Thursday, January 15, 2015

කෂුද්‍ර වහලුනගේ කතා වස්තුව 2


මහා ව්‍යාපාරයක දිනයක් යනු වැදගත් දෙයැකි. සුළුපටු සුදුසුකම් වලට ලාබයට ගතහත් මේ අවුට්සෝස පිරිස කරන ලද සේවය නම් අත් මහත් එකකි. එබැවින්කාවේරි සිටි අධිපති මහා කොන්ඩඤ්ඤයෝද මේ දෙයැ විසඳන්නට වහා විසඳුම් සොයන්නැයි සේවක මුළ පාලනය කරන ලද පුරුෂයන්ටත් ස්ත්‍රීන්ටත් අණ කලෝය. සේවා මුළු පාලක අංශාධිපතීහුද කොණ්ඩඤ්ඤයෝද සාකච්චා කලෝය.
මුලින් මුන්ගේ ධ්‍යාන බල බිඳින බලයක් ධ්‍යානලාභී යෝගීන්ගෙන්ම සොයාගත යුතුයැ සිතූහ. වහා පැළලුප් නුවර සිසාරා පයින්ඩයන් යවා යෝගීන්ද බමුනන්ද ගෙන්වී මේ පිරිස බිම හෙලා සත්‍යග්‍රහ නවතා නැවත සේවයට ගෙන්වාගන්ට විදියක් ඇත්දැයි සෙවීය.
බමුණන් කැල මහල් හී සිට මේ ධ්‍යානයන් කිනම් ආකාර ගන්නේද? ස්කන්ධය ශුන්‍ය කොට ඉහළ යන්නේද? ගුරුත්වය අත්හිටවන්ට සමත් යාන්ත්‍රිකයක් භාවිත කරන්නේද? නැතහොත් වලා කඩක් හෝ වායු ධාරාවන්ගේ බලයෙන් සිටින්නේද යන වග විභාග කරන්නට වන. පරදේසයන්හී වේදප්‍රාප්ත පාඨ ග්‍රන්ථයන්හි ඇලී ගැලී සිටියා වූද වෙනත් දුරු රට සිට අත් දැකීමෙන්ම භාවනා විධි ක්‍රම දන්නා වූද ඒ අතපත්තු අවුට්සෝස සේවකයින්ගේ උපදේශක බමුණු තැනගේ මහත් බල වූ විධික්‍රමය වටහාගන්නට උන් සමර්ථ නොවීය.
එකල් හී මේ නව බමුනා සොයා ගන්නට කාවේරි ව්‍යාපාර නිළයෝ උත්සාහ දරති. නමුදු ඔහු මේ වන් කල මූල වස්තුව සොයන නියාව පිරිසිද දැන විශේෂ වූ ගුහා අභ්‍යන්තරයක කිසිදු රැස් කදම්භයකින් සෙවිය නොහැකි තැනක වසන්නේයැ. ගුහාවෙන් මතුව පෙර කී අතපත්තු සෙව්‍යන්ට ගැටළු ආදිය ඇත්නම් සැනින් ඒවා පලිසකර කොට නැවත ගුහාවට යන්නේය.
දැන් කාවේරි සිටි අසබඩ අහස් තලයේ තිබු මහා ධ්‍යානලාභී අවුට්සෝස සෙව්කයන්ගේ මහා වැඩවැරුම දරුණුය. ඔවුන් නැති නිසා මගහැරුනු කරගන්නට බැරිවුන රාජකාරි රැසකි. තුන්වන දිනයද උදාවිය.
අවුරශ්මියේ දැවෙමින්ද දූවිලි වලාවෙන් නැහැවෙමින්ද විටෙක හමන මහ සුලං රැල් වලට වාන් වෙමින්ද එක් අරමුණක සිත පිහිටුවා ගනිමින්ද කෙලෙස් මල හි අපිරිසිදු බව විඳිමින්ද ගෙවන මේ කටුක වූ මහා ගුවන්ගත සත්‍රග්‍රහය සේවකයින්ටද වේදනායකි.
