නරක් වූ දෙක.

කෑම පිඟාන දැන් වෙනදා තරම් බර නැත. වතුර බෝතලයක්ද මහත්තයා ගෙදරින්ම ගෙන එයි. පියසෝම කාර් එක එනතෙක් වෙනදා මෙන්ම බලා සිටී. මහත්තයාගේ වකුගඩු වල ලෙඩකි. මහත්තයා ලෙඩේ විස්තර කිරීමෙන් තෘප්තියක් ලබයි. දැන් මහත්තයාට කන්තෝරුවේ එච්චර රාජකාරියක් නැත. මහත්තයාට කරන වැඩ තීරණය කරන්නේ ඔහුමය. ඔහුට හිතුවනම කාලයක් යකා බැදගත් සේ දුවන පනින මුත ්කාලයකට ඔහේ පරිඝනකය දෙස බලාන නිකා ඉඳී..

නමුත් මහත්තයා කන්තෝරු ඒම නවත්වන්නේ නැත. හෙට මලත් අද කන්තෝරු පැමිණිය යුතු යැයි මහත්තතයා සිතන බව පියසෝම දනී. මහත්තයා නැති කන්තෝරුව පාලුය. එදාට කෑම එක රැගෙන එන්නට දුවන්නට, මහත්තයාට අඩුම කුඩුම ගෙනඑන්නට දුවන්නට පියසෝමට සිදු නොවේ. එසේම මහත්තයාට එන්න තියෙන ලියුනුත් මහත්තයාගෙන් අස්සන් වී යන්න තියෙන ලියුනුත් මහත්තතයා නැති දවසට වැඩිමනක් ලැබෙන්නේ නැත. එදාට දවසම නිදි කිරමින් සිටිය යුතුය.

මහත්තයා සිටිමෙන් ඇතිවන හොඳක් යැයි යමක් සිතිය නොහැක. නමුත් පියසෝම අවබෝධ කරගත්තේ මහත්තයා නැති කලෙක තමුන්ද නැති වන බවකි. මහත්තයා ලෙඩට දුකකටවත් නිවාඩුවක් දෙන අයෙකු නොවේ. ඔහු සැරය පරුෂය. කුඩා දේටත් කිපී කෑ ගසයි. ලිපි වරද්දා බෙදූ විටද වැරදි බඩු ගෙනා විටද පියසෝමගෙන්

මොකෝ පියසෝම? දැන් අවුට් වෙලාද? යැයි අසන්නේ කිසිදු තෙතමනයකින් නොවේ. නමුත් මහත්තයා හොඳ බවක් පියසෝම නිතර හැමෝටම කියයි. ඔහුට අනුව පියසෝම යන නම ඇත්තේ මහත්තයා නිසාය. මහත්තයා නැතුව පියසෝම කෙනෙක් නැත. මාරුවක් ගත්තද ගෑනු මිනිසුන් තිහ හතලිහ සිටින කන්තෝරුව වලට කඩේ යෑම අපාසුය. මහත්තයා වැනිව එක් අණක් නැති තැන වැඩකරන්නට සිදු වන්නේ එක් එක් අයගේ යටතේය. එවන් වු වීදි ඝනිකාවක මට්ටමට වැටිම පියසෝම අකමැතිය. ඔහුට මහත්තයා සමග සිටීම පියසෝම යන නමටද මහත් වූ තැනක් ඇති දෙයක් ලෙස සිතෙන්නට වූයේය.

තාත්තට නම් පිස්සු අම්මෙ? ඔය අල්විස් ලොක්ක යටතෙ තාත්ත කොයි තරං කල් වැඩ කරනවද? මිනිස්සුන්ට කිසිම වාසියක් තියෙන එකෙක් නෙමෙයි ඔය අල්විස් කියන්නෙ. අඩුතරමෙ තාත්තට නිවාඩුවක් හරියට ගන්න පුලුවන්ද ලොක්ක එක්ක හිටිය කියල. ඔය ලොක්ක අපේ ගෙදර ආවත් හෙන ගෙම්බර් නේ දාන්නෙ. මට නං පේන්න බැහැ තාත්ත ලොකු කරං හිටියට. ඒ මදිවට දැන් තාත්ත රට වටේ ඇවිද ඇවිද අල්විස්ට වකුගඩු හොයනව. පියසෝමගේ පුතා අම්මාට නෝක්කාඩු කියන්නට විය.

