වහන්න ඕනිද මන්දා

කුණුහරුප ඇති බැවින් ඔබ 18ට වැඩිනම් පමණක් කියවන්න.

ගෑනු කැමති නීති දාන මිනිස්සුන්ට.. හහ් හහ් හහා.

වෙන්නැති බං. මොක වුනත් නීති නැතුව ගෑනු මෙල්ල කරගන්නත් බැහැ.

මේ ආන්ඩුව වැඩිකල් තියෙන් නැහැ..

කාර් ගන්නවනං තව ටිකක ඉන්න එක හොඳයි. දැන් රීකන්ඩිෂන් මාකට් නැහැ.

උන්ගේ පවුල ගැන කියල වැඩක් නැහැ බං. මොනව කරන්නද කරුමෙ තමයි.

ඔෆිස් එකේ ඉතිං කේලමා කියල නේ ඌට කියන්නෙ.

මේ විදියේ එක එක ජාතියේ කතා රාශියක් කිහිප වතාවක් අවන්හලේ අරක්කු බොන මේසය හරහා කැරකෙන්නට විය. ඉන් පසු කට්ටිය ආස කරන මාතෘකාවක් ආවේය.

කොච්චර කන්නම ලැබුනත් බලන්න තියෙන ආසාව අඩු වෙන් නැහැ නේ බං. ආන්ඩුව කුනුහබ්බ කියලා දැන් වැල අල්ලනවලු. පොලිසියෙන් කිහිප තැනකම අල්ලලා තිබුනා. එකෙක් කීවේය.

මෙහෙ නීතිය අනුව තියන් ඉන්න පුලුවන් බලන්න තහනම් මංහිතන්නෙ හේතුව ඒකයි. තවකෙකු පිළීතුරු දුනි.

අදාල නැති ගෙම්බා 1

එවිට පසෙකට වී අසල මේසයක බීර වීදුරු කිහිපයක් හිස් කර සිටි ලොව වටා සංචාරය කරන ලද කල්ඉකුත්වූ නැවියෙකු යැයි සැලකිය හැකි මාබෝ නම් මහල්ලකු පිළිතුරක් දුන්නේ පිරිසම ඔහු වෙත නතු කරගනිමිනි.

එක රටක් තියෙනවා එහෙ නම් පිරිමින්ට පුලුවන් සම්පූර්ණයෙන් මොකුත් නැතුව ඉන්න. 

හහ් හහ් හා..මාබෝ අංකල් අදත් කතාවක් වගේ නේද? ආහ් කියන්නකෝ බලන්න ඒ රටේ විස්තර...

අපේ නැව් ගිය කාලෙ සමාර කාල එනවා නැව් නැතුව අපිට වරායවල් වලට වෙලා ඉන්න වෙන. රුසියාවෙ පෝට් එකක නැව දැම්මහම නැවේ දෝෂයක් ඇවිත් නැව හදන්න කාලයක් ගත වෙනවා කියලා ආරංචි වුනා. අපි කීප දෙනෙක් රට ඇතුල බලන්න තීරණය කලා.

එහේ රුසියාව මායිමේ එක රටක් තියෙනවා ඒක සිතියෙමෙත් නැහැ වගේ. කාරුවත් රුසියාව ගැන වැඩිය දන් නැති හින්ද හොයන්නෙත් නැතුව ඇති.

ඒරටේ පිරිමි ලිංගය විතරක් පෙන්වන්න පුලුවනි. ආචාර ක්‍රමයක් විදියටත් පුරුෂ ලිංගය පෙන්වීම පාවිච්චි වෙනවා. මං ගිය දවසෙ හරියට බය වුනා. සමහරු කලිසම පහත් කරලා ආචාර කරගන්න කොට..

ෂික්..මාබෝ අයියේ..ඒකනං මහ පට්ට වල් කතා වක් නේ.. කොහොමද ඕක ඇතිවෙල තියෙන්නෙ දන් නැහැ නේ?

මල්ලි මේ මාබො අයියට ඉතිං සීන් එකක් වැටුන කියන්නෙ ඉතිං ලෝකෙ ලොකුම රිපෝටර්ට වැටුන වගේ නේ..

අදාල නැති ගෙම්බා 2

මේමයි. ඒ රටේ මිනිස්සු හරිම නිර්ආගමිකයි. ආගමක් අදහන්නෙ නැහැ. ඔවුන් ආගම් ඇදහීම දැඩිව පිළිකුල් කරනවා. නමුත් ආගම් නැතිවුනාට එයාල ජීවත්වෙන රටාව වෙනස්.