අපව ස්ථීර කරවු. යන මහා හඩින් විටෙක ගුවන් ගැබ සිසාරා කෑ ගාන්නටද දෙවැනි දින සවස් වරුවේ සියලු අතපත්තු සේවකැයෝ පෙළඹුනි. ඉදින් විය යුතු පරිදිම වැටුප්ද දීමනාද සුළුවටක් දී මුන් නම්මා ගත හැකි වෙදැයි සාක්ච්චා මාර්ගික ක්‍රමයෙක් සැකසෙන්නට විය.
අතපත්තු ගේ අත පත්තුවක් මෙන් නිතර ඇලෙන මහා මානව කළමණාකාරීනියක් විසඳුම් සෙව්වාය.අපි මෙහෙම ජුංඩක් පඩි වැඩිකරමු. ඒත් සර් එක්කෙනාට ජුංඩ වුනත් තුන් හාරදාහකට ජුංඩ ජුංඩ එකතු වෙල ගොඩක් වෙනවා සර්.. අපිට ඒත් මොනාහරි කරන්න එපාය සර්.. කියමින් අතපත්තුවාට විසදුම් ඉදිරිපත් කරන්නට විය.
හුම් අපි ඒ ජුංඩට කට්ටිය කැමතිදැ බලමු යි මහා බමුනෙකුට ඔවුනගේ අදහස විමසනු පිණිස චිත්ත මාර්ගයෙන් පඩි ජුංඩ වැඩි වීම දන්වන මෙන් ඉල්වීය. වැඩිවන ජුංඩත් ඒ ජුංඩ වැඩිකොට ජුංඩ වැඩිකල පසු සියලුදෙනාටම මාස දොලහක් ගෙවන්ට වැයවෙන මහා ගානත් මහත් වූ වර්ණනාත්මක විලාසයෙකින් බමුණා විසින් සියලු ම ධ්‍යානලාභී අතපත්තු අවුට්සෝසයන්ට දැනුම් දෙන්නට පරචිත්ත විචාරී ආකාරයෙන් සම්ප්‍රේශණය කරන ලදී. නමුත් මහා අතපත්තු සේවක තැනක් ඒ පයින්ඩය වහා උකහා ගෙන ඌ, මෙයා එපා මේ ජුංඩ වගේ පහක් වත් ඕනි යැය් දැන් කියපල්ලාහ් යැයි වෙනත් පයින්ඩයක් ඇස් ඇම් ඇස් ආකාරයෙන් සියලු සේවක මනස් හී යවන්ට පටන් ගති. අහා..කිනම් ආශ්චර්යක්ද?
සියලු අහස් ගැබ..මේ ජුංඩ වගේ පහක් වත් දීපල්ලාහ්..යැයි නාද වන්නට විය.
2 වන පරිච්ඡේදය
පැළලුප් නුවරට සොළොස් ගවු දුර එක් තරා පුරයක් ස්ත්‍රී කර්මාණ්තයන්හි ප්‍රසිද්ධය. නාටක ආදිය පැවැත්වීම, නැටුම් ගැයුම් නෘත්‍ය ආදිය පැවැත්වීම..දූ කෙලින්ට කැමැත් අය දූ කෙළීමේ පහසුවෙන් යුතු එනුවර විනෝද කටයුත්තන්ටම ඇළුනක් විය. කාවේරි සිටි සිටි පැමිණි මහත් වූ උදර ඇති ටයි ඇති පුඟුලෙක් ඒ තැන්හි එක්තරා පායෙක මන්ත්‍රයක් සිදු කරති. එතැන සුන්දරී නම් වූ ගණීකා නිවාස අධිපතිනියකද ඇයගේ අතවැසි ගැහැනියකද වූයේය. රූප මදය වඩාත් තීව්ර වූ තරුණ අවධියේ සූන්දරී කුමාරයින්,සිටු පුත්‍රයින් පමණක් නොව ඇතැම් විට රජවරුන්ටද සේවා සැපයූ සුන්දරියක් විය. කලක් ගත වන විට ඇගේ රූපයේද කාය රසයේද තිබූ අලංකාරය කෙමෙන් අඩුවන්ට වූවත් උපක්‍රමයෙන් සැදි ඇය සිය මසුරන් ආදායම දිගටම පවත්වාගන්නට සමත් වූවාය.
