මඳ සිනාව සහ ලාලිත්‍ය මුසු ඇගේ ශරීරය දුටුවන් පිනවන්නකි. ඒ පසුපස මනසින් ඇදෙන සමහරක් ඒ ශරීරය කෙතෙක් නම් සැපයක් ජනිත කරනවාදැයි සිතනවා විය හැක. මා ඒ ශරීරය භෞතිකවත් ශාරිරිකවත් එහි මනසිනුත් බොහෝ දුරට ස්පර්ශ කර ඇත්තෙමි. ඒ කාන්තා ශරීරය හේතුවෙන් මගේ හිතට වෙනසක් ඇතිකලත් ඒ වෙනස ඒ කල සැම විටම සන්තෝෂයක් මතක් කර සතුටු විය හැකි සංසිද්ධියක් නම් නොවේ. විටෙක එය නැවුම් මලක් සිය වතාවක් සිපගෙන එකසිය එක්වන වතාවටත් සිපගන්නා විටත් දැනෙන සුවඳ මෙනි. තවත් විටක තමන් විසින් ඇතිකරන ලද පැටියා විශාල වී ඌ ලවා මගේ ආහාරයට බිත්තර දම්මවා ගන්නවා මෙන් හැඟීමකි. වරෙක ආයාසකයිකින් තොරව ඔහේ පැදයන බයිසිකලයක් දුටුවිට නැගෙන හැඟීමකි. එහෙත් ඇය හා මා අත් පටලා හෝ ඇගේ වැදි වැදී යන පිට මිනිසුන්ට පේන අප්‍රමාණ සන්තුෂ්ඨිය නම් අප අසල රැඳෙන්නේ සුවල්ප වෙලාවකි. 

 

ඇය මගේ කන්තෝරුවේ සහායිකාවයි. නමින් සුමාලි ලෙස ගමු. සුමාලි මට හමුවූයේ අපේ කන්තෝරුවේ දුරබැහැර නැවතුමක පිහිටි ෆැක්ටරියක් බලාගැන්මේ රාජකාරියක නිරත වූ අවධියේය. එවිට ඒ ෆැක්ටරියේ විසූ අයගෙන් තරුණ ලක්ෂණ කාන්තාවක් විය සුමාලි. මල වටා බඹරුන් නොඒම අරුමයක් නොවන සේම සුමාලි වටා කොල්ලන් සහ සුපවයිසරයින් කැරකීම අරුමයක් නොවීය. ඇය මගේ මේසය පිසදායි. ඇය මට තේවතුර ගෙනත් දෙයි. දිනක් දෙකක් කාමරය අස් කිරීමට අහම්බෙන් ආ ඇය ඉන්පසු මගේ වැඩවලට අනුයුක්ත කරගැනිනි. මා කරුනාවන්ත පෙනුමක් සහිත සහ හොඳ කෙනෙක් ලෙස නම් දැරූ නිසා ඇය සමඟ වැඩකල වැඩිහිටි ගෑනු ඈ කාර්යාලයේ වැඩට ඒම එතරම් අවුලක් කොට නොසැලකීය.

මැනේජර සිටියේ මටත් වඩා තරමක් තලතුනා කෙනෙකි. ඒ මනුස්සයාගේ නම නම්..මතක විදියට සරත් විය. සරත් සම්බන්ධ කතා අට අනූවකි. ඒ බොහොමයක් අයථා දේට සම්බන්ධය. මා දිනක් ෆැක්ටරිය වටේ ඇවිදින අතර ගබඩා කුටියක ශබ්ධයකි. මා කණ තබා අසාගෙන සිටියෙමි. අනේ සරත් මහත්තයා හැමදාම මෙහෙම කරන්න බෑ. අර ගෑනු මං ඔහෙ එක්ක ඉන්නව කියලා හැමතැනම ගිනිතියයි. ඔහෙ කසාද බැඳපු මිනිහෙක් නේ..මට ඉන්න දෙන්න. එවිට ස්වල්ප වේලාවකින්. සරත්ගේ කටහඩ ඇසුනි. මේ උඹල රස්සාවට දාල මේ වැඩට අරං තියං ඉන්නෙ මයෙ කැහිල්ලට කියල හිතුවද...බොට ඕන්නං පලයං..අර ගමෙ එකෙක්ට කිව්වම ඕනි තරං කෙල්ලො අරං එයි..

