ලාඕ චීන කෝච්චි ටිකට් පොයිය

ලංකාවේ රට හදන හැටි ටීවි එකේ කතා කරනවා.. යූ ටියුබ් එකේ කතා කරනවා. ලොකු ලොකු වාද විවාද යනවා. හෙනම ස්මාට් වට වේගවත්ව වැඩ කරන්න ඉන්න හැටි ගැන කතා වෙනවා. අමො අමෝ මාරයි.

ඒවා අහං ඉදලා කොටුවේ ස්ටේශන් එකට ටිකට් එකක් බුක් කරන්න ගිහාම. අර ටීවි සාකච්චා වලට එන උන්ගේ රට හදන්න යන උන්ගේ කටට රෙන්න හිතෙනවා ඔන්ලයින්ම. මොකද අවුරුදු ගානක් කතා විතරයි. මෙලොව වැඩක් නෑ. අවුරුදු ගානකින් නෙමෙ දශක ගානකින් කිසිම දෙයක් අලුත් වෙලා නැහැ. මිනිස්සු එදා වගේම අදත් ටිකට් එකක් ගන්න පොරකනවා. ඔන්ලයින් කියල තියෙනවා සිස්ටම් කියල තියෙනවා ටිකට් දාල පැයෙන් ඉවර වෙනවා. ස්ටේශන් එක ඉස්සරහ වීල් පාක් එකට ගිහින් බැලුවම ටිකට් තියෙනවා යක්ශ ගනන් වලට. ඉතින් පිංවතුනි මේ වගේ චුට්ටි දෙයක් හදාගන්න බැරි උන් අපි පත්කරගෙන උන්ගෙන් මහා විසාල හැදිලි අපිල බලාපොරොත්තු වෙනවා. ?

ලාඕ රේල් ටිකට් වරුණාව

එහෙ ටිකට් ඇප් එක චීන එකක්. චීන අයට සහ ලාඕ අයට ඇප් එකෙන් පුලුවන් සංචාරක අපිලට කෙලින්ම ඔන්ලයින් බුක් කරන්න බෑ. හැබැයි අපිට කෝච්චිවල සීට් ඉඩ තියේ නම් සතියකට කලින් වුනත් අදාල දුම්රිය ස්ථාන ඕනම එකකින් ඒ රූට් එකේ ඕනම තැනකට ටිකට් වෙන්කරගන්න පුලුවන්. ඒ වගේම අපි ඉන්න හෝටලෙන් ට්‍රැවල් ඒජන්සි එකෙන් වුනත් ටිකට් බුක් කරන්න පුලුවන්. ඒ උදවිය ඇප් එකෙන් බුක් කරලා ඒ බුක් කරන එකට පොඩි මාජින් එකක් තියලා අපිට ගාන කියනවා. ලංකාවේ වගේ දෙදාහේ ටිකට් එක අටදාහට වගේ නම් ලොවෙත් යන් නෑ.

ටිකට් කැන්සල් කරන්නත් අපිට සිද්ද වුනා ගමනෙදි. ඒ කැන්සල් එකේදි අපි කලින් බුක් කල ට්‍රේන් එකට වඩා මාරු කරලා බුක් කල අලුත් ට්‍රේන් එක ගනන් අඩු නිසා අපිට ආපිට ගානක් අතටත් ආවා. හැබැයි ඉතින් එහම වෙනස් කරගන්න පුලුවන් එක අවස්තාවක් විතරයි. ඒකත් අපි බලන දවසට ඒ කෝච්චිවලට ටිකට් අවෙලබල් නම් විතරයි. එහෙම බලන එකට ඉඩ තියනවා නම් මූන ඵුක කරගන්ේන දෙක කරගන්නේ නැතුව කිසිම අවුලක් නැතුව කවුන්ටරේ ඉන්න ලාඕ ගෑන්ලමයි ටිකට් එක වෙනස් කරලා අලුත් ටිකට් එකත් එක්ක ඉතුරු සල්ලිත් දුන්නා අතටම. අපිට ස්ක්‍රින් එකේ ටිකට් වෙන් හැටි බලාගන්නත් පුලුවන් වුනා.

ඒ වගේම ටිකට් එක සම්පූර්ණයෙන්ම කැන්සල් කරගෙන සල්ලි ආයම ගන්නත් පුලුවන්කම තියෙන විදිහක් තමයි අපිට පෙනුනෙ. ලැංවේජ් බැරියර් නිසා අපිලට හරි වැඩිදුර හෑලි විස්තර අහගන්න බැරිවුනත් ඒ ක්‍රමය ලැංවේජ් බැරි වුනත් කොයිකාටත් පහසුවෙන් ටිකට් වෙන්කරගන්න පුලුවන් විදිහට හැදිලා තිබුනා.

මොනාද ඕන කරන්නේ?

අනිවාර්යෙන්ම ලාඕ චීන කෝච්චිවල ටිකට් වෙන්කරගන්න පාස්පෝට් එක ඕන කරනවා. ලාඕ අයට නම් අයි ඩී එක තිබුනාම ඇති. චීනටත් අයි ඩී එකෙන් බුක් කරන්න පුලුවන් ඇති. එතකොට යනකොට ඒ අපි බුක් කරනකොට පෙන්නපු ඩොකියුමන්ට් එක අරගෙන අපි ස්ටේශන් එකට යන්න ඕනි. විදේශිකයෙක් නම් පාස්පෝට් එක පෙන්වන්න ඕනි. ටිකට් බුක් කරනකෙොට පාස්පෝට් එකේ විදිහට නම පාස්පොට් අංකේ ටිකට් එකේ දානවා. ඒක ස්ටේශන් එකෙන් බලනවා. හරිම සරලයි.

ඇප් එකෙන් බුක් කලත් පාස්පෝට් විස්තර ඒ විදිහටම දාන්න ඕන ඇති. මොකද ස්ටේශන් එකට ඇතුල් වෙනකොට හැමෝගෙම වගේ පාස්පෝට් ටිකට් චෙක් කරනවා දැක්කා. මේ කෝච්චි චීනය සහ ලාඕසය කියන රටවල් දෙක හරහා වැටුන එකක් නිසා හැම ස්ටේශන් එකේම ආරක්ෂාව වැඩියි. එයාපෝට් වගේ බෑග් චෙක් කරනවා. හැබැයි ආරක්ෂාව වැඩියි ටිකට් චෙක් කරනවා කියල මහා වෙලාවක් යන් නෑ. විනාඩි දෙකයි තුනයි සිං සිං ගාල පෝලිම ඉවරයි.

අපිලගේ රටේ ඕ පාස්පෝට් විස්තර අයිඩී හැම ටිකට් එකටම දාන්න බැරි මොකද? එහෙම අනිවාර්ය කරල සිස්ටම එක ඒ විදිහට පාවිච්චි කරන්න බැරි මොකද? එහෙම විස්තර නැත්නම් ටිකට් එකක් වෙන්කරගන්න බැරි කරන්න බැරිද? ඒවා දන්නේ නෑ. එත් ලංකාවේ ස්ටේශන් වල ඉන්න සුදට සුදු අත්දිග මහත්වරු නම් මොනාහරි ආතල් එකක් ගන්නවා කියල හිතෙනවා ලංකාවේ ටිකට් සිස්ටම් එකෙන්.