ගුරාගේ සාර්ථක ව්‍යාපාරය

ගුරාගේ සාර්ථක ව්‍යාපාරය
පාඨකයාගේ හිතසුව පිණිස මා මේ ගුරාගේ ව්‍යාපාරය පිළිබඳ විස්තර මාතෘකා වශයෙන් ගෙනහැර දක්වමි.බෝජනාගාරයක් වන මෙම ගුරා සම්බන්ධ ව්‍යාපාරය භෝජනාගාරයක් ලෙස තිබිය යුතු අටෝරාසියක් ලක්ෂණ වලින් කෙල පැමිණියක් වන හෙයින් ඒවාද විස්තර කරමි..

ව්‍යාපාරයේ ස්වභාවය....මූදු කොල්ල කරුවෙකු මෙන් මෘදු පෙනුමකින්ද..ඇසුවන් බියපත් කරවන සුමට කටහඬින් හෙබි සිරිපාල මෙහි ප්‍රධාන අයිතිකරුවෙකු වෙයි..සිරිපාල නැවියෙකු බවත් බොහෝ කලක් මූදෙහි සිට ඇති බවත් තතු දත්තෝ පවසති..ගුරා යනු කඩේ මැනේජරයා මෙන්ම ටී බෝයිද වන මල්ටි චරිතයකි..කෑම සෑදීම හා ඒවා සැපයීමේ අංශයේ ප්‍රධානියා වන සිරිවයිෆ් සමඟ එකතු වී සිරිපාල රට සිටි සමයේ ගුරා මේ ව්‍යාපාරය පටන් ගෙන ඇත..සත්තකින්ම ගුරා සේවකයෙක්ද නෑයෙක්ද කියා නොදනී..මා මෙම ව්‍යා පාරය දන්නා කාලයේ සිට ගුරා මෙම කඩයේ නොමැති දිනක් දැක නැත..එහෙත් බොහෝ විටමෙහි සියලු තීරණ ගැනීම් සිදුකරන්නේ සිරිපාල විසිනි..සිරිපාල පුදුම විදිහේ ප්‍රජාතාන්ත්‍රික ක්‍රමවේදයකට අනුව සිතූ සිතූ දේ ඔහුට ඇවැසි අපිදි කරයි..හිටපු ගමන් කොමෙන්ට් දැමීම ගුරා විසින් කලත් සිරිවයිෆ් මෙන් සිරිපාලගේ තීරන වෙනස් කිරීමට කිසිදු උත්සාහයක් ගුරා නොදරයි..

පාරිභෝගික පසුබිම ව්‍යාපාරයක් අධ්‍යනය කිරීමේදී අපි ප්‍රධාන වශයෙන් එහි පාරිභෝගික වටපිටාව ගැන සලකා බැලිය යුතු වෙයි..කැලනි ගඟ අසබඩ ඉතා කුජීත භූමිභාගයක කුනු ගඳ පෙනෙන නොපෙනෙන මනරම් වටපිටාවක් මෙම හෝටලයට හිමිය..එම ප්‍රදේශයේ බොහෝ ජනප්‍රිය කර්මාන්තයක් වන ප්‍රතිචක්‍රියකරන සේවකයන්ද(යකඩ,බෝතල්,පත්තර,ඇලුමිනියන්,ප්ලාස්ටික් මිලට ගැනීම හා සුදුසු පරිදි සකස් කිරීම ),හමුදා, පොලීසියේ අයද බෝඩින්කරුවන්ද,ගරේජ් කරුවන්ද,මෙම වීදිය භාවිතා කරන අටෝරාසියක් ජනී ජනයා සිය කුසගිනි නිවාගැනීමට මෙමෙ ගුරාගේ ස්ථානය භාවිත කරයි..ප්‍රතිචක්‍රිකරන සේවකයින් ඔබ නුදුටු පිරිසක් විය හැකිනිසා දැනුවත් කිරීමක් කලොත් මැනැවැයි සිතිනි..මෙම ප්‍රදේශය ආසන්නයේ බොහෝ සෙයින් ප්‍රසිද්ධ කුනු කඳු කීපයක් තිබේ..මාදම්පිටිය..බ්ලූමැන්ඩල් ඒවයින් දෙකකි..ඉතින් මෙම කුනු කඳු හා ආශ්‍රිත අමතර ජීවනෝපායක් ලෙස කුනු කර්මාන්තය වර්ධනය වී ඇත..කොළඹ වරාය ආශ්‍රිත ප්‍රදේශයක් නිසා ඉවතලන දෑ අපන්යන කිරීමට ප්‍රථම එක් රැස් කරන ස්ථාන මෙම ප්‍රදේශයේ ඇත..මැෂින් වලින් ඉවත්කරන ප්ලාස්ටි වීදුරු යකඩ ලෝහ වර්ග..ආදිය වෙන්කරගැනීම මෙහි සිදුවෙයි...උදාහරණ ලෙස ඉවතලන ශීතකරණයක් යනු පොල්ගස වැනි වස්තුවකි කුණු එකතු කරන අයට..එහි පිට රාමුව ලෝහ වලටත්..ඇතුලත ප්ලාස්ටි වලටත්..ඉන්සියුලේශන් කුෂන් වෙනමත්,,කොම්ප්‍රෙසරය ආදිය ඇත්නම් ඒවා වෙනමත් මස්කර ගැනීම සිදුවෙයි..මෙහි පාරක යනවිට..මහා කැබලි කුඩා කරගැනීමටත්..යම් යම් දේ ඉවත්කර ගැනීමටත් වෙර යොදා වදින මිටි පහරවල් වල ශබ්ධය හා දර්ශනය දුලභ දසුනක් නොවෙයි..ඔයිල් මජං මලකඩ හාවෙනත් දේ පිරුණ ගරාජ කරුවන් හා ඒ සමානම කුනු එකතු කරන්නන් අපේ ගුරාගේ ව්‍යාපාරයේ ප්‍රධාන පාරිභෝගික පිරිස වෙති..


