Thursday, June 10, 2010

මැදියම් කිස

දිනය: පසුගිය සතියේ දිනකි
වේලාව:පස්වරු 11.00 ට පමණ
ස්ථානය: පානදුර සිට බණ්ඩාරගම මාර්ගය..

උදේ සිට කල රාජකාරී ගමන නිමා වන්නට ආසන්න වී තිබුනි..අපේ සර් පානදුරෙන් බැස්සවූ මම හා රියදුරු චමින්ද පාර්සලයක් බාර දීමට බන්ඩාරගම වෙනත් මහතකුගේ ගෙදරට යෑමට වාහනය හැරවූවා පමණි..පොලීසියේ හා වෙනත් කීපදෙනෙකුගේම අත් පාරට යොමු විය..මෙම වෙලාවේ හැටියට උදව් කිරීම නුවණට හුරු වු දෙයක් නොවුනත් අපේ චමින්ද එම ස්ථානයේ සිටි හාමුදුරු නමක් දැක උන්වහන්සේව ගෙන යෑමට කැමති විය..අලුතින් ගත් කැබ්‍රියේ ඉදිරිපස අසුනට වී නිදිකිරමින් සිටි මටනම් මේ වෙලාව පින් කිරීමට සුදුසු වෙලාවක් නොවන බව සිතිනි..හාමුදුරුවෝ පසුපස අසුනක හෙලීම යුතු නොවන හෙයින් මා පසුපසට ගියෙමි..දැන් හාමුදුරුවෝ නැග අවසානය..කලින්ම ඔහු කතාව පටන් ගත්තේය..මෙතනට ආවම පොඩි බස් එකක් හම්බ උනා,, අර අතන කඩේ මනුස්සයෙක් එක්ක ඒකෙ කොන්දොස්තර ගෝරියක් දාගෙන එතන පොලිසියෙනුත් ඇවිත්,,එක්කෙනෙකුගෙ ඔලුවත් පැලිල ,,ඉතින් බස් එකෙ ගමන එතනම නැවතුනා....

වාහන කීපෙකටම අත දැම්ම ඔක්කොම ළඟට යන ඒව..


ඔය මහත්තයල කොහෙද කියා හාමුදුරුවෝ අපේ රියදුරු චමින්ද දෙස බැලීය..මම ගිරි උල්ලෙ චමින්ද කීය..ඉන්පසු මා දෙසට හැරී එතකොට ඔය මහත්තය,,මා ද මාගේ ආසන්නම නගරය කීවෙමි...
.යලිත් හාමුදුරුවෝ:මම ගාල්ලෙ ඉඳල එන ගමන් මම ගාල්ලෙ.............එකේ උගන්නනව ඒක ලොකු ඉස්කෝලයක් ,,මම දන්න කියන මහත්තයකුගෙ බණක් තිබුණ ඉතින් පුලුවන් ඉක්මනින්ම ආවත් ටිකක් රෑ උනා හෙට සෙනසුරාද මට පන්තියක් තියනව ඒ නිසා මම අදම එන්න පිටත් උනා...

ඔය මහත්තයල කොහෙයන ගමන්ද ??අපි අපේ මහත්තයෙකුගෙ පාර්සලයක් දෙන්න යනවා..හෙට සෙනසුරාද නිසා අද මේක දීලම යනව..අපි ...........එකේ චමින්ද කීය..
ඒ මහත්තය කොහෙද???

මහත්මයා හඳුනා ගැනීමට හාමුදුරුවන්ට අවැසි උවත් ළඟදී පදින්චියට ආ කෙනෙක් වූ මහතා හඳුනාගැනීම අප දුන් දත්ත මඳ නිසා හාමුදුරුවන්ට අපහසු විය....

මෙහෙ තමා මගෙ පන්සල..මම කලින් හිටියෙ මෙහෙ ඉස්කෝලෙක ඉතින් ඒ කාලෙ ඉඳල තාම මම මෙහෙ පන්ති කරනව..

ඔය මහත්තුරු කාලද???

අපි හාමුදුරුවනේ එමින් ගමන් තේ එකක් බීල ආවෙ ....

හාමුදුරුවන්ට කෝල් එකක් විය...සිරිදාස තව ටිකකින් මම එනව ...........එකේ වාහනයක් හම්බ උනා.පොඩ්ඩක් ඔය ගේට්ටුව එහෙම ඇරල තියන්න..

අප ගමන් කලේ කැබ් රියක උවත් කැබ්‍රිය අලුත් එකක් වීමත් පාර සීරුවට ළඟදී කාපට් වී තිබුන නිසාත් ගමන සුවපහසු විය....
මහත්තය මේක ගොඩක් සුවපහසුයි?/කීයක් විතර වෙනවද මේක...ලක්ෂ 40ක් වත් ඇති මයෙ හිතේ...

නෑ හාමුදුරුවනේ මේක ලක්ෂ 98කට අපේ කොම්පැනියට අරන් තියෙන්නෙ එලියෙ 80ක් විතර වෙනව...

දැන් 60ට විතර බැහැල ඇති..මාද කීමි...
හාමුදුරුවෝ විශ්මයට පත් විය.....

මේක ගැස්සෙනව එහෙමත් බොහොම අඩුයි නේ ආසනත් හරිම සනීපයි...එහෙත් දවස තිස්සේ බොහොම රලු පාරවල්වල ගැස්සෙමින් සිටි අප දෙදෙනාට කීමට පිළිතුරු යමක් ඉතිරි නොවීය...
එවිටම වේගයෙන් ගිය අපේ වාහනයට කාර් එකක් ඉදිරියේ දිස් වන්නට විය..දැන් හාමුදුරුවෝ බැසීමට ආසන්න තැනටද සමීපය,,..

ඔය ඉස්සරහින් යන වාහනෙත් නවත්ත ගත්ත ඒකෙ හිටපු මහත්තය කිව්ව බොහොම ළඟින් හරවනව කියල...

රෑනිසා බයවෙන්න ඇති හාමුදුරුවනේ ඒ අපේ චමින්දය
මං දවසක් ඔය වාගෙ කට්ටියක් අරන්ගිහින්,,උන් මහ අස්සකට යනකල් එක්ක යන්න උනා...චමින්ද කතාවක් කීය..එය බොහෝදුරට නයෙක් විය හැක...

ඔය ඉස්සරහ බෞද්ධ කොඩියක් තියෙන තැනින් නවත්තන්න...මෙතන ඉඳල වැඩි දුර නෑ නෙ හාමුදුරුවනේ.ඒ චමින්දය.නෑ මේ ලඟමයි හාමුදුරුවෝ කීය අප දෙදෙනාට පින් දුන් හාමුදුරුවො බැස ගියේය...

2 comments:

  1. ඔතන කෑවද කියල ඇහුවම චමින්ද දෙන උත්තරෙන් කියන්නෙ තිබුනොත් තව කත හැකි වගෙ අදහසක්...

    ReplyDelete