දුම්බර ඇල්ලට ගිය ගමන Dumbara Ella

 දුම්බර ඇල්ල කොහෙද තියෙන්නේ 

දුම්බර ඇල්ල තියෙන්නේ නක්ල්ස් මහ කැලය ඇතුලේ. මේකට ලගා වෙන්න මොන ැපත්තෙන් ගියත් සාමාන්‍ය කෙනෙක්ට කැලේ ඇතුලේ පැය 6ක් විතර ගත වෙනවා. ගමේ ඇවිදලා පුරුදු කෙනෙක්ට නම ්පැය තුන හතරකින් මෙතන්ට එන්නට පුලුවන්. දුම්බර ඇල්ලට මම දැනුවත්ව පාරවල් තුනක් තියෙනවා. එකක් තමයි කේ එම් පී වාඩිය හරහා එන එක. ඒ පාරට එන්න නුවර ඉදලා වත්තේගම හුළුගග හරහා බඹරැල්ලට යන්න ඕනි. බඹරැල්ලට ගිහින් එතනින් කේ එම් පී වාඩියට ගිහින් රැයක් පහන් කරලා දෙවනි දවසේ වගේ ඔන්න දුම්බර ඇල්ලට ලගා වෙන්නට පුලුවන්. ඒක ටිකක් දුර ගමනක්. ඒත් බඹරැල්ල වගේම කේ එම් පී වාඩිය අහල පහලින් නගින්න තියෙන තුන ්හිස් ගල තරණයත් කදිම අත්දැකීමක්. මම ඒ ගමන මීඨ කලින් ගිහින් තියෙනවා. 

 දෙවනි පාර තමයි ලේසිම පාර. ඒක තියෙන්නේ රඹුක් ඔළුව හරහා. රඹුක් ඔළුව ගම මොරගහකන්ද, කළුගග ව්‍යාපෘති නිසා වැහුනා. ඒ ගමේ උදවියට වෙන පලාත්වලින් ඉඩකඩම් ලැබුනා. ගේ දොරවල් ලැබුනා. ඒ එක්ක ගමේ අය දැන් ගමේ නැහැ මම හිතන විදිහට. අපි ගිය අවුරුද්දේ මුල යද්දි ඒ ගෙවල් වල කට්ටිය හිටියේ කිහිප දෙනයි. අනෙක් අය අලුත් තැන්වලට ගිහින් තිබුනා. ඉතින් මේ රඹුක් ඔලුව පැත්ත දැන් කැලෑ බිහිවෙල නිසා දැන් ඉතින් ඇටන්වලින්ම තමයි මේ ගමන පටන් ගන්න තියෙන්නේ. තවත් එක පාරක් තියෙනවා මට ඒක මොකද්ද කියලා මතක නැහැ දැනට. 

ඇටන්වලින් පටන් ගත් අපි 

අපි ඉතින් මුල්ම දවසේ කොළඹ ඉදන් රිවස්ටන් වලට ආවා. පාර ටිකක් සෞත්තු නිසා ගමන පරක්කු වුනා. එතන ඉදන් ඉන් පස්සේ හෙමිහිට පිටවල පතනත් බලා කියාගෙන ඇටන්වලට එද්දි හවස තුන හතර විතර වෙලා. ඇටන්වල දැන් ටිකක් වෙන්ඩ මීමුරෙ ටයිප් තියෙන්නේ. ඒකත්හොදයි එක අතකින්. මොද කොළඹින් පැකේජ් කියාල රුපියල් තුන් හාරදහා මිනිස්සුන්ගෙන් අරගෙන නඩේ විස්සක් තිහක් අරගෙන මේ ගම් වලට කට්ටිය එනවා. ඉන් පස්සේ තියෙන තැන් විනාස කරලා මේ ගම්වල මිනිස්සුත් හූරගෙන කාලා අර කොළඹ ඇත්තෝ ලොකු ලාබ අරගෙන තොලොංජි වෙල යනවා. ටික කාලයක් ගියාම ගමත් නැහැ පරිසරයත් නැහැ අවසානේ ඒ පැත්තට යන්න තිබුන ගමනත් නැහැ. 

ඇටන්වල ගමේ ගෙවල් වල දැන් කදු නගින අයට සේවාවන් දෙනවා. කෑම ගන්න පුලුවන්. කදු නගින ගයිඩ් සේවාවන් ගන්න පුලුවන්. අගර මාමා, ඒකනායක මාමා, හෙම මේ ගයිඩ් වැඩ වලට නම් දරාපු අය. ඊට අමතරව තව අලුතින් අයත් ඉන්නවා. අපිට සෙට් වුනේ නිස්සංක. නිස්සංකට වැඩක්යකියලා අපිට ගමනට අජිත් අය්යාව සෙට ්කලා. බුවාත් වරදක් නැහැ. 