ව්‍යාපාරයේ මානව සම්පත..ඉහත සදහන් පරිදි මෙම ව්‍යාපාරික ස්ථානයේ ප්‍රධාන ව්‍යවසායකින් තිදෙනෙකි..සිරිපාල,සිරිවයිෆ්,ගුරා ඒ ව්‍යවසායකයින් වෙයි..සිරිපාල මුදල් පාලනය,කලමනාකරනය හා අනෙක් විධායක නිලතල දෙකේද ප්‍රධානියා වෙයි.කුකරි ඇන්ඩ් අදර් සපලයි හැන්ඩ්ල් කරන්නේ සිරි වයිෆ් වෙයි..කඩේ පාරිභෝගිකයින්ට තේ බීම සැපයීම හා නඩත්තු කටයුතු සිදුවන්නේ ගුරා විසිනි..මේ තිදෙනාටම තාවකාලික හා අනියම් සේවකයින් රාශියකි..මෙහි සේවකයින් එක් වැඩකට පමණක් අනුයුක්ත කොට නැත..උදාහරණ ලෙස කූරක් ලෙස කෙසඟ සරීරය සහිත වූ නිසාත් දිගමූන උල් නාසය හා ඤාව් කට නිසා කූරා ලෙස නම් ලැබූ කූරා සිගරට් ගෙන ඒම,පිඟන් සේදීම,වේටර කම,අදී ක්ෂේත්‍ර ගණනාවක සේවය කරයි..ඔහුට කඩේ වගකිවයුතු නිලතල 3න්ම අණ ලැබෙයි..ඒ මා නමදන්නා පර්මනන්ට් අනියම් සේවකයා වෙයි..තවත් අනියම් සේවකයින් රැසකි..ළඟ ගෙවල් කීපයක ගැහැනු අය කීපදෙනෙක් සිරි වයිෆ්ගේ වැඩ වලට සහය වීමට පැමිණෙති..කඩේට එන දන්න අඳුනන එකෙකුට ප්ලේන්ටියක් දී කඩේ ගොස් බඩු ගෙන්වාගැනීමට තරම් අපගේ සිරිපාල දක්ෂයෙකි..ඔවුන් සමහරකුගේ වැටුප ආහාරය පමණි..එහෙත් ඔවුනට යම් කිසි මුදලක්ද දෙනවා විය හැක..කොත්තු සාදන්නා හා රොටී බාස් සාමන්‍යයයෙන් මාරු වෙයි..පරාට දැමීම ආප්ප දැමීම ඔම්ලට් දැමීම රොටී කැපීම කොත්තු දැමීම,එලවලු බිත්තර රොටී දැමීම රොටී බාස්ට අයිති කොටස් වෙති..ඉවීමට සමර්ථතාවක් ඇති අපේ සිරිවයිෆ් ෆ්‍රයිඩ් රයිස් දැමීමේ කටයුතු සිදු කරයි..අපේ බෝඩිමේ සුදා මෙම ගුරා කැෆේ එකෙන් ආහාර නොගන්නේ එහි මානව සම්පත පිළිබඳ ඔහුට ඇතිවූ ගැටලුවක් නිසාය..බුලත්විඩ කන සුදා කට සේදීමට කඩය පිටුපසට ගොස් ඇත..එවිට පොල්සම්බලක් අතින් මික්ස් කරන දර්ශනයක් දැක ඇත..එයනොවේ ගැටලුව එම පොල්සම්බල මික්ස් කරමින් සිට ඇත්තේ තංගෛ නම් ප්‍රසිද්ද වැසිකිලි වලවල් අදින්නා විසිනි..හිසේ සිට භූමිතෙල් නා ගන්නා තංගෙයි බූමිතෙල් සුවඳ නාසයට ආස්‍රානය කොට ගෙන..හිරවූ කානු වලවල් සුද්ද කරන ආකාරය අපේ බෝඩිමේ ත්‍රී වීල් රියදුරෙකු වන පෙරේරා රසකර කියනු මා කිහිප විඩක් අසා ඇත..සාමන්‍යජීවිතයේදී එතරම් අපිරිසිදු පුද්ගලයෙකු නොවූවත් තංගෛ නාගෙන මල නල වැසිකිලි වලවල් අදිනවා දැක ඇති සුදා කිසිම හේතුවක් නිසා සිගරට් එකක්වත් ගුරාගෙ කඩෙන් මිලදී ගැනීමට කැමති නොවේ..

