බලන්න මොකවත් නැහැ

26



ඊලග දවසේ උදෙන්ම නැගිට්ටා. මේ පාලු සිටියේ බලන්න මොකවත් නැහැය කියල අපි ඉක්මනින්ම මේකෙන් යමුය කියලා මිතුරන් බල කලා. මමත් හා කිව්වා. ඇත්තටම ඒ සිටියේ බලන්නදේවල් තිබුනා. ඒත් අපි කලින් දවස්වල බලපුවාට වඩා විසේස දෙයක් නම් තිබුනේ නෑ. එකම වගේ වීව් පොයින්ට්, ගුහා ආදිය නිසා අපිට ඒ හැටි උනන්දුවක් තිබුනේ නෑ තවත් බලනවැඩට.

උදේම මම ටිකක් ටවුමේ ඇවිදලා බැලුවා. අපෙ පෙටා ලෝක වෙලදපොල වගේ තැනක ඇදුම් එහෙම තිබුනා. ඒත් මට ඒවගේ සෙනග නැහැ නෙ කියල හිතුනා. ෆේක් තැන්ද මන්දා. ඒ ලගම රත්තරන් බඩු සාප්පුවකින් මගේ ඩොරල් මාරු කරගත්තා. රත්තරං බඩු සාප්පු වලින් ඩොරල් මාරු කිරීම නම් අපේ රටේ වගේමද මන්දා.

ඉන් පස්සේ සිටි එකේ ඉදලා කෝච්චි ස්ටේශමට ගනන් ඇහුවා අනේ ලාඕ කිප් හතලිස්දාහක් විතරයි. ඒ වෙලාවෙත් ටිකක් වැස්ස. ඒ ගනන් අහල ආයේ ඇවිත් උදේට කෑවා. එතන කෑම සාමාන්‍යයි. යෝගට් එකක් තිබුනා ඒක සුප්පා. ඒකේ රස මැක්සිමම්. යෝගටුත් කාල අපි විවේක පාඩුවේ ගියා ස්ටේශන් එකට. සුපුරුදු විදිහට පෝලිමේ ඉදලා කවුන්ටරේට ගියාම ඉදිය චීන ගෑනි අපිට තිබුන ඉස්කිරිමෙන්ම පෙන්නලා කිව්වා අද සීට් නෑ හෙටත් නෑ අනිද්දත් නෑ සදුද වෙනකල් නෑ කියලා. හුකා අපි සදුදා ගිහින් බැහැ නෙව. ඒ නිසා අපි වෙන ක්‍රමයක් බලමු කියල කතා වුනා. කතා වෙලා ආවා මුවන් සායි බස් නැවතුම්පොලට.

ලාඕ වල අනෙක් හැම තැනම වගේ මුවන් සායි වල බස් නැවතුම්පොලවල් දෙකයි. සදර්න් එකෙන් තමයි වියන්ටියෙන් වලට යන්නේ. අපි තව දවස් තුන හතරකින් බැංකොක් ඉන්න ඕනි. අපි හිටිය ලොකේසමේ ඉදලා බැංෙකාක් වලට කිලෝමීටර් එක්දාස් දෙසීයක් පැය විසි හතරක් විතර ගමනක් තිබුනා. ලාඕ කැපිටල් එක හරහා තායිලන්ත බෝඩරයට යන්න ගිහින් තිබුන පාර දුරයි. ඊට උඩින් මියන්මාරය පැත්තට වෙන්න ලාඕ තායි බෝඩරය ක්‍රොස් කරන්න ගියානම් ලේසියි. මොකද ඒ පාර තැන්න හරහා වැටෙන්නේ . එත් ඒ පැත්තටත් බස් නහැය කියල මම හිතන්නේ බස් ස්ටෑන්ඩ් එකේ හිටිය ගෑනි අපිලව ඇන්දුවා.


ගුවන් ගමන මග හැරීම

ෆ්ලයිට් තිබුනා ෆ්ලයිට් එකක් මුවන් සායි ඉදලා වියන්ටියෙන් වලට ගහගන්නවා නම් කීප් ලක්ෂ හතක් විතර යනවා. හැබැයි ෆ්ලයිට ්එක තිබුනේ ඊලග දවසේ. මම නම් උඩින්ම කැමති වුනා තව රැයක් මුවන්සායි වල ඉන්න. එත් මිතුරන් ඒ හැටි කැමති වුනේ නෑ. ඒ නිසා ආයෙම වියන්ටියෙන් එන්න බස් බුක් කලා. බස් එක තියෙන්නේ හවස.