මානිගල දිහා බල බල තමයි ඇටන්වල ගමට යන්නට තියෙන්නේ. අපි ටෙන්ට් එක්ක අරගෙන ගියේ දුම්බර ඇල්ල කෑම්පින් කරන්න. ගමෙන් මැද හරියේදි අපිට වල්පොලමුල්ල කියන අත ඇරල දාපු ගම සෙට් වුනා. ඉන් ප්සස් කදු නැගලා බැහැල තා පැය තුන හතරක් ගියාම දුම්බර ඇල්ලට සේන්දුවුනා. ගමනේ මැද වතුර පාරවල් වලින් එතෙර වෙන්නට තියෙනවා. වතුර වැඩි කාලෙට නම් ගමන අමාර ු වෙයි මොකද වතුර පාරවල් වලින් එගොඩ වෙන්නට හැටියක් නැහැ නෙ. කෝකටත් කෑම බීම ටිකක් වැඩිපුර අරං යන එක හොදයි. මොකද අපි ගියාට පස්සේ තඩි වැස්සක් වැස්සොත් ටිකක් ඉවසං ඉන්න වෙනවා ඒ දොලපාර වලින් එගොඩ වෙන්න. 

කදු බෑවුම් කිව්වට ටිකක් තදබල බහින්න බය හිතෙන තැනුත් තිබුනා. ඒත් අපේ ගයිඩ් අයියා අපිව ගාන්ට කෙයා කරලා ඒ තැන් වලදි පොඩ්ඩක් සපොට් එකක් දුන්නා. ඇදුම ්පැලදුම් නම් ගොඩක් ගන්න එපා. මලුත් ඕනි නැත් ලබ්බවල් පුරවගෙන බර කරගන්න එපා. නවතින්න යනවා නම් අත්‍යාවශ්‍යම දේවල් ටික විතරක් ලැයිස්තු කරලා අරගෙන යන්න. නාන්න තියෙනවා නම් අමතර ඇදුමක් ගත්තට කමක් නැහැ. නැතිනම් රෑට සීතලට පෙරෝගන්න බෙඩ්සීට් එකක් අමතරව තිබුනාම හොදටම ඇති. ඇල්ල ගාව නාන්න හැකි නිසා නාන්න සුට්ටි ඇදුමකුත් ගෙනියන එක හොද වෙයි. 

අපේයාලුවෝ දෙන්නට නම් තිබුන ලොකු අවුලක් තමයි සපත්තු. ට්‍රැකින් බූට්ස් ඉතින් මට නම් නැහැ. ඒත් මගේ සේෆ්ටි ෂූස් දෙක පුදුමාකාර පිහිටක් වුනා. සේෆ්ටි ෂූස් දාල පුරුදු නැත්තන් ඒත් දාන්න යන්න එපා. පුරුදු වුනොත් නම් ඕනි තැනකට ගිහින් එන්න පුලුවන් විශ්වාසනීය යාලුවෙක් තමයි සේෆ්ටි ශූස් කියන්නේ. සපත්තුවේ කට්ට ලෙසට තියෙන නිසා අපි ලිස්සුවත් සපත්තුව නම් කෙලින් තියෙනවා. 

දුම්බර ඇල්ලට ලගා වෙලා මුලින්ම අපි කලේ උදේම අජිත් අයියගේ පවුල උයාදුන්න බත් එක ගිල දාන එක. එතකොට හවස තුන විතර වෙලා. ඒ කරලා ටික්ක ගල් තලාවේ ඇලවුනාම මෙන්න ටිකකින් කෙල්ලෝ කොල්ලෝ ටිකක් ආවා. මං නිදාගෙන උන්නේ. ඇහැරෙනකොටම කෙල්ලෙක් මගෙ ඔලුව ඇග උඩින් පැනල ගියා. උන් දුම්බර ඇල්ල බලන්න ඇවිත්. හවස හතරට විතර ඇවිත් තිබුනේ. මම හිතන්නේ ඒ ගොල්ලා කොහේ හරි කැලේ ඇතුලේ කෑම්ප් කරන්නට ඇති. දන්න කියනවා කියලා හිතෙන ලොකු කෑම්පින්් ඇදුම් කාරයෝ කිහිපයක් ඇවිල්ල තිබුන නිසා අපි වැඩිය කතාබහ නොකර අපේ ලොකුකම තියාගෙන පාඩුවේ උන්නා. එයාල ඇවිත් තිබුනේ නම් කේ එම් පී පැත්තෙන්. 

අපි අරන් ගිය බඩු වල තේ කොල තිබුනා. අපි ඒ දිල්මා ටී බෑග්ස් පාවිච්චි කරලා තේ වතුර හදාගත්තා. හවසට. හැන්දෑවට අපි කලුවට යාන්තමට වැටෙද්දි නූඩ්ල්ස් ටිකත් හදාගෙන කෑවා. අරක්කු වගේ සැර ටික්ක තිබුන නම් හොදයි. යාලුවා ගාව ටිකක් ඉතුරු වෙලා අරක්කු තුන් කාලක් විතර තිබුනා. ඒක හිමිහිට බිව්වා. මේ තැන්වලදි බොන එක අවුල්. ඒත් ඉතින් නිදාගන්නත් ඕනි. තැනත් සේෆ් ඒ නිසා බිව්වා. 