පාරිභෝගික සත්කාරය ව්‍යාපාරයක් දියුණු වීමට ඉහල පාරිභෝගික සත්කාරය ඉවහල් වන බව මා නොයෙක්විට අසා ඇත..සිරිපාලගේ මේසය සාමන්‍යයෙන් කැෂියර් එකක තිබෙන මේසයට වඩා උස අඩු 1කි..එනම් සිරිපාලගේ කැෂියර් මේසය අපේ පරිගණක තබන මේස හාඋසින් සමාන වෙයි..කඩයට කෙනෙක් පැමිණියොත් පිලිගන්නේ සිරිපාල විසිනි..සිරිපාලට ඇත්තේ පීකර කටකි..පැමිනෙන්නාගෙන් පලමුව ආගිය තොරතුරු අසන සිරිපාල ඉන්පසු කෑමට ඇතිදෑ ඔහුට ඇවැසි පරිදි විස්තර කරයි..ඔබ ඇසුවේ කොත්තු නම්ඉඳිආප්ප ,රොටී,චිකන්,මාලු,හොදිදාල,බිත්තර අදී දේ සමඟ කොත්තු මිල සිරිපාල කියයි..මෙහි කොත්තුවක් කන අයෙකුට..කොත්තුවේ මිල දර්ශනය පාඩම් නොසිටීමට හේතුවක් නැත..මන්ද සිරිපාල එය සියල්ලන්ටම ඇසෙන සේ අලුතින් එකෙක් කොත්තු තැටිය දෙස බලන විටම කියාගෙන යන බැවිනි..කලක් මහින්ද විරෝදියකු වූ සිරිපාලගේ දෙශපාලන දර්ශනය අකමැත්තෙන් උව කඩේ සියලු දෙනා අසා සිටිය යුතුයි..ඔහු අණ දීමට රුසියෙකි..ගුරා මේ මල්ලිට ප්ලේන්ටියක් දෙන්න,ඒයි ඔය රොටී ගේනව,අනේ මල්ලි ඔය ප්ලේන්ටිය බීල කඩේට ගිහින් සිගරට් 2ක් ගේන්න,කූර ඔය අයිස් වැඩ පැත්තක දාල මේක අතුගාල දානව..ආදී ලෙස හතර වටේට අනදෙති..ඒ සමඟම පශ්චාත් භාගයේ යමක් ඇතිසේ එකතැන වාඩි වී සිටීමට නොපුරුදු සිරිපාල කඩේ හැමතැනම ගොස් වැඩ සොයා බලයි..සමහර වැඩ හිතුනොත් ඔහුම කරයි..මේස පිසදැමීම,අතුගෑම සිරිපාල කැමති වැඩ කීපයකි..