තමා හමුවන්ට ආ පුරුෂයින් විවිධ වූ ජාතියේ ස්ත්‍රී පරාණයන් හා සංවාසයටද විවිද වූ පෙළහර දක්වා කරන්නා වූ අරුම පුදුම සංවාස විදියන් හිද කැමැත්තෝ වෙති. කුමාරයෝද රාජයෝද සිටුවරුද විවිධ උසස් පෙලේ තරුණයෝද ගැහැනුන් දක්නා පිණිසත් ලෝකාස්වාද රතියත් මූලික කොට ගෙන ස්ත්‍රී සැල් කෙරේ ඇදුනද උන් සියල්ලෝම එකමැ ආකාරයේ විනොද කටයුතු වලට ප්‍රිය නොවෙති. ඇතැමෙක් ස්ත්‍රින් ශරීරය අතගෑමෙන් පමණක් පූර්නවෙති. ඇතැමෙක්ට උවමනා කරන්නේ මළමුත්‍ර පහකොට ඒ මත්තේ සිට සිනාසෙමින් විකාර රූපි චර්යාවන්ගෙන් ලිංගික සැප ලබාගන්ටයැ. ඒ ආදී වූ නෘත්‍ය ගීත ආදී එක් කොටසක්ද? කෙලින්ම ස්ත්‍රි සුව විකුනන නමුත් පුද්ගලයින්ගේ පුද්ගලිකත්වය මනා ලෙස රැක්නා තන් බොහෝ ඇති විශාල පායක් සුන්දරීට හිමිවිය.
එහි සේව කල බොහෝ කෙල්ලෝ දිවඟනන් පරිද්දෙන් ශ්වේත වර්ණයෙන් සැදි කුමාරියන් වූහයි කියන්නේ නම් ඒ මුසාවෙකි. මනුෂ්‍ය චිත්තය විවිධ වේ.බෝ අය ධවල චර්මයෙන් යුතු රෝස මල් පරිද්දෙන් වූ තොල් පෙති ඇති ලක්ෂණ කාන්තාවන් දක්නට ආශා කරති. නමුත් ඇසට ප්‍රිය දසුනක් වුවද සෑම පුරුෂයාම එවන් වූ ඉටි රූප වැනි වූ ස්ත්‍රින් කෙරේම ලෝල වන්නේ නැත. එබැවින් ඒ සංකීර්ණ වූ මනුෂ්‍ය අවශ්‍යතාවයන්ට සරිලන සේද මනුෂ්‍යයාගේ ඇති නරක චිත්ත සන්තානයන් ඔප් නංවන සේද වූ විවිධ ආකාරයේ කැත ලක්ෂණ, ශ්වේත වර්ණ, ඡවි වර්ණ, උස් මිටි, කෛසඟ තරබාරු ආදී වූ විවිධ ආකාරයේ ස්ත්‍රින් ඇති මහත් වූ ස්ත්‍රී ගොවිපලක් වැනිව එය දිස්වන්ට විය.
මේ අභ්‍යන්තරය සලකා බලන්නේ නම් අපිට ඇසට පෙනෙන ගැහැනුන්ට වඩා ඒ තුල පීඩිත ව සිටින ස්ත්‍රිනගේ කතා සෝබරය. නමුදු වහලුන් එදාවේල සරිකරගන්නේත් ජීවිතය ගෙනයන්නේත් වහලුන් ලෙස හෝ ඔවුනගේ ජීවිතය යම් තරමින් හෝ ගෙනයන්නේත් වහල් මෙහෙය නිසාය. වහලා ට ජීවිතය යනු වහල් බවයැ. වහලා වහල් බවින්ද මුදා දැමිය හැකි නමුදු ඉන් මනත වහලා වැටෙන්නේ කවර නම් වූ තැනකටදැයි බෝ දෙනාගේ චිත්තය මෙහෙයෙවන්නේ නැත.