ඔව් එයි කියල තමයි බය..උගුඩුවා..තොපි මහත්තුරු උනාට වැඩිය හොඳයි..ඉන්පසු ඉඹින සද්දයක් සහ එපා එපා කියද්දී කුමක් හෝ කරන සද්දයක් ඇසුනි.

ඉන්පසු මා මෙය සුමාලිගෙන් හෙමිහිට ඇසුවෙමි. සුමාලි මෙහෙ එන්න.

ඇයි සර්...

අර සරත් මහත්තය ගැන මොකද මිනිස්සු අච්චර බනින්නෙ...

හුම් දන්නෙ නැ සර්..

මේ සුමාලි මං දෙයක් දන්න නිසයි අහන්නෙ...

ඔව් සර් ඒකනං ඒහෙම තමයි. මං මෙතන ඉන්නවට සර් එක්ක ඉන්නවට සරත් එච්චර කැමති නැ...සරත් කියන්නෙ තිරිසනෙක් වගේ..ගෑනු පෙරේතයෙක්..මං ඌට කැමති නෑ..

හුම්..මා එසේ කියා නිකා සිටියෙමි. මා සරත් ගැන සුමාලිගෙන් දැනගන්නට අදහස් කලේ මෙවැන්නක් නොවේ. සරත්ගේ වැඩ පිලිවෙලයි. එහෙත් නිතර මගේ කන්තෝරුවේ වැඩකරන සුමාලිට පවා හිරිහැර කිරීම ඉවසිය හැක්කක් නොවේ. ඉන්පසු මා විසින් මාෙග් හෙඩ් ඔෆිස් මිතුරන්ට කතා කර සරත් මාරු කලෙමි. ඉන්පසු ඔහු වෙනත් ශාඛාවකට ගොස් එහිද ගෑනු කෙනෙකුට කේස් එකක්දාගෙන එය විසල් එකක් වූ නිසා වැඩ තහනමක්ද පවා ඇතිකර ගන්නට සමත් වූ බව මට ආරන්චි විය.

ඒ මාරුව පිටුපස මා සිටිය බව කිසිවෙක් දැනගත්තේ නැත. එය කාගේ හෝ පෙත්සමක් විය හැකි බවට කතා උනත් මා එයට සම්බන්ධ බවට සැකයක සේයාවක් විනා කිසිම සලකුනක් නොවීය. සුමාලි දිනක් මේසය පිසදායි. මා ලග පුටුවකට ගොඩවී ඇයට ඉඩදී මා වතුර එකක් බොන්නේ ඇය දෙස බලාගෙනය. සුමාලි දන්නවද අර සරත් මහත්තය යැව්වෙ කවුද කියලා..

අනේ දන්නෑ...ඒත් සමහරු ඒකට අකමැතියි. සරත් මහත්තය මිනිස්සුන්ට හොදකුත් නැතුව නෙමෙ..සමහරුන්ට දුකේදි පිහිට වෙනවා. ඒත් ඇඹලය නිසා කවුරුත් කැමති නෑ...

මං තමයි මාරුකලේ සරත්ව..

හුම් මටත් හිතුනා. කෝමත් මාත්තය හීණ් නූලේ වැඩ කාරයෙක් කියල පේනවා..

අහ් එච්චරද පේන්නෙ වෙන මොකුත් පේන් නැද්ද?? මා ඇසීය..