උඹ කෑ නොගා හිටිං.උඹට අමාරුවක් නැැහ නේ. කෝමත් උඹලට කයි ගහ ගහ රෑට පාඩං කරනව කියලා මං රවට්ටල කොම්පියුටර් ගහන තරං ලේසි නැහැ ජිවත් වෙන එක. උඹල හිතං ඉන්නෙ උඹල මහ රජ්ජුරුවො කියලද? ඒ මනුස්සය ලොක්ක ලග වැඩ කරනව නම් ඒ ලොක්කගේ දේවල් හොයන්න ඕන. එහෙම නැතුව කොහොමද? උඹල හිතන තරං ලේසියෙන් මිනිස්සුන්ට සල්ලි ලැබෙන් නැහැ. ඔය ගනුදෙනුව හරි ගියොත් තාත්තට කීයක් හරි ගතමනාවක් ලැබේවි. ලොක්ක වුනත් වකුගඩුව නිකං ගන්නෙ නැහැ නේ. අම්මාගේ වදන් සමග වකුගඩු සෙවීමද ලාබ අලාබ ගිණුම් සහිත සංකීර්ණ එකක් වූයෙන් පුතා කරබාගෙන නිකා සිටියේය.

පුතා සහ අම්මා අතර වූ වාදය පරණ බණ පොතක් කියවමින් සිටි පියසෝමගේ කණ වැටිනි. වකුගඩුවක් හම්බ වුනොත් අල්විස් මහත්තය නිකං ගන් නැහැ. පනහක් හැටක් වත් මට ලැබෙයි. එතකොට අලුත්ම බණ පොත් සෙට් එකකුත් ගත හැකි. මේ පොත් වලට වැඩිය ලේසියි අලුත් බණ පොත් වල බණ තේරුං ගන්න. පංසලේ තාප්පෙට ගාන්න හුණු පැකට් ටිකකුත් අරං දෙන්න ඕන. පියසෝම ලැබෙන මුදලින් පිං කම් කරගන්නා සැටි හිතන්නට විය.

අල්විස් මහතා මුලින් මුලින් සිය වකුගඩු රෝගය වසන් කලේය. නමුත් අල්විස් මහතාගේ කතා බහෙන්, මුලින් වූ බලාපොරොත්තු සුන් වි යන විට පියසෝමටද කතාව ආරංචි විය. අල්විස් ගේ ම නෑ කෙනෙකු වූ පලමු වකුගඩු ප්‍රධානියාගේ වකුගඩුව නොගැලපිණ. ඉන් පසුව අල්විස් මහතාට වකුගඩුවක් ලැබුනේ ඔහුගේ මිතුරකු දන්නා කියන සාදු කෙනෙකුගෙනි. එයද පින් තකා දෙන වගක් කීවත් ලක්ෂ තුනක් විතර හාමුදුරුවන්ට දෙන්න වෙන වගක් අල්විස් මහත්තයා කිව්වේය. නමුත් ලේ වල ප්‍රශ්ණයක් නිසා නොකෙරන තැනට පත් විය.