ස්ත්‍රී හු අන් කර්මාන්තයන්හී කටුක බව නිසාත් සිය ආත්මභව වලින් රැගෙන එන ලද්දා වූද ස්වකීය ජීවිතයෙන් ඔප් නංවා ගත් තා වූද යම් යම් අගතීන් හේතුයෙන් කරුම ස්ථාන වලට පත් වෙති. ඒ අවසන බෝ විට කහවනු කීපයකට කිසියම් පුරුෂයකුගේ රති සුව පිණිස සජීව ස්ත්‍රී වස්තුන් පවරා දෙන්නට ඇතැමෙක් යොමුවෙති. රක්ෂාවක් ලෙස සැලකුවොත් ඒ ද රක්ෂාවකි. මා අද මේ කහවනු කීපය දී ස්ත්‍රී සුව විඳිම්හ යි සිතමින් එන අය පව්කාරයෝ නොවේයැ..තරුණෙයෝය, පිරිමි මෙදයන් මත්වූ අයයැ. නමුදු එසේ එන අයට ස්ත්‍රී සුව පුදන ගෑනු නම් පව්කාරයෝයැ. උන් පිරිමින් නොමග යවතැයි සමාජයෙහි බෝ දෙනා කියති.
අතපත්තු නියමයෙන් කාවේරි සිටියෙන් නික්මුනු පුරුෂයා මේ සුන්දරීගේ ස්ත්‍රී සුව පායේ කුමක් කරම්ද? ඔහු මුදල් ගිවිස එයින් කොටසක් සුන්දරීට ගෙවා..ඉතිරිය කාර්යයේ යෙදුනු ආකාරයෙන් ලැබෙන නියාව දන්වා නැවත ගියේයැ. සුන්දරීගේ පායන්හි සිටි විවිධාකාර වූ ස්ත්‍රි හු විවිධ වූ ඇඳුම් පැළඳුම් ස්ත්‍රී රූ වඩවනා ලේපයන් සමග පැළලුප් නුවරට යන්ට තනන්නේය. ඇතැම් ගෑනු “ මේ සුන්දරී සැතිරිය කුමක් පිණිස රාත්‍රිෙය්ම අප පෙලන්නට තනන්නේද? මැයට නම් ගෑනුන්ට හිංසා කිරීමම මහත් සතුටු කටයුත්තකැ “ ආදී ලෙසෙන් ආඩපාලි කියමින්ම සැරසෙති. සිය අඩුම කුඩුම ආදිය මලු වලට ලා ගනිති.
කුඩා දුරක් යන්නේ වුවද ස්ත්‍රින්ට ඇඳුම පැළඳුම ගැන ඇත්තේ අවිවේක සිතකි. ඉදින් සොලොස් යොදුන් ගෙවා නව නුවරක දිනයක් දෙකක් ඉන්ට වන් කළ? ඒ බැවින් ඔවුන් හැකි විගස ඇති ඇදුම් ආදිය ලා ගනිමින් සුදුසු ඒවා කයට එළා බලා හැඩ බලමින් බඩු එකතු කරති. දැන් සියල්ලෝම යන්නට සැරසෙති.

3 වන පරිච්චේදය
අතපත්තු සේවක මහා ගුවන් සත්‍යග්‍රහයේ තෙවැනි දිනය පැමිනුනි. එහි නායකයා සේනකයෝය. සේනක එහි නයුවායැයි දන්නේ අතපත්තු අවුට්සෝස සේවකයින් ම පමණි. අනුන්ට දැනගත නොහී එය රහසක් කොට තබාගන්ටන වෑයම් කලෝය.
කාවේරි සිටි පායේ වීදුරු පිරිසිඳ ඇතුළ බල කළ දන් පෙනෙනුයේ අරුම දසුන්ය. සියලු වූ කෙලෙස් පෙන්වා සිත රැදි දැහැන බිදවා තමුන් මේ සත්‍යග්‍රහයෙන් ගලවන්නට උපා යෙදීමට හැකි යැයි බො හෝ දෙනා කලින් කතිකා කොට තිබුනි. නමුත් එන්ට එන්නම තත්වය දරුණු වේ.