දිය ඇල්ල පේන මානේ තමයි ටෙන්ට් එක ඇටෙව්වේ. ටෙන්ට් එක දිග අරින්න ටිකක් මාන්සි වෙන්නට වුනා. අපිට මුලින්ම ටෙන්ට් එක දිග අරින ටෙක්නික් එක අල්ලගන්නට බැරිවුනා. හෙමිහිට කෙහොම හරි චමින්දයා  බාලදක්සයා නිසා බුවා ටෙන්ටක ගැහුවා වැඩේ අල්ලගෙන. ආ වැරදුනා අපි ඇත්තටම රෑට කෑවේ නුඩ්ල්ස් නෙමෙයි පාන්. පාන් ටික දිග ඇරගෙන අරන් ගිය ටින් කෑම ටික බේසන් වලට දාගෙන කෑවා. 

කාල තේ වතුර එහමෙ බීළ නිදාගත්තා. මහරෑ එක පාරටම වැස්සක් වගේ එන ලයින් එකක් තිබුනා. දිය ඇල්ල ගාව කූඩාරම ගැහුවට මොකද මට නම් පරාණ බයක් තිබුනා වතුර වැඩි වුනොත් මොනාහරි විපතක් වෙයි කියාලා. වැස්ස වෙලාවේ මම ටිකක් එලියට ඇවිත ්බැලුවා. ම්ම්හු අවුලක් වුනේ නැහැ. 

අපි මුලින්ම ගමන ප්ලෑන් කරන කෙට කවුද බොලේ ගයිඩ් ගාවනිදාගන්නේ කියලා කතාබහක් තිබුනා. අද කාලේ කියන්න බැහැ නේ ඉතින්.හොදට හැදුනු කොල්ලෙක්ටවත් ඉන්න බැරි කුරිරු සමාජයක් නේ තියෙන්නේ. ඒත් අනේ අපි නොහිතපු විදිහට අපේ ගයිඩ් අජිත් අය්යා කුඩාරම ඇතුලට ආවේ නැහැ. බුවා කූඩාරම එලියේ දුක සේ නිදාගත්තා. උදේම පින්න වැඩි කොට පොර හොදට පොරවාගෙන නිදාගෙන උන්නා. 

ඊලග දවසේ අපි පාන්දරම නැගිටල නූඩ්ල්ස් හදාගෙන කාලා ඈත පහල ගල් කුලක් පිටුපසට ගිහින් කක්කා දාලා ආයේ ප්ලේන්ටියක් හෙමත් ගහලා ගමන පටන් ගත්තා. අපි ආවට වැඩිය ඉක්මනින් පැය පහකින් විතර අපිට ගමට එන්න පුලුවන් වුනා. එදා ඇවිත් කකුල් අමාරුව තිබුනත් එදාම අපි කාර් එකෙන් කොළඹ එන්නට ආවා. 

එනකොට අපිට ආපු පාරම පාවිච්චි කලේ නැහැ. අනෙක් පැත්තට ගිහින් ලග්ගල පල්ලේගම බකමූන හරහා දඹුල්ලට ඇවිත් එතනින් තමයි කොළඹ ආවේ. කොලඹ පැත්තට සුපුරුදු විදිහට ටිකක් ට්‍රැෆික් එක තිබුනා. 

දුම්බර ඇල්ල ලස්සන තැනක්. කැලෙන් ටිකක් වහං වෙලා තියෙන නිසාම පරිසරය තාමත් සුන්දරවට තියෙනවා. කෑම්ප් කරන්න ඉතින් සියක් හමාරක් ගියොත් නම් අමාරුයි. ඒත් හත් අට දෙනකුට ටෙන්ට් ගහලා ආතල් එකක් ගන්න ඉඩ ඇති. ඉතින් ඔයාලට මේ මම කියනවාට වඩා හොදට පහල වීඩියෝවේ මේ ගමනේ අවස්තා පෙන්නුම් කරනවා ඇති. දේතා යනවා නම් ඔය බඩකඩිත්තුව නොබල මේ පිංතුර කැලි ටික බැලුවත් අති ඉතින්. 

කුඩා මලක් 

පිට්ටනිය වැනි සුන්දර කොටස

වල්පොලමුල්ලේදි හමු වූ වැල ගොඩිය. 

අපි එක්ක ගිය බැල්ල

නඩේ කොටහක් 

දුම්බර ඇල්ල ලග ගහපු කූඩාරම

දුම්බර ඇල්ල 

කූඩාරමේ සිට දුම්බර ඇල්ල 

රත් මල් 

කදිම ගලක් 

සුවිසාල ගසක් 

කැලෑ කටුස්සා 

ගොළුබෙල්ලා 

කූඹි ලොකු සයිස් එක 

ඈතින් පේන තුන් හිස් ගල