විදූ හඳගම සිනමාව අපි……(Vidhu Handagama Cinema & Us)

විදූ හි කතාව සරලය ..අපිට තේරුම් ගත හැක..එය බැලූ විට මට තොරණ මතක් වෙයි..අපි කුඩා කල වෙසක් තොරණ බලන්නේ ලයිට් වල ලස්සන බලාගැනීමටය..තරුණ වියේදී එහි පින්තූර හා කතාව අපිට තේරෙයි..ඉන්පසු කලෙක එම කතාව තුල ඇති ගැඹුර අපි වටහා ගනී..මෙය මිනිසුන්ගේ වයස මතම වෙනස් නොවේ...8 ශ්‍රේණිය C පන්තියේ කොලුවෙකුට වුව ජාතක කතාව තේරුම් ගෙන එහි ඇති ධර්මය තේරුම් ගත හැක..දැන් අපි විදූ බලන අය දෙස බලමු..අලි පැටියෝ සහ තවත් කතා වර්ගයේ කාටුන් බලන පොඩි ලමයි.....මහගෙදර ප්‍රවීනා ගැහැනු ලමයි සහ බොඳ මීදුම් තලු මරමින් නරඹන බුද්ධිමත් ජනතාව..සහ ඉඳහිට පෙන්වන අල්පයක් වන සම්භාව්‍ය සිනමා සහ ටෙලිනාට්‍ය මහ ගැඹුරින් රසවිඳින අති පණ්ඩිත රසිකයින්...විදූ නම් වූ සරල කෘතිය මේ සියලු දෙනාගේ අවශ්‍යතා සපුරණ සිනමා කෘතියකි..එහෙත් විදූ නම් වූ සිනමාව සාම්ප්‍රධායික රාමුවේ යැයි කෙනෙකු සිතනවානම් ඔහුට ඇත්තේ අමුතු සම්ප්‍රධායකි..මන්ද සාම්ප්‍රධායික කතා කලාව අමුවේම කපා දමා ඇති අයුරු ඇස් ඉදිරියේම පෙන්වන බැවිනි...

කතාව:කතාව ආරම්භයේ ඇති ගැටලුව ලමයාට පාසලකි..ඉතින් අපි පතන පරිදි අවසානය කෙසේ හෝ ළමයාට පාසලක් ලබාගැනීම නොවේ..අනික ලමයා හින්දි ෆිල්ම් වල මෙන් මහා විශාල දක්ශතා ඇත්තෙකුද නොවෙයි..

සින්දුව: සින්දුව නමෝ නමෝ මාතා ජාතියේ පාසැල් ගීයක් නොවේ..එහෙත් මට හිතෙන හැටියට භාතිය,සන්තුශ්,ඉරාජ් ආදී මෙලෝ දෙයක් නැති සහ, රෙගේ හිපොප් ආදී ඉස්ටැයිල් යැයි කියමින් මෙලෝ දෙයක් නොතේරෙන සින්දු වලට වඩා හොඳය... සින්හල අපිට තේරෙන ලෙසට සෑම වචනයක්ම සින්දුවේ කියනු ලබයි...

චරිත:මා දකින ආකාරයට අපි අපේක්ශා කල චරිත මෙම චිත්‍රපටිය තුල නැත...

විදූ:විදූ මෙහි නියම වීරයෙකු නොවේ..ඔහු සියලු දෙයින් අග තැන්පත් වුනු කෙනෙකු නොවේ...නමුත් ඔහු කිසිවිට වෙරලබඩ රස්තියාදු කොල්ලෙකුද නොවේ...ඔහු තුලින් ඔහුගේ පියා තුල ඇති හැකියාව ජානමය අතින් ඔහුට උරුමය..ගණිකාවක් වන මවගේ ආදායම සැමවිටම ඉතා අසුබදායී නොවන බව විදූ පෙන්වයි...

අනෙක් බොහෝ චරිත සාමාන්‍ය ලෙස ඉදිරිපත් කොට ඇත...මා දුටු එක් චිත්‍රපට විචාරකයෙක් පවසා තිබුනේ...ගණිකාවක් ගැට කපන්නියක් සහ වෙරළබඩ පීඩිත කාන්තාවක් චාන්දනී තුලින් නොපෙන්වන බවයි..ගණිකාවක් ලබන දිනක ආදායමෙන් කොටසක් ඔවුන්ගේ රූපය පිණිස යෙදවීම අවශ්‍ය බව ඔහුට අමතකවීදැයි මා නොදනී...ඇය සුපිරි මට්ටමේ ගැට කපන්නියක සහ ගණිකාවක වූ වා නම් ඇයට මීට වඩා හොඳ ජීවිතයක් ගෙනයන්නට තිබුනා නොවෙදැයි කෙනෙකුට ගැටලුවක් එන්නට ඇත..එහෙත් ඇය අධ්‍යාපනය නොලැබූ ගණිකාවකි..

විදුහල්පති චරිතයට පනදෙන පුද්ගලයා පෞරුශයෙන් මද බවද ඔහු කියා තිබුනි...උඩ රැවුල සිනා නොවන මූන,ගාම්භීර ටෝක් තියෙන විදුහල්පතියෙක්ම ඔහු දකින්නට කැමති වූවා වන්නට ඇත..අනේ ඔහුට සොරිය...අපි සෞම්‍ය දුටු වනම ඔහු කවුද කියා දනී එහෙත් සෞම්‍ය තුලින් ඔහුගේ චරිතය ඇද ගන්නට හඳගම සමත්ව තිබේ...

යමෙක් මෙය තවත් පොර සිනමා කෘතියක් නොහොත් සම්භාව්‍ය එකක් ලෙස දැකීමට පුලුවන් වන්නේ මෙය පරණ හඳගමගේ තවත් එකක් ලෙස සලකා චිත්‍රපටිය නොබලා සිටියහොත් පමණි..එහෙත් චිත්‍රපටිය බැලූවෙකුට මෙය අසිරිමත් ළමා කතාවකි....ළමා කතාවක් යනු ළමයින් ඇතුලත් කතාවකි...