තද් ෆේන් වෝටෆෝලම බැලීම

6

මීකොං ගග ගාව නැවතුම

අපි චම්පසාක් බලලා ආයේම එන්න පිටත් වුනේ මද්දහනේ. මම හිතන්නේ දොලහ එක විතර වෙලා. කූල් එකක් බොන්න අපිල මීකොං ගග ගාව තැනක නැවතුනා. එතන බුදුපිලිමයක් තියෙන කෑමකඩ කිහිපයක් තියෙන ගග අද්දර ලස්සන තැනක්. සාමාන්‍යයෙන් ලාඕ කෑම කඩ මස් ජාති වලින් පිරිලා තියෙනවා. මේ චූටි කෑම ප්ලේස් එකෙත් සොසේජස් බාබකිව් කරපු මස් ආදිය තිබුනා. අපි ඒවා ගත්තා. ඒ වගේම මේ රටේ ඒ වගේ කෑම තියෙන තැන්වල ස්ටිකි රයිස් චුට්ටකුත් ගන්න පුලුවන්. බාබකිව් මස් එක අතකින් කන ගමන් අනෙක් අතින් ස්ටිකි රයිස් කන උදවියත් ඉන්නවා. මීකොං ගග එදා වැහි දවසක් නිසා දෙගොඩතලා නැතත් ටිකක් සැඩ පාර වැඩිවෙලා දුඹුරු පාටට ගලමින් තිබුනා.

වැස්ස

අපි ආයෙම යන්න තියෙන්නේ ඩබල් ඇල්ල බලන්න. මේ ඩබල් ඇල්ල චම්පසාක් පක්සේ වල තියෙන ප්‍රධානතම සංචාරක ස්ථානයක්. ඒක බලන්න තියෙන්නේ සෑහෙන ඈතක ඉදන්. ඉතින් අපි එතන්ට යන්න ආයේ පක්සේ ටවුම හරහා යන්න ඕනි. පක්සේ ටවුම පාස ්කරලා විනාඩි පාලහක් යන්න වුනේ නැහැ එකපාර අහස කලුකරලා පත වරුසාවක් වැටුනා. අපි මෝටර්සයිකල් වල ගිය නිසාද මන්ද ඒ වතුර පාරවල් බොහොම තදට ඇගට දැනුනා. විසාල වතුර ගෙඩි දොඹ ගෙඩි වගෙ වැදෙන්න ගත්තම අපි බයික් දෙක ඒ ආසන්න කඩපිලක් ලග නැවැත්තුවා. ඒ කඩේ ඇන්ටි වැස්සෙන් කඩේ තියෙන බඩු බාහිරාදිය බේරාගන්න පට්ට ගේමක් දෙනවා. වැස්ස තදයි. කඩේ පිල කෑලලෙ තිබුන බඩු මුට්ටු කිහිපයක් වහගන්න ඇන්ටිට පුලුවන් වුනා. ඒ එක්කම රෝල ඩෝ එකක් තිබුන කඩේ රොල ඩෝ එක පාත් කරලා සම්පූර්නයෙන් වැහුවා.

විනාඩි පහ දහයක් ගියා ම්හු. වැස්ස පායන පාටක් නැහැ. මම කඩේ තිබුන බියර් ලාඕ එකක් අරගෙන බිව්වා. සීතල බියර් එකකට වඩා ඒ වෙනකොට උණුසුම් තේ වතුර එකක් තිබුනා නම් පංකාදුයි. ඒත් කඩේ අය අපිලා ගැන එච්චර ප්‍රසන්න මෙවවා එකක හිටියේ නෑ. කඩේ වැහුවෙත් අපි නිකං බඩු හොරකම් කරයි කියලද මන්දා. ඒ නිසා බියර් එකක් ගහල පාඩුවේ උන්නා.

වෝටෆෝලම

මේ වෝට ෆෝල් එක නැත්තං දිය ඇල්ල තද් ෆේන් වෝටර්ෆෝල් එක. ඒක දිය ඇලි දෙකක්. අපි ඒ තැනට එනකොට අපේ ඇගවල් බයික් ඔක් කම තෙත බරියං වෙලා. වැස්ස සම්පූර්ණ පායන්න කලින් ටිකක් තුරල් වෙනකොටම අපි ස්කූටර් වලට බැස්ස. ඉතින් දිය ඇල්ල නැරඹුම් ස්ථානයට යනකොට තෙතබරි වෙලා. අපිලට හැරෙන තැන ටිකක් මිස් වුනා. ඒත් ආයේම හැරිල ආවා.

තද් ෆේන්

මේ දිය ඇල්ල තියෙන්නේ බොලවියන් ප්ලැටූ කියන කදුකරයේ. මේක සාමාන්‍ය තැන්නෙන් ටිකක් උඩට වෙලා තියෙන විසාල තැන්නක්. මේ තැනේන දිිය ඇලි කදු කිහිපයක්ම තියෙනවා. ඒ අතරින් ලස්සනම සහ උසම එකක් තමයි තද් ෆේන්. අපිල ගිය දවසේ වැස්ස නිසා දිය ඇලි දෙකම කට කපලා ගැලුවා. ඒ වගේම අපි යනකොට තදටම මීදුම ලග ඉන්න එකා විතරක් නෙමෙ අපෙේම කකුල් දෙක පවා පේන් නැතිතරමට ඝණ මීදුම. ඒත් අපේ වාසනාවට වගේ මීදුම ඉක්මනින්ම තුරල් වුනා. වැස්ස නැවතුනා. බබා වගේ දිය ඇල්ල පෙනුනා.

දිය ඇල්ල බලන්න වියට්නාම් කියල සැක කරන්න පුලුවන් මූණ දිග යුවතියන් සහ පිරිස ගොඩක් ඇවිත් හිටියා. එතනත් සමහර වෙලාවට දෙල්කද පොල වගේ කච කචේ. ඒත් ඉන්දියන් සෙට් වගේ මහ සද්ද නෑ. අනෙක් මිනිස්සුන්ට විසාල කරදරයකුත් නෑ. අපි ඉතින් බෞද්ධ වුනාට මොකද තෙතබරි වෙච්චි වියට්නාම් තරුණ ගෑනු රූප දිහාත් ටිකක් හොදට අධීක්ෂණය කලා.

සිප්ලයිම

දිය ඇල්ලේ සිප්ලයින් එක පට්ට. ඒක මීටර් හාරසිය ගානක්. තව පොඩි පොඩි සිප්ලයින් කීපයක් ගිහින් ආයෙත් වෙන තැනකින් අපි සිප්ලයින ්එකට ගොඩවෙන වීව් පොයින්ට් එකටම එනවා. අපේ මිතුරෙක් එකේ ගියා. යන්න සහ යනගමන් වීඩියෝ එක ගන්න ඩොලර් 43ක් වියදම් වුනා. හැබැයි ඒ ආතල් එකේ හැටියට ඒ ගාන අවුලක් නෑ. මායි අනේක මිතුරයි එතන්ට වෙලා වාඩිවෙලා හිටියා. මම කම්මැලි කම යන්න එතන්දිත් බියර් එකක් ගැහුවා. බියර් මිල අඩු නිසා ඉතින් යන ගමනුත් බොනවා නැවතුන තැනදිත් බොනවා බීමේ ඉවරයක් නැහැ.

තද් ෆේන් සහ සිප්ලයින් එක

මත්වතුර බොමින්

මම සහ ඇල්ල

හරස් අතට ඇල්ල

දිය ඇල්ල ගාවට යමින්

මීදුම තිබුන වෙලාව