බලනව පියසෝම. , මං මෙච්චර පිං කම් කරලත් මට අකාල මැරෙන්න වෙන විදියක් තමයි පේන්නෙ.. යාන්තං දෙන්නෙක් හොයාගත්ත ඒදෙන්නම හරිගියෙ නැහැ. දැන් නම් මට දැනෙනවත් එක්ක. මේ නරක් වෙච්චි කෑලි දෙක පන්නල දාන කල් මටත් ඉවසුමක් නැහැ. සල්ලි දීලවත් වකුගඩුවක් හොයාගන්න බැහැ නේ. ඒහොයා ගත්තත් ටෙස් විස්ස්ක් විතර තියෙනවා. එක ටෙස් එකකින් පේල් වුනොත් වකුගඩුව හරියන් නැහැ. ඔය කිව්වට ඕක දැමමත් මොකක් වෙයිද මන්ද .. අපිට ම නේ මේවත් වෙන්නෙ. මං මිනිස්සු කී දෙනකුට රස්සා දීල ඇද්ද? පවුල් කීයක් මං නිසා අද කනව බොනව ඇද්ද? එහෙමට සලකපු මටත් මෙහෙම වෙනව නේ..

පියසෝමට මේවා අහන වචන අලුත් දේවල් නොවේ. ශූර ව්‍යාපාරික ඥානයක්ද කළමනාකරන හැකියාවක්ද අල්විස්ට ඇත. ඔහු වැඩකරන්නේ සමූහ ව්‍යාපාරයක ඉහල නිලයක මුත් ඔහුට සමාගම තුල සැලකිය යුතු බලයක් ඇත.ඔහු සේවකයින්ට ගෙවීම් කිරීමේදි මසුරෙකි. ඔහු සේවකයින්ට පඩි නඩි ගෙවීමත් පහසුකම් සැලසීමත් සියතින් ඉටු කරනු මහා දානයක් පිරිනැමීමේ ආකාරයට සිතයි.

සර් මාත් ටිකක් හොයල බලන්නං. දැන් මොන වගේ කෙනෙක් වෙන් ඕනද දන් නැහැ නේ සර්? මහත්තයා යැයි ඇමතීම පරණ බව පියසෝමට සිතෙන විට සර් පනී.

ලේ ජාතිය මගේ ජාතිය වෙන් ඕන. ලක්ෂ හතරකට අඩු වෙන්නත් ඕනි. මොකද ඉතිං මේ උපරේෂන් එකටයි අනික් බේත් වලටයිත් ගියාම ලක්ෂ පාලහක විතර මේ ලෙඩේටම. අල්විස් මහත්තයා කීවේය. තමුසෙ ගැනත් මම බලන්නං. පොඩ්ඩක් හොයල බලනෝ පියසෝම. හැමෝටම කියන්නත් බැහැ නේ.

පියසෝම සිය නෑදෑ යින්ටද යාලුවන්ටද කියා වකුගඩුවක් සොයන්ට පටන් ගති. ඔහුට අහම්බෙන් අයෙක් කතා කලේය. ඔහු වකුගඩු දෙන්ට කැමතිය. ඔහුගේ ලේ වර්ගයද අල්විස් මහතාටම ගැලපුනි.

ඔවැයි කොහේද? මං මේ පියසෝම අයියලයි ගෙවල් හරියෙම තමයි සර්.. පියසෝම විසින් එක්කරගෙන පැමිණි වකුගඩු දායකයා පලමු වරට අල්විස් දැක්කේ පියසෝම විසින් ඔහු අල්විස් මහතාගේ කන්තෝරු කාමරයේදීම මුනගැස්සවූ පසුය.

මෙහෙමයි වැඩේට කලිං ටෙස් කොරනවා. ඒ ටෙස් වලට කලිං මං ඔහෙට පනස් දාහක් දෙනව. ඉන් පස්සෙ වැඩේ කෙරමින් යන කොට සල්ලි ටික ටික ලැබේවි. වැඩේ හරියටම හරි ගියොත් ඔහේට ඔක්කොම වියදං වලටත් එක්ක ලක්ෂ හතරක් පහක් සල්ලි ලැබේවි. සල්ලිම නෙවෙයි. ලොකු පිංකමක් බව ඇත්ත. ඒත් ගොඩක් අය ඉස්සෙල්ලම කෝල් කරල මගෙන් අහන්නෙ සල්ලි ගැන. ඒ වගේම වකුගඩු දෙන්නං කියල සල්ලි අරං මිනිස්සු පනින අවස්ථාත් එමටයි කියල දොස්තර මහත්තයත් කිව්ව.