මුදල් පාලනය මෙහි ගනන් තැබීම් පොත් තැබීම් නැත..ව්‍යාපාරයට අයිති ත්‍රී රෝදරථය හයර් අවසානයේ බඩු ගෙන ඒම සිදුකරයි..ඔහුසමඟ බොහෝවිට සිරිවයිෆ්ද ගමනට එකතු වෙයි..එදා වෙළදාම අනුව ගෙනෙන බඩු ප්‍රමාණය තීරණය වෙයි..එදාවේල සන්කල්පය නිසා වන වාසි කීපයකි..එලවලු මිලට ගැනීමේදී හෙට දින පිණිස මිලදී ගන්නා නිසා නරක්වීමට ආසන්න එලවලු ලාබයට ගත හැක..බොහෝවිට රෑ බෝ වී පටන් ගන්නා මේ බඩු ගෙන ඒමේ ක්‍රියාවලිය නිසා මාලුද මිල අඩුවෙන් මිලදී ගත හැක..කුමණ පොතක් නැතත් මෙහි එන වැදගත් පොතක් වෙයි..එනම් ණය පොතයි..සමහරු මාසෙ අන්තිමට බිල ගෙවීමේ හෝ පඩියට බිල ගෙවීමේ නවතම ලීසිං සන්කල්පයට අනුව කති බොති..

තරඟකාරිත්වය අසල ඇති දෙමල කඩේ ඉඳිආප්ප ආප්ප විකිනීම සිරිපාල නුරුස්සයි..සිල්ලර කඩයක් වූ දෙමල කඩයේ හිටපු ගමන් මෙවැනි ආහාර වෙළඳාමක් පටන් ගත්තත් ටික දවසකින් එය නවතී..මන්ද ගුරා කඩේ තිබියදී දෙමල කඩෙන් කෑමට හේතු නොමැති බැවිනි..ළඟක සිට කලු උවත් ඇහැට කනට පේන ගෑනු ලමයෙක් සෙට් කරගෙන එකෙක් කඩයක් පටන් ගත්තේය..එහෙත් කඩයේ සිටින අයවත් ඒ කඩය හෙට විවෘතද කියා නොදනිති..එම අලුත් කඩයෙහි නව ආරකින් රොටී රයිස් දැමීමට හැකි උවත් සිරිපාල, ගුරාගේ ඇති මාකට් එක ඔහුට ගැනීමට බැරිවිය..එහෙත් පාරෙන් එහා පැත්තෙන් මීටර50 නුදුරින් ඉදිවූ නව හෝටලය නිසා ගුරාද අලුත් විය..නව රේඩියෝවක් සහ උපන්තෙකට සබන් කොම්පැනිකාරයෙකුගෙන් හැර කඩයේ තින්ත නොගෑවුනු බිත්ති තින්ත එකතුවිය.මේ තුන් කට්ටුව නව ආපනශාලාව සමඟ තරහය..සිරිවයිෆ් වෙනදාට වඩා මහහයියෙන් රයිස් දමයි.කඩයේ පාරිභෝගිකයින් වැඩි නොවුනත් ,ඉඳහිට වචනයක් දොඩන ගුරාගේ කටද වෙනදාට වඩා දොඩමලු විය.

අනුග්‍රහ සත්කාර පෙනුමෙන් රලු උවත් සිරිපාල සහ අනෙක් දෙදෙනාම හිත හොඳ අය වෙති සිඟන්නෙක් ආවත් ඉතිරි වූ ආහාර ස්වල්පයක්වත් දීම ඔවුන්ගේ සිරිතයි..දිනක් පන්සලේ කඨින පින්කම් ගැන රැස්වීමකි..එයට යන කෙනෙකුට කතාකල සිරිපාල," මල්ලි හාමුදුරුවන්ට කියන්න මට වැඩක් නිසා එන්න උන් නෑ හැන්දෑවට මේ සිරා පන්සලේ ඇති" කියල..වෙසක් එකට දන්සලක් දුන්නේ එසේ මෙසේ නොවේ දීල පිරිමහන්නම බැරි අයිස් ක්‍රීම්ය..වෙසක් දිනත් පෙරදිනත් කඩේට ආපිරිස දන්සල ගැන දැනුවත් කිරීම සිරිපාල අතින් විය..එහෙත් ඒ හැම වතාවකම මඟ නොහැරුන 1 වචනයක් විය .."මේක අපි විතරක් පුල් තනියෙන් දෙන එකක්..ඔහු දන්සල ගැන දැන්වීමට වයිට් බෝඩ් එකක ලියූ දැන්වීමේද අවසාන පේලිය මෙසේ විය "කිසිවෙකුගෙන් අධාර ලබාගත්තේ නැත පූර්ණ අනුග්‍රහය සිරිපාල...."