මඳ සිනාවෙකින් මුහුන සරසාගෙන ඇය මේසය පිසදායි. ඒ අතර අතරින් පතර මදෙස හොරෙන් බලයි..

මා එවිටත් තිස්පහත් පැන්න දරුවන් දෙදෙනකුගේ පියෙකි. පවුල කොළඹය. සති අන්තයේ කොළඹ යයි. බාගෙදා සති මැද මීටින් වලට හෙම යයි. වයස සමඟ අඩුවූ රාග ආශා සහිත වුවත් නිතර දකින සරාගී ශරීරයක් වූ සුමාලි මාගේ නිලීන ව තිබූ ආශාවන් මහත් කරන්නට සමත් වූවාය.

මා දින කීපයක් ඈ දෙස බලා සිටියේය. ඇයද මා දෙස බැලුවා විය හැකිය. දිනක් වැස්සත් නැති අකුනුත් නැති දිනෙක කතාකරන්නට කිසිවක් නැතිව ඇය පැමිණ ගොනු වගයක් පේලියට තබයි.

මා ඇගේ අතින් ඇල්ලුවේය. ඇය මදෙස බැලීය. අත මුදාගන්නට ඇ වෙරදරයි. එහෙත් මේ වෙලාවේ කිසිවෙක් නැති බව මට විශ්වාසය. කිසිවෙක් ආවත් ඒ අහම්බයකින් විය හැකි දෙයකි. එසේම සුමාලිගේ හැසිරීම මෙතක් කල් දැන සිටි මා කිසිම අයුරකින් මෙවන් විටක සුමාලි කෑ ගසා කොලහල නොකරන බව සක්සුදක් සේ දතිමි. මා ඇය තදින් සිපගතිමි. ඇය බිරාන්ත වී බිරන්තට්ටු වී සිටින අතර මා ඇය සිපගනී. කිසිදු තෙත් ගතියක් නැති වියලිම වියලි හාදු දෙක තුනකට පසු ඇය අවනත විය. ඒ ඇය මට කැමති නිසාද නැතිනම් වෙනත් විකල්පයක් නොතිබූ නිසාද කියා දන්නේ උඩ සිටි දෙයියෝ නොවේ. ඒ වෙලාවේ කාමරේ සිටිය පෙරේත ගුම්බාන්ඩයෝය. ගෙදරින් ලයිසන් කර ඉන්සුවරන්ස් නිකම් කර ලබාදුන් කාර් එකක් එලෙව්වා වැනි වූ මාගේ යෝජිත විවාහයේ ලිංගික අත්දැකීම් වලට වඩා එහා ගිය මිහිරියාවක් මගෙ සියොලග දැවටුනි. 

Elephant sex Sri Lanka

  වැඩිපුර කතාන්දර දන්නා වැඩිපුර ඉගනගත් මගේ බිරින්දෑ වැනි තොරතෝංචියක් නැති කටක් ඇයටද තිබෙන්නට ඇත. නමුත් මා සුමාලිගේ බොස්ය. නගරයේ කාර්යාලයක බොස්ට වඩා ගම්බද ෆැක්ටේරියක ලොකුබොස් ලොකුය. ජබොස් ජබොස් ගා සද්දෙං කන්තෝරු කාමරයේදීම සුමාලිගේ සාරය උරාගත් නමුදු ඇය ඒ ගැන කිසිවෙකුටත් නොකියාවිය යන දැඩි විශ්වාසයක් මා සතු විය. සථිර සේවකයෙක් ලෙස වූ පත්වීමක්..ඇයට තවත් අතිකාල සහ සහ දිමනා කීපයක්. වසර අවසාන හොඳ කාර්යසාදනයක්. ලැබෙන බවට ඇය නොදන්නවා විය නොහැක.