අනේ මහත්තයො මම නං එහෙම නැහැ. මට සල්ලිත් ටිකක් ඕනවෙල තියෙනව තමයි. ඒත් ඉතිං මේ වගේ පිංකමක් අපිට ආයි කවද කරගන්න ලැබෙයිද කියල තමයි මාත් මේ වැඩේට පියසෝම අයිය එක්කල කැමති වුනේ.

අපි එලියට ගිහින් මොනවහරි කාල තේ කක් බොමු.

පියසෝම....ඔවැයිතුත් එනව අපි එක්ක තේ බොන්න යන්න.. ඔය වැඩ පස්සෙ කොරගන් ඇහැකි.

තිදෙනෙක් අලුත්ම නොම්මර සහිත සැප කාර් රියකට නැංගෝය. එක් අයෙක් කාර් එකේ අයිතිකරු බව පෙනුනි. කාර් රියද දුරදීම ඔහු හඳුනාගත්තාක් මෙන් ඈතදීම ලයිට් පත්තුවී වරක් නිමී ගියේ නවීන කාර් ලොක් කට්ටලයේ පහස නිසා විය යුතුය.ඇඳුම, සපත්තු,ටයි ආදියෙන් සන්නද්ධ කාර් රියට වඩාත්ම ගැලපෙන කෙනා ඉදිරිපස රියදුරු අසුනේ වාඩි විය. මෙතැනට තවත් රියෙදුරෙකු ගාවා ගැනීම්ට අකැමැති වූ අල්විස් මහතා තෙමේම රියදුරු වැඩය කරන්නට පටන් ගති. ඉතිරි දෙන්නා රිංගන්නට ගුලක් ලැබෙන මීයන් පරිද්දෙන් මහත්තයා අසල සිටියේය. පියසෝම කාර් රියේ පිටිපස දොර හැරි වනම අනෙකාද පියසෝමද කාර් රියට රිංගා ගති.
මුන් දෙන්න ගෙස්ට් මම ඩ්‍රයිවර්..යැයි හැඟීමක් මහත්තයාට ආවද ඔවුන් ඉදිරි අසුනකට නාවේ තමාට ඇති ගෞරවය නිසා මිස වෙන කෙහෙම්මලක් නිසා නෙවන බව මහත්තයා දනී.

අල්විස් මහතා තාපසාරාමයට වැටුනු ගිරවා මෙන් වෙනස් වී ඇති යැයි පියසෝමට සිතෙන්නට විය.

මේ බිස්නස් වැඩ අනම් මනම් කලාට මමත් දනට පිනට බොහොම ලැදියි. අපෙ ගෙදර කට්ටියය් හාමුදුරුවොයි පුදුම වුනා මට මේ කරුම ලෙඩේ මට හැදුනම. අල්විස් කියාගෙන යන්නට විය.

ඔය කොම්පැණියෙ මම ලොක්කෙක් වගේ පෙනුනට මට වැඩිය ඕක අයිති බැංකුකාරයින්ට. වැඩිමනක් තියෙන්නෙ ගතපු ණය. ඔහෙලා හිතං ඇති අපි ලොක්කො විදියට මහා වස්තු කන්දරා තියාගෙන හරි සැප විදිනව කියලා. ඒත් බැංකු හතර පහකට ණය වෙලා හිතේ නිවනක් නැතුව හරියට කෑමක් බීමක් වෙලාවට නැතුව අපි මේ කම්පැනි නඩත්තු කරන්නෙ.ඒ වෙහෙස එක්ක වෙන්නත් අැති මේ ලෙඩ.. ඔහෙ කිසි දේකට බයවෙන් එපා. හොඳම තැනක තමයි උපරේශන් එක කරන්නෙ. ඒ වගේම ඔහේගෙ ගෙදර පවා වෙනම කාමරයක් හෙම හදාගන්න වෙයි විෂභීජ නැති තැනක්. උපරේශන් එකෙන් පස්සෙ ඉන්න වෙන්නෙ ඒ වගේ විසබීජ අඩු තැනක.. මං ඒකටත් වෙනම කට්ටියක් ඔහෙලයි ගෙදරට එවන්නං. අල්විස් කියාගෙන යයි. ඉතිරි දෙදෙනා බයාදු අය වූයෙන් අල්විස් කියන දෙයක් අසාගෙන සිටීම ඔවුන්ට සැනසීමකි.