කොන්ඩෙ කැපීම

මේකනන් කලින් දවසක සිද්දියක්. දවසක් වන්වියන් වලදි දැක්කා සැලොන් එකක් හැඩකාර ගෑනු ලමයි කොන්ඩ කපන. එතනින් ගාන අහල බැලුවා සාදාරනයි ලාඕ කිප් හැටදාහක් වගේ තමයි ඉල්ලුවේ. මගේ කොන්ඩේ වැඩිල තිබුන නිසා මම කපාගන්න ඕන කියල ගියා. හිටිය ලස්සනම කෙල්ලෙක් කොටට ඇදගෙන ඇවිත් කොන්ඩේ කැපුවා. රැවුලත් කැපුවා. හැබැයි ඉතින් කට් කපන්න ඔතනින් ටිකක් තියන්න ලාවට අල්ලන්න වගේ ඉන්ස්ට්‍රක්ශන් දෙන්න බාසාව බැහැ. මුලින්ම මොන විදිහටද ඕන කියල ඇහුවම පිංතුරයක් පෙන්නුවා සැලුන් එකේ තිබුන. ඒ විදිහට කැපුවා. යාලුවා පොඩ්ඩක් රැවුල අඩුකරගන්න ගියත් පොර හැරිල ආවා. මොකද අඩුකරනවා කියන එක කියාගන්න හැටියක් නැහැ නෙ.

වෙයිටින් ප්ලේස් එක

ඒ වෙද්දි වෙලාව දහයමාර එකොලහ විතර. එකෙක්ට කක්ක බරකුත් ඇවිත්. මලුත් එක්ක ස්ටෑන්ඩ් එකේ තැවරි තැවරි ඉන්නත් බෑ. ලග සුපර්මාකට් කඩේකට ගිහින් මොනාහරි බොන්න ගත්තා. ඒත් තව වෙලාව ඉතුරු. මසාජ් එකක් වත් දාගමුද කියල මසාජ් බෝඩ් එකක් තිබුන සැකකටයුතු තැනකට කිට්ටු වුනා තුන්දෙනා එක්ක හිමිහිට. අහ්. එතන මසාජ් එකක් නැහැ. එත් නවාතැන් දෙනවා. අපිට පැය හතරට කාමරයක් ඇහුවා ලාඕ කිප් එක්ලක්ෂ පනස්දාහක් දෙන්න කිව්වා. සාධාරනයි නේ. අපි ඇතුලට ගියා. හම්මට හොට්වෝටර්, ඒසී තියෙන සැප කාමර. අපි ටිකක් නින්දක් දාලා මම ගියා ඇදුමක් මිලදී ගන්න.

අපිල දවස් දෙක තුනකින් රෙදි හේදුවේ නෑ. ඔය රටවල ඇදුම් සයිස් වල ලොකු බක්කක් නැති නිසා මම වැඩිය ඇදුම් අරගෙන ගියේ නෑ. ඉතින් හෝදපු ඇදුන් ඉවර නිසා ඇදුන් ටිකක් ගන්න කියලා පාරට බැස්සා.

අනෙක් යාලුවෙකුත් සෙට් වුනා. ඇදුන් දෙකක් වගේ අරගෙන අපි තුනම ආයම කතා වෙලා මසා එකකට ආවා. ඒ මසාජ් පාලර එක තියෙන්නේ කලින් දවසේ නයිට් ලයිෆ් ඇක්ටිවිටි තිබුන ඒරියල් එකේමයි. ඒ ගෑල්ලමයි කලින් මාව දැකල තියෙද මන්දා.

මසාජ් එක

ලාඕ මසාජ් එක ටිකක් තදබල වැඩියි තායිලන්ඩ් එකට වඩා. ලාඕ එකේ තදබල නිල කෑලි ටිකක් අල්ලනවා තදින්ම. ඉතින් මුලින්ම බෙඩ් එකක තියලා තැලුව. ඉන් පස්සේ මෙට්ටෙක දාල තැලුවා. ආයේ බිම වාඩිවෙන්න කියලා කකුල් දාල තැලුවා තැලුම් ගොඩක් තිබුනා. ඒ අතර මසාජ් කර කර හිටපු ගෑනු තුන මොන මොනවද උන්ගේ බාසාවෙන් කිය කිය හිනාවෙනවා. උන් අපිලට හිනා වෙනවද වෙන මගුලකට හිනා වෙනවද අනේ මන්දා. #amila2r