මදෙස බලාගෙන හිස් බැල්මෙන් කන්තෝරු රෙස්ට් රූම් එකේ වහල දෙස බලාගෙන ඇය ගැස්සී ගැස්සී සිටියා ලෙස පෙනුනාට එහිද යම් අරමුනක් තිබෙන්නට ඇත. එහෙත් මා විසින් වැරදි රපෝර්තු කොට එලවා දැමූ සරත් සහ මා වෙනස් වන්නේ එක් ගැහැනියක් සමග ඇයගේ විරුද්ධ වීමෙකින් තොරව රමණයේ යෙදීමෙන් පමණක් බව මට සමහරක් විට හැඟුනි.

කන්තෝරු කාමරයේ සෙල්ලම එහා ගෙනයෑම භයානක විය හැකිබැවි මට සිතුනි. එය දින දෙක තුනකට වඩා තිබුනේ නැත. ඉංගිරිසි ඉගනීමෙ වැදගත්කමක් සාමාන්‍ය පෙල සාමාන්‍ය ලෙස සමත් ඇයට ලොකු තැනකට යන්නට ඉංගිරිසි ඇවැසි බවත් මා කීය. එසේම ඇයට ඉංගිරිසි පංති යෑමට අවස්ථාවක් දුනි. ඒ ඉංගිරිසි පන්තිය සමහර විටෙක කට් කොට හෝ විටෙක එන අතරමඟ සුමාලි මා සමඟ රවුං ගහනවා ගම්මුන් දකින්නට ඇත. එහෙත් සුමාලිගේ අම්මා තාත්තා අයියා අක්කා නොදැක්කාදැයි මා නොදනිමි.

දරුවන් දීග දෙනවිට දෑවැදි දිය යුතුය. ගැහැනු ලමයාට රැකියාවක් නැති කල දෙමව්පිය සහෝදරයෝ දෑවැදි සැදිය යුතුය. ලොක්කා සමඟ පෙම් කෙලිමින් හෝ තමන්ටත් සලකාගෙන දෙමාපියන්ටත් සලකාගෙන කීයක් හරි යහමින් අතගාන නිසා උන් සද්දයක් දැම්මෙ නැතුවා වෙන්නට ඇත. අනික "ෆැක්ටරියේ ලොකු මහත්තයා සමඟ කොහොම හැප්පෙන්නද බාන්" ...යන ගැලවුම්කාර වාක්‍යද ඔවුන සතුය. සුමාලි සමහර විටෙක කියන අයුරින් ඇය ගමේ කඩේට, පංසලට යනවිට කොල්ලෝන් විහිලු කරති. සමහරෙක් ඇයගෙන් මේ මාත් එන්නද පන්ති අරලවන්ට යැයි අසයි..තවකෙක් අපි ඉතිං මහත්තය තරං සැප නැතුව ඇති නේ යැයි කියයි.

එහෙත් ඒ කෑ ගාන එවුං සුමාලිට රැකියාව දෙන්නේ නැති බවත්..උන් කියන තරං මහත්තයා හොද නැති කෙනෙක් නොවන බවත් සුමාලිගේ අදහස වන්නට ඇත. මගේ වයිෆ් තරං සුමාලි පොත පත කියවා නැතිවුවත් ඇගේ ජීවන දෘෂ්ඨිය පුලුල් බව මට වැටහුනි. ඇය බොහෝ විට මේ කරන්නේ වැරදි දෙයක් බැව් දැනං සිටියාය. එහෙත් ඒ වරදක් යැයි මරහඩ තලා කෑ ගැසීමෙන් මිනිසුන් එකතුවුනාය කියා හෝ ඔවුන් සාධාරනය කලාය කියා වෙනසක් සුමාලිට නොපෙනුනි. 