දැන් ඉන් හිටින්න තැනක් තියෙනවයි? ඔහෙට. අල්විස් තේ වතුර එක හදාගන්නා ගමන් ඉතිරි අයගෙන් ඇසුවේය.

කුලියට ඉන්නෙ මහත්තයො. එතන දූලගෙ පවුලත් ඉන්නව. පොඩි උනුත් ඉන්නව. මට වෙනම කාමරයක් ගන්න ඇහැක් වෙයි. ඒක කාමර දෙකයි සාල කෑල්ලයි. මම රෑට නිදාගන්න බිම සාලෙ තමයි මට නං සනීප.. කාබරයක් නං ඇහැක් වෙයි. බයවෙන් නෙප මහත්තය.

හහ් හහ්..මං විතරක් නෙවෙයි මනුස්සයො ඔහෙටත් අවධානමක් තියෙනවා කාලයක් යනකං.. වතුර ජාති වලිං බොන ජාති වලිං පරිස්සං වෙන්න වෙනව.. කාලයක් යනකල්..

ඔහෙ ඉතිං මාත් එක්ක මේ ගැන කතා කලාට ගෙදර කට්ටිය ගෙ උත්තරෙ මොකද්ද දන් නැහැ නේ.. මං ගෙදරට ඇවිත් බලන්නං. මට ගහවිත් දන්නෙත් නැහැ නේ දූල අම්මල හෙම..මහත්තයා කියන්නට විය.

අනෙ නැහැ මහත්තයො. අපෙ ගෑනි මං කියන දෙයක් තමයි. ඒත් උන්ද නං ඩිංගක් වත ්කැමති නැහැ..ඒත් මගේ වචනෙට ඒ උන්දැ පිටුපාන් නැහැ. ඒ මිනිහා වැඩිය කතා කාරයෙක් නොවන බැවින් ඔහුට කැමති දේ කන්නට බොන්නට දී පිරිස විසිර ගියේය. මහත්තයා කවදාවත් නැතිව ඒ මනුස්සයාට බස් වියදමට පන්සීයක්ම දී බස් නැවතුමට ඇරලීමද කලේය.

පියසෝම මෙහෙ එනව. මං තමුසෙව කාලෙක ඉදල දන්නව. මට හෙට අනිද්ද වෙනකොට අර පවුලෙ විස්තර ටිකක් හොයල ගෙනත් දෙනව. මිට කලිං හම්බුන හාමුදුරුවන්ටත් වඩා මිනිහ හරි අහිංසකයි වාගේ. ඒ යකාගේ පැත්තෙන් මොකුත් කොන්දේසියකුත් නැහැ.පිනක් ගැන ලොකු අදහසකුත් නැහැ. මට ටිකක් විස්වාස නැහැ වගේ. හොයල බලල ඉක්මන්ටම වැඩේ ඉතිරි කොටස් වලට යමු.

නැත්තං මුලින් ටෙස් ට් වලට ගෙවන එක තේරුමක් නැති වෙයි නේ ගෙදර කට්ටිය හෙම අකමැති වුනොත්.. මහත්තයා කියාගෙන ගියේය.

හරි මහත්තය මං බලන්නං. වැඩි දුරක් නැහැ අපේ ගෙවල් හරියෙමයි. මාත් එක්ක කාලයක් ඔය මිනිහ පංසලේ සිලුත් ගත්ත. වැඩිය කතාබහක් නැති වුනාට හොඳ මනුස්සයෙක් වගේ පෙනුනෙ.