ධ්‍යාන හැර පියා ලූ කල කෙසෙල් කඳන් සේ එක් වර පැහැර වැටෙන්නට හැකි වූ නිසා ඇතැමෙක් දෑස්පියා ආයතනය දෙස බලාගන්නට විය. නමුදු ආයතන තුල කුමක් සිදුවේද ආදී සිතුවිලි නිසා නැවත යළිත් කාවේරි සිටි දෙසම බලති. ඒ වූ කාවේරි සිටි වටකොට සිටි ගුවනේ අරක්ගත් සේවා වරන ලද සේවකයින් කැලට නෙතට අලුත් දසුන් ඇතුවා මෙන්ම විවිධ ආකාරය බෙර වීනා,ආදී කොට වූ නාදයන්ගෙන් මහා නාදද කරන්නට වන්නේය. දැන් ඇතැම් සේවකයෙක් ධ්‍යාන බලයෙන් අහස් හී සිටින්නේ කාවේරි සිටි හි දැන් දැන් ඇතුළත පේන මනලෝල දසුන් නම් අපිව බිම හෙළන සුලුය. එබැවින් අනෙක් දෙසක් බලම්හැයි සිතු කල්හි ඒ දෙසෙන් එන මිහිරි නාදය නිසා ඔහු යළි්ත ඒ දෙසටම ඇස යොමුකරන්නට ගති.
ඇතුල් තලා හී ඇත්තේ කදිම දර්ශනයෝය. ඇතැම් පුරුෂයේ මින් පෙර කලෙක වෛශ්‍යාවන් කරා ගොස් උන්ගේ නැටුම් ආදිය යාන්තමින් හැකි පමණ දැක තිබුනද මේ තරම් වූ විශාල ස්ත්‍රි පෙලක් දුටුවිඩක් ඔවුනගෙ මතක පොත් හී නැත.
උදෑසනම පිරිසිදු කරන සේවිකාවෝ පිරිසක් එති. දනිස් මට්ටමින් බොහෝ උස තෙක් දෙකලවා පෙනෙන සේ වූ ඒ ගැහැනුන් එළියට සිටින උන්ට පේන්ට දෝ නැමි නැමී අමදිති..පිසදාති. ඇතැමෙක් කැපූ කර තුලින් එළියට පනින්ට තනන සිරකර මිරිකා ලූ කිකිළියන් පරිද්දෙන් වූ පියොවුරු නැමෙන සේ නැමී සෝදා පවිත්‍ර කටයුතු කෙරති.
රාජකාරි පටන් ගත්තේ වුවද ඔවුනගේ ඉරියව් කදිමය. ඇතැම් කෙල්ලක අනිකාගේ පුකට තට්ටුයෙකින් සංග්‍රහ කරගෙන යන්නේ ඇය ගේ කිසිදු විරුද්ධත්වයකින් තොරවයැ. එසේ වී නොයෙක් ශරී විදාරනය කරන විදි යෙන් නොයෙක් කාමය උපදනා ආකාරයෙන් හඳින පලදින සරහින ලද අංගනාවෝ රැසක් කාවේරි සිටි වෙත අළුතින් එක් කර තිබුනි. විශේෂයෙන් ඔව්හු සේවාහි නිරත වන්නේ බෝ විට එළියට පේන තෙක් මානයේ වන පායන් හීම වේ.
වටින් පිටින් වැටෙන්නට යන හෙයින් වත්තන් කරගෙන පහලට ගෙනයන්ට සිදුවෙන පිරිස සත්‍යග්‍රහ කරුවන් අතර කෛමෙන් කෙමෙන් වැඩිවන්ට විය. සේනකයෝ සිය මොළය සිසාරා බලන්නේ විසඳුමක් නම් නැතිව දුර්මුඛව සිටිති. ඔවුනගේ වැටුප හෝ ස්ථිර කිරීම හෝ කිසිවෙක් ලැබෙන පාටකුදු නැත. නමුදු තවත් ඉදිරියට මේ ආයතන අභිමුව සත්‍යග්‍රහ කිරීමේ හැකියාවක් නම් තෙපිට නැත.