 

කසිප්පු මාටියා කසිප්පු විකුනා ගෑනිට කන්න දුනි. සාධාරන සමාජය කසිප්පු මාටියාගේ කසිප්පු පොලිසි ගෙන ගියේය. ඉන්පසු ගම්මුන්ට කසිප්පු නැතිවිය. ගම සාධාරන විය.. ඒ පිස්සුය. ඇත්තටම මිනිස්සු වෙනත් තිප්පොලක් සොයාගති. සිදුවූයේ කසිප්පු මාටියාගේ ගෑනිට රෙද්ද ඔසවා එයින් ලැබෙන ගානින් දරුවන්ට කන්න දෙන්න සිදුවීමය. ගොවිතැනක් කරන්නට ඇට ටිකක් දෙන්නට පොර ටිකක් දෙන්නට කෙනෙක් නැත. ගාමන්ට් එකකට යන්නට කුඩා දරුවන් දමා යන්නට කෙනෙක් නැත. නමුත් මාටියා නැති රෑවල ඇගේ ගෙට පැන ඇගේ හුඹහට නයි අරින්ට හා ඒකට හිලවුවට රුපයල් සීයෙ කොල කීපයක් ඇගේ අතමිට මොලවන්නට එකෙක් දෙන්නෙක් සිටී. එසේ පැන යන එවුන් අතර සිටි ණය කාරයෙකුට ඇය පහර දී ඇත්තේ පොලේදීය. පොලේ ගොස් අඩුම කුඩුම ගන්න යන අතර..අර ණයට සෙට් වන්නට ආ එකා ආ අක්කෙ “ඔය වම්බොටු හෙම වැඩිය ගන්න එපා බිස්නස් එකට හොදනැතිවෙයි” යැයි කියා ඇත. වහා හැරුනු මාටියාගෙ පවුල..අර මිනිහාට ගසා ඇත්තේ ණයට *කල යන වල් පරයා..තව මෙතන වම්බොටු කිරවන්නත් එනවද කියා අසමිනි..

සුමාලි තුරුලු වූ පසු මා ඇයව කතාවට අල්ලා ගන්නේ කෝමද දැං ගමේ තොරතුරු යැයි කියලාය. ඇය පංසලේ හාමුදුරුවෝ, අවට ගෙවල්වල උන්..ආදී සියලු ලිඳලග ගොසිප් මා සමඟ කියයි. ඒවා මහා ආර්ථික විද්‍යා සමාජවිද්‍යා පාඩම් නම් නොවේ. නමුත් සුමාලිට ගොසිප් කීමටවත් මට ගොසිප් ඇසීමටවත් එහෙමට කියා පිරිසක් සෙට්වන්නේ නැත. එබැවින් එය ඉතා සැනසිලිදායක පරිසරයක් විය.

මට මාරුවක් හදාගන්නැයි වයිෆ් විසින් බලකරන ලදී. සමහර විටෙක මගේ අනියම් දේ ගැන වයිෆ් දැනගෙන සිටියා වන්නට ඇත. නමුත් ඈ කියවා ඇති සමහර මහා බරසාර පොත්වල චරිත මෙන් ඇය විටෙක ගැඹුරු වෙන්නට තනයි. ඒ පොත්වල මිනිසුන් ගෑනුන් නැතිවට වෙනත් ගෑනුන් සමග නිදාගැන්ම එතරම් කේස් කොට නොගනී. කෙසේ හෝ මා ගෙදරට කෝල් කිරීම ගෙදර ඉදිකට්ට පවා සොයා බැලීම. කොටින්ම ඇගේ ආසාව පරිදි නෑ ගෙවල් වල යෑම..පොත් කියවීම ආදි දේට ඇයට සහාය වීම. ආදි දේ නිසා ඇගේ සැමියා ලෙස මට ෆුල් මාක්ස් ලැබුනි. ඇගේ නැගනියන් දෙදෙනාගේ මහත්වරුන් අවුල් ජොකියන් වුනි. ඔවුන් සමාජීයව උසස් වුවත් බීගෙන විත් පහරදෙන ජාතියේ උන් විය. එහෙත් මා එසේ නොවී සිටීම නිසා මට ලකුනු පවුලෙන්ද ලැබුනි. අනික මා ගමේ ෆැක්ටරියේදි නිදිවැද්දේ තවත් මැනේජරියක සමඟ නොවේ..තවත් සුලු සේවිකාවක් සමඟය. ඇය මැනේජරියක වූවා නං මගේ වයිෆ් බාගෙදා කලබල වන්නට ඉඩ තිබුනි. නමුත් සුලු සේවකයින් සම්බන්ධ සෑම සිද්දියක්ම සුලු යැයි ඇගේ මාන්නාක්කාර මනසේ ඇතුවා වන්නට ඇත. කෙසේ වෙතත් අනවශ්‍ය ලෙස සමීප නොවූත් අනවශ්‍ය ලෙස දුරස් නොවූත් දෙදෙනා අතර පරතරයක් සහිත විවාහ දිවියක් ඇති වූයේ එය යෝජිත විවාහයක් නිසා විය හැක...

