එදා මොකක් නමුත් විශේෂ උත්සවයක්. අපේ හොටලේ හිටිය මාන්නක්කාර ලස්සන රිසිප්ශනිස්ට් කෙල්ල කිව්ව විදිහට අපි නැවතුන දවසට දවස් දෙකකට පස්සේ තමයි උත්සවය ඉවර වෙන්නේ. ඒ ගෑල්ලමයා ලස්සනයි. ඒත් අපේ ඉන්දියන් පෙනුම නිසාද මන්දා අපේ පස්නවලට රෙස්පොන්ස් අඩුයි.
බුකින් එකෙන් බුක්කල නිසා අපි හිටිය තැන සිටි එකේ ටුවරිස් ඒරියල් එකට බොහොම කිට්ටුයි. ලංකාවේ වගේ නෙමෙයි මේ ලුවන් ප්‍රබාන් වල එකකට එකක් යාබද පන්සල් සෙට් එකක්ම තියෙනවා. උත්සව දවස නිසා ඒ හැම පන්සලකම පහන් පත්තුකරලා හැඩකරලා තිබුනා. බකට් ලාම්පු වගේ ඒවා බිම අතුරලා ලස්සනට හදලා තිබුනා.
සාම්ප්‍රදායික ඇදුමින් සැරසුන ලාඕ කෙල්ලෝ චීන කෙල්ලෝ ඒ පහන් අතට අරගෙන පෝන් මානමින් පොටෝ ගත්තා. සාම්ප්‍රදායික ඇදුම් ලගපාතකඩවල තියෙනවා. ඕන කෙනෙක්ට අරගෙන ඇදගන්න පුලුවන්. අපිල ඒ යුවතියන් දෙදෙනෙක්ට පොටෝ ගන්න උදව් කලා. අපේ එක යාලුවෙක් නම් තව ගෑල්ලමයි ගොඩවල් අස්සේ රිංගලා එයාල එක්ක සෙල්පි ගත්ා. මම එහෙම ලැජ්ජ බයට හැදුන කොල්ල වෙච්චි. රටේ නම්බුව තියන්නත් ඕනි වේචචි ඒ නිසා පැත්තකට වෙලා හිටියා.
පහන් වල එලිය දිගැටි කහපාට ලාඕ ගෑනු මූණු වලට වැටෙද්දි ලස්සනයි. පංසලේ තියෙන පහන් එලියට ඔවුන් ගේ මූණ අතපය ආලෝකමත් වෙලා පෙනුනා. කෙසග වුනත් සරීර හැඩයෙන් බොහෝ ලාඕ කෙල්ලෝ හැඩකාරයි.
උත්සවේ සැනකෙලිය
උත්සවය තිබුන එකින් එක පන්සල් අපි පහුකරගන ගියා. කෙළවරේ ගග ගාවට ගිහාම මෙන්න ගගට ටිකක් මෙහා ඉඩමක ස්ටේජ් එකක් ගහලා. අපි යනකොට ්ක ඉවර වෙන්න ලගයි. ඊට යාබද පන්සල් තියෙන්නේ. ඒක සංස්කෘතික උත්සවයක්. ඉතින් පොඩ්ඩෝ එහෙම ස්ටේජ් එකේ නැටුවා. මම එතනින් සී ෆුඩ් සැලඩ් එකක් ගත්තා. ඒක රසට තිබුනා. ඒ වගේම ලුවන් ප්‍රබාන් කියල බියර් වර්ගයක් තිබුනා ඒකත් ගසල ඇරියා.