සත්‍යග්‍රහ කරන අවස්ථාව එළැඹ කල්හී ගුවනේ සිටිනු තබා පොළොවේ සිටියදී පවා පුරුෂ ඉන්ද්‍රිය සංවරව තබාගත නොහෙන තරම් වූ කාමාශක්ත දර්ශනයෝ දැන් දැන් කාවේරි සිටිහි ඇතුලින් පෙනෙති. පෙනෙන නියාවට නම් ඔවුහු කරන කාර්යාල කර්මක් නැත. ඔවුන් වඩාත්ම කරනුයේ පිටත සිටින උන්ට පේන සේ සෙළුව විදාරනය කිරීමත් එය උලුප්පා ලෑමත් පමණකි. නමුදු සිය අවට සිටින සේවකයෝ එතරම් කාලයක් භාවනාවේ යෙදුන උන් නොවේ. එසේම උන් බෝ දෛනෙකු ස්ත්‍රී සුව විඳ ඇතිමුත් මෙතරම් වූ කදිම ස්ත්‍රී දර්ශනයන් ගෙන් නොසැලී වැලකෙනු තරම් වූ අයද නොවෙති. ඉදින් විසඳුමක් නැතත් දැන් නම් සාකච්චාවට කාලයයි.
වහා අතපත්තු තෙමේ හමුවන්නට සේනක තෙමේ කතිකා කරගත්තේය. සේනකයාගේ ජල පොදක් නැති මුහුන දුටුවන අතපත්තු තෙම සේනකයා නම් දැන් පෙලී ඇතැයි සිතුවේයැ. එය සත්‍යයකි. සේනකයා කිසිදු වෙනසක් නැතිව කථාවේ යෙදෙන්ට ගිය නමුදු ඔහුගේ සරුවාංගයෙන්ම ඔහුගේ වෙහෙස පෙනේ.
අතපත්තුවාගේ සොච්චම ගත් සේනකයා මහා සේනාව අභිමුවට වන්නේ මහත් වූ ජයක් ලද්දාහු පරිද්දෙනි. නමුදු මින් පෙර දිනෙක සේනකලා විසින්ම මහ හඩින් එපා යැ කියූ සොච්චම පමණක් සේනකයින්ට පඩියට එකතු වන්ට නියමිත වන්නේය.
අප කරන්නට යෙදුන මහා සත්‍යග්‍රහ අනුභාවයෙන් සැලී ගිය මේ ආයතන පාලක තැන වහා සිය ස්තිර සේවය ද අකුලාගෙන එයට මනා කොට ලක්ෂණ අංගනාවන් ද බදවා ගෙන ඇත. එසේම එය තව දුර ගියොත් අංගනාවන් අපෙගේ සේවයද ලබාගන්නට එනු ඇත. ඒ ගැන කියා මම අතපත්තු නායක ඉදිරියේ ඝර්ජනා කළෙමි..ඔවු..ඔබ වෙනුයෙන් මා ගොස් අතප්තතුවා ඉදිරියේ සීහ නාද කළෙමි.
ඌ සැළුනි. උගේ සෙළුවද මා ඉදිරියේ විදාරණය වුනි. ඌ සියලු නීති ගෙනහැර මේ වර්ශය සදහා කහවනු බාගයක් පමණ මාසික වැටුපක් එකතු කරන්නට එකග වුයේයැ.
අපගේ සටන අපි ජයගත්තුමැය. එවිට ජනයා දින තුනක් සිට කුලී වැඩහි නිරත වුවත් කහවනු දෙකක් ගත හැකි නියාව අමතක කොට..අපේ සේනක නායකට ජයවේවායි ප්‍රීති ගෝෂා කලේයැ.
 මුල් කොටස සමග කතාව ඔක්කොම මෙතන

1 comment:

  1. 1916 දි වහල්භාවය අ‍හෝසි කළා.
    2016 දිත් එ‍හෙම ‍වේවා කියලා පතමු ‍නේද!

    ReplyDelete