කල් ගත විය. මාෙග් මාරුව වසර දෙකකට පසුව ලැබුනි. සුමාලිගෙන් වෙන්වීම ආයාසකර ව්‍යායාමයක් විය. නමුත් තර්ක බුද්ධිය අනුව එය විය යුතු බවම මගේ සිත කීය. එතෙක් උපයා සපයා ගත් සියල්ල පෙන්වා. ලස්සන කොට සුමාලි විවාහ විය. විවාහ වී දරුවන්ද ලැබීය. ඇය ඇගේ මස්සිනා කෙනෙකුට රැකියාව පතා ළඟදී කෝල් කලාය. ඒ අවසරයෙන් දිනක් ඇය හමුවිය. හමුවී හෝටල් කාමරයකට ගියේ මගේ දැඩි පැරැත්තය නිසාය. නමුත් අවසානයේ මා විසින් ඉතාම ආයාසයෙන් ඒ සිදුවීම යලි සිදුනොවන්නට වග බලා ගති. මහත්තය දැං මට මිනිහෙක් ඉන්නවා. මහත්තය ඉස්සර මට සැලකුවා. මං ඒවට හොදට සැලකුව නේ. මහත්තය ආසද ගෙදර වයිෆ් වෙන කෙනෙක් එක්ක ඉන්නවට නෑනෙ?? අනේ තරහ වෙන් එපා..ඒත් මහත්තය සමහර දේවල් වෙනස් වෙන් එපැයි. මං මේ ආවෙත් අර මස්සිනා කාරය නිතර දෙවේලෙ ගෙදර ඉඳන් වනචර බැල්මවල් දාන නිසා ඒ මරගාතෙං බේරෙන්න. ඉන් පස්සෙ මහත්තය ආව.. හරි කමක් නෑ ඉතිං මං නොදැකපු විජ්ජාවක්යැ..හුම් අදට විතරක්..හෙනං.. මා ඇගේ කන්ටැක්ස් ඉල්ල ගති. පවුලේ අය සමඟින් ඇගේ ගෙදරට එන්නට යැයි ඇරයුමක්ද කෙරිිනි. සුමාලි ගැන අසා ඇති මුත් ඇය මගේ වයිෆ් දැක නැතැයි මා හොඳින්ම දනී.. අපි ගියේය. සුමාලිගේ චූටි කොල්ලාට ඇගේ මුහුනින් බාගයක්ම විය.. දුප්පත් වුවත් සුමාලි පිළිවෙලට නිවස තබාගෙන තිබුනි. සමහර විට මා විසින් ඇගේ විවාහයට ලබාදුන් ලක්ෂ ගනනක මුදලද මේ ගෙදර මිලදී ගන්නට යන්නට ඇත. හිතේ කොණක යම් තද කහටක් ඉතිරි වුවත්... මතක් කර සතුටු විය හැකි මට්ටමට මෙය ඉවර වීම ගැන මට දැන් ඇත්තේ සතුටකි..

(මෙය ප්‍රබන්ධයක් වෙයි..)