වීදි
ඒ අපි හිටිය ලුවන් ප්‍රබාන් ඒරියල් එකේ වෛවර්ණ බෝඩ් නෑ. කෝක් බෝඩ්, පෙප්සි බෝඩ්, බ්‍රා දැන්වීම්, ආදී ලොකු දැන්වීම් නෑ. කඩ සාප්පු තිබුන්ත ඒවයේ නම ගහල තිබුනේ ලී කැටයම් වලින් නැත්නම් සිමෙන්ති එම්බෝස් කරලා. පාට අතිනුත් මැච් කරලා පැරණි ගොඩනැගිලි ගානට සංරක්ෂණය කරලා තිබුනා. අපිලැ රටේ කොටුවෙත් ලස්සන බිල්ඩින් ිතයෙනවා. එත්් බිල්ඩින් අයිතිකාරයෝ උන්ට හිතු හිතු හැටියට තින්ත ගාලා බෝඩ් එල්ලලා කැත කරගන්නවා. ඒත් ලාඕ රටේ එහෙම නෑ. අවුරුදු සීය දෙසීය පරණ බිල්ඩින් ක්‍රමාණුකූලව අලුත්වැඩියා කරලා ඇස් වලට ප්‍රියමනාප විදිහට තිබුනා.
මසාජ් හෙවිල්ල
ටුවරිස් ඒරියා එකේ මසාජ් සම්මා මසාජ් වෙන්න පුලුවන් නිසා අපි ටිකක් වෙන තැනකට යන්ද කියලා ත්‍රිවිල් කාරයෙක් ටොක් කලා. බුවට ඉංගිරිසි බැහැ. අපිලට ඕනි හැපියෙන්ඩින් මසාජ් එකක් කියල ටයිප් කරලා පෙන්නුවා. ටිකකින් මූ ගග ගාවට අපිව අරං ගියා වීල් එකේ දාගෙන. ඒ ගිහින් බුවා දන්න අදුරන වේටර් කොල්ලෙක් එක්කරගෙන ආවා. ආවට පස්සේ අපි ආයෙත් හැපියෙන්ඩින් මසාජ් එහෙම නැද්ද කියල ඇහුවා. ඒ දෙන්න කතා වෙල ඉන් පස්සේ තීරණයකට ආවා. අපි දෙන්නත් අරගෙන දැන් ත්‍රිවිලර් එක ඉගිලෙනවා. කොහෙ යනවද දන් නෑ. අපි හිටිය සංචාරක කලාපයේම ටිකක් දුර සයිඩ් එකකට අපිලව කුදලගෙන ගියා.
මතක විදිහට මිනිහා අපෙන් ටිකක් සැර ගානක් ඇද්දා ත්‍රීවිල් කුලිය විදිහට. ඉතින් එතන ගිහින් පැයක් විතර තදබල මසාජ් එකකට අපි මුහුන දුන්නා. එතන අපි යනකොට තෙරපිස්ට්ල දෙන්නෙක් හිටියෙත් නෑ. තව කෙනෙක් කෝල් කරලා තමයි ගෙන්න ගත්තේ. එකලග බිම තියෙන මෙට්ට දෙකක දිගා වුන අපිලව දාගෙන තලල තලලා පැයක් තිස්සේ ගුටි ගහල වගේ තලල එලියට දැම්මා. මසාජ් එක වැඩි ගානක් නෑ. ඒත් ඒක පුදුම හැපියෙන්ඩින් එකක්. අපි ඉතින් ආයේ විල් වලට සල්ලි දෙන්නේ මොකට කියලා පයින්ම එන්න ආවා.
එද්දි තව පන්සල් දෙක තුනක් දැක්කා සේම් උත්සවය තියෙන. එකක කෙලින්ම පන්සල් වත්තේ විහාර ගේ ආසන්නයේම කඩ වල බියර් විකුනන්න තියෙනවා.මස් මාංශ තියෙනවා. කට්ටිය මස්ජාති අරගෙන බියර් අරගෙන පන්සල් වත්තෙම පුටු මේස උඩ වාඩිවෙලා කනවා බොනවා. සංස්කෘතික නැටුම් ආදිය තියෙනවා, ඒවත් විදිනවා. #amila2r
පන්සලේ ප්‍රංශ රසේ
ReplyDelete