පක්සරාජ කියලා ඒ රටේ රජෙක් ඉඳලා තියෙනවා. ඒ රජතුමා මුස්ලිම් රටකට ගිහින් ලොකු සම්මානයක් අරගෙන ආවලු. එතකොට ඒ රටේ රජතුමාට විරුද්ද අය මේ පක්සරාජ රජතුමාට විරුද්ධව කැරැල්ලක් ගහලා තියෙනවා මුස්ලිම් ආගමික තම්බි රටකට ගිහින් ආවා කියලා.

නිර්ආගමික රටේ ආගමක් අදහන රටකින් සම්මානයක් ගෙනාපු එක රජතුමාට හරහට හිටියා. ලැබුන සම්මාන උපාධිය පක්සරාජ තුමා බොහොම ආසාවෙන් පාවිච්චි කලේ මිනිස්සු තමුන් ගැන තියෙන ගෞරවය වැඩිවෙයි කියාල හිතලා. නමුත් උනේ වෙන දෙයක්. මිනිස්සු රජතුමා දිහා සැකෙන් බලන්නට වුනා.

අවසානෙ රජතුමා ට තේරුනා මුස්ලිම් රටකින් සම්මානයක් දිනපු එකෙන් තමුන්ට විරුද්ද රජකම බලාගෙන ඉන්න අයට ලොකු වාසියක් වුනා කියලා. ඒ විරුද්ද පැත්තෙ හිටපු ජින්තු කියන නායකයාට අනුව පක්සරාජ තුමා සුන්නත් කරලා. ජින්තු මේ කතාව හැමතැනම කිව්වා. රජතුමා සුන්නත් වෙලා අපේ නිර්ආගමික රටට මුස්ලිම් ආගම ගේන්න යනවා කියලා.

පක්සරාජ තුමා එලවන්නයි දැන් හදන්නෙ. එතුමාට ඒ රටේ හිටපු නිර්ආගමික සංවිධාන නායකයින්ගේ දෝෂාරෝපන සෘජුව එල්ලවුනා. අවසානෙ නිදහස් දවස ආවා. එයාල ආගමින් නිදහස් වෙච්චි දිනය මහත් ලොකු උත්සවයක් විදියට සමරනවා. ඒකෙදි සත්‍ය එලි කරනවා කියලා පක්සරාජ කිව්වා.

ලොකූ තිරයක් කැමරා ආදිය සූදානම් කරල තිබුනා. ඒ වගේම කුඩා ලමයිට එන්න එපැයි කියලා තමයි නිදහස් උස්සවේ තිබුනෙ. බොහෝමයක් ජනතාවට එන්නැයි කියලා ලොකුවට උස්සවේ තිබුනා.

අදාල නැති ගෙම්බා 3

පටන් අරං ටික වෙලාවක් ගිහින් පක්සරාජ තුමා ඇවිත් කතාව කිව්වා. “ මට ආපු චෝදනාව බොරුයි කියලා පෙන්වන්න තමයි යන්නේ “ කියලා එතුමා කිව්වා. සරම එකවරම උස්සපු පක්සරාජ තුමා තමුන් සුන්නත් කරපු නැති බව මුලු රටට පෙන්නුවා. බලං හිටපු ගෑනු පිරිමි කට ඇරගෙන පක්ෂරාජ තුමාගේ මහානුභාව සම්පන්න අංගජාතය දෙස ඇසිපිය නොහෙලා බලං හිටියෙ නැවත කවදාක මේ මන්ඩලය දැකගන්නට ලැබේදෝයි යන දෙගිඩියාවෙන්.  මහ ජනතාව සුන්නත් කරපු නැති පක්සරාජ තුමා ගැන සතුටු වුනා. එතුමාට දීර්ඝායු පැතුවා. ජින්තු ගේ ගෙදරට එදා රෑ ලොකු ගල් පාරවල් වැදුනාලු.

රටේ මේ වගේ දූසමාන ආරංචි පැතිරීම නවත්වන්නත් පක්සරාජ තුමාගේ නිකැලැල් රහස් යෂ්ඨිය සමස්ථ රටේ ඈත පලාත්වල සියළු ජනතාවට පෙන්වලා නිර්දෝෂීබව පෙන්වන්නත් පක්සරාජට උවමනා වුනා. වහාම නීතියක් ගෙනල්ලා පිරිමි අයට ලිංගික අවයව පෙන්නීමේ තහනම ඉවත් කලා.

පක්සරාජ තුමාගේ අවයව කොටසින් බින්දුවක් වත් අඩු නැහැ කියාල පෙන්වන්න විශාල කටවුට්,බැනර්, පෝස්ටර් තැන තැන ඉදිවුනා. හන්දියක් හන්දියක් ගානෙ මිනිස්සු ඒක දැකලා අනේ මේ තරං පිවිතුරු පක්ෂරාජ තුමා නේද අපි මේ තරං කල් වැරදියට දැක්කේ කියලා දුක් වුනා.

 මාබෝ කතාව කියාගෙන යන අතර පිරිස කට ඇරගෙන මේ අලුත් රට ගැන අහගෙන ඉ්නනවා..ඉතිං එච්චරයි මල්ලිලා විස්තරේ..රටේ ගැනු තාමත් වහගෙන ඒත් පිරිමින්ට රාජ්‍ය අවසරය තියෙනවා ඕනි තැනක තමුන්ගෙ නිර්ආගමික බව පෙන්වන්න. 

ඉතිං ජින්තු කැපුනා නේද සිද්දියෙන්...? හහ් හහ් හා... එකෙක් සිනාසෙන්නට වුනා..

යළිත් මාබෝ කතාව ආරම්භ කලා.

මල්ලි ලා හිතන් ඇති ජින්තු කැපුනා කියලා. නමුත් ජින්තුත් වැඩේ ඇරියේ නැහැ. ජින්තු සමීක්ෂනයක් කරලා තරමක් විශාල පෙනුම තියෙන පුරුෂ ලිංග වල පොටෝ රටේම පෝස්ටර් විදිහට ගැහුවා. එතනදි පක්සාරාජගේ අසුවල් කෑල්ල පොඩියි කියලා ජනතාව අතර ලොකු කසුකුසුවක් යනවා. සමාර ගෑනු පවා පක්සරාජ තුමාගේ පොඩියි නේද කියලා යළිත් හිතන්න වුනා. 

අදාල නැති ගෙම්බා 4

ඔන්න ඔය වෙලාවෙ පක්සරාජ මීඩියා ටීම් එක වැඩට බහිනවා. බැහැලා පරණ පොතක් හොයාගන්නවා අලිංගවංශය. කියලා. ඒකෙ පරිපූර්ණ මිනිහෙකු සතු විය යුතු අංජාතයේ දිග හරියටම පක්ෂරාජ තුමාගේ අංගජාතයේ දිගට සමාන වෙනවා. ඒක හරිම ආශ්චර්යයක්. අලිංගවංශ පුරාණ පුස්තකය බොහොම බලගතු එකක්. ආචාර්ය මහාචාර්ය වරු කිව්වා. ඒ පොත අනුව නියම දිගට පළලට පක්ෂරාජ අංගජාතය සමන්වීත වීමෙන් රට වාසනාවන්ත වෙන බවක් හැමෝම කතාවුනා.

මුලින් මුලින් පණ්ඩියෝ කැමර් ඉස්සරහා මේ අංගජාත ස්ටෑන්ඩඩ් එක තියෙන පොත හොදට ජනතාව අතර වන්දනීය වෙන විදියට පොතේ තියෙන වැදගත්කම ජනතාවට අවබෝද කරලා දුන්නා. පස්සෙ අර කියමන මාකට් කලා. කොහොම හරි කාලයක් ගියාම මහ රජතුමාගේ සයිස් එකට කෑල්ල හදාගන්න ගොඩක් අය උත්සාහ කලා. 

හහ් හහ් හා.. මාබෝ අයියත් ඉතිං ඒ රටේ වැඩි දවස් උන්නේ නැද්ද? එකෙක් ඇහුවා.. 

කොහෙද මල්ලි ඉන්නෙ? ඒ රටේ ගෑනු අපේ කොච්චර තිබුනත් අර කිංග් සයිස් එකමයි හොයන්නෙ? වැඩිය ලොකු වුනත් හරි යන් නැහැ.පොඩි වුනත් හරි යන් නැහැ..කිං සයිස් එකට ඕකේනම් විතරයි උන් සැටිස් වෙන්නෙ. 

අපිට පුලුවනෑ මල්ලි උන් එක්ක ඉන්න. මං ආයෙත් පෝට් එකට ඇවිත් වෙන නැවක් ටෝක් කරල නැග්ගා. 

ගොඩක් උන් මේව විස්වාස කරන් නැහැ. ඒත් මට ඉතිං හතර අතේ දිව්ර දිව්ර ඇත්ත කියල කියන්න වැඩක් නැහ. මේ මාබෝ කියන්නෙ මොනවද කියල හැමෝම දන්නවා නේ.. 

මාබෝගේ මේසය අසල සිටි අය මාබෝ ගේ කතාව එදිනට හමාර බව දැනගෙන එකිනෙකාට සුබපතමින් විසිර ගියා.